% Text title            : Dinakrandakhya Shiva Kshamapanam
% File name             : dInAkrandAkhyashivakShamApaNam.itx
% Category              : shiva
% Location              : doc\_shiva
% Author                : Ravana
% Proofread by          : Aruna Narayanan narayanan.aruna at gmail.com
% Latest update         : September 29, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dinakrandakhya Shiva Kshamapanam ..}##
\itxtitle{.. dInAkrandAkhya shivakShamApaNam ..}##\endtitles ## 
OM gaurIshvarAya bhuvanatrayakAraNAya
     bhaktapriyAya bhavabhItibhide bhavAya |
sharvAya duHkhashamanAya vR^iShadhvajAya
     rudrAya kAladahanAya namaH shivAya || 1||
sarveshvaratve sati bhasmashAyine
     hyumApatitve sati chordhvaretase |
vitteshabhR^itye sati charmavAsase
     nivR^ittarAgAya namastapasvine || 2||
o~NkAreNa vihInasya nityamudvignachetasaH |
tApatrayAgnitaptasya trANaM kuru maheshvara || 3||
kAyapoShaNasaktasya rogashokAkulasya cha |
bhavArNavanimagnasya trANaM kuru maheshvara || 4||
madanoragadaShTasya krodhAgnijvalitasya cha |
lobhamohAdisaktasya trANaM kuru maheshvara || 5||
tR^iShNAshR^i~NkhalayA nAtha baddhasya bhavapa~njare |
kR^ipArdradInachittasya trANaM kuru maheshvara || 6||
bhaTairnAnAvidhairghorairyamasyAj~nAvidhAyakaiH |
tAM dishaM nIyamAnasya trANaM kuru maheshvara || 7||
duShTasya naShTachittasya shreShThamArgojjhitasya cha |
anAthasya jagannAtha trANaM kuru maheshvara || 8||
saMsArapAshadR^iDhabandhanapIDitasya
     mohAndhakAraviShameShu nipAtitasya |
kAmArditasya bhayarAgakhalIkR^itasya
     dInasya me kuru dayAM paralokanAtha || 9||
dIno.asmi mandadhiShaNo.asmi nirAshrayo.asmi
     dAso.asmi sAdhujanatAparivarjito.asmi |
duShTo.asmi durbhagatamo.asmi gatatrapo.asmi
     dharmojjhito.asmi vikalo.asmi kala~Nkito.asmi || 10||
bhIto.asmi bha~Nguratamo.asmi bhayAnako.asmi
     sha~NkAshatavyatikarAkulachetano.asmi |
rAgAdidoShanikarairmukharIkR^ito.asmi
     satyAdishauchaniyamaiH parivarjito.asmi || 11||
janmATavIbhramaNamArutakhedito.asmi
     nityAmayosmya.asharaNosmya.asama~njaso.asmi |
AshAnira~NkushapishAchikayArdito.asmi
     hAsyo.asmi hA pashupate sharaNAgato.asmi || 12||
hA hato.asmi vinaShTo.asmi daShTo.asmi chapalendriyaiH |
bhavArNavanimagno.asmi kiM trAtuM mama nArhasi || 13||
yadi nAsmi mahApApI yadi nAsmi bhayAturaH |
yadi nendriyasaMsaktastatkorthaH sharaNe mama || 14||
Arto matsadR^isho nAnyastvatto nAnyaH kR^ipAparaH |
tulya evAvayoryogaH kathaM nAtha na pAhi mAm || 15||
AkarNayA.ashu kR^ipaNasya vachAMsi samyak
     labdho.asi nAtha bahubhirnanu janmavR^indaiH |
adya prabho yadi dayAM kuruShe na me tvaM
     tvattaH paraM kathaya kaM sharaNaM vrajAmi || 16||
dveShyohaM sarvajantUnAM bandhUnAM cha visheShataH |
suhR^idvargasya sarvasya kimanyatkathayAmi te || 17||
mAtApitR^ivihInasya duHkhashokAturasya cha |
AshApAshanibaddhasya rAgadveShayutasya cha || 18||
devadeva jagannAtha sharaNAgatavatsala |
nAnyastrAtAsti me kashchittvadR^ite parameshvara || 19||
bhIto.asmi kAlavashago.asmi nirAshrayo.asmi
     khinno.asmi duHkhajaladhau patito.asmi shambho |
Artto.asmi mohapaTalena samAvR^ito.asmi tvAM
     chandrachUDa sharaNaM samupAgato.asmi || 20||
AshikhAntaM nimagno.asmi dustare bhavakardame |
prasIda kR^ipayA shambho pAdAgreNoddharasva mAm || 21||
shrutvA me bhavabhItasya bhagavankaruNA giraH |
tathA kuru yathA bhUyo na bAdhante bhavApadaH || 22||
samayashataviluptaM bhaktihInaM kuchailaM
     malinavasanagAtraM nirdayaM pApashIlam |
ravijabhrukuTibhItaM rogiNaM prAptaduHkhaM
     khalajanaparibhUtaM rakSha mAM sarvashakte || 23||
Apanno.asmi sharaNyo.asi sarvAvasthAsu sarvadA |
bhagavaMstvAM prapanno.asmi rakSha mAM sharaNAgatam || 24||
jAtasya jAyamAnasya garbhasthasyApi dehinaH |
mAbhUttatra kule janma yatra shambhurna daivatam || 25||
sha~Nkarasya cha ye bhaktAH shAntAstadgatamAnasAH |
teShAM dAsasya dAsohaM bhUyAM janmani janmani || 26||
namaskArAdisaMyuktaM shivaityakSharadvayam |
jihvAgre vartate yasya saphalaM tasya jIvitam || 27||
yatkR^itaM yatkariShyAmi tatsarvaM na mayA kR^itam |
tvayA kR^itaM tu phalabhuktvameva parameshvara || 28||
yadakSharapadabhraShTaM mAtrAhInaM cha yadgatam |
mayA dAsena vij~naptaM kShamyatAM parameshvara || 29||

iti shrIrAvaNakR^itA dInAkrandanastutiH samAptA |

##
Proofread by Aruna Narayanan narayanan.aruna at  gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}