% Text title            : Gita Shankaram
% File name             : gItashankaram.itx
% Category              : shiva, sangraha, kRitI, aShTaka, gItam
% Location              : doc\_shiva
% Proofread by          : Pallasena Narayanaswami
% Latest update         : June 13, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gita Shankaram ..}##
\itxtitle{.. gItasha~Nkaram ..}##\endtitles ##
(anantanArAyaNanAmadheyapa~ncharatnakavikR^itam)
shrIH |
shrIgaNeshAya namaH |
prArIpsitasya granthasya nirvighnena samAptaye |
ma~NgalAyatanaM shambhuM vande vAgIshvaraM harim || 1||
\section{|| 1\. mALavirAgeNa gIyate ||}
shamita jagatritaye tvayi mAyAlInA
garbhagatA khila jagadatidInA |
nirmalanigamavedya jaya deva vibho || 1
tvayi sati sR^iShTipare bhagavati
sA mAyA vikShipatIsha jagattraya kAyA | (nirmala) 2
pravishati vedanidhe bhavati jagatyadhunA |
chetanatA yadi bhavatA vibhunA || (nirmala) 3
mAyika vapuShi shubhe vishasi yadIshvaratA |
kaluShita vapuShi tu te mAnuShatA || (nirmala) 4
tiryak jantu kule jIvatAmupayAsi
taTidiva jalade lInatAM yAsi || (nirmala) 5
vidhimukha vibudhagaNe tava mahimA |
bahudhA tvayi sati nivasati lasati cha vasudhA || (nirmala) 6
jagati tu bhedamitetaratamatA |
vishadAtanute tAM sA vibhidApashadA || (nirmala) 7
pAvaya paramakave pa~ncharatnavachanam |
maNimiva vimalaM kanakaM kAcham || 8
nirmala nigamAgamavedya jayajaya deva vibho |
jagajjanmAdikAryasya kAraNaM vastu shAshvatam |
sa~NkIrtya saguNaM rUpaM tasyaiva pratipAdhate ||
\section{|| 2\. bhairavIrAgeNa gIyate ||}
danukulamAnavibha~njana budhara~njana |
jagadAnandana bhAnajayajagadekavibho || 1
chintAmaNikR^ita maNDana purakhaNDana |
praNatajanonnatidAna || (jaya) 2
chandrakalAdhara sha~Nkara.abhaya~Nkara |
nayanAnalahatamAra || (jaya) 3
shashadhara dinakara lochana bhavamochana |
bhaktajanoditagAna || (jaya) 4
kamalabhavanutapadakamalakalita |
sakalashAradanIradadhavala || (jaya) 5
girijAkucha girichandana !
guhanandajanatArAdhitacharaNa || (jaya) 6
bhUribhuja~NgamabhUShaNa gatadUShaNa |
agaNitamuktAbharaNa || (jaya) 7
pa~ncharatnavachavachana geya uchita deya |
munijanamAnasadheya || (jayajagadekavibho) 8
pANigrahaNa mA~NgalyaM prastutya shivayordvayoH |
bhAvikAryAya mandana prAdurbhAvaH prasajyate ||
akAlakR^ita sannAhamAkalayya manobhavam |
chintayanparamAtmAnaM prAhedaM nandikeshvaraH ||
\section{|| 3\. vasantarAgeNa gIyate ||}
avihita dohala mR^idula manohara surabhiLabahula tamAle |
dvijakula kalakalamilitashukAravapUritabahuvidha sAle ||
smaramavalokaya samayoyante |
sahacharadharmA bahavo vipi mane tena vinA na valante || 1
madhukarakalaravamilana jharIkR^ita kUjitakokila jAle |
kuravakakusumaparAgakaraMvitamalayasamIraNabAle || (smaramava) 2
vikasita kaitakadalamiShasumasharatarjana pathika samAje |
druta kanakAkR^iti kuDmalasantatiguChanirantara rAje || (smarabhava) 3
lalita rasAla vishAla suma~Nkura jAlamanobhavabANe |
sa~NkuchadambujanikaranishAnakavartuladalamiShashANe || (smarabhava) 4
aviratavisR^imara saurabha meduramallimatalli vikAshe !
