% Text title            : dakShiNAsyabhujangaprayAtastutiH
% File name             : dakShiNAsyabhujangaprayAtastutiH.itx
% Category              : shiva, sachchidAnanda-shivAbhinava-nRisiMhabhAratI, bhujanga
% Location              : doc\_shiva
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Dakshinasyabhujangaprayatastutih ..}##
\itxtitle{.. shrIdakShiNAsyabhuja~NgaprayAtastutiH ..}##\endtitles ##
bhavAmbhodhipAre nayantaM svabhaktAn
     kR^ipApUrapUrNairapA~NgaiH svakIyaiH |
samastAgamAntapragItApadAnaM
     sadA dakShiNAsyaM tamArAdhaye.aham || 1||
chaturviMshadarNasya mantrottamasya
     prajApAddR^iDhaM vashyabhAvaM sametya |
prayachChatyaraM yashcha vidyAmamoghAM
     sadA dakShiNAsyaM tamArAdhaye.aham || 2||
jaDAyApi vidyAM prayachChantamAshu
     prapannArtividhvaMsadakShAbhidhAnam |
jarAjanmamR^ityUnharantaM pramodAt
     sadA dakShiNAsyaM tamArAdhaye.aham || 3||
yamArAdhya padmAkShapadmodbhavAdyAH
     surAgryAH svakAryeShu shaktA babhUvuH |
ramAbhAratIpArvatIstUyamAnaM
     sadA dakShiNAsyaM tamArAdhaye.aham || 4||
sudhAsUtibAlollasanmaulibhAgaM
     sudhAkumbhamAlAlasatpANipadmam |
saputraM sadAraM sashiShyaM savAhaM
     sadA dakShiNAsyaM tamArAdhaye.aham || 5||
gajAsyAgnibhUsevyapAdAravindaM
     gajAshvAdisampattihetupraNAmam |
nijAnandavArAshirAkAsudhAMshuM
     shuchIndvarkanetraM bhaje dakShiNAsyam || 6||
guNAnShaTshamAdInihAmutra bhoge
     viraktiM vivekaM dhruvAnityayoshcha |
mumukShAM cha shIghraM labheta prasAdA\-
     ttamAnandakandaM bhaje dakShiNAsyam || 7||
jaDo janmamUko.api yanmantrajaptuH
     karasparshanAtsyAtsurAchAryatulyaH |
tamaj~nAnavArAnnidherbADavAgniM
     mudA sarvakAlaM bhaje dakShiNAsyam || 8||
jahau mR^ityubhItiM yadIyA~NghripadmaM
     sadA pUjayitvA mR^ikaNDostanUjaH |
tamadrIndrakanyAsamAshliShTadehaM
     kR^ipAvArirAshiM bhaje dakShiNAsyam || 9||
purA kAmayAnA patiM svAnurUpAM
     charitvA tapo duShkaraM shailakanyA |
avApAdarAdyA ruchA kAmagarvaM
     harantaM tamantarbhaje dakShiNAsyam || 10||
yadIyA~NghrisevAparANAM narANAM
     susAdhyA bhaveyurjavAtsarvayogAH |
haThAdyAH shivAntA yamAdya~NgayuktA
     mudA santataM taM bhaje dakShiNAsyam || 11||
vaTAgasya mUle vasantaM surastrI\-
     kadambaiH sadA sevyamAnaM pramodAt |
varAn kAmitAnnamrapa~Nktyai dishantaM
     dayAjanmabhUbhiM bhaje dakShiNAsyam || 12||
vidhUtAbhimAnaistanau chakShurAdA\-
     vahantvena samprApyamekAgrachittaiH |
yatIndrairgurushreShThavij~nAtatattvai\-
     rmahAvAkyagUDhaM bhaje dakShiNAsyam || 13||
shukAdyA munIndrA viraktAgragaNyAH
     samArAdhya yaM brahmavidyAmavApuH |
tamalpArchanAtuShTacheto.ambujAtaM
     chidAnandarUpaM bhaje dakShiNAsyam || 14||
shruteryuktitashchintanAd.h{}dhyAnayogA\-
     dbhavedyasya sAkShAtkR^itiH puNyabhAjAm |
akhaNDaM sadAnandachidrUpamantaH
     sadAhaM mudA taM bhaje dakShiNAsyam || 15||
suvarNAdrichApaM ramAnAthabANaM
     dineshenduchakraM dharAsyandanAgryam |
vidhiM sArathiM nAganAthaM cha maurvIM
     prakurvANamIshaM bhaje dakShiNAsyam || 16||
karAmbhoruhaiH pustakaM bodhamudrAM
     sudhApUrNakumbhaM srajaM mauktikAnAm |
dadhAnaM dharAdhIshamaulau shayAnaM
     shashA~NkArdhachUDaM bhaje dakShiNAsyam || 17||
kalAdAnadakShaM tulAshUnyavaktraM
     shilAdAtmajeDyaM valArAtipUjyam |
jalAdyaShTamUrtiM kalAlApayuktaM
     phalAliM dishantaM bhaje dakShiNAsyam || 18||
yadAlokamAtrAnnatAnAM hR^idabje
     shamAdyA guNAH satvaraM sambhavanti |
praNamrAlichetaHsarojAtabhAnuM
     guruM taM sureDyaM namAmo bhajAmaH || 19||
pinaddhAni bhaktyAkhyasUtreNa kaNThe
     sademAni ratnAni dhatte dR^iDhaM yaH |
mudA muktikAntA drutaM taM vR^iNIte
     svayaM shAntidAntipramukhyAliyuktA || 20||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitA shrIdakShiNAsyabhuja~NgaprayAtastutiH sampUrNA |
##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}