% Text title            : Shri Girisha Ashtakam 02 21
% File name             : girIshAShTakam.itx
% Category              : shiva, aShTaka
% Location              : doc\_shiva
% Proofread by          : Aruna Narayanan
% Description/comments  : From stotrArNavaH 02-21
% Latest update         : July 25, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Girisha Ashtakam ..}##
\itxtitle{.. shrIgirIshAShTakam ..}##\endtitles ##
kShIrAmbhorAshitUNaM dhR^itaparashudhanuHshUladIvyatkR^ipANaM
      gaurIkAntAbhirAmaM niTilahutavahajvAlanirdagdhakAmam |
tArakShmAbhR^idvihAraM sakalabhuvanabhR^innAgarATkaNThahAraM
      vIraM raudrAdhidaivaM sharaNashivakaraM shrIgirIshaM bhaje.aham || 1||
satyAnandasvarUpaM kanakamaNigaNaprasphuranmeruchApaM
      kR^ityAkR^ityAdidUraM chidamR^itasarasIvIchikAntarvihAram |
shrutyantastUyamAnaM natajanasadanAsannacha~nchannidhAnaM
      pratyadri krIDamAnaM praNavamayarathaM shrIgirIshaM bhaje.aham || 2||
kailAsagrAvatulyojjvalavR^iShabhakulAdhyakShasannaddhaketuM
      loladdugdhapravAhArgalamakuTataTIveShTitAhIndrasetum |
pa~nchAshadvarNadhAtuM harikamalabhavotpattiniShpattihetuM
      pa~nchAsyaM shrutyupAsyaM niravadhiyashasaM shrIgirIshaM bhaje.aham || 3||
bhImaM somaM shivaM sha~NkaramabhavamajaM vishvalokaikabIjaM
      rudraM mudrIkR^itAghaM pashupatigamanaM vIrabhadraM vinidram |
sharvaM sarvaMsahAmaNDalamahitarathaM satpathaM nirvirodhaM
      nAdaM vedAvibhedaM varadamabhayadaM shrIgirIshaM bhaje.aham || 4||
jyotIrUpaM durApaM vilayajaladharoddaNDachaNDATTahAsaM
      vidyudvallImatallIruchirapaTujaTAnaddhamugdhendukhaNDam |
prAgdvAre bhR^i~NgilAsaM(lAsya) pratidishagaNakolAhalApUrNakarNaM
      varNaprAkAramadhyasthitamaNisadanaM shrIgirIshaM bhaje.aham || 5||
chidvidyAmUlakandaM radanaruchipariShkAsitAraNyakundaM
      mR^idvIgokShIrapUrAmR^itarasamadhurAmnAyageyaM yajeya |
vidvatpAlIsadApUjitapadakamalaM nirmalaM nirvikalpaM
      vyAlAkalpaM chirAyurmunisutavinutaM shrIgirIshaM bhaje.aham || 6||
ShaTtriMshattattvashR^i~NgottarapadavicharatsUkShmachitsthANurUpaM
      saptAdholokabAhyAntarakuharatamaH khaNDanoddaNDahAsam |
saumyaM gamyAdigamyaM sharaNajanamanohArishayyAntarasthaM
      samyaksaubhAgyarekhA~nchitapadayugalaM shrIgirIshaM bhaje.aham || 7||
nyagrodhakShmAjamUle sphaTikamaNimayasvachChapIThAdhivAsaM
      sarvaj~naM bhaktabandhuM pravimalakaruNAsAravaddugdhasindhum |
pratyakShAdR^iShTamUrtiM dashadigadhipatiM vishvakR^iddivyamUrtiM
      jyotirli~NgaM nira~NgaM niravadhimaparaM shrIgirIshaM bhaje.aham || 8||
giryaShTakamidaM puNyaM yaH paThetsatataM naraH |
shivalokamavApnoti shivena saha modate || 9||

|| iti shrIgirIshAShTakaM sampUrNam ||

##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}