% Text title            : Gokarna Kshetra Mahatmyam
% File name             : gokarNakShetramAhAtmyam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 23||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gokarna Kshetra Mahatmyam ..}##
\itxtitle{.. gokarNakShetramAhAtmyam ..}##\endtitles ##
(shivagaurIsaMvAde)
IshvaraH \-
mamAsti devi subhage kShetraM gokarNasa~nj~nakam |
gokarNeshaM samArAdhya vimuktA bahavo janAH || 1||
pashchime sAgaropAnte tatkShetraM mama kAmadam |
bhogamokShapradaM devi sarvapApavinAshakam || 2||
tatraiva brahmaviShNvAdyA munayaH kAshyapAdayaH |
pulastyabhArgavAdyAshcha vishvAmitraparAsharAH || 3||
paulastyAdyAshcha tatraiva rAvaNAdyA mahaujasaH |
gandharvAH kinnArA yakShA nAgA vidyAdharA gaNAH || 4||
nandibhR^i~NgiprabhR^itayo nAradAdyA munIshvarAH |
daityanAthAshcha tatraiva taptvA.amitabalA bhavan || 5||
anye surAsurAH sarve munayastApasAstathA |
gokarNeshaM samArAdhya lebhire tapasaH phalam || 6||
gokarNeshamaho dR^iShTvA mahAbalamanuttamam |
tatraiva bhArgavo rAmo reNukAtanayaH shive || 7||
niHkShatriyakR^itaM pApaM tyaktvA mAM sharaNaM gataH |
vAmadevo.api sArvAtmyaM yatra prApa mahAbale || 8||
gokarNeshaM samArAdhya munayo bhaktitatparAH |
j~nAnaM vedAntavAkyotthaM lebhire muktidAyakam || 9||
gokarNasa~nj~nakaM li~NgaM darshanAnmuktidAyakam |
saMsArapAshabaddhAnAM mochakaM bhavabheShajam || 10||
shakro durvAsasA shapto niHshrIkashchAbhavatu purA |
gokarNeshaM samArAdhya mahatIM shriyamAptavAn || 11||
gokarNe sAgaraiH pUjA kR^itA bhaktipuraHsaram |
atra santi mahAshaivAH sadA bhasmA~NgapANDarAH || 12||
rudrAkShamAlAbharaNA rudrAvartanatatparAH |
pa~nchAkSharaparA nityaM mama li~NgArchanAdarAH || 13||
bhavabhaktArchanaparA mannAmajapatatparAH |
vedavedAntatattvaj~nA yatayashcha tathAmbike || 14||
gR^ihasthA yatayashchaiva vanasthAshcha tathA pare |
varNino.api tathA gauri parNAmbuphalabhojanAH || 15||
gokarNanilayaM shambhumaparNApatimIshvaram |
bilvapatraiH samabhyarchya nityaM naivedyabhojinaH || 16||
agastyo.api sadA bhaktyA nityaM mAM stauti sha~Nkari |
rudrasUktairmahAdevi bilvapatraiH samarchya cha || 17||
vedAH sA~NgopaniShado mUrtimantaH sadAmbike |
sevAvasaramAlokya mahAbalamupAsate || 18||
brahmA chaturbhirvadanaishchAturhotraiH stuvattadA |
ShaNmukho.api sadA bhaktyA mAmupAste.ambikAsutaH || 19||
gaNeshA.api sadA devi bilvairabhyarchayatsadA |
sheShaH pratyahamAgatya pAtAlavivarAdume || 20||
svaphaNAmaNimANikyairbilvaiH sampUjya mAM sadA |
sahasravadanairIshaM nAmabhishcha sahasrakaiH || 21||
komalairbilvapatraishcha kamalaiH pUjayatyume |
diggajAshcha sadA gauri svashuNDAbalayoddhR^itaiH || 22||
pAnIyaiH bilvapatraishcha sAbjanAlaistathAmbike |
pUjayanti mahAli~Nge gokarNeshaM mahAbalam || 23||
viShNushchAtrAtapatdevi dAnavaishcha parAjitaH |
punarApyAyitashchAsItmatkaTAkSheNa shobhane || 24||
brahmaNApi tapastaptaM sR^iShTivij~nAnahetave |
bhUmyantarikShagA rudrA ye divyapsu pratiShThitAH || 25||
niSha~NgiNaH kavachinaH kha~NgakheTadhanurdharAH |
IshAnapramukhAH sarve mahAbalamupAsate || 26||
ashvinau marutashchApi vasvAdityA digIshvarAH |
tapsyanti matprasAdArthaM dhanado.api sadA mudA || 27||
matprasAdAtdhaneshatvaM sakhitvaM tasya chAbhavat |
atra chandro.api deveshi tapastaptvA suduShkaram || 28||
gurudAraratAtpApAnmukto.abhUnmatprasAdataH |
chaNDAMshurapi deveshi gokarNeshaM samarchayan || 29||
ChAyAtyAgajapApena mukto.abhUdatra sundari |