muktAphalanibha mukula virAjita vAsantIkR^ita vAle || (smarabhava) 5
shukatuNDAkR^iti sumano bhAsita kiMshukapATalitAshe |
ku~Nkuma sumara sayojitasitapaTashoNAshokahutAshe || (smarabhava) 6
vividhaviha~NgamapakShavidhUnana janitaparAgapayode |
anavasarAgata manasija sahachara saurabhasamaya vinode || (smarabhava) 7
prasavAkara vanavarNana parapada pa~ncharatna kavirgIyate |
tava karUNAkara himagiriduhitushchandra kalAkarashIte || 8
smaramavalokaya samayoyante
sahachara dharmA bahavo vipine tena vinA na valante ||
\section{|| 4\. rAmakriyArAgeNa gIyate ||}
malayAnila rathakIratura~NgamakUjitakokilashAlI |
madhukarasajjitapuShyasharAsanayojitasumanomAlI ||
madano ratimavalokayate |
ratirapi madanamavalokayate || 1
bhuvana vimohana parAgapi~ncharasharapUrNeShudhi dhArI |
nAnAmaNigaNavichitra komalamuktAphalamaya hArI || (madano) 2
ratimukhasarA~njachumbana lolupachittatayA yatamAnam |
mohavashena muhurmuhurunmadama~NgajamadbhutagAnam || (madanI) 3
pathishukamadhukaramukharamanoharalalitarasAlavishAle |
pathikavadhUjanabhAvavidAraNakusumasharAvR^itashAle || (madano) 4
abhimukharatikuchakalashayugoparivilikhanpatragamA~Nte |
nIlotpala navamallIpa~NkajachUtAshokavanAnte || (madano) 5
kaThinastanabharajaghanoda~nchita pulakAla~NkR^itakAyA |
pathi parirabhya vihR^iShya punaH parihAsaruchishritamAyA || (madano) 6
harihara vidhimukha nikhila surAsuramAnasa bhedanakArI |
dhR^itatUNIrasharAsanamAdhavamagrekR^itya vihArI || (madano) 7
pa~ncharatnakavikalpitamanmathayAnakathAmR^itapAnam |
bhavatu bhavAnIpashupatighaTanAsAdhAnamadhigatagAnam || 8
madano ratimavalokayate ratirapi madanamavalokayate |
shushrUShayA toShayantI sha~NkaraM tapasi sthitam |
gR^ihaM gatApi sA gaurI manassambodhya bhAShate ||
\section{|| 5\. devagAndhArirAgaH ||}
shambaravairivinAbhavanoditanayanahutAshanaphAlam |
bhautikasamplavasamayasamujvaladAyasabhAvita phAlam || 1
dhyAne ratamiva haramavikAram |
smara mama mAnasashamitavikAram || 1
sarasijakesarasodarabhAsurasAndrajaTAbharakAntam |
ambujakairavabandhuvilochanamadvayamanishaM bhAntam || (dhyAne) 2
sha~NkhasphaTika shashA~Nka sudhArasa dugdha samAkR^iti bhAgam |
niTilanishAkarasamabhAgoparikalpitatatpara bhAgam || (dhyAne) 3
samayavijR^imbhitakuvalayadalachayashobhAjitvaravAmam |
anavasarAgatapikashukamalayasamIraNasaMhR^itakAmam || (dhyAne) 4
munitanayAvana samayoda~nchitapAdatalAhatakAlam |
abhicharaNAdhvarahutavaha sambhavaghorAravamR^igapAlam || (dhyAne) 5
chinmudrAjapamAlAla~NkR^itakarayugala ghR^itapAsham |
makuTataTasphuradindushakalagaladamR^itAsechanakAsam || (dhyAne) 6
madanamanoharavadanasaroruha~nchitashashadharabimbam |
kundapratibhaTadantadvitiyugadantachChadajita bimbam || (dhyAne) 7
pa~ncharatnakavikalpitaguNagaNa chintAmaNimayamAlA |
shamayatu duritaM kalayatu kAmaM kaluShitakalpakasAlA || 8
dhyAne ratamiva haramavikAram |
smarasamamAnasa shamitavikAram ||
\section{|| 6\. kAmbdirAgeNa gIyate ||}
sa~njAtapANigrahaNaM sha~NkaraM shashibhUShaNam |
udAsitAraM manvAnA bhavAnI prAha tAM sakhIm ||
atha savidhAgamatatparayAhitachintAsantatijAlam |
madanojjIvana komalayAlaghupAdatalAhatakAlam ||
mandAkShodayavinamrayA paripashyantaM parAbhAvam |
parikara parijanajanitabhiyAbudhasaMsAradrumadAvam || (rataye) 2
kathayAmapi keligR^ihaM gatamuni bhAvita chinmayakAyam |
parya~Nkasthalasa~NkatayA na tu shamitavikAramamAyam || (rataye) 3
shayyanIyopari vilagnayAkhila jagatAM kAraNamekam |
ardhA~NgIkR^ita sharIrayAtmani vishvotpAdanisekam || (rataye) 4
vividhavimohanara~njanayA parikalpitabheda vikAram |
kAmakalArachanotsukayAniTilekShaNanirjitamAram || (rataye) 5
kusumapariShkR^itakuntalayA nanu bhuvanabhaya~NkaraveSham |
vividhamanorathakAtarayA nijavapuShA nirjitasheSham || (rataye) 6
nIla valAhakamechakayA chiranistoyAmbudabhAsam |
ratiraNitojvalamekhalayA surapuradahanochitahAsam || (rataye) 7
pariNatamanutanubhAvita yAdima pa~ncharatnamukhabhAtam |
himamayakulagirikanyakayA bhuvi kR^itinAmastvadAtam || 8
rataye janitamadana sharIraM
kathaya kathAM sakhi rahasi mayA saha ramayasi tAdR^ishashIlam ||
\section{|| 7\. bhUpAlarAgeNa gIyate ||}
dR^ishyamAnasya jagato mithyAtvapratipattaye |
shrutyarthaM geyarUpeNa vishadI kurute kaviH ||
dR^ishyarUpamidaM tvayIshvara kalpitaM kalayAmi |
satya chidvanamadvayaM tava rUpamityapi yAmi ||
shivashivetaratayA kathamidaM kalayeham |
shivashivashivetaratayA || (shivashiva) 1
kalpitaM jagadtadadvayashuktirUpyavadeva |
satvahInatayA pR^ithaDna tathA vibhAti sa deva || (shivashiva) 2
ekameva sadantaraM nahi nAntaratvayi bhAti |
tena mAyikametadIshvara bhAnameva punAti || (shivashiva) 3
yasya chAtmatayA vibhAsi na tasya sAkShyapadesha |
tasya sAkShitayA vibhAsi jagattrayaM paramesha || (shivashiva) 4
AtmatatvamartR^irUpamavaiti samprati yo.api |
muktarUpatayA tadA sukharUpa eva sa ko.api || (shivashiva) 5
tasya vishvamidaM vibhAti pR^ithaktayAtmani naiva !
