% Text title            : dashashlokI stuti
% File name             : dashashlokIstuti.itx
% Category              : shiva, stotra
% Location              : doc\_shiva
% Transliterated by     : Sridhar Seshagiri s\_seshagiri at yahoo.com
% Proofread by          : Sridhar Seshagiri s\_seshagiri at yahoo.com
% Latest update         : December 23, 2007
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. dashashlokI stuti ..}##
\itxtitle{.. dashashlokIstutI sAmbastutiH athavA sAmbadashakam ..}##\endtitles ##
shivotkarShadashashlokIstutiH
sAmbo naH kuladaivataM pashupate sAmba tvadIyA vayaM
     sAmbaM staumi surAsuroragagaNAH sAmbena sa.ntAritAH |
sAmbAyAstu namo mayA virachitaM sAmbAtparaM no bhaje
     sAmbasyAnucharo.asmyahaM mama ratiH sAmbe parabrahmaNi || 1||
viShNvAdyAshcha puratrayaM suragaNA jetuM na shaktAH svayaM
     yaM sha.nbhuM bhagavanvayaM tu pashavo.asmAkaM tvameveshvaraH |
svasvasthAnaniyojitAH sumanasaH svasthA babhUvustata\-
     stasminme hR^idayaM sukhena ramatAM sAmbe parabrahmaNi || 2||
kShoNI yasya ratho rathA~NgayugalaM chandrArkabimbadvayaM
     kodaNDaH kanakAchalo harirabhUdbANo vidhiH sArathiH |
tUNIro jaladhirhayAH shrutichayo maurvI bhuja~NgAdhipa\-
     stasminme hR^idayaM sukhena ramatAM sAmbe parabrahmaNi || 3||
yenApAditama~NgajA~NgabhasitaM divyA~NgarAgaiH samaM
     yena svIkR^itamabjasa.nbhavashiraH sauvarNapAtraiH samam |
yenA~NgIkR^itamachyutasya nayanaM pUjAravindaiH samaM
     tasminme hR^idayaM sukhena ramatAM sAmbe parabrahmaNi || 4||
govindAdadhikaM na daivatamiti prochchArya hastAvubhA\-
     vuddhR^ityAtha shivasya sa.nnidhigato vyAso munInAM varaH |
yasya stambhitapANirAnatikR^itA nandIshvareNAbhava\-
     ttasminme hR^idayaM sukhena ramatAM sAmbe parabrahmaNi || 5||
AkAshashchikurAyate dashadishAbhogo dukUlAyate
     shItA.nshuH prasavAyate sthiratarAnandaH svarUpAyate |
vedAnto nilayAyate suvinayo yasya svabhAvAyate
     tasminme hR^idayaM sukhena ramatAM sAmbe parabrahmaNi || 6||
viShNuryasya sahasranAmaniyamAdambhoruhANyarchaya\-
     nnekonopachiteShu netrakamalaM naijaM padAbjadvaye |
sampUjyAsurasa.nhatiM vidalaya.nstrailokyapAlo.abhava\- ## var ## nAtho\.abhava
     ttasminme hR^idayaM sukhena ramatAM sAmbe parabrahmaNi || 7||
shauriM satyagiraM varAhavapuShaM pAdAmbujAdarshane
     chakre yo dayayA samastajagatAM nAthaM shirodarshane |
mithyAvAchamapUjyameva satataM ha.nsasvarUpaM vidhiM
     tasminme hR^idayaM sukhena ramatAM sAmbe parabrahmaNi || 8||
yasyAsandharaNIjalAgnipavanavyomArkachandrAdayo
     vikhyAtAstanavo.aShTadhA pariNatA nAnyattato vartate |
o.nkArArthavivechanI shrutiriyaM chAchaShTa turyaM shivaM
     tasminme hR^idayaM sukhena ramatAM sAmbe parabrahmaNi || 9||
viShNubrahmasurAdhipaprabhR^itayaH sarve.api devA yadA
     sa.nbhUtAjjaladherviShAtparibhavaM prAptAstadA satvaram | ## var ## prAptA yametyeshvaram
tAnArtA~nsharaNAgatAniti surAnyo.arakShadardhakShaNA\-
     ttasminme hR^idayaM sukhena ramatAM sAmbe parabrahmaNi || 10||

iti shrImatparamaha.nsaparivrajakAchAryasya
shrIgovindabhagavatpUjyapAdashiShyasya shrImachCha~NkarabhagavatpAdakR^itau
dashashlokIstutiH sampUrNA ||
##
Encoded and proofread by Sridhar Seshagiri s underscore seshagiri@yahoo.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}