gokarNeshaM samArAdhya mahatIM shriyamAptavAn || 30||
daityarAjastathA bANo virochanasuto balI |
prachittirvighasashchaiva muro janmastathAndhakaH || 31||
vR^itrashcha namuchishchaiva asurau madhukaiTabhau |
sundopasundau deveshi shUrastAraka eva cha || 32||
hiraNyAkShashcha kashipuH prahlAdo mantharastathA |
balo nAmAsurendrashcha mahatIM prApnuvanshriyam || 33||
shakro.api vR^itravadhyAto.apyahalyAsa~NgapAtakAta |
vimuktaH sarvadA viprAH gokarNeshasamarchanAt || 34||
ete sarve tapastaptvA gokarNeshaM samarchya cha |
sarve prApatabalAH shUrAH shatruvitrAsakAH sadA || 35||
gokarNeshaM samArAdhya pUjayA tapasA.api cha |
gandharvAdyA mahAbhAge chitravarmA hahAhuhUH || 36||
tumburushchApi kaNDushcha nArado devagAyanaH |
gAndharvamedamakhilaM prApnuvanmatprasAdataH || 37||
nAganAthA mahAbhAge gokarNeshArchane ratAH |
dhR^itarAShTraH sha~NkhapAlaH kambalAshvatarau tathA || 38||
ananto vAsukishchaiva takShakaH kuNDarastathA |
svaphaNAbhirmahAli~NgaM ChAdya sampUjya bilvajaiH || 39||
komalaiH kamalairIshaM dalaiH sampUjayanti hi |
kAmadhenugaNAshchApi surabhirnandinI tathA || 40||
svodhaHsambhUtapayasA saphenenAbhyaShechayan |
bilvairmahAbaleshAnaM sampUjya mudamApnuvan || 41||
dharmo.api vR^iSharUpeNa tapastaptvAtra mAM shive |
matto labdhavaro devi mAM vahatyeva pR^iShThataH || 42||
gokarNeshaprasAdena chandrasUryAnvayodbhavAH |
rAjAnashcha sahasrANi nityaM mAM paryupAsate || 43||
manurvikukShiH kukShishcha shashabindurbhagIrathaH |
raghushchaivAtha mAndhAtA yuvanAshvo gayastathA || 44||
rantidevaH pR^ithurvainyo muchukundo dR^iDhAshvakaH |
dilIpaH sagaro viMsho nAbhAgashcha karandhamaH || 45||
AyuSha purushcha bharato yayAtirnahuShaH kuruH |
khaTva~Ngo.atha nR^igo.ariShTastathA saMvaraNo nR^ipaH || 46||
gokarNeshaM samArAdhya pR^ithivyAH patayo.abhavan |
devi kiM bahunoktena gokarNeshaprasAdataH || 47||
samabhyarchya mahAli~NgaM svaM svaM sthAnaM surAsurAH |
lebhire parameshAni mahAbalasamarchanAt || 48||
bhuktimuktipradaM kShetraM sarvasampatpradAyakam |
atra japto.atha yaH kashchinmantrasiddhiM gamiShyati || 49||
pa~nchAgnimadhyaniratA vAyubhakShAstathA.apare |
jaTorushirasaH kechiddantolUkhalinaH pare || 50||
bhasmAbhyaktAH sadA kechid rudrAdhyAyajapAdarAH |
pa~nchAkSharaparAH kechidkechinmannAmajApakAH || 51||
shiva sha~Nkara devesha gokarNesha maheshvara |
prasIda paramesheti tatra shaivA vadanti mAm || 52||
kechilli~NgArchanaparAH bilvapatrAdibhiH shive |
sAgnayo.anagnayaH kechid yatayo bhaktibhAvitAH || 53||
varNino vanasaMsthAshcha brAhmaNA mAmupAsate |
brahmaNyapatirevAhaM mahAbrAhmaNa IshvaraH || 54||
vasanti shaivA gokarNe mannaivedyaikabhojanAH |
atra shaivaM samabhyarchya mama loke vasennaraH || 55||
atra sarveShu kAleShu sAgarasnAnakR^innaraH |
ekaM shaivaM bhojayitvA matprItyarthamume shubhe || 56||
bhakShyabhojyaiH sadannaishcha sa mAM bhojayitAmbike |
gokarNeshaM pUjayitvA bilvapatrAdisAdhanaiH || 57||
koTili~NgArchanaphalaM prApnoti sa varAnane | 58\-1

|| iti shivarahasyAntargate shivagaurIsaMvAde gokarNakShetramAhAtmyam ||

\- || shrIshivarahasyam | bhargAkhyaH pa~nchamAMshaH | adhyAyaH 23||
##
- .. shrIshivarahasyam . bhargAkhyaH panchamAMshaH . adhyAyaH 23..
Notes:
Shiva describes to Devi about Gokarna Shiva Kshetra and the merits of worshipping Him at this place where He is known as Gokarneshwara.
The shlokas are maintained per the source text.

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}