% Text title            : Devakritopanishatsara Shiva Stava
% File name             : devakRRitopaniShatsArashivastavaH.itx
% Category              : shiva, shivarahasya, stava, upanishhat, upaniShat
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 54 - devakRitopaniShatstutiH | 22-59||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devakritopanishatsara Shiva Stava ..}##
\itxtitle{.. devakR^itopaniShatsAra shivastavaH ..}##\endtitles ##
brahmaiva tvaM tridhordhvastvaM gatiH puShTirmaheshvaraH |
vishva~ncha vishvAtItastvaM hutaM prahutameva cha || 22||
kR^itaM chAkR^itamete cha paramaM cha parAyaNam |
nArAyaNAdijanako hyaryamNo varuNasya hi || 23||
janitA tvaM tathA vAyordyAvAbhUsyormaheshvaraH |
sarveshassarvasAkShI cha sarva evaM tvameva hi || 24||
agrAhyassarvabhUteShu sarvendriyaguNAtigaH |
ali~NgosyasharIrastvaM vyApakashcha sanAtanaH || 25||
vAmanaM tvAM mahAdevaM sarvedevA upAsate |
tvatto jAtaM jagachChambho sthitaM tvayyeva lIyate || 26||
tvatto nAsti pR^ithakki~nchinna bhinnaM paramArthataH || 27||
ajAM mAyAM lohitashuklakR^iShNAM bahUnasmA~njanayantIM sarUpAm |
ajastvameko juShamANo.anusheShe jahAtyenAM bhuktabhogAmajastvam || 28||
mAyAM tu prakR^itiM vidyAnmAyinaM tu maheshvaram |
tavAvayavasambhUtairvyAptaM sarvamidaM jagat || 29||
neha nAnAsti ki~nchidvai tvadadhiShThitameva hi |
tvAmavaj~nAya durmedhAH kR^itakR^ityo.abhimanyate || 30||
na sAmparAyaM pravidAma bAlA mUDhA vayaM kevalaM tvadvihInAH |
ki~nchittR^iNaM chAlayituM cha neshAstvaM no gatiH paramaM chAsi shambho || 31||
tvayAvR^itaM lokamidaM samagraM ko vA hInaM chetate tvadvihInaH |
eko rudrastvaM hi sarvasya kartA vishvAtItaH paramashchetako.asi || 32||
sarvabhUtAtigashchAtmA koshAtItaH parAtparaH |
mahAgrAsastvamevesha mR^ityustvadupasechanaH || 33||
odanaM tava bhUtesha brahmakShatraM jagattathA |
brahmapuchChaM pratiShThA tvaM shAntirakSharameva cha || 34||
hR^idisthA devatAssarvA hR^idi prANe pratiShThitAH |
hR^idayaM puruSho.asi tvaM tisro mAtrAH parashcha saH || 35||
o~NkAraH praNavo vyApI hyananto.anantavikramaH |
tAraM sUkShmaM vaidyutastvaM shuklaM sarvasharIragam || 36||
IshAno bhagavAn rudro mahAdevastvamIshvaraH |
paraM brahma paraM dhAma paraH pAraH parAyaNaH || 37||
shUro vIraH puruSho bhUtasaMstho vishvo vishveshaH prANadashchAvyayAtmA |
chakShuShashchakShushshrotra eva tvamIsha manaso mano buddherboddhA tvameva || 38||
patiH patInAM pashavo vayaM chApyasmAnaho pAsi tathAtsi deva |
tvadudbhavaM sarvamIshastvameko nAneva bhAsi puruShasya mAyayA || 39||
tileShu tailaM dadhinIva sarpirApastrotasvaraNIShu vahniH |
evaM protaM tvayyadvitIye mahesha tvajjaM tvallaM tvadanaM chaitadeva || 40||
na vidyate guNakarmAdi nAmarUpAdishaktirj~nAnashaktyA vibhinnaH |
hR^idayastvaM bhUtabhavyaH purANo hyeko vIro vedaguNaikavedyaH || 41||
o~NkArAdisvararUpo mahesha vidhAmA tvaM varaNIyastathANuH |
mahAn jetA jigyashchAparAjito hyabhrAvakAshaH kha~ncha ka~ncha tvameva || 42||
vibhrAT saMrAT bhUmadhAmA tvameva pitAsi mAtA bhrAtR^ikashchAdivedyaH |
rujAM harastvaM bhiShakpApahIno hyapANipAdo nirvikArastvamAtmA || 43||