sadvilakShaNatA yathAsya tathA sato.api tathaiva || (shivashiva) 6
vyAvahArikasatyatAsti na sAstyasatyata eva |
vyoma nIraja tuchCha te vanatuchChatA.atra tu deva || (shivashiva) 7
pa~ncharatna kavIshvareNa sunirmitaM sunayena |
geyamabhyasanIyameva mumukShubhiH praNayena || 8
shivashiva shivetaratayA kathamidaM kalayeham |
shivashiva shivetaratayA ||
ga~NgAtaTAntavipinavaTamUlanivAsinam |
dhyAne narahitaM shambhumAha gaurI dashAM sakhI ||
\section{|| 8\. saurAShTrarAgeNa gIyate ||}
maNDanamanutanunandati na sakhI gaNayati vidhumapi bhAnum |
nindati kamalaM chandanamapi sA pashyati khadirakR^ishAnum ||
virahakR^ishA bhavadIyA bhava virahakR^ishA bhava dIyA |
mAnadamadanajatApabhiyAdiva tAvakapadagamanIyA !! 1
virahadavAnala kavalitamAnasamadhyagataM mama kAntam |
mochaya kathamapi mAmiti kathayati saiShAlapati nitAntam || (viraha) 2
navanalinIdala virachita shayanaM himajalasikta sakAsham |
vilulitamanasA tanute vapuShA bhasmIbhUtapalAsham || (viraha) 3
malayajapavanaM kalayati girijA visaranmurmurajAlam |
vapuratibharamiva vahati satApaM vidalita mauktikamAlam || (viraha) 4
a~njanakaluShita nayanajalaM bahu mu~nchati muhururutApam |
kuchakalashopari nipatita mAsrampadamupayAti durApam || (viraha) 5
atimadanAkR^iti vapuraparaM tava bhAvanayaiva nikAmam |
dhuri parikalpya sadAtanapUjAM kurate sAkila kamam || (viraha) 6
ma~NgaladAyAM manasijajanitaM kShipramapAkuru khedam |
kusumavitAnita shayanatalopari janayan bahuratibhedam || (viraha) 7
dAridryA nalajanitabhayaM bhuvi puMsAM yadi shamanIyam |
pa~ncharatna kaviphaNitamidaM bhava bhaktadhanaM paThanIyam || 8
virahakR^ishA bhavadIyA bhavaviraha kR^ishAbhavadIyA |
mAnada madanaja tApabhayAdiva tAvakapadagamanIyA ||
\section{|| 9\. deshAkShirAgeNa gIyate ||}
jananIhR^idayaM j~nAtvA chintayAnamivasthitam |
dhairyamAlaM sA gaurI sha~NkaraM samabhAShata ||
apanayaviShadharamaNimayahAram |
jIvaya kathamapi mAritamAram |
kiM tayA tava sha~Nkara chintayA || 1
tyaja kanakAhvaya kusuma vitAnam |
vividhnmAdanapittanidAnam | (kiM tayA) 2
pariharabhikShATanamatighoram |
gauravalajjAM bahumati ghoram || (kiM tayA) 3
rudhirachaShakakR^itanArakapAlam |
visR^ija dahanamayamAyasaphAlam || (kiM tayA) 4
karaTitvaM~Namayagajapari dhAnam |
mucha vilopaya dik paridhAnam || (kiM tayA) 5
asthi sR^ikparikarmita phAlam |
sammR^ijyonnaya shashadharabAlam || (kiM tayA) 6
bhajasi yadIsha shubhapradarUpam |
phalati manorathataruranurUpam || (kiM tayA) 7
pa~ncharatnakavivaramukhajAtam |
girijAgItAmR^itamavadAtam || 8
kiM tayA tava sha~Nkara chintayA ||
\section{|| 10\. shrI rAgeNa gIyate ||}
saMsAra sAgare mannAnprAkR^itAn bibudhAnapi |
samIkShya kAruNyavAnmuniH kashchidabhAShata ||
kusumavitAne kanakavimAne jagadavanAya vasantam |
virachitaveShaM tanujitasheShaM janatA bhajata bhavantam || 1
shivashailesho dhR^itabhujagesho dharnatATavanavAsI |
amarataTinyA anujabhavAnyA devyA vasati vilAsI ||
shivashailesho dhR^itabhujagesho ||
bahumatamadane viharati sadane janayanparijanamodam |
apagatakhedaM mukharitavedaM pashyata vividha vinodam || (shivashaile) 2
aviratatAnaM samuditagAnaM pashyati nR^ittamudAram |
praNamata muditaM gaNayati sahitaM prashamitachittavikAram || (shivashaile) 3
bahumaNi mAyAM kanakasabhAyAM naTanaM kalayati sAyam |
