% Text title            : hariharastotram
% File name             : hariharastotram.itx
% Category              : shataka, shiva
% Location              : doc\_shiva
% Author                : Achyutashramasvami
% Proofread by          : PSA Easwaran
% Description-comments  : Brihatstotraratnakara 1 newer, Narayana Ram Acharya, Nirnayasagar, stotrasankhyA 225
% Latest update         : March 25, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. hariharastotram ..}##
\itxtitle{.. hariharastotram ..}##\endtitles ##

shrIgaNeshAya namaH ||
dharmArthakAmamokShAkhyachaturvargapradAyinau |
vande hariharau devau trailokyaparipAyinau || 1||
ekamUrtI dvidhA bhinnau saMsArArNavatArakau |
vande.ahaM kAmadau devau satataM shivakeshavau || 2||
dayAmayau dInadaridratApahau mahaujasau mAnyatamau sadA samau |
udAralIlAlalitau sitAsitau namAmi nityaM shivakeshavAvaham || 3||
anantamAhAtmyanidhI vidhistutau shriyA yutau lokavidhAnakAriNau |
surAsurAdhIshanutau nutau jagatpatI sadA vidhattAM shivakeshavau shivam || 4||
jagattrayIpAlananAshakArakau prasannahAsau vilasatsadAnanau |
mahAbalau ma~njulamUrtidhAriNau shivaM vidhattAM shivakeshavau sadA || 5||
mahasvinau modakarau parau varau munIshvaraiH sevitapAdapa~Nkajau |
ajau sujAtau jagadIshvarau sadA shivaM vidhattAM shivakeshavau mama || 6||
namo.astu nityaM shivikeshavAbhyAM svabhaktasaMrakShaNatatparAbhyAm |
deveshvarAbhyAM karuNAkarAbhyAM lokatrayInirmitikAraNAbhyAm || 7||
salIlashIlau mahanIyamUrtI dayAkarau ma~njulasachcharitrau |
mahodayau vishvavinodahetU namAmi devau shivakeshavau tau || 8||
trishUlapANiM varachakrapANiM pItAmbaraM spaShTadigambaraM cha |
chaturbhujaM vA dashabAhuyuktaM hariM haraM vA praNamAmi nityam || 9||
kapAlamAlAlalitaM shivaM cha sadvaijayantIsragudArashobham |
viShNuM cha nityaM praNipatya yAche bhavatpadAmbhoruhayoH smR^itiH stAt || 10||
shiva tvamevA.asi harisvarUpo hare tvamevA.asi shivasvarUpaH |
bhrAntyA janAstvAM dvividhasvarUpaM pashyanti mUDhA nanu nAshahetoH || 11||
hare janA ye shivarUpiNaM tvAM tvadrUpamIshaM kalayanti nityam |
te bhAgyavantaH puruShAH kadA.api na yAnti bhAsvattanayasya geham || 12||
shambho janA ye harirUpiNaM tvAM bhavatsvarUpaM kamalAlayesham |
pashyanti bhaktyA khalu te mahAntau yamasya no yAnti puraM kadAchit || 13||
shive harau bhedadhiyA.a.adhiyuktA muktiM labhante na janA durApAm |
bhuktiM cha naiveha parantu duHkhaM saMsArakUpe patitAH prayAnti || 14||
hare harau bhedadR^isho bhR^ishaM vai saMsArasindhau patitAH satApAH |
pApAshayA mohamayAndhakAre bhrAntA mahAduHkhabharaM labhante || 15||
santo lasantaH sutarAM harau cha hare cha nityaM vahubhaktimantaH |
antarmahAntau shivakeshavau tau dhyAyanta uchchairmudamApnuvanti || 16||
harau hare chaikyamudArashIlAH pashyanti shashvatsukhadAyilIlAH |
te bhuktimuktI samavApya nUnaM sukhaM durApaM sutarAM labhante || 17||
