% Text title            : Gokarneshvara Manasika Aradhanam
% File name             : gokarNeshvaramAnasikArAdhanam.itx
% Category              : shiva, pUjA
% Location              : doc\_shiva
% Proofread by          : Sivakumar Thyagarajan Iyer
% Description/comments  : 29 in Stotrasamuchchaya 1, Edited by Pandit K. Parameshwara Aithal tirugokarNaM temple in Pudukottai District,TN
% Latest update         : March 30, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gokarneshvara Manasika Aradhanam ..}##
\itxtitle{.. gokarNeshvaramAnasikArAdhanam ..}##\endtitles ##
shrIbR^ihadambAdhipate brahmapurogAH surAH stuvanti tvAm |
vyuShTA rajanI shayanAdutthAyaiShAmanugrahaH kriyatAm || 1||
gokarNanAtha gauryA sahasutayAruhya pAduke haime |
mauktikamaNTapamehi snAtumavaShTabhya mAmakaM hastam || 2||
tailaiH saptamahArNavIparimitaistAvadbhiruShNodakai \-
      rAjyakShIradadhIkShuchUtarasasatkShaudraistathAnyairapi |
snAnArhairabhiShechayAmi chaturo vedAn paThan bhaktitaH
      svAmin shrIbR^ihadambikesha kR^ipayA tat sarvama~NgIkuru || 3||
aNDabhittipariveShTanayogyAn haMsachitritadashAnupavItaiH |
arpayAmi bhavate bR^ihadambAdhIsha dhatsva navapItapaTAMstvam || 4||
bhasmoddhUlanapUrvakaM shiva bhavaddehaM tripuNDrairalaM\-
      kR^ityAdAvanu chandanairmalayajaiH karpUrasaMvAsitaiH |
sarvA~NgaM tava bhUShayAmi tilakenAlIkamapyAdarAt
      pashyAtmAnamanekamanmathasamachChAyaM svamAdarshagam || 5||
yAvantastrijagatsu ratnanikarA yAvaddhiraNyaM cha tai\-
      stenApIsha tavA~NgakeShu rachayAmyApAdakeshaM hR^idA |
yogyaM bhUShaNajAtamadya bR^ihadambesha tvayAthAmbikA\-
      putreNa pratigR^ihyatAM mayi kR^ipAdR^iShTishcha vistAryatAm || 6||
nandanachaitrarathAdiShu devodyAneShu yAni puShpANi |
tairbhUShayAmi nAgAbharaNa bR^ihannAyikesha te gAtram || 7||
koTikoTiguNitaiH shiva bilvaiH komalairvakulavR^ikShavanesha |
svarNapuShpasahitaiH shrutibhistvAM pUjayAmi padayoH pratimantram || 8||
gugguLubhArasahasrairbADavavahnau pradhUpito dhUpaH |
chakulavanesha svAminnagarusametastavAstu modAya || 9||
bisatantuvartivihitAH sagoghR^itAH shatakoTikoTigaNanopari sthitAH
prabhayAdharIkR^itaravIndupAvakA vakulATavIsha tava santu dIpikAH || 10||
shAlyannaM kanakAbhasUpasahitaM sadyoghR^itairanvitaM
      soShNaM hATakabhAjanasthamachalaspardhAlu savya~njanam |
gokarNeshvara gR^ihyatAM karuNayA sachCharkarAnnaM tathA
      mudgAnnaM kR^isarAnnamapyatisudhaM pAnIyamapyantarA || 11||
kR^isaramanoharalaDDukamodakashaShkulyapUpavaTakAdIn |
saptasamudramitAn shrIvakulavanAdhIsha bhu~NkShva bhakShyAMstvam || 12||
kShoNIsaMsthaiH samastaiH panasaphalabR^ihannAlikerAmrarambhA\-
      drAkShAkharjUrajambUbadaraphalalasanmAtula~NgaiH kapityaiH |
nAra~NgairikShukhaNDairapi nijajaTharaM pUryatAM mAmakaM chA\-
      bhIShTaM gokarNasa.nj~nasthalanilaya mahAdeva sarvaj~na shambho || 13||
kShIrAmbhodhigataM payastaduchite pAtre samaryopari
      prakShipyArjunasharkarAshchaNakagodhUmAn sahailAnapi |
