% Text title : Shri Chidambareshvara Shrinataraja Devalayastha Devata Stotram % File name : chidambareshvarashrInaTarAjadevAlayasthadevatAstotraM.itx % Category : shiva, stotra % Location : doc\_shiva % Proofread by : Aruna Narayanan % Description/comments : From shrInaTarAjastavamanjarI % Latest update : July 10, 2022 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Chidambareshvara Shrinataraja Devalayastha Devata Stotram ..}## \itxtitle{.. shrIchidambareshvara shrInaTarAja devAlayastha devatAstotram ..}##\endtitles ## shrIgaNeshAya namaH | shrIchitsabheshAya namaH | 1\. shrIgopurANi (dakShiNagopuradvAre annamayaprAkAre) namAmi gopurANIsha tava mUrtyantarANyaham | tAnyadya parayA bhaktyA muktaye naTanAyaka || 1|| 2\. shrInandikeshaH nandikesha mahAbhAga shivadhyAnaparAyaNa | naTeshvarasya sevArthaM anuj~nAM dehi me prabho || 2|| 3\. shrIjayaH (gopurapashchime) jayAya jayarUpAya gopuradvAravartine | jayadAya naTeshAnarakShakAya namo.astute || 3|| 4\. shrIvijayaH (gopurapUrve) vijayAya namastubhyaM bhaktebhyo jayadAyine | maheshAnadvArarakShAM kurvate bhayahAriNe || 4|| 5\. shrIgaNeshaH shrIgurumUrtishcha (prANamayaprAkAre) dakShiNAbhimukhaM devaM gaNeshaM gurumeva cha | vighnAnAM cha vinAshAya vidyAlAbhAya cha stumaH || 5|| 6\. shrIkArtikeyaH uttarAbhimukhaM skandaM kArtikeyaM mahAprabhum | vande vA~nChitalAbhAya strINAM stanyapravardhakam || 6|| 7\. shrImUShikendraH mUShikendra namastubhyaM gaNeshadhyAnatatpara | gaNeshasya tu sevArthaM anuj~nAM dAtumarhasi || 7|| 8\. shrItrishivavinAyakaH (mukkuruNivinAyakaH) trishivAkhyaM cha varadaM gajavaktraM salaDDukam | dantapAshA~NkushadharaM vande.ahaM gaNanAyakam || 8|| 9\. shrIvijayasubrahmaNyaH (pashchimagopuradakShiNabhAge) mayUrapi~nChAvalimeghapa~NkteH madhye sahasrAMshumivodayantam | ripau cha pANau cha sadA dadhantaM daNDaM bhaje ShaNmukhamAshutuShTidam || 9|| 10\. shrIkalpakavinAyakaH yasya smaraNamAtreNa sarvAH sid.hdhyanti siddhayaH | taM gaNeshamahaM vande kalpakAkhyamaharnisham || 10|| 11\. shrIbilvavR^ikShaH mUlato brahmarUpAya madhyato viShNurUpiNe | agrataH shivarUpAya bilvavR^ikShAya te namaH || 11|| 12\. shrInAgarAjaH nAgarAja namastubhyaM devesha harabhUShaNa | viShNutalpa namaste.astu sarpabhItiM nivAraya || 12|| 13\. shrIvIrasubrahmaNyaH vallIsenAyutaM muttukumArasvAminaM prabhum | tArakaghnaM mahAvIrasubrahmaNyamupAsmahe || 13|| 14\. shrIsundareshvaraH sundaraM mathurAnAthaM mInAkShIvallabhaM shivam | chidambarakR^itAvAsaM sundareshamahaM bhaje || 14|| 15\. shrImInAkShI jagadamba kadambamUlavAse kamalAmodamukhendumandahAse | madamandirachArudR^igvilAse mayi mInAkShi kR^ipAM vidhehi dAse || 15|| 