shive shiveshe.api cha keshave cha padmApatau devavare mahAntaH |
bhedaM na pashyanti parantu santastayorabhedaM kalayanti satyam || 18||
ramApatiM vA girijApatiM vA vishveshvaraM vA jagadIshvaraM vA |
pinAkapANiM khalu shAr~NgapANiM hari haraM vA praNamAmi nityam || 19||
sureshvaraM vA parameshvaraM vA vaikuNThalokasthitamachyutaM vA |
kailAsashailasthitamIshvaraM vA viShNuM cha shambhuM cha namAmi nityam || 20||
harirdayArdrAshayatAM prayAto haro dayAlUttamabhAvamAptaH |
anekadivyAstradharaH pareshaH pAyAdajasraM kR^ipayA nataM mAm || 21||
sheSho.asti yasyAbharaNatvamApto yadvA sushayyAtvamitaH sadaiva |
devaH sa ko.apIha harirharo vA karotu me ma~njulama~NgalaM drAk || 22||
hariM haraM chApi bhajanti bhaktyA vibhedabuddhiM pravihAya nUnam |
siddhA mahAnto munayo mahechChAH svachChAshayA nAradaparvatAdyAH || 23||
sanatkumArAdaya unnatechChA mohena hInA munayo mahAntaH |
svAntaHsthitaM sha~NkaramachyutaM cha bhedaM parityajya sadA bhajante || 24||
shiShTA vasiShThAdaya AtmaniShThAH shreShThAH svadharmAvanakarmachittAH |
hR^ittApahAraM malahInachittA hariM haraM chaikatayA bhajante || 25||
anye mahAtmAna udArashIlA bhR^igvAdayo ye paramarShayaste |
pashyanti chaikyaM harisharvayoH shrIsaMyuktayoratra na saMshayo.asti || 26||
indrAdayo devavarA udArA trailokyasaMrakShaNadattachittAH |
hariM haraM chaikasvarUpameva pashyanti bhaktyA cha bhajanti nUnam || 27||
sarveShu vedeShu khalu prasiddhavaikuNThakailAsagayoH sudhAmnoH |
mukundabAlenduvataMsayoH sachcharitrayorIshvarayorabhedaH || 28||
sarvANi shAstrANi vadanti nUnaM harerharasyaikyamudAramUrteH |
nAstyatra sandehalavo.api satyaM nityaM janA dharmadhanA gadanti || 29||
sarvaiH purANairidameva sUktaM yadviShNushambhormahanIyamUrtyoH |
aikyaM sadaivA.asti na bhedalesho.apyastIha chintyaM sujanaistadevam || 30||
bhedaM prapashyanti narAdhamA ye viShNau cha shambhau cha dayAnidhAne |
te yAnti pApAH paritApayuktA ghoraM vishAlaM nirayasya vAsam || 31||
bhUtAdhipaM vA vibudhAdhipaM vA rameshvaraM vA parameshvaraM vA |
pItAmbaraM vA haridambaraM vA hariM haraM vA puruShA bhajadhvam || 32||
mahasvivaryaM kamanIyadehamudArasAraM sukhadAyicheShTam |
sarveShTadevaM duritApahAraM viShNuM shivaM vA satataM bhajadhvam || 33||
shivasya viShNoshcha vibhAtyabhedo vyAsAdayo.apIha maharShayaste |
sarvaj~nabhAvaM dadhato nitAntaM vadanti chaivaM kalayanti santaH || 34||
mahAshayA dharmavidhAnadakShA rakShAparA nirjitamAnasA ye |
te.apIha vij~nAH samadarshino vai shivasya viShNoH kalayantyabhedam || 35||
harireva haro hara eva harirna hi bhedalavo.api tayoH prathitaH |
iti siddhamunIshayatIshavarA nigadanti sadA vimadAH sujanAH || 36||
hara eva harirharireva haro hariNA cha hareNa cha vishvamidam |
pravinirmitametadavehi sadA vimado bhava tau bhaja bhAvayutaH || 37||
