% Text title            : Shri Dakshinamurtina Vasishthadibhyo Jnanopadesha Varnanam
% File name             : dakShiNAmUrtinAvasiShThAdibhyojnAnopadeshavarNanam.itx
% Category              : shiva, shivarahasya, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 25||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Dakshinamurtina Vasishthadibhyo Jnanopadesha Varnanam ..}##
\itxtitle{.. shrIdakShiNAmUrtinA vasiShThAdibhyo j~nAnopadeshavarNanam ..}##\endtitles ##
(shivagaurIsaMvAde)
\-\-\-
munayaH \-
kaTItaTaparIlasatkaraTikR^ittikAdyaM shivaM
taDinnibhajaTAkuTIvidhR^itasAmakoTiprabham |
surorutaTinIshikhaM vaTatarIradhastAtsthitaM
surAsuragaNAnanojvalakirITakoTiprabhA\-
virAjitapadAmbujaM niTilalolanetraM numaH || 43||
kAshikoshagatakAshavihIna kAshikApuranivAsakAshaya |
kAshapUjyapada vyomakesha no j~nAnakoshamakhilaM bhavamuktyai || 44||
\-\-\-
IshvaraH \-
munInAM vadanAddevi prashnayANAM tadA mayi |
tuShTaH kaShTavinAshAya tadj~nAnaM saMvadAmyaham || 45||
IshvaraH \- (shrIdakShiNAmUrtiH \-)
shrR^iNvantu vAmadevAdyA munayo matprasAdataH |
bhavatAM j~nAnamamalaM bhaviShyati na saMshayaH || 46||
nAtaptatapase deyamiti shrutyanushAsanam |
bhavantastaptatapasaH sarve matpadapUjakAH || 47||
dAsyAmi matparaM j~nAnaM praNipAtapuraHsaram |
etadarthaM purA devaiH pR^iShTo.ahaM munisattamAH || 48||
tAnabravaM suragaNAH tachChR^iNvantu surarShayaH |
ahameko.advitIyashcha vyApako.ali~Nga eva hi || 49||
matto nAnyajjagatki~nchitpR^ithagasti munIshvarAH |
brahmaivedamidaM sarvamAtmaivedaM na saMshayaH || 50||
neha nAnAsti dR^ishyaM yatsarvaM mayyeva kalpitam |
yathorNanAbhiH sR^ijate grasate tantujAlakam || 51||
tadvajjaganti jAtAni grasAmi visR^ijAmi cha |
mayyevedaM sthitaM vishvaM mayyeva layameShyati || 52||
nityo.ahaM nirvikalpo.ahamasharIro.ahameva hi |
AkAshAtmA vyApako.ahaM na hi taddharmabhAgaham || 53||
yato bhUtAni jAtAni yena jIvanti tAnyapi |
yasminlInAni viprendrAH tadbrahmAhaM na saMshayaH || 54||
apANipAdo javano grahItA pashyAmyachakShuH sa shrR^iNomyakarNaH |
ahaM vijAnAmi jagadgata dvijA na mAmaho vetti cha mAyayA vR^itaH || 55||
vedaishcha sarvairahameva vedyo vedAntakR^idvedavideva chAham |
naivAsti bandho na mamAsti muktirachCho nirachCho.asmi manovivarjitaH || 56||
agAdhamasparshanarUpabhUtaM tathA.arasaM nityamasa~NgamIsham |
bhUtendriyANAmatiriktamIshvaraM koshAdihInaM tamasaH parastAt || 57||
jAgratsvapnasuShuptyAdiprapa~nchaM manasA (rajasA) tatam |
tadbrahmAhamiti j~nAtvA sarvabandhavivarjitaH || 58||
satyaj~nAnAnandamaya ahameva munIshvarAH |
mAM yo veda sa vai veda sarvamityAha vai shrutiH || 59||