16\. shrI AdivinAyakaH shivaga~NgApashchimasthadeshe stambhaikasaMyute | maNDape saMsthitaM AdivinAyakamupAsmahe || 16|| 17\. shrIchitraguptaH chitraguptaM mahAprAj~naM sAkShiNaM sarvadehinAm | namAmi dharmAdharmaj~naM lekhinIpatradhAriNam || 17|| 18\. shrIchakraM shrIchakraM shivashaktyaikyabodhakaM yantramuttamam | sarvakAmapradaM sarvadeveDyaM samupAsmahe || 18|| 19\. shrInandikeshaH nandikesha mahAbhAga shivAdhyAnaparAyaNa | maheshvaryA susevArthaM anuj~nAM dAtumarhasi || 19|| 20\. shivakAmasundarI shrImachchitpuravAsinIM bhayaharAM j~nAnapradAM nirmalAM shrImadbrahmanutAM charAcharamayIM sarvArthasiddhipradAm | shrImatShaNmukha vighnarAjajananIM shrImajjaganmohinIM kalhAraM japasR^ichChukAM karikarAM devIM sadA bhAvaye || 20|| 21\. sapta mAtaraH brAhIM mAheshvarIM chaiva kaumArIM vaiShNavIM tathA | vArAhIM nArasiMhIM cha chAmuNDAM praNamAmyaham || 21|| 22\. shrIchaNDikeshI shivakAmIpadAmbhoja parisphuritamAnase | devyAssevAphalaM dehi chaNDikeshi namo.astute || 22|| 23\. shrIpR^ithvIdevI ikShushAliyavasasyaphalADhyAM pArijAtatarushobhitamUle | svarNaratnamaNimaNDapamadhye chintaye sakalalokadharitrIm || 23|| 24\. shrIdurgA sharaNamasi surANAM siddhavidyAdharANAM munimanujapashUnAM dasyubhistrAsitAnAm | nR^ipatigR^ihagatAnAM vyAdhibhiH pIDitAnAM tvamasi sharaNamekA devi durge namaste || 24|| 25\. shrImayUreshaH mayUresha namastubhyaM ShaNmukhadhyAnatatpara | ShaNmukhasya susevArthamanuj~nAM dAtumarhasi || 25|| 26\. shrI pANDyanAyakaShaNmukhasubrahmaNyaH ShaDvaktraM shikhivAhanaM triNayanaM chitrAmbarAla~NkR^itaM vajraM shaktimasiM trishUlamabhayaM kheTaM\-dhanushchakrakam | pAshaM kukkuTama~Nkusha~ncha varadaM dorbhirdadhAnaM sadA vande siddhidamIshvaraM shivasutaM skandaM surArAdhitam || 26|| 27\. shrIvallI skandasya dakShiNebhAge sthitAM pa~NkajadhAriNIm | dakShe lambakarAM shyAmAM vallIdevIM namAmyaham || 27|| 28\. shrIdevasenA guhasya vAmabhAgasthAM pItAmutpaladhAriNIm | vAme lambakarAM devasenAM naumi mahendrajAm || 28|| 29\. shrIjayamurukaH var.(shrIjayamurugaH) jayAnandabhUman jayApAradhAman jayAmoghakIrte jayAnandamUrte | jayAnandasindho jayAsheShabandho jaya tvaM sadA muktidAneshasUno || 30\. shrIyamadharmarAjaH nIlaparvatasa~NkAshaM rudrakopasamudbhavam | kAlaM daNDadharaM devaM vaivasvatamupAsmahe || 30|| 31\. shrIkAlahastIshvaraH dattvA svamAMsanayane shabaro.api yasmai dUrIchakAra mahatImapi kAlabhItim | vande samastasulabhArchitapAdapadmaM taM kAlahastIshamapAradayAmburAshim || 31|| 32\. shrIj~nAnaprasUnAmbikA shrIkAlahastIshvaradharmapatnIM j~nAnaprasUneti prasiddhanAmnIm | j~nAnapradAtrIM paramAmbikAM tAM j~nAneShTasid.hdhyai praNamAmi nityam || 32|| 