% Text title            : Munayah Proktam Bilvapushpapanchamritadhanyajaladharadishivapujaphalavarnanam
% File name             : bilvapuShpapanchAmRRitadhAnyajaladhArAdishivapUjAphalavarNanam.itx
% Category              : shiva, shivarahasya, pUjA
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 24 | 91-143 ||
% Latest update         : February 1, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bilvapushpapanchamritadhanyajaladharadishivapujaphalavarnanam ..}##
\itxtitle{.. bilvapuShpapa~nchAmR^itadhAnyajaladhArAdishivapUjAphalavarNanam ..}##\endtitles ##
munayaH \-
sAdhu pR^iShTamidaM prAj~nAH shivapUjanasAdhanam |
shivArchanastrarUpaM cha vedoktamadhunochyate || 91||
\- \-
snAtvA jalaiH samuddhR^ilya bhasmanA.a~NgAni sAdaram |
agnirityAdibhirmantraiH kR^itvA bhasmAbhimantraNam || 92||
tripuNDradhAraNaM kR^itvA kR^itvA rudrAkShadhAraNam |
bilvamUle sannivishya japtvA mantraM ShaDakSharam || 93||
bilvavR^ikSha namaste.astu shivapUjanasAdhana |
mUlato bhavarUpAya madhyato mR^iDarUpiNe || 94||
agrataH shivarUpAya patrarvedasvarUpiNe |
skandhe vedAntarUpAya tarurAjAya te namaH || 95||
namaste bilvatarave bhAnusodara te namaH |
shivapUjodyatAbhIShTasAdhanAya namo namaH || 96||
iti samprArthya taM bilvaM natvA kR^itvA pradakShiNam |
kR^itA~njalipuTo bhUtvA prArthayet punarAdarAt || 97||
vedarUpANi patrANi shivapUjArthamadya te |
prArthayAmIti samprArthya bhavet tadgrahaNodyataH || 98||
rudrAdhyAyaM japanneva smarannante maheshvaram |
gR^ihItvA bilvapatrANi pUjayegadgirijApatim || 99||
subilvapatrapR^iShTena yojayeli~Ngamastakam |
uttAnaiH pUjayetpatraiH uttarAgrairjalAnvitaiH || 100||
yathotpannena puShpeNa pUjayet girijApatim |
sarvAtmanA vR^intahInaM bR^ihatIpuShpamarchayet || 101||
vR^intahInAni padmAni kumudAni navAnyapi |
shivapUjopayuktAni nAnyAnItyavadhAritam || 102||
champakAmallikAjAtI karavIrAdikAni tu |
yatheShTameva deyAni sitAnyapyasitAnyapi || 103||
arkaM vA karavIraM vA bakaM kanakameva vA |
datvA li~Nge shivaM smR^itvA bhaktyA pApaiH pramuchyate || 104||
navAruNaiH bilvapatraiH pUjayitvA maheshvaram |
brahmahApi vimuktaH syAt bhUtirudrAkShabhUShaNaH || 105||
uddhUlya bhasmanA~NgAni dhR^itvA tiryak tripuNDrakam |
bilvapatraiH samabhyarchya mukto bhavati mAnavaH || 106||
bhaktyA datvA maheshAya komalaM bilvapallavam |
kailAsaM samavApnoti gR^ihaM gR^ihapatiryathA || 107||
santi patrANyanekAni prasUnAnyapi koTishaH |
bilvapatrArpaNenaiva tuShTo bhavati sha~NkaraH || 108||
ekasya bilvapatrasya shivali~Nge pradAnataH |
yat puNyaM samavApnoti tadvadedgirijApatiH || 109||
bilvapatra pradAnasya phalametAvadityapi |
vedairapi na vij~nAtaM anyeShAM tatra kA kathA || 110||
bilve bhasmani rudrAkShe sha~Nkarasya yathA ruchiH |
tathA ruchirbhavAnyAM tu tathA.anyeShu ruchirna tu || 111||
akhaNDAni sakhaNDAni bilvapatrANi teShvapi |
atiprItirakhaNDeShu durlabhAnyeva tAni tu || 112||
li~NgAni durlabhAnyeva bilvapatrANyapi svataH |
sulabhAni bhavantyeva kvachit bhAgyavatAM nR^iNAm || 113||
navAni bilvapatrANi durlabhAni bhavanti chet |
anavAnyapi sampAdya pUjayet tairumApatim || 114||
bilvapatrANi deyAni shuShkANi patitAnyapi |
bhinnAnyapi navAbhAve ChidrANyapi kadAchana || 115||
yAvattadrakShaNaM shakyaM tAvatkR^itvaiva sAdaram |
deyaM bilvaM maheshAya tachchUrNamapi tatpriyam || 116||
durlabhaM bilvachUrNaM chet bilvachandanameva vA |
dadyAnnityaM maheshAya tena tuShyati sha~NkaraH || 117||
