% Text title            : Shri Bilhana Stava 02 51
% File name             : bilhaNastavaH.itx
% Category              : shiva
% Location              : doc\_shiva
% Proofread by          : Aruna Narayanan
% Description/comments  : From stotrArNavaH 02-51
% Latest update         : July 25, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bilhana Stava ..}##
\itxtitle{.. shrIbilhaNastavaH ..}##\endtitles ##
santu sahasraM devAstadguNadoShoktibhiH kimasmAkam |
shivameva varNayAmaH punarapi shivameva shivameva || 1||
dhatse mUrdhni sudhAmayUkhashakalaM shlAghye kapAlasrajaM
      vakShasyadrisutAkuchAgarurajaHsAndraM chitAbhasma cha |
tadbANAdikavipraNItalalitastotraprabandhapriye
      tvatkarNe labhatAmayaM mama girAM gumbho.api sambhAvanAm || 2||
pa~nchabrahmaShaDa~NgabIjamukharaprAsAdapa~nchAkShara\-
      vyomavyApipuraHsareShu manuShu prauDhiH kuto mAdR^ishAm |
o~NkArAdinamo.antamudritabhavannAmAvalIkalpitaM
      sarvaM mantratayA prabho pariNamatyantarbahiryAgayoH || 3||
sarveShAM hR^idi vidyase shiva tatastvad.hdhyAnayogena kiM
      vishvasyopari vartase yadi tatastvatpAdamUlena kim |
trailokyaM tvayi lIyate yadi tadA tvatprAptyupAyairalaM
      sarvaM chApi tavaiva tattvamaparaM daivaM na rochiShyate || 4||
prAsAdaistava kiM shmashAnavasateH snAnaiH kimasthispR^ishaH
      kiM vastraishcha digambarasya bhasitAlepasya gandhaishcha kim |
kiM dhUmaiH shavadhUmadhUmravapuShaH kiM kAlakUTAshino
      naivedyairapi bhaktimAtrasulabhaM tvAM deva sevAmahe || 5||
vadanti chetashchapalasvabhAvaM
      jalpanti doShAn kavayo guNAya |
tadyatra kutrApi vilIyamAnaM
      kadAchana tvayyapi dhAvatIti || 6||
enAMsi mAnasikavAchikakAyikAni
      kurmastathApi charaNaM sharaNaM dadI(de)thAH |
yo doShavantamapi rakShati rakShitAsau
      ko(kiM)vA na rakShati nirAgasamindumaule || 7||
AyuShi mahati vilambo bhavati bhavatpAdapa~NkajaprApteH |
hIne bhavadArAdhana(ne)vighAta ityubhayathApi kiM kurmaH || 8||
puMsAmAyurniTalaphalakeShvakSharairvidyamAnai\-
      rnishchinvAno vidhiravadhinA pUryamANaM sa lumpet |
naitatkartuM prabhavati mama tvatpadAmbhojayugma\-
      pratyAsannakShitinati (kiNAmR^iShTa) visa~NghR^iShTaphAlAkSharasya || 9||
shmashAne bhUtAnAM patiriti vijAnannapi jano
      nR^iNAM bhasmAnyasthInyapi kimiti tIrthaM namayati (gamayati) |
bhavaddehAshleShaM bhavadapaghanArohaNamapi
      svayaM labdhvA sveShAmakR^itaparipAkena bhavati
      (svayaM labdhAnAM kassukR^itaparipAko nu bhavati)
      (labdhAnyeShAM sukR^itaparipako na) bhavati || 10||
pretatAmamaratAM cha bibhratIM
      tvadbhujiShyapadavIM labhAmahe |
duShkR^itasya sukR^itasya chobhayo\-
      rnAntaraM tadapi dhArayAmahe || 11||
brahmottamA~NgalaviturnR^ikapAlaleDhuH (voDhuH)
      shrIkaNThapAdakamalaM varivasyatAM te |
hiMsApyashauchamapi nAgasi kAraNaM naH
      svAmIva sevakamiti pravadanti (lokAH) tajj~nAH || 12||
jaTAjUTe ga~NgAM niTalanikaTe shItakiraNaM
      punardehe devIM tuhinagiriputrIM pavayasi | (sphuTayasi |)
tataH sha~Nke lokatritayaparitApApaharaNaM
      vidhAtuM sannAho varada bhavatA bhAvita iti || 13||
vitteshasya kuberatA na viratA nIhArabhAnoH kShayo