33\. nava li~NgAni madhyasthaM bhAskareshaM cha pashchAda~NgArakaprabhum | shukreshaM somanAthaM cha budheshaM cha guruprabhum || 33|| shanIshaM rAhunAthaM cha ketvIshaM cha sadA numaH | eteShAM pUjanenaiva prasIdeyuH nava grahAH || 34|| 34\. shrIshivaga~NgA viShNossa~NgatikAriNI shivajaTAjUTATavIchAriNI prAyashchittanivAriNI jalakaNaiH puNyaughavistAriNI | bhUbhR^itkandaradAriNI nijajale majjajjanottAriNI shrImachitkhapure sthitA vijayate ga~NgA shivetyanvitA || 35|| 35\. shrIjambukeshvaraH shrutyantavedya mahase kiTihaMsarUpa govindapadmabhavamR^igyapadAbjamUrdhan | bhUyo.akhilANDaramaNI satatArchitAya shrIjambumUlanilayAya namobhavAya || 36|| 36\. shrItIrthAlokana gaNapatiH sa jayati sindhuravadano devo yatpAdapa~NkajasmaraNam | vAsaramaNiriva tamasAM rAshiM nAshayati vighnAnAm || 37|| 37\. shrIkailAsanAthaH kailAsanAthaM vishveshaM pArvatI prANavallabham | kR^ipAluM jagadAdhAraM vande sampatsamR^iddhidam || 38|| 38\. shrIsomanAthaH vedopagItaM bhuvaneshvaraM cha tejasvinaM sarvamano.abhirAmam | shrIsomanAthaM bhujagendrahAraM namAmi nityaM bhavarogavaidyam || 39|| 39\. shrIga~NgAdharaH ga~NgAdharaM dashabhujaM sarvAbharaNabhUShitam | nIlagrIvaM shashA~NkA~NkaM nAgabhUShaNamAshraye || 40|| 40\.shrIkalAdharaH kalAdharaM mahAdevaM kAlakAlaM kalApriyam | shivaM shivakaraM nR^INAM shivAjAnimupAsmahe || 41|| 41\. shrIpuruShamR^igaH dhyAnaikaniShThaM puruShamR^igaM bhaktavaraM param | shivasevAphalaprAptyai namAmi shivasannidhau || 42|| 42\. shrIAmraphalavinAyakaH vinAyakaM chAmraphalahastaM vighnavinAshakam | bhaktebhyaH phaladAtAraM namAmi dviradAnanam || 43|| 43\. annapUrNA annapUrNe vishAlAkShi vishvanAthamanohari | chidambarakR^itAvAse sampUrNAnnaM prayachCha me || 44|| 44\. shrI somAskandamUrtiH somAskandaM surapatiM sundaraM somashekharam | somasUryAgninetrANi dadhataM praNamAmyaham || 45|| 45\. shrIsharabheshvaraH yo.abhUtsahasrAMshu shataprakAshaH nR^isiMhasa~NkShobhasamAttarUpaH | sapakShisiMhAkR^itiraShTapAdaH pAyAdapAyAt sharabheshvaro naH || 46|| 46\. shrIUrdhvatANDavamUrtiH vANIvallabha vandya vaibhavayutaM vandAruchintAmaNiM vAtAshAdhipabhUShaNaM varakR^ipAvArAnnidhiM shrIkaram | UrdhvAnandavisheShatANDavakaraM shrInR^ittarAjeshvaraM vAmA~NgAptavarA~NganaM shivamahaM shrImannaTeshaM bhaje || 47|| 47\. shrIkAlasaMhAramUrtiH mR^ityu~njaya mahArudra pAhi mAM sharaNAgatam | janmamR^ityujarArogaiH pIDitaM karmabandhanaiH || 48|| 48\. shrImahAlakShmIH bhUyAdbhUyo dvipadmAbhayavaradakarA taptakArtasvarAbhA shubhrAbhrAbhebhayugmadvayakaradhR^itakumbhAdbhirAsichyamAnA | ratnaughAbaddhamauliH vimalataradukUlArtavAlepanADhyA padmAkShI padmanAbhorasi kR^itavasatiH padmagA