dharaNI vibudhA muditA bahudhA dhyAyata chinmayakAyam || (shivashaile) 4
nibiDitakIre ghaTanAtIre sAndratarAkhilasAre |
pAlitamodaM bANavinodaM pashyan hR^iShyati kAle || (shivashaile) 5
ma~njulagAne ma~NgalayAne madayati manuja samAjam |
dalayati todaM janayati modaM bhajanIyAkR^itibhAjam || (shivashaile) 6
anuditatapane mR^idutarapavane dhAma nivasati salIlam |
aviditapAdaM pratihatavAdaM bhAvaya tAdR^isha shIlam || (shivashaile) 7
prakaTitasevaM pramuditadevaM pa~ncharatna kavigItam |
pAtaka bhItairbhAvavishudhyai paThanIyaM bhavagItam || 8
shivashailesho dhR^itabhujagesho dhaTanAtaTavanavAsI |
amarataTinyA anujabhavAnyA devyA vasati vilAsI ||
shivashailesho dhR^itabhujagesho || 1
\section{|| 11\. malaharirAgeNa gIyate ||}
svAdhInapatikA sAdhvI dhIrA rahasi lAlitA |
pariShkR^itaM draShTukAmA pArvatI patimabravIt ||
kalaya mR^idaladaladAma pariShkR^ita niTilataloparibhAgaM
shashadhara shakala samujvaladudghaNa maNimakuToditarAgaM
pAhi mAnada somashekhara mA bhaja bhUShaNa doSham |
yAni vibhUShaNa bhAvagatAnyapi parihara tAni satoSham || 1
ujvala navanava maNigaNa vilasita kuNDala maNDitagaNDaM
tavamukhamamalaM vilasitanayanaM navamiva chandramakhaNDam || (pAhimA)2
kambu sahodara kaNTha samujvala kA~nchanamaya sarajAlam |
viluThatu nAbheruparimanobhava DolevochitakAlam || (pAhimA) 3
uDugaNa parivR^ita himakara bimbamivopari vinihitanIlam |
vilasatu jaThare tavamaNipatagaM madanatura~NgagamakIlam || (pAhimA) 4
bahulataralatarahAralatAhR^idi tArAvaliriva keshe |
bhujayugalopari kanakamaye tava keyUre jvalitAshe || (pAhimA)5
kaTitaTa sughaTita sArasanAvR^itakamanIyAmbaravItam |
virachaya padakamalopari haMsakama~njulashi~njitagItam || (pAhimA)6
maratakamaNishakalA~nchita ka~NkaNa dhaladhalarochirUdAram |
virachaya karakamaladvayamapi te bhaktajanAbhayapAram || (pAhimA)7
pa~ncharatnakavichittavikAsajarUdrANIpativeSham |
karagata badarIphalamiva sukR^itaM chintayatAmavisheSham || 8
pAhi mAnada somashekhara mA bhaja bhUShaNadoSham |
yAni vibhUShaNa bhAvagatAnyapi parihara tAni satoSham ||
\section{|| 12\. sha~NkarAbharaNa rAgeNa gIyate ||}
yogamAsthAya tiShTantaM sha~NkaraM lokasha~Nkaram |
prApya gaurI sakhI prAha tadavasthAmimAM kramAt ||
dhyAyati sIdati vilapati vitatam |
gAyati tava guNagaNamapi satatam ||
devagR^ihe muhyati gaurI tApamitA || 1
mu~nchati nayanajale muhuH vimalam |
si~nchati muhururu ka~nchukapaTalam || (deva) 2
nAlIkaM na tu pashyati bAlA
nAlIrapi sA dR^iShTarasAlA || (deva) 3
bhUtAveshavashena niShaNNA |
yadanadhavilikhitakurativiShaNNA || (deva) 4
krIDAvyAjavimuktAhArAn |
tulanAparihata muktAhArA || (deva) 5
AtapatApitatanumatishete |
tuhina shilAmayaphalake sete || (deva) 6
roditi lIlA kalahavilApA |
ChAditamadanavilAsajatApA || (deva) 7
pa~ncharatnakavikalpitagItam |
somashekharamudestu sugItam || 8
deva gR^ihe shambho deva gR^ihe |
muhyati gaurI tApamitA ||
\section{|| 13\. AharirAgeNa gIyate ||}
shivAnurAgajanita santApaM goptumakShamA |
vijane mAnasIchintAmAha gaurImanoratham ||
AtapamiSheNa yadi tApakaragopanam |
shItopachArakR^itijanitamatikopanam |
kena vA gopayeyaM tamiha manoratha chintayeyam || 1
himasalilaseko.api mama tapanasAdhanam |
malayajarasasnapanamapi mAnabAdhanam || (kena vA) 2
vyajanapavano.api mama madanaturagAyate |
kusumamayashayanamapi dahanashakalAyate || (kena vA) 3