IshAvAsyamidaM sarvaM yatki~nchijjagatIgatam |
deshakAlAdyavachChinnaM mAM j~nAtvA mR^ityuvarjitaH || 60||
advitIyo.ahamIshAnaH eka evAhamIshvaraH |
j~nAtvA mAM na bibhetyeva na dvaitaM tatra vidyate || 61||
dvaite bhayaM hi bhavati IShadvA duHkhamashnute |
sarvendriyaguNAtItaH sarvendriyavivarjitaH || 62||
sarvasya prabhurIshAnaH sarvasya sharaNaM suhR^it |
prAkpratIchI udIchyo.a{}haM dakShiNA vidishastathA || 63||
adhashchordhvaM cha yatki~nchidbhUtaM bhAvyahameva hi |
pUrNaM pUrNamadaH pUrNaM sampUrNo.asmi nirAmayaH || 64||
asharIraH sharIreShu prANApAnau manomanaH |
dehendriyANyatha prANA manasA munayo hyaham || 65||
kUrmo.a~NgAnIva sarvatra sR^ijAmi visR^ijAmi cha |
vinashyatsvavinashyantaM mAM yo veda sa vedavit || 66||
dikShvahInaM hi mAM j~nAtvA shokaM tarati sattamAH |
ko mohastasya kaH shokaH ChinnagranthiH sa eva hi || 67||
mAmAtmAnaM priyaM j~nAtvA AnandaM na bibheti cha |
mayyeva cha jagajjAtaM mayyeva sthitameva hi || 68||
mayyevAnte samabhyeti tattaddharmopalepitaH |
vAcho matto nivartante manasA munisattamAH || 69||
mAM brahmavidbrahmaiva bhaviShyati na saMshayaH |
mayi j~nAte.akhilaM j~nAtaM puchChaM puruSha eva hi || 70||
kAShThA gatiH parA chAhaM muktohaM mochako.asmyaham |
svAvidyayA saMsarAmi vidyayA mochakosmyaham || 71||
ajighatso.apipAso.ahaM dehaprANamano.atigaH |
ashIryohaM sadA.adAhya asa~Nga puruShastvaham || 72||
madrasaM paramaM j~nAtvA nandito bhavati dvijAH |
naiva jIvo na cha j~nAnaM sve mahimnyahamAsthitaH || 73||
puruShastvaupaniShado j~nAtuM shakyo na karmaNA |
bhItyA.analAnilendrAdyA bhAnti vAnti sR^ijanti cha || 74||
satyakAmo.asmyasa~NkalpaH ShaDUrmirahitastvaham |
na jAyate vA mriyate nAyaM jAto janiShyati || 75||
prAtibhAsikamevedaM  jagadvyetanmunIshvarAH |
taddharbhairnaiva liptashcha na bandho mokSha eva hi || 76||
naiva jAtaM jagatki~nchinnAsyAntaH paramArthataH |
mR^igatR^iShNAnibhaM viprAH svAj~nAnaparikalpitam || 77||
mR^igANAM mR^igatR^iShNAbdhau yathA satyatvakalpanA |
tadvaddehAbhimAnena jagatsatyatvakalpanA || 78||
narANAM j~nAninAM viprA mR^igatR^iShNeti tadvidAm |
kathaM pipAsA bhavati aj~nAnAM tadvadeva hi || 79||
svamAtmAnaM paraM dR^iShTvA dehAdirahitaM shivam |
sadya eva vilIyata svAj~nAnotthajagadgaNaH || 80||
ahaM bhUmA.akhilAnando raso.ahaM shAshvataH prabhuH |
vibhurdehendriyAkhyAM vai gamito mUDhakalpanAt || 81||
eko.ahameva bhUtAtmA bhUte bhUte vyavasthitaH |
dehodayavinAsheShu avinAshyahameva hi || 82||
yathAndhakAre puruShaM saMvR^itaM nIlavAsasA |
na jAnanti yathAnye vai svAtmAnaM jAnate svayam || 83||
tathA sarvendriyANAM hi pratiShThA.ahaM gatAgatau |
puruShaH ShoDashAtmAhaM vividhendriyakalpakaH || 84||