shrIH shriyai naH || 49|| 49\. shrIdaNDAyudhapANiH daNDAyudhadharaM devaM murukaM bAlarUpiNam | subrahmaNyaM sureshAnaM sarvAbhIShTapradaM bhaje || 50|| 50\. shrIAkAshavinAyakaH (draviDavedapradarshakaH) AkAshasthaM drAviDashrIvedasandarshakaM prabhum | mahAgaNapatiM cholabhUpavanditamAshraye || 51|| 51\. shrImAyUranAthaH mayUrarUpadhAriNyA pArvatyA pUjitaM shivam | mayUranAthamIshAnaM praNamAmi maheshvaram || 52|| 52\. shrImayUreshaH shaktihastaM virUpAkShaM maNikuNDaladhAriNam | shyAmalAtanayaM skandaM mayUreshaM namAmyaham || 53|| 53\. shrImayUragaNapatiH gaNeshaM pArvatIsUnuM mayUrapadapUrvakam | malatrayApahantAraM chandrachUDAmaNiM bhaje || 54|| 54\. drAviDavedapravartakAH shivabhaktAgresarAH chatvAraH vAgIsha j~nAnasambandhamaNivAchakasundarAn | drAviDashrIvedagAna gAyakAn saMshraye mudA || 55|| 55\. shrIdakShiNAmUrtiH sphaTikarajatavarNaM mauktikImakShamAlAM analakalashavidyAM j~nAnamudrAH karAbjaiH | dadhatamuragakakShaM chandrachUDaM triNetraM vaTatarusukhavAsaM dakShiNAmUrtimIDe || 56|| 56\. shrIpallIshaH pallIshAya namastubhyaM parameshAya te namaH | pallIpatanajaM doSha nivAraya sukhaM kuru || 57|| 57\. vallabhAgaNapatiH vande mahAgaNapatiM madanArisUnuM vAmorususthavanitAbhujaveShTitA~NgaM vallIshapUrvajamabhIShTadamAshritAnAM vANIpatipramukhadevagaNArchitA~Nghrim || 58|| 58\. shrIjaganmohanagaNapatiH girijAhastalikhita chitrabhittivibhUShaNam | jagatAM mohakaM devaM vande gaNapatiM sadA || 59|| 59\. shrInandikeshvaraH nandikesha mahAbhAga shivadhyAnaparAyaNa | umAsha~NkarasevArthamanuj~nAM dAtumarhasi || 60|| 60\. shrImUlanAthaH jaTAtaTI jahrukumArikAyAH tATa~NkitA yasya tara~Ngasa~NghaiH | tasmai mahimnAmavasAnasImne shrImUlanAthAya namashshivAya || 61|| 61\. shrIumA pArvatI namAmi menAtanayAmameyAM umAmbikAmAnatanandadAtrIm | vishAlanetrAM praNamAmi gaurIM chaturbhujAM dakShiNamUlanAthAm || 62|| 62\. shrIvishvanAthaH vAchAmagocharamanekaguNasvarUpaM gaurInirantaravibhUShitavAmabhAgam | vAgIsha viShNusurasevitapAdapIThaM vande chidambarapatiM shivavishvanAtham || 63\. shrIekAmreshvaraH kAmAkShyA kavitAdAtryA kA~nchyAmAmrataroradhaH | pUjitaM chitpure vande ekAmreshvaramuttamam || 64|| 64\. shrIkalpakavR^ikShaH kalpavR^ikSha namastubhyaM devavR^ikSha namo.astu te | tvadIyamUlanikaTe vA~nChitaM sulabhaM bhavet || 65|| 65\. shrIvaidyanAthaH anavadhidayApIyUShAmbhodhisAramayaM nijasmaraNasamayAlIDhAsheShAmayagrahapIDanam | niTilanayanajyotiH svAhAkR^itAsamasAyakaM jayatu mahitaM tejaH shrIvaidyanAthasamAhvayam || 66|| 66\. shrI daivanAyakI namAmi bhavasantApanirvApaNasudhAnadIm | shrI daivanAyakIM devIM kAntAM chandrArdhashekharAm || 67|| 67\. shrI