      herambasya mahodaraM na galitaM daityAriruchchairgadaH |
a~NgaM bhR^i~NgiriTeshcha pANDu kR^isha(ta)mityAstAmamIShAM kathA
      tvaM shUlIti vidhIyase kathamayaM bhaktastavAnAmayaH || 14||
gR^ihyantAM vasaneShu charma bhujago hAreShu yAneShu gA\-
      rdhuttUraM kusumeShu nAtra rudituH kiM tatra (rudimaH kiM tvatra) kampAmahe |
abdheH kaustubhakAmadhenukamalAkalpadrumochchaiHshravaH
      pIyUShAdiShu satsu tAta bhavatA yaH kAlakUTagrahaH || 15||
uttara~Ngamadhimastakaga~NgA\-
      vAri dhArayasi vArijagandhi |
kiM payashchulukabilvadalaiste
      bhikShurujjhati kadApi na lAbham || 16||
sasyAropaNarakShaNAkShamatayA bhikShATanaM nirmitaM
      kachChagranthivimochanApaTutayA vAso dishaH kalpitAH | (lasatayA, pahatayA vAso)
shANAnveShaNagharShaNAlasatayA bhasmA~NgarAgaH kR^ito
      vishvotpAdanapAlanApaharaNAyAsastvayA nekShitaH || 17||
dhuttUrANi shiraHsrajaM pitR^ivanaM vAsaM viShaM bhojanaM
      garhyAnyAbharaNAni bhasma tilakaM vR^iddhokShamArohaNam | (sarpAshchAbharaNAni)
pretAn pAriShadAn vidhAya mamR^ije durmedhaso vedhasaH
      trailokyAnupayogivasturachanAvaiphalyadoShastvayA || 18||
vANI pa~NkaruhAsanasya gR^ihiNItyAsthAyi maunavrataM
      lakShmIH sAgarashAyinaH priyatametyagrAhi bhikShATanam |
itthaM svAminiShiddhasevakavadhUsambhogabIbhatsayA
      pa~nchAseviShata tvayA dhR^itidayAdAntikShamAmuktayaH || 19||
bhikShAM dehi gR^ihANa kIdR^ishamabhipretaM pratij~nA dR^iDhA
      bADhaM pR^ichCha himAchalaM na gR^ihiNI bhikShAM patiM pR^ichChati |
tadbhikShustanayAmiyaM trinayanAyattA pratij~nA mR^iShe\-
      tyantashChadmaparIkShitAchalavadhUbhAvAya tubhyaM namaH || 20||
sa svAmI jagatAM sakhA dhanapateH sevyaH surANAmiti
      shrutvA tubhyamumAM pratishrutavatI menA munInAM puraH |
tvAmAshAvasanaM pishAchasuhR^idaM pretAvR^itaM prA~NgaNe
      dR^iShTvA chitrashikhaNDibhiH prahasitaM mene naTairnATitaM (navairnATitam) || 21||
shUlAni kShiNu lohakAra DamarUn mAta~NgasiMhatvacho
      vyAlAn jA~Ngalika prayachCha shabara vyAghrAjinAnyAnaya |
khaTvA~NgAnyapi sUtradhAra ghaTayetyudvAhakolAhale
      daNDyante himavatpure bhavadanuj~nAtairgaNaiH kAravaH || 22||
shvashrUH savrIDameShA miShati na vihitaH ka~NkaNasyApi mokSho
      ko.asAvuddhUlanasyAvasara iti bhavAn mAtR^ibhirvArito.api |
nirvR^itto mAdhuparko vidhiriti girijAsiddhisiddhAntavAdI
      nirvANasya svapANi grahaNahutabhujo bhasmalipto nanarta || 23|| 
                        (grahaNajahutabhugbhasma)

ga~NgA kevalamambu shailatanayA patnItyamuShyAH puraH
      sA guptA shirasIti kelikalibhiH sA darshitAsyA iti |
sA jUTe.ardhavapuShyasAvapi dhR^itetyeko.anukUlaH shaTho
      dhR^iShTo dakShiNa ityajAyata chaturbhedo bhavAnnAyakaH || 24||
hAraM tyaktvAkShasUtraM shravasi maNisaraM chihnamau~njIguNAyAM
      kaTyAM shrIkhaNDapa~NkaM vigalitabhasite kakShatumbIkaraNDe |
maulau vR^ittAM narAsthisrajamapi makuTaM muktabhikShAkapAle
      pANau shailendradattAM shiva tava dadhato mugdhatA dhUrtatA vA || 25||
kiM sthAnaM cha (na) jagatsu saptasu paraM he padmavAse kuto
      he padmAsana padmamIshvarashiro.ala~NkAramArohatAM (ropitam) |
itthaM tanniyamArchanapraNayibhirmAheshvarairbhaktito (rbhartsitau)
