% Text title            : Chandisha Ashtakam
% File name             : chaNDIshAShTakam.itx
% Category              : shiva, aShTaka
% Location              : doc\_shiva
% Author                : Durgaprasad DvivedI
% Transliterated by     : Lalitha Mallikarjunan
% Proofread by          : Lalitha Mallikarjunan, Kamini Viswanathan
% Latest update         : January 9, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Chandisha Ashtakam ..}##
\itxtitle{.. chaNDIshAShTakam ..}##\endtitles ##
AsmAkInaM karAlaM javamiha bhuvane kaH sahedityakharvA\-
       ha~NkArollAsavalgallaharishataluThallolayAdomatallI |
mallImAleva yasyodbhaTavikaTajaTAkoTare niShpatantI
       dIvyatyabhrasravantI sa mama hR^idi sadA bhAtu chandrArdhachUDaH || 1||
vyomnIvAmbhodalekhA hR^ida iva laharIdhoraNI pUShaNIva
       shyAmAkAntAMshulakShmIrudayamatha layaM yAti yatra trilokI |
jvAlAjihvAlaphAlajvalanakavalitoddarpakandarpavIro
       hIrovR^indArakANAM vishadayatutarAM shemuShIM so.aShTamUrtiH || 2||
udyatsAndrAmbuvAhavyatikarasuShabhAsannibhe kaNThapIThe
       shampArAjIva yasyAvanidharaduhi turdorlatA jAjvalIti |
sa trailokyaikanAtho.adititanayadhunImugdhaDiNDIrapiNDa\-
       prakhyaH shrIka~NkaTIko mama nibiDatamogranthibhedAya bhUyAt || 3||
santApasvinnachUDAmR^itakiraNagalatsphArapIyUShadhArA
       bhAlAgnau yasya dugdhAhutiriva satataM spandamAnA chakAsti |
sa brahmANDaprakAshAvanalayaghaTanAnATikAsUtradhAro
       gaurIprANapriyo naH prathayatu nitarAM tAni tAnIhitAni || 4||
shrIpIyUShAdivastuprakaravibhajanodbhUtavAdaikavij~nA
       deva.nmanyA maheChA ahaha kati divo bhArabhUtA na santi |
devastvekastrilokAdmaraviShakavalIkArakelIvidagdho
       varvartyArtAnukampAdhR^itatanughaTanAsechano rerihANaH || 5||
puShpAneheva bADhaM vibudhaviTapiShUtkarShapuShpaprakarSha
       tanvansupto.api sadyo mayapuradahanaM yo vyAdhAdvishrvabhUtyai |
so.avyAnmUrto.apyamUrto yatirapi satatAhInabhogopabhogI
       kAntAshliShTo.apyakAntaH shashadharamukuTAla~NkR^itirdevadevaH || 6||
devAnAM sArvabhaumo vividhabhavabhavAj~nAnavATIkuThAraH
       shreyaH shrIra~NgashAlAkhilanigamakalAkalpanollAsasImA |
sarvAhobha~NgabIjaM munijanahR^idayAgAraratnapradIpaH
       kashchidbhU mAstu bhUtyai sphuTakumudavanIbhArgavIgeyakAntiH || 7||
kroDakrIDatpR^idAkUtkaTavikaTajaTATopaTa~NkArakeli\-
       truTyannakShatrachakrakramikachaTachaTAkArivR^iShTiprakR^iShTam |
uchchairdordaNDakhaNDabhramaNavalayitAshebhachItkArachaNDaM
       pAdaprakShepakamprakShiti madanakR^iShastANDavaM naH punAtu || 8||

|| iti shrIdurgAprasAdadvivedIvirachitaM chaNDIshAShTakaM sampUrNam ||
##

Encoded by Lalitha Mallikarjunan
Proofread by Lalitha Mallikarjunan, Kamini Viswanathan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}