vinAyakaH mahAgaNapatiM vande mahAvighnanivAraNam | mahAdevasutaM devaM mahAshailasutAsutam || 68|| 68\. shrItrisahasramunIshvaraH naTarAjasamaM devaM trisahasramunIshvaram | naTeshapUjakaM vande tillAraNyanivAsinam || 69|| 69\. shrIardhanArIshvaraH yadardhA~NgaM nArI vilasati parAkAntiruchirA parA~NgaM puMrUpaM jayati cha jaTAjUTaruchiram | sadA shR^i~NgAritvaM vahati vapuShaivaM tribhuvane namastasmai kasmaichidakhilavivartAya mahase || 70|| 70\. shrIsundaravinAyakaH vAmA~NkArUDha vAmoruvakShojAnItapuShkaram | vighnavAraNaharyakShaM vighnarAjamupAsmahe || 71|| 71\. shrImahAli~NgaM mahAli~NgaM mahAbhAgaM maheshvaramumApatim | mahAsenaguruM vande mahAbhayanivAraNam || 72|| 72\. shrIbR^ihatsundarakuchAmbA mahAli~Ngasya mahiShIM mahanIyAM dayAnidhim | shrI bR^ihatsundarakuchAmambAM vande.akhileShTadAm || 73|| 73\. shrIchaNDikeshaH mUlanAtha\-padAmbhoja parisphuritamAnasa | shambhossevAphalaM dehi chaNDikesha namo.astute || 74|| 74\. shrIaruNAchaleshvaraH AdhArAchala kaitavAdatichiraM piNDIkR^itaM pAvakaM rakShandagdhumivAkhilaM pratimuhuH kalpAntakAle jagat | pAyAnnaH karuNAmR^itormisaralairAlokanairAnatAn eNA~NkArdhashikhAyutaH sa bhagavAn shoNAchalAdhIshvaraH || 75|| 75\. shrIshAstA hareH shrImohinIrUpadhAriNaH shrIshivasya cha | jAtaM shAstAramIshAnaM vande shaktidvayAnvitam || 76| 76\. shrIdevasabhAsthadevAH devatAnAM sabhA yatra rAjate tatra saMsthitAn | devAn devIMshcha bhaktAMshcha praNamAmi varapradAn || 77|| 77\. shrIka~nchukanAthaH (shaTTanAthaH) devo bhairavanAmavAn shuni mahAdevAj~nayA yaH sthitaH vR^iddhaM vAmanametya vakShasi jaghAnaikena taM pANinA | utkR^itya tvachamasya ka~nchukatayA chAtmAnamasmin dadhau taM vande sukhadaM chidambarapure shrIshaTTanAthAhvayam || 78|| 78\. shrInavagrahAH sUryAya lokagurave dharaNIsutAya shukrAya shItaruchaye vidhunandanAya | indrAdidevagurave shanirAhave cha ketugrahAya shubhadAya namAMsi nityam || 79|| 79\. shrIsha~NkhadhmavinAyakaH kalpAntakAle shishurUpadhArI sha~NkhaM samAdAya mahAsvanena | dadhmau hi yaH kA~nchanasadmanAthaM sha~NkhaghmavighneshvaramAdyamIDe || 80|| 80\. shrIardhayAmasundaraH sundaraM shivarakShAyAM tatparaM shivaki~Nkaram | namAmi shivasevAyAH phalalAbhAya bhAsvaram || 81|| 81\. shrIgaruDaH vainateyaM cha pakShIndraM viShNuvAhaM mahottamam | sarpAriM garuDaM vande sarpabhItinivArakam || 82|| 82\. shrIsha~NkaranArAyaNau vande sha~NkhakapAla bhUShitakarau mAlAsthimAlAdharau devau dvAravatIshmashAnanilayau nAgArigovAhanau | dvitryakShau balidakShayaj~namathanau shrIshailajAvallabhau pApaM me haratAM sadA hariharau shrIvatsa ga~NgAdharau || 83|| nArAyaNaM hR^idi vibhAvya tadIyahArdA\- kAshe shivaM girijayA