svayaM bhAnaH para eko jyotireva tvatto na ojastviShTatamo.asti devaH |
tvaM na divA naiva rAtristvamIshastvaM sImA vishvatashchakShurIshaH || 44||
na vedAntA nApi vedAshcha te vai tava j~nAnaM manasaivAdya vR^ittam |
AkAshaH pR^ithivI salilaM cha vAyustejashchAsi prathitaM te jagachcha || 45||
vishvasya netA vishvabhartA tvamIshastava j~nAnAtsarvameveha vindet |
tavAj~nAnAnmohitAssarva eva tava prasAdAdambayA bodhitAssmaH || 46||
avasthAtItaH para AtmA tvameva brahmaiva tvaM saMsarasyAdirUpaH |
vishoko vimR^ityurajighR^itso.apipAsashsharIrahIno.apyajaraH purANaH || 47||
R^itaM satyaM nAmarUpAtigastvaM tavAmeyarUpaM ko hi vededameva |
R^icho akShare paramastvaM mahesha nAnyatvatto yadbhavededamArtam || 48||
nAnyadR^ikpashyati pashyakastvaM dR^iShTerdR^iShTA vAchyavAchAdihInaH |
vidyAdhIshassvara eko maheshastvameva tvaM veda yo.asIsha eva || 49||
namaste harase shochiShe te namaste astvarchiShe devadevavishvAdhIshasha~Nkaro vedavedyaH |
anyattapantu hetayo ghorarUpA bhakteShu tvaM shivo bhava shatrUnasmAkaM jahi shUlena shambho || 50||
ya imaM vishvaM bhuvanaM yAsi juhvaddaShTiH prathamo vo manaHpadmasaMsthaH |
tvamAshiShaM draviNaM dhehi shambho vishvakartA manasA sampradR^ishyo dhAtA vidhAtA paramepyasandR^ik || 51||
teShAmiShTAni tava pAdapUjayA sarvaM labhatyeva na hi saMshayo.atra |
tvaM no mAtA tvaM pitA chopanetA mAtA bandhuH paramovai gurustvam || 52||
tvaM deveShu prathito nAmatastveka evedaM rudrastvA manAkpUrvasUrAH |
vettuM cha tvAM nUtanAshchApi shambho hyapUtapUrtaM jagadekaM tvayArtam || 53||
yadbhUtajAlaM nikhilaM vai visR^iShTametAdR^ishaM tvAM
na vidanti kechidddR^iShTyAntareNa paripashyanti mUDhAH |
mAyAnIhAraprAvR^itAshAstrajanyAH asUstR^ipyA bhogabhAjo bhuvaH ke || 54||
yaj~nairdAnaiH kAmakAmaishcha bAlA divaH paraH pR^ithivyAstvaM parashcha |
devAsuraistvaM puro mUDhagarbho bhUtAnAM tvaM mahimA garbharUpaH || 55||
kastvAM veda bhUtavargairvihInaM vedairvishvaM yatva lInaM tvayIshe |
aja tvannAbhau jagadetadvichitraM madhye.apitaM yasmin vishvaM bhuvanaM cha tvameva || 56||
tato gandharvA oShadhIsho.api shambho sarvendriyANi manasA tvAM namAmaH |
hR^idA pashyanti manasA manIShiNo ye brahmamanvAna upAsate tvAm || 57||
tvAmIdR^ishaM gUDhamanupraviShTaM sahaiva santaM na vijAnanti devAH |
vishvasya chakShurvishvavaktrorubAhurvishvaspatirbhuvanasyAsya goptA || 58||
dyAvAbhUmI tvatta eveddharashmissUryo bhrAjati khe somatArairgR^ihaishcha |
nAnye jAnanti tava bhaktyA vihInA hyajAtaM tvAmIshaM sharaNaM prapannAH || 59||

|| iti shivarahasyAntargate mAheshvarAkhye devakR^itopaniShatsAra shivastavaH ||

\- || shrIshivarahasyam | mAheshvarAkhyaH prathamAMshaH | adhyAyaH 54 \- devakR^itopaniShatstutiH | 22\-59||
##
- .. shrIshivarahasyam . mAheshvarAkhyaH prathamAMshaH . adhyAyaH 54 - devakRRitopaniShatstutiH . 22-59..

Notes:
Deva-s ##devAH## eulogize Śiva ##shiva ## as The One Who is Almighty and Above All, as propounded in The Upaniṣat ##upaniShat ## - the mystery that rests underneath the external system of things.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}