hAralatikA vapuShi mArapAshAyate |
shItakiraNomi mama tApakiraNAyate || (kena vA) 4
nAlIkadala kalitaka~njulIdhAraNam |
AlikarajaH paTavadAttatanudAraNam || (kena vA) 5
karpUramishrajambalajalAdhikam |
pashyAmi pAnIyamapi taddhadAdhikam || (kena vA) 6
shayanamatisha~NkAM hi janayati himAchale |
valanamapi nIhArashIte shilAtale || (kena vA) 7
pa~ncharatnAdikavijAlpitarasAyanam |
paramashiva sAyujyagamana sugamAyanam || 8
kena vAgopayeyaM tamiha manoratha chintayedam ||
\section{|| 14\. mukhArirAgeNa gIyate ||}
kathamapi ratigehaM prApayantI mR^igAkShI
sarasavachanabAShpA sAdaraM bhAShamANAm |
api sapadi viditvA jAtakAmAnirekA
savidhasahacharI svAM bhAShamANeti yAtA ||
bahumatamadane himagirisadane sambhR^itaratisAdhane |
kadamapi savidhaM gatayA vividhaM kalpitakanakAsane |
ruchire ga~NgAtaTavipine viharati purArirUmayA || 1
shishirasamIra nibiDapaTIre champakasumanohare |
aviratatAnaM prabalitagAnaM rasadalisumanobhare || (rUchire) 2
surabhilasalile vikasata kamale vetasagahanAntare |
aviditabhedaM gataratikhedaM kalpitakumudAkare || (rUchire) 3
prakaTitakAye parichitamAye sa~Ngatabhavanodare |
pAlitagAtraM mIlitanetraM vigalati kalahAdare || (rUchire) 4
nibiDitakIre jalanidhitIre kalpakasurabhIkR^ite |
parichitakhelaM prabhurativelaM sArasamukharIkR^ite || (rUchire) 5
vilukitachikure karadhR^itamukure ma~NgalavanitAjane |
apagatakuhanaM kachabharanahanaM kalayankamalAnane || (ruchire) 6
gatijitahaMse kalitavataMse sa~Ngamasamayodare |
ratamaparimitaM tanvatimahitaM kimiha sapadi gamyate || (rUchire) 7
sha~NkarapAde shamitavivAde pa~ncharatnashobhite |
vilasatu sadayaM budhajanahR^idayaM pa~NkajabhavapUjite || 8
ruchire ga~NgAtaTavipine viharati purArirUmayA ||
\section{|| 15\. varALirAgeNa gIyate ||}
Agala~NkaralAkrAntamAkalpitabhuja~Ngamam |
gokarNoshaM gatA prAha vR^ihadamvAdashAM sakhI ||
garalamalinagalajanitabhayena vi
sarati yAviShavachana nayena
tAmava gokarNeshvaraharatAbhavagokarNeshvara || 1
bhujagavalayayuta bhujayugalena
janitabhayA vinitagaralena || (tAmava) 2
malayapavanamiShatuShadahanena |
vyasanamitA tava mukhapavanena !! (tAmava) 3
pikashukamukharavakalaraNitena |
lulitamanAdhurihitaphANitena || (tAmava) 4
manasijasharatatikR^itadalanena |
vyAthitatarahR^idirasamilanena || (tAmava) 5
surabhilamalayajarasatapanena |
vyAthitatarAtaparipulapanena || (tAmava) 6
analashakalasamadalashayane |
na vitathatamA nishi shashinayanena || (tAmava) 7
aviralabahuvidhahitakathitena
janita sukhA bhava tava vihatena |
praNamata bhavamiha shivacharitena
bR^ihadambAsutavibudhakR^itena || 8
pa~ncharatnAdimakavirachitena
gokarNeshvaraguNacharitena ||
tAmava gokarNeshvarahara tAmava gokarNeshvara ||
\section{|| 16\. desharATirAgeNa gIyate ||}
kAmAriNA bhagavatA preShitA chandramaulinA |
mAnena chiraM sA gaurI jagau haradashAM sakhIm ||
galita maNimayamAlo madanamanusandhAya |
kalitajalajashakalo viraha damanashamanAya ||
tava vigame puravairI bata sIdati bAle ||
valati jaladasamIre madanadahanabhavAya |
dahati shashikaranikare svasakhIvijayakaraNAya || (tava) 1
patati savidhayatIre bhajaganilashimanAya |
galati yashirasamIre kusumavishikhavishikhAya || (tava) 2
rasati vipinamayUre virahijanavimohAya |
nadati jaladhara vivare madanojjIvanAya || (tava) 3
milati madana sahAye kathite samprati tena !