pakkaM pAyasasa.nj~namadbhutatamaM madhvAjyasammmishritaM
      bhaktyAhaM vitarAmi tena bR^ihadamveshAtisantupyatAm || 14||
mallIpuShpasamAnakAntimR^idulAnannAchalAnambudhau
      daghnastadvadamartyadhenudadhijAn haiya~NgavInAchalAn |
kShiptvA shrIbR^ihadambikesha lavaNaiH ki~nchit sametaM mayA
      dAsyAmaH(?)pichumandachUrNasahitaM dadhyodanaM bhujyatAm || 15||
arghyAM chAchamanIyaM pAnIyaM kShAlanIyamapyambu |
svAmin vakulavanesha svaHsaridadbhiH sudhAbhirapi dadyAm || 16||
harmye ratnapariShkR^ite maratakastambhAyutAla~NkR^ite
      dIpyaddhemaghaTairala~NkR^itashirasyAlambimuktAsare |
divyairAstaraNairvibhUShitamahAma~nche.abhito vAsite
      sAkaM shrIbR^ihR^idambayA sakutukaM saMvishya vishramyatAm || 17||
pa~nchAkShareNa manunA pa~nchamahApApabha~njanaprabhuNA |
pa~nchaparArdhyairbilvairdakShiNagokarNanAyakArchAmi || 18||
elAkramukakarpUrajAtikAjAtipatribhiH |
tAmbUlaM chUrNasaMyuktaM gokarNeshvara gR^ihyatAm || 19||
bR^ihadambApate hemapAtrayitvA mahItalam |
karpUrayitvA hemAdriM tava nIrAjayAmyaham || 20||
ChatraM te shashimaNDalena rachayAmyAkAshaga~NgAjharaiH
      shvetaM chAmaramaShTadikkarighaTAkarNAnilairbIjanam |
AdarshaM ravimaNDalena jaladArAveNa bherIravaM
      gandharvApsarasAM gaNairvakulabhUvAsesha tauryatrikam || 21||
kalyANAchalavarchaso rathavarAn kArtasvarAla~NkR^itAn
      kailAsAdrinibhAnibhAnatimarudvegAMstura~NgAnapi |
kAmAbhIpsitarUpapauruShajuShaH sa~NkhyAvihInAn bhaTA\-
      nAlokyAmbikayorarIkuru bR^ihanmAtuH priyeshAdarAt || 22||
kAshmIracholadeshAnapi nijavibhavairvinindataH shashvat |
santataphaladAn deshAn shrIbR^ihadambesha chittajAn pradade || 23||
svargaM bhartsayato nimIlitadR^ishaH satyaM hriyAlokituM
      vaikuNThaM hasataH kachAkachijuShaH kailAsadhAmnA tava |
atyAshcharyayutAn gR^ihAnabhimatAnutpAdya buddhayA svayA
      bhaktyAhaM vitarAmi deva vakulAraNyAshrayA~NgIkuru || 24||
vishvasyAntarbahirapi vibho vartase tena te staH
      tat tvAM nantuM kramitumabhito.asambhavAnnAsmi shaktaH |
bhaktAdhInastvamasi bakulATavyadhIshopachArAn
      sarvAn kurve praNamanamukhAnAshayenAnishaM te || 25||
shrImanma~NgalatIrthapashchimataTaprAsAdabhadrAsanA\-
      jasrAvAsakR^itAntara~NgamahanIyA~Ngenduga~NgAdhara |
stotraM te kalayAmi shashvadakhilAmnAyaiH sahA~NgaiH punaH
      sarvaishchopaniShatpurANakavitAgumbhairbhavachChaMsibhiH || 26||
sakalatraputrapautraM sahaparivAraM sahopakaraNaM cha |
AtmAnamarpayAmi shrIbR^ihadambesha pAhi mAM kR^ipayA || 27||
kAyakR^itaM vachanakR^itaM hR^idayakR^itaM chApi mAmakaM mantum |
parihR^itya mAmajasraM tvayi kR^itabhAraM mahesha paripAhi || 28||
nakShatramAlikaiShA\.\. ##(Manuscript abruptly ends here)##

iti gokarNeshvaramAnasikArAdhanaM athavA gokarNamAnasikapUjA sampUrNam |

##
This is related to tirugokarNaM temple in Pudukottai District, TN


Proofread by Sivakumar Thyagarajan Iyer


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}