% Text title            : Chitraketukrita Shiva Prarthana
% File name             : chitraketukRRitAshivaprArthanA.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 22 | 110-128 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Chitraketukrita Shiva Prarthana ..}##
\itxtitle{.. chitraketukR^itA shivaprArthanA ..}##\endtitles ##
bhakti pradAnasamayo.ayamumAsahAya
tvatpAdapadmabhajanena nirantarAyam |
tvayyeva bhaktirakhilAghavinAshanAya
dehi prasIda bhagavan sharaNAgatAya || 110||
tvatpAdapadmamakarandarasAbhiShiktaM
machchittabhR^i~NgamasakR^it kuru sharva shambho |
matprArthanIyamiha nAnyadumAsahAya
dhanyo.asmi tena dhaniko.asmi jagattraye.api || 111||
yadyanmamAbhilaShitaM tadumAsahAya siddhaM
tvada~NghrikamalArchanabhaktileshAt |
anyanna vA~nChitamapIsha kimasti loke
tvadbhaktidurlabhamiti pratibhAti nityam || 112||
AkA~NkShA shivanAmamAtrabhajane bhasmatripuNDre tathA
rudrAkShAbharaNe.api sha~Ngavilasalli~NgArchane.api prabho |
li~NgArAdhanasAdhaneShvapi muhurli~NgapraNAme.api me
li~NgAlokanalolameva satataM chittaM mamAstu prabho || 113||
mannetrAmbujakR^ityamastu satataM bilvAdikAbhyarchitA\-
pArAna~NgavihArabha~Ngavilasalli~NgArchanAlokanam |
tenaita~njananaM cha dhanyamiti me buddhiH pravR^iddhA muhuH
bhUyAdityanuvAsaraM bhavatu me samprArthanIyaM prabho || 114||
shrotrasyApi na kR^ityamanyadadhunA vishveshapUjAkathA\-
pIyUShArNavapAnameva muhurapyatyAdareNAnvaham |
tatkR^ityaM tadapArapuNyajaladhau prApyaM tadevAntakaM
dUrIkartumalaM tadevamasakR^it sarvArthasiddhipradam || 115||
kR^ityaM matkarayormaheshvara mahAli~NgAlayaprokShaNaM
li~NgAbhya~NgavilepanaM cha vilasatpa~nchAmR^itAsechanam |
utphullAmalakundapa~NkajalasadbilvIdalAbhyarchanaM
karpUrAgarusArakardamalasatpATIrasArArpaNam || 116||
kShIrAnnArpaNadhUpadIpavilasannIrAjanAdyarpaNaM
ratnachChatrasamarpaNaM cha vipulashrIchAmarAdyarpaNam |
yachchAmIkaradarpaNArpaNamapi prAyaH praNAmArpaNaM
kR^ityaM matkarayorbhavatvanudinaM gaurIvihArAdara || 117||
jihvAkR^ityamumAsahAyacharaNAmbhojArchanArAdhana\-
dhyAnAnusmaraNaprabhAvakathanaM tannAmasa~NkIrtanam |
tadgaurIramaNopahArasurasavyAkhyAnamapyAdarAt
tatpUjAkaraNAnuvAdanamapi shrInIlakaNTha dhruvam || 118||
nAsAkR^ityamumAsahAyacharaNAmbhojArchitAtyullasa\-
dbilvIpallavaphullanIlakamalAmodagrahastatkaraH |
ugrAnugrahataH samagrata iti j~neyo mahAnugraho
hArAhArasugandhasundaramidaM nAsApuTaM dhUrjaTe || 119||
praNAmavyAjena smarahara bhavatpAdarajasaH
shiromallakrIDAM sakR^idapi karotu praNayataH |
shiraHkR^ityaM tAvadbhavati khalu tenaiva tarasA na
sA kiM mokShashrIramaNamapi mAmeva kurute || 120||
kR^ityaM na me charaNayorapi sha~NkarAnyat
shrIkAshikAnagarasa~ncharaNAlasau tau |
syAtAmataH paramumAramaNAnuvAraM kR^ityaM
tadeva na tayorapi kiM vishiShya || 121||
shambho bhAlatalaM vibhUtivilasadrekhA~NkitaM sarvadA
syAdetena navendukhaNDalalitaM bhAlaM bhavet tAvatA |
tatkR^ityaM cha samAptamevamasakR^it tat prArthanIyaM tvayA
kartavyaM khalu pUrNameva bhagavan sampUrNakAma prabho || 122||
arthiprArthitamarthajAtamasakR^iddAtuM samartho bhavAn
shambho shAmbhavavatsalAtikaruNAnyetasya sarvANyapi |
tvannAmasmaraNArchanAdiniratAnyevAdarAt santu me
tAnyevAsmadabhIShTasiddhiphaladAnIti smarAmi dhruvam || 123||
asmatsantatirapyanantavibhavairbhAvaiH prabhUtairyutA
li~NgArAdhanasAdhanodyatamatiH sA kAlakAlArchanAt |
kAlAdbhItimapAsya mauninikarAshAsyAshu pa~nchAsya te
tAvatpuNyakathAH shR^iNotu satataM sampatpravR^iddhA.api sA || 124||
asmAbhiH shivali~NgapUjanaphalaM prAptaM shruteryachChrutaM
tannArAyaNavAkpatiprabhR^itibhirmuhuH sAdaram |
dhanyo.ayaM shivapUjaka stribhuvanArAdhyo.ayamityuchyate
nityaM matsadanArapi gR^ihavyApArasArAdaraiH || 125||
bhUloko.apyadhunA maheshakR^ipayA kailAsa evAbhavat
nandIshapramukhAshcha santatamumAkAntArchane sAdaram |
mandaM mandarametya sundarataraM vIreshvarArAdhako dhanyo
dhanyatamo.ayamityanudinaM mAM prastuvantItyataH || 126||
shiva shiva shiva shambho chandramaule kapardin
analavimalakAlAbAlalIlAvilAsa |
vasa vasa vasa vAse manmanasyeva lAsyaM kuru
kuru kuru gaurIM sanniveshyA~NkabhAge || 127||
\- \-
utphullaM mama mAnasAmbujavaraM tatkarNikAyAM shivA\-
mAli~NgayAnvahamAdareNa girijAjAne shivomApate |
pAhIti shR^iNu tatkarAmbujamahAvINAM gR^ihItvA kShaNaM
tantrIvAdanalAlasaH shiva shive kalyANagaurIti cha || 128||

|| iti shivarahasyAntargate chitraketukR^itA shivaprArthanA sampUrNA ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 22| 110\-128 ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 22. 110-128 ..

Notes:
Citraketu ##chitraketu## (a Śaiva king ##shaivarAja##) prays to Śiva ##shiva## to grant him utmost devotion towards Him.##
##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}