sapadi manasijavijaye pa~ncharatnavibudhena ||
tava vigame puravairi bata sIdati bAle |
\section{|| 17\. kedAragauLarAgeNa gIyate ||}
viharati puraripurihamadanavane |
kimiti viShIdati sakhi vada bhavane |
sha~Nkare kuru sakhi bhAvamume || 1
anudinamanusararahasi vasantam |
tava mukhakamalamadhUni pibantam || (sha~Nkare) 2
shashadharalekhAla~NkR^itamakuTam |
nijatanushobhArajitanikaTam || (sha~NkareM) 3
vikasitasarasijasundara vadanam |
ratimakaradhvajama~Ngalasadanam || (sha~Nkare) 4
yena hitAmR^itasitaM tyaja viphalam |
iha sakhi mA kuru yauvanamaphalam || (sha~Nkare) 5
lajjAmAnau kathamapi vAraya |
menA mAnasarathamapi pUraya || (sha~Nkare) 6
bhu~NkShva tapaH phalamadhunopanatam |
ma~NgalabhAjanavapuShAvanatam || (sha~Nka)7
pa~ncharatnakavibhAShitagAnam |
pArvatIpati mude rasapAnam || 8
sha~Nkare kuru sakhi bhAvamume ||
\section{|| 18\. mukhArirAgeNa gIyate ||}
mAnena virahaM prApya kopena kaluShIkR^itAm |
girijAmuchitairvAkyairmAnayanprAha sha~NkaraH ||
nayananalinena yadi pashyasi janapriye vyapanayatu duritamatidUram |
kanakamayamandire kamaladalasundare sa tu pibatu viShayasukhapUram ||
vAmalIle shive vAmalIle tyaja suhR^idi roShamapadoSham |
viShamasharapAtakI vidalayati mAnasaM kAmamayi pUraya satoSham || 1
khedayasi mAnakaraNena yadi mAmaye tAvakasukhAya patanIyam |
virahaviShamaramarastvamiyamabalAjanastadidamanuchintya karaNIyam || (vAma) 2
shramajaladhisAdhanaM rativirahakAraNaM parihara mudhA manasi mAnam |
yadi vadasi kevalaM mama hR^idayamohanaM prabhavAmi tava sukhanidAnam ||(vAma) 3
mukhakamalamaNDanaM tanujaDimakhaNDanaM shishirasamayodayasvedam |
khadirarasasAditaM karpUrabhAvitaM tAmbUlamAdriyasvedam || (vAma) 4
api jaghana maNDalaM maNi rashanayAchitaM virachaya ninAdaramaNIyam |
kuDmalAntare navaratnamAlikA rochayatu kAntikamanIyam || (vAma) 5
urasi mama vAsinI shiti nalinabhAsure shobhayA mama khilasharIram |
padakamalayorupari ma~njIrasi~njitaM shrutipadaM kalaya mama dhIram || (vAma) 6
ayi jadhanamaNDalaM maNirashanayAchitaM virachaya ninAdaramaNIyam |
kuchaghanAntare navaratnamAlikA rochayatu kAntikamanIyam || (vAma) 7
nahi kalahakAloyamabale rati priye mA kR^ithA vitathamiha kAlam |
kamaladala nirmitaM kAmuka manoharaM shayanamavalokaya vishAlam |
haramukhasamIritaM himagiri sutAhitaM pa~ncharatnAdikavigItaM
ratikalaha bha~njanaM shruti shikhara bandhuraM shrotavyametadavigItam || 8
vAmalIle shive vAmalIle tyaja suhR^idiroShamapadoShaM
viShamasharapAtakI vidalayachi mAnasaM kAmayAyi pUraya satoSham ||
\section{|| 19\. sAra~NgabhairavI rAgeNa gIyate ||}
bhartussamArAdhanamantareNa bhAvo nahi syAditi nishchayepi |
sa~njAtamandAkShatayA vihastAM tAM bodhayAmAsa sakhI krameNa ||
anudinamarUNa karA~NkurajR^imbhita kusumasharAsana bANam |
AhAra pUjaya harapadamichirAdaviditataraparimANam ||
snigdhe puramathanaM parivR^iDhamanunaya bAle || 1
pa~Nkajabhavanava pa~Nkajalochana bhAvanayApi durApam |
sha~NkaracharaNajuShAmapi viduShAM parihatamAnasatApam || (snigdhe) 2
shobhanapUrvakagomayagomukha ra~NgalatAbhirupetam |
kuru kalyANa nidAnamihAshramasammAmodena sametam || (snigdhe) 3
chelAjinakushakalpita mAsanamAstIryodaka pAtram |
AnIyAntika madhivasa shambhorAnambhyAnata gAtram | (snigdhe) 4
ku~NkumachandanadhanasArekShurasAdirasAyanajAtam |
sampAdyonnata veditalopari haramArAdhaya bhAtam || (snigdhe)5