sahitaM naTesham | sa~nchintayetsatatamevamupAsanena siddhiM labheta niyatAM nirupAdhikAM tAm || 84|| 83\. shrIgovindarAjasannidhau hiraNyanarasiMhaH stambhe.asminnapi satyamasti sa hariH tarhIha hanyAmamuM viShNuM va~nchitadAnavaM mama ripuM dhUrtaM mahAmAyinam | ityAkrushya ruShA hiraNyakashipuM stambhaM vibhettuM padA ghnantaM yastarasA jaghAna bhagavAn taM shrInR^isiMhaM bhaje || 85|| 84\. shrIsudarshanaM sudarshanaM mahAvegaM govindasya priyAyudham | jvalatpAvakasa~NkAshaM shrIchakraM praNamAmyaham || 86|| 85\. shrIpA~nchajanyaM kShIrasAgarasa~njAtaM viShNunA vidhR^itaM kare | pUjitaM sarvadevaishcha pA~nchajanyaM namAmyaham || 87|| 86\. shrIveNugopAlaH rukmiNIsatyabhAmAbhyAM saMyutaM devakIsutam | gItopadeshakaM veNugopAlaM naumi sundaram || 88|| 87\. shrIpata~njaliH anasUyAsutaM devamAdisheShaM pata~njalim | atressUnuM mahAbhAShyarachitAramahaM bhaje || 89|| 88\. shrIkaNvaH kaNvaM maharShipravaraM kANvashAkhApravartakam | shakuntalApoShakaM taM j~nAninaM praNamAmyaham || 90|| 88\. shrIgaruDArUDhaH dakShahaste chakradharaM vAmahaste cha sha~Nkhakam | dadhataM garuDArUDhamUrtiM viShNuM bhaje.anvaham || 91|| 90\. shrIyoganarasiMhaH prahlAdAhlAdakaM yoganarasiMhaM natArthadam | sha~NkarAchArya sukhadamuttarAbhimukhaM bhaje || 92|| 91\. shrIrAmapAdadvayaM rAmachandrapadAmbhojadvayaM saMsAratArakam | ahalyArUpadAtAraM paramaM praNamAmyaham || 93|| 92\. shrIviShvaksenaH yasya dviradavaktrAdyAH pAriShadyAH parashshatam | vighnaM nighnanti satataM viShvaksenamupAsmahe || 94|| 93\. shrIA~njaneyaH A~njaneyaM mahAprAj~naM rudrasyAMshaM mahAbalam | kapivaryaM mArutiM cha hanumantaM namAmyaham || 95|| 94\. || shrIgovindarAjaH || shrImAnkShIrArNavAntaH phaNipatishayane chandrakhaNDAtigaure bhUmAnIlAsametaH sakala bhuvanasaMrakShaNopAyachintAm | nidrAvyAjena kurvan niravadhimahimA nityamuktAbhivandyaH shete govindarAjaH pradishatu sutarAM santataM ma~NgalaM naH || 96|| 95\. (shaThAriH) shrI rAmapAdukA rAmapAdasahadharmachAriNIM pAdukAM nikhilapAtakachChidam | tAmasheShajagatAmadhIshvarIM bhAvayAmi bharatAdidevatAm || 97|| 96\. shrInR^ittavinAyakaH mAtAmahamahAshailaM mahastadapitAmaham | piNDIkR^itamahAvighnaM nR^ittavighneshvaraM bhaje || 98|| 97\. shrIli~NgodbhavaH pArshvayoH brahmaviShNubhyAM srIrUpAbhyAM shivAj~nayA | saMsevitaM maheshAnaM li~NgodbhavamahaM bhaje || 99|| 98\. shrIShaDAnanamUrtiH vande sindUrakAntiM sharavipina bhavaM shrImayUrAdhirUDhaM ShaDvaktraM devasenAmadhuriputanayAvallabhaM dvAdashAkSham | shaktiM bANaM kR^ipANaM dhvajamapi gadAM chAbhayaM dakShahastaiH chApaM vajraM sarojaM kaTakamapi varaM shUlamanyairdadhAnam || 100|| 99\. shrIshayanAgAre