% Text title            : dakShiNAmUrtistavaH
% File name             : dakShiNAmUrtistavaH.itx
% Category              : shiva
% Location              : doc\_shiva
% Author                : Shrikrishnalilashukamuni
% Proofread by          : Preeti N. Bhandare
% Latest update         : December 5, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. dakShiNAmUrtistavaH by Shrikrishnalilashukamuni ..}##
\itxtitle{.. shrIkR^iShNalIlAshukamunipraNIto dakShiNAmUrtistavaH ..}##\endtitles ##
durvAragarvabharadUravijR^imbhamANa\-
     mohAndhakAraparipATanabaddhadIkShaH |
shashvad bhR^ishapravisaratsahajaprakAsha\-
     koshaH prabhurjayati ko.api vaTasthalIshaH || 1||
agnIndubhAnubhirasheShajagatprakAshai\-
     rAsAditaM nayanabhAvamavekShya vedAH |
yad vedayanti mahasAM tamasAM cha dUraM
     tad daivataM vaTataTIdayitaM bhajAmaH || 2||
kalpadrumairalamamIbhiranIshvarANA\-
     mArAdhanIyapadavImadhigamya ramyaiH |
te.amI vayaM parivR^itaM parameshvareNa
     taM vA vaTaM tamapi vA vibhumAshrayAmaH || 3||
ShaDvargadurgaparila~Nghanakopitena
     chittena yatra suchiraM chapalA munIndrAH |
tachChAmbhavaM madhurimaikarasormi dhAma
     shrImadvaTAshrayamupAshrayituM yatadhvam || 4||
nR^ityanti yachChirasi nAkanadIpravAhA\-
     stadbhrAtarashva rasane vachasAM prapa~nchAH |
chitte dayA charaNareNuShu vA~nChitArthAH
     pAyAdayaM vaTataTIdayito vibhurvaH || 5||
indrAdayo yadaruNA~NghrirajaHkaNena
     rAjyashriyaM tribhuvanairbhR^ishamudvahanti |
vyAghratvachA parihitasya hi tasya bhikSho\-
     rvyAkhyAshriyaM vaTataTAvasathasya vande || 6||
AmnAyavIchisahachArivachaHprasArai\-
     rAsArasArasaraNImAdhirohamANaiH |
Asichya mAnasamananyadhiyAM munInA\-
     mAdyaM vaTaM cha viharan girisho.avatAd vaH || 7||
mandasmitena cha manoharamudrayA cha
     vyAkhyAnavIthivibhavaishcha vijR^imbhamANaiH |
AkhyAyamAnanijatattvarasAnubhUti\-
     rvishveshvaro vaTataTaprakaTo.avatAdvaH || 8||
UrdhvaM divo bhavamadhashcha bhuvo bhavantaM
     tiryak cha paryavasite bhavavaibhavaM tam |
gADhaM kayApi kR^ipayA vaTavR^ikShamUle
     manmAnase cha viharantamanantamIDe || 9||
raktA~NgulIyugaLanarttitachArumudraM
     saMsAravR^ikShaparitakShaparashvadhADhyam |
krIDAgR^ihItamR^igalA~nChanalA~nChitAgraM
     hastena jAnunihitena jaganmanoj~nam || 10||
tattatphaNAmaNivibhUShaNabhAsureNa
     bhAgyAdhikena phaNinA kR^itayogapaTTam |
vAmetarA~NghritalakAntikarambitena
     vAmoruNA girisutAhR^idayaM harantam || 11||
indoH kalAM khalu jaTApaTale vahantaM
     sarvAH kalA vachanavIthiShu chArayantam |
devyA vR^itaM girijayA munibhiH shukAdyai\-
     staM vishvato vishadamAdiguruM prapadye || 12||
(visheShakam)
tribhuvanasubhageyaM dakShiNAmUrtimUrtau
     bhagavati kR^itabhAvA kR^iShNalIlAshukIyA |
jayatu jayatu devI bhAratI jIvaloka\-
     shravaNahR^idayajihvAjanma sAphalyametu || 13||

iti shrIkR^iShNalIlAshukamunivirachito dakShiNAmUrtistavaH samAptaH ||

##
Proofread by Preeti N Bhandare

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}