chakShuH shrotA tathA draShTA mantA boddhA.ahameva hi | (vaktA shrotA)
eva brahmaiva sarvaM hi nAnyathA shrutirAha hi || 85||
ayamAtmA tathA brahmanbrahmaivAhaM tathA dvijAH |
tattvamasyAdivAkyAni ahaM brahmAsmi nishchayaH || 86||
(tattvamasyAdivAkyAni bodhArthaM j~nAninAM tathA)
abhoktAramakartAramasa~NgamavinAshakam |
jIvashchAtmeti tadvittvatattvavAkyArthakalpanA || 87||
(jIvashchAtmeti hitvaiShA na shrutirvadati svayaM)
aj~nAnAmaikyavij~nAnaj~nAnArthaM munisattamAH |
dvAsuparNAdivAkyAnAM kalpitadvaitakalpane || 88||
tattvamasyAdivAkyAnAM bodhanAtsarvabheva hi |
asatye satyamAropya mUDhAnAM bodhadAyinI || 89||
arthavAdopAsanAbhiH karmabhiH shrutirAha hi |
shAkhAchandragavArtAbhiH kalpayiShyanti sattamAH || 90||
karoti tAratamyena svAdhikArAnurUpataH |
ratnakAntiryathA ratne dR^ishyate chaliteva sA || 91||
AtmAnanyatayA bhAti tathA mayi jagadgatam |
netramAlinyato bhAti chandre dvitvaM jale raviH || 92||
abhrairgachChadivAbhAti sve mahimnyahamAsthitaH || 93||

\-\-\-
IshvaraH \-
etadeva paraM j~nAnaM nAnAshrutishirogatam |
ahaM brahmeti vij~nAnAnmuchyate nAnyathA dvijAH || 94||
j~nAne chAstamite viprAH vedanAdivivarjitaH |
ahamevAsmi tadbrahma vAchArambhaNamityapi || 95||
naiva vAchA na manamA shakyo.ahaM j~nAtumeva hi |
tamekaM jAnathAtmAnaM nAnyaH panthA.ayanAya hi || 96||
j~nAnenaiva parA muktirbhavatyeva na chAnyathA |
ahaM brahmeti vij~nAnaM taddvijAH paramArthataH || 97||
shabdaj~nAnamaho viprAH na muktyai bhavati dhruvam |
shravaNAyApi no viprA na labhyaH (?) parameshvaraH || 98||
shR^iNvanto.api mahAdevaM na vidyuryaM pinAkinam |
bhaktyA hyananyayA labhyo durlabho.ayaM munIshvaraH || 99||
bhAvagrAhyamanIshArUpamityAha shrutirAdarAt |
sarvamanyatparityajya dhyeyo.ahaM parameshvaraH || 100||
chaturtho.ahaM sadA viprAH turIyaH shiva eva hi |
ahamAtmA munibheShThAH satyaM satyaM na saMshayaH || 101||
brahmaNashchApi viShNoshcha tathAnyeShAM divaukamAm |
janitAhaM mahAdevaH paramAtmA shrutishrutaH || 102||
na karmaNA na prajayA na dhanenejyayA dvijAH |
nAnyaH panthA dvijashreShThAH majj~nAnaM paramArthataH || 103||
yasyaiva vR^iNute svAtmA tena lamyamidaM dvijAH |
yadAkAshaM charmaveShTaM veShTayeyurjanA dvijAH || 104||
tadA shivamavij~nAya duHkhabhyAnto bhaviShyati |
indrAgnimitraM varuNaM viShNuM brahmANameva cha || 105||
ekameva mahAdeva bahudhA kalpayanti hi |
mAmavij~nAya viprendrAH kimR^ichA sa kariShyati || 106||
yo mAM veda sa vai muktimamI lokAH samAsate |
ki vo.adya bahunoktena shraddadhvaM munisattamAH || 107||
sAdhanAnyadhunA vakShye j~nAnotpatyarthameva hi |
j~nAne chApyarthavij~nAnadADharyArtha munisatamAH || 108||