harireva babhUva haraH paramo hara eva babhUva hariH paramaH |
haritA haratA cha tathA militA rachayatyakhilaM khalu vishvamidam || 38||
vR^iShadhvajaM vA garuDadhvajaM vA girIshvaraM vA bhuvaneshvaraM vA |
patiM pashUnAmathavA yadUnAM kR^iShNaM shivaM vA vibudhA bhajante || 39||
bhImAkR^itiM vA ruchirAkR^itiM vA trilochanaM vA samalochanaM vA |
umApatiM vA.atha ramApatiM vA hariM haraM vA munayo bhajante || 40||
hariH svayaM vai haratAM prayAto harastu sAkShAddharibhAvamAptaH |
harirharashchApi jagajjanAnAmupAsyadevau sta iti prasiddhiH || 41||
harirhi sAkShat hara eva siddho haro hi sAkShAddhadireva chAste |
hIrarharashcha svayameva chaiko dvirUpatAM kAryavashAt prayAtaH || 42||
harirjagatpAlanakR^itprasiddho haro jagannAshakaraH parAtmA |
svarUpamAtreNa bhidAmavAptau dvAvekarUpau sta imau sureshau || 43||
dayanidhAnaM vilasadvidhAnaM devapradhAnaM nanu sAvadhAnam |
sAnandasanmAnasabhAsamAnaM devaM shivaM vA bhaja keshavaM vA || 44||
shrIkaustubhAbharaNamindukalAvataMsaM
     kAlIvilAsinamatho kamalAvilAsam |
devaM murArimatha vA tripurArimIshaM
     bhedaM vihAya bhaja bho bhaja bhUri bhaktyA || 45||
viShNuH sAkShAchChambhureva prasiddhaH shambhuH sAkShAdviShNurevAsti nUnam |
nAsti svalpo.apIha bhedAvakAshaH siddhAnto.ayaM sajjanAnAM samuktaH || 46||
shambhurviShNushchaikarUpo dvimUrtiH satyaM satyaM gadyate nishchitaM sat |
asminmithyA saMshayaM kurvate ye pApAchArAste narA rAkShasAkhyAH || 47||
viShNau shambhau nAsti bhedAvabhAsaH sa~NkhyAvantaH santa evaM vadanti |
antaH ki~nchitsaMvichintya svayaM drAk bhedaM tyaktvA tau bhajasva prakAmam || 48||
viShNorbhaktAH shambhuvidveShasaktAH shambhorbhaktA viShNuvidveShiNo ye |
kAmakrodhAndhAH sumandAH sanindA vindanti drAk te narA duHkhajAlam || 49||
viShNau shambhau bhedabuddhiM vihAya bhaktyA yuktAH sajjanA ye bhajante |
teShAM bhAgyaM vastumIsho gururno satyaM satyaM vachmyaMha viddhi tattvam || 50||
harervirodhI cha harasya bhakto harasya vairI cha hareshcha bhaktaH |
sAkShAdasau rAkShasa eva nUnaM nAstyatra sandehalavo.api satyam || 51||
shivaM cha viShNuM cha vibhinnadehaM pashyanti ye mUDhadhiyo.atinIchAH |
te kiM susadbhiH sutarAM mahadbhiH sambhAShaNIyAH puruShA bhavanti || 52||
anekarUpaM viditaikarUpaM mahAntamuchchairatishAntachittam |
dAntaM nitAntaM shubhadaM sukAntaM viShNuM shivaM vA bhaja bhUribhaktyA || 53||
hare murAre hara he purAre viShNo dayAlo shiva he kR^ipAlo |
dInaM janaM sarvaguNairvihInaM mAM bhaktamArtaM paripAhi nityam || 54||
he he viShNo shambhurUpastvameva he he shambho viShNurUpastvameva |
satyaM sarve santa evaM vadantaH saMsArAbdhiM hya~njasA santaranti || 55||
viShNuH shambhuH shambhurevAsti viShNuH shambhurviShNurviShNurevAsti shambhuH |
shambhau viShNau chaikarUpatvamiShTaM shiShTA evaM sarvadA sa~njapanti || 56||
daivI sampadvidyate yasya puMsaH shrImAn so.ayaM sarvadA bhaktiyuktaH |