mochAkerarasAlakapitthaphalAdi nivedaya kAmam |
dIpAdhana toShita mayi kuru pashchAddhApaya kAmam || (snigdhe) 6
shambho sha~Nkara shashadhara shekhara sAmba sharva bhavamochana |
bhaktajanapriya paramadayAlo pAhi padmanibhalochana | (snigdhe)7
ichi sakhi kathitaM girijAcharitaM pa~ncharatna kavigItam |
yo.asau gAyati sAyaM prAtarduritaM tarati parItam ||
snigdhe puramathanaM parivR^iDhamanunaya bAle || 8
\section{|| 20\. madhyamAvati gNa gIyate ||}
tyaktAtApasaveShamAdimarasaM prAptA jaganmohinI
shR^i~NgArAdirasAyanaM trijagatAmAnandasandApinam |
mandAraprabhavaprasUnakalikAsaurambhasAndrIkR^itaM
gaurIsha~Nkarameva kelisadane sAnandamaikShiShTatam ||
gaurImukha sarasIruha darshana harShitamAnasahaMsam |
tuhinAchalamiva bhuvana vimohana shashadara shakalavataMsam |
sAdaramaikShata sA karuNAkaramAnandojvalahAsam || 1
nayanamanoharavadana nishAkarava~nchita himakarabimbam |
chumbanalolupa cha~nchalapuTayuga dantavasanamiShabimbam || (harame) 2
surabhisaroruhamR^iduladalopamanayanamamAnamasa~Ngam |
kShIrAmbhonidhivelAtaTamiva muktAphalakula sa~Ngam || (harame) 3
komalamaNigaNaghaTita manorama kuNDalamaNDita gaNDam |
chintAmaNimiva chintita phaladama bha~NgurasachchidakhaNDam || (harame) 4
ambuda kokilaShaTcharaNa svanama~NgIkR^itya vasantam |
shambaravairi samAgama kAraNamappAdR^itya vasantam || (harame) 5
mR^igamada chandana surabhila kandharamatidhavalaM bhagavantam |
navamadanochita viharaNa sAdhana shayanIye prabhavantam || (harame)6
vedho harimukha vibudha manoratha kalpakakalpaka kandam |
sAkUtasmita lIlA vekShaNamAlA yuktamamandam || (harame) 7
sUtre maNimiva gumbhitamamalaM pa~ncharatna kavibandham |
pashyata vibudhA bhak damanishaM girijAkaruNAgandham | 8
hara me vara saMvaramachiradviti bhAsaM
sAdaramaikShata sA karuNAkaramAnandojvalahAsam ||
\section{|| 21\. desharATirAgeNa gIyate ||}
chUDAmaNIkR^ita shashA~Nka kalAsamudyajjyotsnAvitAnabahalIkR^itachandrapAdaiH |
uddIpite rahasi keligR^ihe niviShTaM dR^iShTvA haraM harasakhImiyamityuvAcha ||
ka~njadala pi~ncharita kAmabhavane iha vihara rahasi navakundaradane |
sapadi bAle ma~NgalanidAnaM sakhi purAriM ra~njaya pureva || 1
parilagnanavaratnama~nchaphalake |
iha vihara paramashivabhogarasike | (sapadi) 2
shashishakalamamR^idupavanajAta madane |
iha vihara kusumasharaNabANanayane || (sapadi) 3
kamalavanagandhavaha sumanohare |
iha vihara viShamasharakAtaratare || (sapadi) 4
surabhibhavakusumasharapoShitarame |
iha vihara vinavamadanasAdhakatame || (sapadi) 5
atidhavalamR^idulatarashayanodare |
iha vihara vividharatibheda chature (sapadi) 6
kandalita korakitachampakavane |
iha vihara kuTilatarakuntalagaNe || (sapadi) 7
pa~ncharatnAdikavi varNitahare
iha vihara madanabahumAnasamare || 8
sapadi bAle ma~NgalanidAnam |
sakhi purAriM ra~njaya pureva ||
\section{|| 22\. nAthanAmakriyArAgeNa gIyate ||}
mAnena virahaM prApya sIdamAnAM manAsvinI |
sha~NkaraH praNayAdAha girijAmanura~njayan ||
kusumavitAnitashayanamala~Nkuru sunihitapadAsavilAsam |
tava padapadma sapana saroruhamidamupayAtvavikAsam ||
iha savidhe nivasantaM bhavamavalokaya bAle || 1
anilagalita sumalaka bharaM tava dR^iDhanahanaM kalayeham |
niTilatale tava mR^igamadatilakaM malayajagandhi cha deham || (iha)2
parihara virahadamashubhakaraM tava viphalamamuM hR^idi mAnam |
shrutisukhadantava mukhakamaloditamayi dayite kuru gAnam || (iha)3