bhasmanodhUlanaM puNyaM tripuNDrasya cha dhAraNam |
vratametatpAshupatamAmananti munIshvarAH || 109||
shirovratamidaM puNyaM j~nAnasAdhanameva hi |
rudrAkShadhAraNaM puNyaM rudrAdhyAyAnuvartanam || 110||
rudrali~NgArchanaM bhaktyA bilvapatrAdisAdhanaiH |
pa~nchAkSharajapashchaiva mannaivedyaikabhojanam || 111|| (bhaktAnAmannabhojanam)

shivakShetranivAsashcha nityAnityArthachintanam |
shiva shambho mahesheti anishaM shivachintanam || 112||
maitrI bhUteShu karuNA shAntidAntyAdayo guNAH |
yamashcha niyamashchaiva jiShThAmAyAdivarjanam || 113||
vedavedAntavAkyAnAM vichAro guruvAkyataH |
lokAnudarshanaM chaiva vairAgyArthaM munIshvarAH || 114||
duHkhitAnAM narANAM cha vinaShTAnAM munIshvarAH |
sarva juhoti vij~nAnaM neti netyAdivAkyataH || 115||
gurau shive.avinAbhAvo manmR^irtau chintanaM tathA |
umAsahAyaM deveshaM nIlakaNThaM prashAntakam || 116||
etadvaH sa~NgraheNaiva proktaM j~nAnaM munIshvarAH |
uddAlakashrutArthasya chintanaM kuru sattama || 117||
mananaM shravaNaM bhaktyA nididhyAsanameva cha |
AsupterAmR^iterviprAH kurudhvaM bhaktibhAvanAH || 118||
etadeva munishreShThA mama j~nAnA~Ngamuchyate |
anyadevasmR^itishchApi bhasmapuNDrasyadhAraNam || 119||
sa eva tamasA.a.aviShTo naivedaM prApnuyAta kvachit |
matprasAdena vij~nAnaM matsAdena muktayaH || 120||
matprasAdena munayaH sarvaM prApyata eva hi |
yasya kasyApi no deyaM j~nAnameva sudurlabham || 121||
      nAvedaviduShe deyaM gopyametatprayatnataH |
apAtreShu dadannetatpraj~nAnaM bhUsurottamAH
      naro narakamApnoti saha pUrvaiH pitAmahaiH || 122||
itthaM matto mahAdevi j~nAnaM prApaya munIshvarAH |
praNamya munayaH sarve mAmAhurvItakalmaShAH || 123||
munayaH \-
na jAnanti bodhaM na vA.a.anandasiddhiM bhavadbhaktileshAdvihInAtihInAH |
shrutervAkyataH siddhimIyumturIyAM maheshAna shambho gurau vA labheta (?) || 124||

|| iti shivarahasyAntargate shivagaurIsaMvAde shrIdakShiNAmUrtinA vasiShThAdibhyo j~nAnopadeshavarNanaM sampUrNam ||

\- || shrIshivarahasyam | bhargAkhyaH pa~nchamAMshaH | adhyAyaH 25||
##
- .. shrIshivarahasyam . bhargAkhyaH panchamAMshaH . adhyAyaH 25..
Notes:
Having accepted the earnest prayers of Muni-s of the order of Vasishtha, Vamadeva, Vishwamitra, Angira, Bhardwaja, Gautama, Vyasa, Parashara et al; Shri Dakshinamurty had manifested from the Aghora-mukha - the Southern face of the Gokarneshwara ShivaLinga, in order to satiate their quest. Shri Dakshinamurty accords the Shiva-Gyanopadesha that the Muni-s intended to seek.

The shloka numbers have been maintained per the source text.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}