manye vArdhishayasvabhAva bhavatA hR^innAbhipadmAsanau || 26|| 
(sya tatra bhavatA, sya tAvabhavatAM)

tvatpAdayorabjasahasrapUjAM
      netrAbjapUrNAM kR^itavatyupendre |
trinetra netrAbjasahastrapUjAM
      kurvannivendraH praNato vibhAti || 27||
netrAnale kAmakarIShadIpte
      kR^itAntakAShThajvalite pinAkin |
mUlAhutIstrINi purANi hutvA
      pUrNAhutiM vishvamidaM juhoShi || 28||
Aropya vAyumapi khecharatAM labhante
      hutvA hutAshamapi vAsavatAM bhajante |
shambho bhavachcharaNapadmamanarchayanto
      martyAH katha~nchidapi nAshnuvate bhavantam || 29||
Chindhi brahmashiro yadi prathayase preteShu sakhyaM yadi
      kShIbaH krIDasi mAtR^ibhiryadi ratiM dhatse shmashAne yadi |
sR^iShTvA saMharasi prajA yadi tathApyAdhAya bhaktyA manaH
      tvAM seve karavANi kiM trijagatImAnyaH sa eveshvaraH || 30||
vyAlebhyo.astu namaH pishAchasadasi nyastaH praNAmA~njali\-
      rnamrAH smo nR^ikapAladAmani chitAbhasmApi vandAmahe |
jAnubhyAM praNipatya chAruvachanaiH santoShayAmo vR^iShaM
      kiM kurmaH parameshvarasya charitaM vij~nAya vartAmahe || 31||
dhattAM bhAsmanama~NgarAgamajinaM vastraM(vastAM) cha tArakShavaM
      kApAlIM srajamAbibhartu kaTakaM chAheyamAmu~nchatu |
bhUyashchApi shivetarANi bhajatAM devastathApi svayaM
      satsvanyeShvapi daivateShu shiva ityekaH samAmnAyate || 32||
api kushalinI pretAvAsasthalI sahavAsinaH
      pramathapatayaH kachchijjIrNaH sukhI kimu sha~NkaraH |
api cha sulabhA bhikShAvR^ittirjagattrayanAtha te
      na khalu shithilaprAntaH kiM te gajAjinakambalaH || 33||
bho bho kaitakapuShpa saurabhanidhe khedaM vR^ithA mA kR^ithAH
      dR^iShTvA mUrdhni maheshvarasya rachitAmarkaprasUnAvalim |
asthiShvAbharaNaspR^ihAM vidadhataH kShArA(bhasmA)nuliptAkR^iteH
     (bhasmA~NgarAgAkR^iteH, rakShAnuliptAkR^iteH)
      nagnIbhUya cha nR^ityato.asya charitaM sarvaM sakhe tAdR^isham || 34||
bhavadbhavanadehalInikaTataNDudaNDAhati\-
      truTanmakuTakoTibhirmakhavadAdibhirbhUyate |
bhajema bhavadantikaM prakR^itimetya paishAchikIM
      kimityamarasampadaM pramathanAtha nAthAmahe || 35||
arthAnarthanirUpaNavyasanitAmADhyastutivyagratA\-
      meNAkShIkuchalAlanapraNayitAmadyApi vartAmahe |
tvad.hdhyAnavyavadhAnahetuShu manastvachchATuvighneShu vA
      tvatpUjAvidhureShu karmasu karaH shrIkaNTha notkaNThate || 36||
vAsaH shubhramR^iturvasanta samayaH puShpaM sharanmallikA
      dhAvantaH (dhAnuShkaH) kusumAyudhaH parimalaH kAstUrikAstraM (?)dhanuH |
vANI tarkarasojjvalA priyatamA shyAmA vayo yauvanaM
      mArgaH shA~Nkara eva pa~nchamalayA gItiH kavirbilhaNaH || 37||
ye bilhaNAhvayakavIshvarasampraNItA\-
      metAM stutiM shivamude.anvahamAmananti |
te prApnuvanti (prApnuvantu) puruShAyuShamAtmavidyA\-
      mArogyamaShTatanayAnakhilArthasiddhim || 38||
etadgranthasahasrashANakaShaNatruTyatkala~NkairgirA\- (nAyaM shlokaH bilhaNasya)
      mullAsaiH kathayanti bilhaNakaviH teShveva sannahyati |
bindudvandvatara~NgitAgnisaraNiH kartA shirobindukaM
      karmeti kramashikShitAnvayakalAH ye ke cha tebhyo namaH || 39||

|| iti shrIbilhaNastavaH sampUrNaH ||

##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}