shivabhogasundarI shivabhogasundari namaste triNayanavAmA~NkavAsini namaste | shivakAmasundari namo natajanakaivalyadAyini namaste || 101|| 100\. shrIAkAshali~NgaM prapannajanasandoha sarvakalyANadAyakam | AkAshali~NgaM vande.ahaM AdhivyAdhipraNAshakam || 102|| 101\. shrIjaiminiH vyAsashiShyaM jaiminiM cha karmakANDapravartakam | chidambaranaTeshAnadarshane tatparaM munim || 103|| 102\. shrI bhikShATanaH brahmANDasthita bhUtajAtahR^idayaprodyanti kAmAnyaho yaH pUrvaM sahasA prapUrayati bahuprItyA bhavAnIpatiH | so.ayaM sarvavasundharApatirapi strIbhyashcha bhikShATanaH sa~njAtaH kR^ipayeti vaibhavayutaM devaM namAmo vayam || 104|| 103\. kShetrapAlaH nIlaruchivedakaravahrinayanaM taM shUlakakapAlaDamaruM cha sahapAsham | nagnashuna vAhanasaki~NkiNi vibhUShaM prochchagatikeshadhara sarpavarahAram || 104\. vyAghrapAdaH mAdhyandina sutaM shAntaM vasiShThabhaginIpatim | upamanyoshcha pitaraM vyAghrapAdaM namAmyaham || 106|| 105\. shrIdaNDI naTesha dakShiNe pArshve sthitaM bhaktavaraM shubham | shivasevAM prakurvantaM daNDinaM praNamAmyaham || 107|| 106\. shrIpata~njaliH yogena chittasya padena vAchAM malaM sharIrasya cha vaidyakena | yo.apAkarottaM pravaraM munInAM pata~njaliM prA~njalirAnato.asmi || 108|| 107\. shrImuNDI naTeshavAmapArshve tu saMsthitaM munipu~Ngavam | pata~njalisametaM cha muNDinaM praNamAmyaham || 109|| 108\. shrInandikeshvaraH nandikeshaM mahAbhAgaM shivadhyAnaparAyaNam | aShTamUrteradhiShThAnaM namAmi suyashApatim || 110|| 109\. shrIchitsabhA vAmAdyA navashaktayo yadupari shrIsvarNakumbhA navai\- tasyAM chinmayasaMsadi pratanute nR^ittaM naTeshaH sadA | tadvAme nagajA rahasyamapi taddakShe.asti chaidambaraM shrIvyAghrA~Nghripata~njalI munivarau tatpArshvayoH saMsthitau || sabhAM navAbhAM naTarAjarAjaprasiddhanATyAgamadivyara~Ngam | AnandanR^ittasya vitAnabhUtAM shrIchitsabhAM nityamahaM namAmi || 110\. shrInaTarAjarAjaH vedAntodgItarUpaM jvalanaDamarukaM dhArayantaM karAbhyAM anyAbhyAM DolamudrAmabhayamapi sadA.apasmR^itau dakShapAdam | vinyasyAku~nchitena praNamadakhiladaM vAmapAdena nityaM devyA sAkaM sabhAyAM rachayati naTanaM ku~nchitA~NghriM bhaje.aham || 111\. shrI shivakAmasundarI shrI shivakAmasundarIM tAmakhilajaganmAtaraM kR^ipArdrahR^idam | shrIchitsabheshamahiShIM chidambarakShetravAsinIM vande || 114|| 112\. shrIrahasyaM shrI chakrAdivisheShayantraghaTitaM bhittisvarUpaM sadA\- nandaj~nAnamayaM naTeshashivayoH sammelanaM bodhayat | shrIjAmbUnadabilvapatrarachitaiH mAlAgaNaiH lakShitaM kastUrImasR^iNaM chidambaramidaM sthAnaM rahasyaM numaH || 115|| lokAtishAyivibhavaM mahadAseve chidambararahasyam | pashchAkSharI yadIyA jIvAtuH sarvalokashubhadAtrI || 116|| shaktIH samagrAH grasate dinAnte yasmiMshcha gauryA valate kapadIm | yasmAtprage vishvamupaiti shaktiM chakAsti tachchetasi me chakAstu || 113\. shrIchandramaulIshvaraH chandramaulIshvaraM li~NgaM chandrAmR^itaghanaM sitam | sUryendvagniruchiM sUkShma gomukhe sthApitaM bhaje || 118|| 114\. shrIratnasabhApatiH indranIlasamAnakAntisamedhitAtmatanuprabhaM indranIlamaNiprakANDamayAtmadehavibhAkaram | indramukhyadivaukasAdisamarchitaM shrutimArgitaM indranIlamahArgharatnasabhApatiM shivamAshraye || 119|| 115\. shrImukhali~NgaM abhUtapUrvaM prathate jagatyAM yalli~NgamAsAditadivyavaktram | tataH prasiddhaM mukhali~NganAmnA talli~NgamIshasya sadA smarAmi | 116\. shrIshivapAdukA sakalamanujarakShAdIkShitaM vedarItyA triShavaNamatibhaktyA dIkShitairarchyamAnam | harividhisanakAdyaiH nityanidhyAyamAnaM shayanagR^ihayiyAsuM pAdayugyaM prapadye || 121|| 117\. shrIastrarAjaH vinA.asrarAjaM na shivasya yAtrA vinA.asrarAjaM na cha majjanAdi | vinA.asrarAjaM na maho bhavasya tamasrarAjaM praNamAmi mUrdhnA || 122|| 118\. shrI svarNakAlabhairavaH dakShe DamarukaM shUlaM vAme pAshaM kapAlakam | haste dharantaM cha shunA sahitaM sumanoharam || 123|| svapAdanyastatAmraM cha svarNaM kR^itvA dadau purA | bhaktebhya iti taM svarNakAlabhairavamAshraye || 124|| svarNakAlabhairavaM trishUlayuktapANinaM vedarUpasArameyasaMyutaM maheshvaram | samAshriteShu sarvadA samastavastudAyinaM makhIndravaMshapUrvapuNyarUpiNaM samAshraye || 125|| 119\. shrIbalIshvaraH shrIbalIshvaramIshAnaM phaladAtAramavyayam | umayA sahitaM chandrashekharaM samupAsmahe || 126|| 120\. shrIbrahmA pa~nchAnano yaH purataH prakR^ityA paraM nikR^ittasvashirAHshivena | svaniHshrutInAM vadanAni yasya brahmANamambhojabhavaM namAmi || 127|| 121\. shrIchaNDikeshaH chaNDIshvarassthANusamAnatejA rudreNa nikShiptasamastabhAraH | yasya prasAdAtsaphalA shivArchA taM chaNDikeshaM praNamAmi chAnte || 128|| 122\. shrI chintAmaNivinAyakaH taM manmahe maheshAnaM maheshAnapriyArbhakam | chintAmaNigaNeshAnaM gajAnanamanAmayam || 129|| 123\. shrI vallIshaH ekAnanaM chandanalepitA~NgaM mahAdbhutaM divyamayUravAhanam | rudrasya sUnuM suranAthaputrIpatiM cha vallIshamupAsmahe.anisham || 130|| 124\. shrI tyAgarAjaH tyAgarAjaM maheshAnaM kamalAlayavAsinam | namAmi parayA bhaktyA muchukundavarapradam || 131|| mahAbalimukhAssarve shivAj~nAparipAlakAH | mayA nivartitAssanto gachChantu shivasannidhim || 132|| yashshivo nAmarUpAbhyAM yA devI sarvama~NgalA | tayossaMsmaraNAnnityaM sarvato jayama~Ngalam || 133|| iti shrIchidambareshvara shrInaTarAja devAlayastha devatAstotraM sampUrNam | ## Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}