bilvapatrairanabhyarchya tachchUrNairapi chandanaiH |
na bhoktavyaM na shetavyaM kadApi dvijajanmanA || 118||
aparANi sugandhIni prasUnAni maheshvaraH |
bilvAbhAve na gR^ihNAti tena prItaH sadAshivaH || 119||
sUryAbhAve yathA dhvAntaM na nashyati tathA surAH |
bilvapatrArchanAbhAve na pApaM yAti sarvathA || 120||
bilvItarujavAte vA yA prItirgirijApateH |
sA prItiH puShpavAte.api sha~Nkarasya na jAyate || 121||
sUryaH sR^iShTo maheshena dhvAntasaMharaNAya saH |
bilvaH sR^iShTaH shivenaiva pApanAshAya kevalam || 122||
AdityaH samabhUt somAt somAdbilvaH prajAyate |
umayA sahitaH somaH sa tayorjanako yataH || 123||
nIlotpalakR^itAM mAlAM sha~NkarAya samarchayet |
praphullapadmamAlAM cha kuDmalairnArchayet shivam || 124||
karavIraprasUnAni prakShipya li~Ngamastake |
muchyate pAtakaiH sarvaiH brahmahatyAdibhiH surAH || 125||
karavIraprasUnena yo nArchayati sha~Nkaram |
sa daridro bhavatyeva savaMshaH pratijanmani || 126||
mandAraiH kanakairvApi yaH sAyaM shivamarchayet |
sa muktaH pApakoTibhyo mukto bhavati mAnavaH || 127||
bR^ihatIkusumairnityaM yo.archayet girijApatim |
asthUlairapi vA sthUlaiH muchyate pApabandhanAt || 128||
yaH prayachChati sharvAya phulllAM pa~NkajamAlikAm |
sAya~NkAle visheSheNa sa yAti shivamandiram || 129||
pubhAgamAlikAM datvA maheshAya nishAmukhe |
muchyate pApakoTibhyaH sadya eva na saMshayaH || 130||
shatapatraprasUnAni yaH prayachChati sha~Nkare |
droNapuShpANi vA nityaM sa yAti shivamandiram || 131||
pArijAtaprasUnAni yo dadAti maheshvare |
vakulAnyapi pUtAtmA sa mukto bhavati dhruvam || 132||
yaH pUjayenmahAdevaM kundasundaramAlayA |
sa gandharvapatirbhUtvA prayAti shivamandiram || 133||
archayitvA mahAdevaM ketakIkusumairnishi |
arAtibhyaH sarvathApi na bibhetyeva mAnavaH || 134||
durvA~NkurairnavaiH shuddhairabhipUjya sadAshivam |
sarvapuShpArchanaphalaM prApnotyeva na saMshayaH || 135||
yavataNDulagodhUmaiH chaNakairdvidalairapi |
sitAsitaistilairIshaM sarShapaishcha samarchayet || 136||
priya~Ngubhishcha nIvAraiH shyAmAkaiH shAlibhistathA |
aNubhishcha samArAdhya muchyate pApakoTibhiH || 137||
dadhnA kShIrairghR^itenApi madhunA sitayA.api cha |
samabhyarchya mahAdevaM muchyate pApakoTibhiH || 138||
himashIkarasa~NkAshanIradhArAbhiShechanam |
mahAli~Nge pradoSheShu mahApApaiH pramuchyate || 139||
kShIrAjyamadhudhArAbhiH yo.abhiShi~nchedumApatim |
sa eva hayamedhAdiyAgakoTiphalaM labhet || 140||
AkalpArjitapApanAshakamiti j~neyaM shivArAdhanaM
sAmAnyena tadapyakhaNDabilvIdalaishchaitkR^itam |
tat kiM kiM phalamAtanoti bahudhA tannaiva jAne nijaM
dAsyatyeva padaM sadAshiva iti j~nAtaM tadanyattathA || 141||
muktiprAsAdamArgaprathitamaNilasaddIrdhasopAnapa~NktiH
bhaktiH shrIpatinetrapUjitashivAkAntA~Nghripa~Nkeruhe |
sA bhaktiryadi bilvapallavalasanmallIprasUnArpaNe
shA~Nge li~Ngavare tadA jitamidaM tAvajjagajjAyate || 142||
dhanyairjanmasahasrasAdhitamahApuNyArNavaiH kevalaM
bhaktiH sha~NkarapAdapadmabhajane tAvatparaM labhyate |
sA labdhA jananAdiduHkhanikaraM hantyeva hantyApadAM
rAshInapyamitAn karoti paramAnandAshrayaM sarvadA || 143||

|| iti shivarahasyAntargate munayaH proktaM bilvapuShpapa~nchAmR^itadhAnyajaladhArAdishivapUjAphalavarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 24| 91\-143 ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 24. 91-143 ..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}