kuchakalashopari patralatAmayi vilikhAbhyapanayacholam |
anubhavadayite sahachara savidhe khelanamajunavaDolam || (iha) 4
lambitapadayugale tava kAmini yojitayAvakasAram |
ambaramasitadyutiriva lambhaya mAmavalambitahAram || (iha) 5
mAmayi madhuraM tAvakamadhuraM pAyaya paya iva bAlam |
vapuridamabale kabalayavapuShA shAkhayavArjunashAlam || (iha) 6
ayi rashanAguNa muditaravaM kuru nAnAsi~njita bhedam |
vihara yathAruchi vigatAbhayAsmasa~njAtaM tyaja khedam || (iha)7
vilulita chukuraM tava mukha kamalaM shramajala kaluShi kapolaM
muhurabhi vA~nChati nanu mamamAnasamavalokitumatilolam |
pa~ncharatnakavibhaNitamidaM bhavabhaktajanAbhayadAnaM
kalayatu girijApatiparitoShaM bahu kalyANanidAnam || 8
iha savidhe nivasantaM bhavamavalokaya bAle ||
\section{|| 23\. ma~NgaLakaishikirAgeNa gIyate ||}
ramyasAnuvanddeshe shivashailasya kandare |
krI~NantaM shivashaileshaM kalyANI prAha sha~Nkaram || 1
danujabhaya~Nkara sha~Nkara hara karajena nijena bhujAntare |
nakhapadachandrakalAM kuru kuchayugale galitAntare ||
girijAjagAviti sundare shivashailasAnukandhare ||
virachitamaNDana khaNDana tanujitamanmatha ghaTaya yathochittam |
shashadharashekhara chandramasaM makuTena suyojitam || 2 (girijA)
mR^igamadachandana nindanakaluShita niTilatalaM tilakA~nchitam |
pariharabhIShaNabhUShaNamanutanu purahara tava yadi vA~nChitam || 3 (girijA)
kuchayugale cha gale cha nirantara ku~Nkuma chandana ropaNam |
kalaya vilolakapola vichitrita patra vilekhana gopanam || (girijA) 4
nityanira~njana kha~njana kopanalepanashobhana ma~njanam |
nanu naya nayane kuvalaya sadR^ishe bhuvana vimohanara~njanam || (girijA) 5
urasi virantaradanturahAra latA parikarmita ka~njukam |
yojaya modayalochana chandrikayA shukamutsuka cha~nchukam || (girijA)6
anudita dUShaNa bhUShaNa bhUShitamAtmAnaM tava khelaya |
shivashailesha mahesha manohara nityaM mAmapi velaya || (girijA)7
shivagiri vivare ruchire vachanaM kalpANyA mR^idu saMhitam |
shrutipatha madhuraM bhiduraM vipadAM pa~ncharatna kavi bR^iMhitam ||
girijAjagAviti sundare shivashailasAnukandare ||
\section{|| 24\. himIrakalyANirAgeNa gIyate ||}
R^itu samayochita karaNa kalA pAgalita madanakR^ita mAnasatApA |
kAmajanitajavA kamanIyarUpA kAmajanitajava ||
viharati rahasi puraripuNA || 1
smaraNAviShayarati vighaTitacholA |
vihitacharaNayugachalanavaDolA | (kAmaja) 2
kuchataTavilasita komala hArA |
kusumanikarayuta kuntalabhArA || (kAmaja) 3
mR^igamada surabhila kaluSha kapolA |
puraripuNA saha viharaNa lolA || (kAmaja) 4
jana vilambitagamana visheShA |
madanavijR^imbhita samara dR^igeShA || (kAmaja) 5
mandasmita yuta vadana sarojA |
kandarpotsava kalashorojA || (kAmaja) 6
haMsaLahaMsa padAmbujayugalA |
shambhutanUkR^ita nijatanushabalA || (kAmaja) 7
pa~ncharatnakavi kalpita kAmA |
paramashivAhita pa~Nkaja dAmA || 8
kAmajanita javA kamanIya rUpA
viharati rahasi puraripuNA ||

|| iti shrI kavikulatilakAyamAnAnantayajvakulakalasha
sindhukaustubhAyamAnakR^iShNadIkShitaturyatanayamR^ityu~njayArya
tanusambhavAnantanArAyaNa nAmadheya pa~ncharatnakavikR^itaM
gItasha~NkaraM samAtam ||

rachitaM sha~NkaracharitaM bR^ihadambAgarbhasambhavenedam |
modAya bhavatu sudR^ishAmanuraNitaM shukabAlakenaiva ||

shrIH devyai namaH | shubhamastu | shrIH ||

##
Proofread by Narayanaswami Pallasena

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}