% Text title            : Dvyarthi Rameshvara Stotram
% File name             : dvyarthirAmeshvarastotram.itx
% Category              : shiva, vAsudevAnanda-sarasvatI, aShTaka
% Location              : doc\_shiva
% Author                : vAsudevAnandasarasvatI TembesvAmi
% Description-comments  : From stotrAdisangraha
% Latest update         : May 12, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dvyarthi Rameshvara Stotram ..}##
\itxtitle{.. dvyarthirAmeshvarastotram ..}##\endtitles ##
%22
bhAgIrathIpuNyajalAbhiShikto yo brahmahatyAdyaghataH punAti |
rAmeshvaro.asau bharatAgrajanmasaMsthApitaH pAtu sadA vipadbhyaH || 1||
yaddarshanaM kAyikavAchikAdipApApahaM tApaharaM varaM cha |
rAmeshvaro.asau bharatAgrajanmasaMsthApitaH pAtu sadA vipadbhyaH || 2||
trikAlasandarshanato.api tR^ipto dadAti siddhIrubhayIrmahAtmA |
rAmeshvaro.asau bharatAgrajanmasaMsthApitaH pAtu sadA vipadbhyaH || 3||
rudrAbhiShekapriya Ishvaro yaH sarvArthado bhAvikakAmapUraH ||
rAmeshvaro.asau bharatAgrajanmasaMsthApitaH pAtu sadA vipadbhyaH || 4||
yo bilvapatraistridalairbhavAriH sampUjito yachChati bhuktimuktI |
rAmeshvaro.asau bharatAgrajanmasaMsthApitaH pAtu sadA vipadbhyaH || 5||
sampUjito yo.apyajitaH pradoShe dadAti bhukinta sakalAdhishAntim |
rAmeshvaro.asau bharatAgrajanmasaMsthApitaH pAtu sadA vipadbhyaH || 6||
yaH shuddhachittena hi saMsmR^ito.ajo bhavatyaraM bhaktajito jitAriH |
rAmeshvaro.asau bharatAgrajanmasaMsthApitaH pAtu sadA vipadbhyaH || 7||
na j~nAyate vA~NmanasAtidUro devAdibhiryanmahimAniyattaH |
rAmeshvaro.asau bharatAgrajanmasaMsthApitaH pAtu sadA vipadbhyaH || 8||
rAmeshvarAShTakamidaM sukhadaM vikhedaM
     tApatrayopashamadaM madamatsarAdam |
bhakteShTadaM jananamR^ityugadAgadaM yo
     bhaktyA paThetsa paramaM padameti shambhoH || 9||

iti shrIvAsudevAnandasarasvatIvirachitaM
      bharatAkhyadvijasthApitarAmeshvarastotraM rAmeshvarAShTakaM cha sampUrNam |

##


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}