shambhuM viShNuM chaikarUpaM dvidehaM bhedaM tyaktvA sambhajanmokShameti || 57||
yeShAM puMsAmAsurI sampadAste mR^ityorgrAsAH kAmalobhAbhibhUtAH |
krodhenAndhA bandhayuktA janAste shambhuM viShNuM bhedabuddhyA bhajante || 58||
kalyANakAraM sukhadaprakAraM vinirvikAraM vihitopakAram |
svAkAramIshaM na kR^itApakAraM shivaM bhajadhvaM kila keshavaM cha || 59||
sachchitsvarUpaM karuNAsukUpaM gIrvANabhUpaM varadharmayUpam |
saMsArasAraM suruchiprasAraM devaM hariM vA bhaja bho haraM vA || 60||
AnandasindhuM paradInabandhuM mohAndhakArasya nikArahetum |
saddharmasetuM ripudhUmaketuM bhajasva viShNuM shivamekabuddhyA || 61||
vedAntasiddhAntamayaM dayAluM satsA~NkhyashAstrapratipAdyamAnam |
nyAyaprasiddhaM sutarAM samiddhaM bhajasva viShNuM shivamekabuddhyA || 62||
pApApahAraM ruchiraprachAraM kR^itopakAraM vilasadvihAram |
saddharmadhAraM kamanIyadAraM sAraM hariM vA bhaja bho haraM vA || 63||
viShNau harau bhedamavekShamANaH prANI nitAntaM khalu tAntachetAH | - Added.
pretAdhipasyaiti puraM durantaM duHkhaM cha tatra prathitaM prayAti || 64||
bho bho janA j~nAnadhanA manAgapyarchye harau chApi hare cha nUnam |
bhedaM parityajya mano nirudhya sukhaM bhavantaH khalu tau bhajantu || 65||
AnandasanmandiramindukAntaM shAntaM nitAntaM bhuvanAni pAntam |
bhAntaM sudAntaM vihitAsurAntaM devaM shivaM vA bhaja keshavaM vA || 66||
he he hare kR^iShNa janArdanesha shambho shashA~NkAbharaNAdhideva | 
nArAyaNa shrIsha jagatsvarUpa mAM pAhi nityaM sharaNaM prapannam || 67||
viShNo dayAlo.achyuta shAr~NgapANe bhUtesha shambho shiva sharva nAtha |
mukunda govinda ramAdhipesha mAM pAhi nityaM sharaNaM prapannam || 68||
kalyANakArin kamalApate he gairIpate bhIma bhavesha sharva |
girIsha gaurIpriya shUlapANe mAM pAhi nityaM sharaNaM prapatram || 69||
he sharva he sha~Nkara he purAre he keshava he kR^iShNa hare murAre |
he dInabandho karuNaikasindho mAM pAhi nityaM sharaNaM prapannam || 70||
he chandramaule harirUpa shambho he chakrapANe shivarUpa viShNo |
he kAmashatro khalu kAmatAta mAM pAhi nityaM bhagavannamaste || 71||
sakalalokapashokavinAshinau paramaramyatayA pravikAshinau |
aghasamUhavidAraNakAriNau hariharau bhaja mUDha bhidAM tyaja || 72||
hariH sAkShAddharaH prokto haraH sAkShAddhariH smR^itaH |
ubhayorantaraM nAsti satyaM satyaM naM saMshayaH || 73||
yo harau cha hare sAkShAdekamUrtau dvidhA sthite |
bhedaM karoti mUDhAtmA sa yAti narakaM dhruvam || 74||
yasya buddhirharau chApi hare bhedaM cha pashyati |
sa narAdhamatAM yAto rogI bhavati mAnavaH || 75||
yo harau cha hare chApi bhedabuddhiM karotyaho |
tasmAnmUDhatamo loke nAnyaH kashchana vidyate || 76||
muktimichChasi chettarhi bhedaM tyaja harau hare |
anyathA janmalakSheShu muktiH khalu sudurlabhA || 77||
viShNoH shivasya chAbhedaj~nAnAnmuktiH prajAyate |
iti sadvedavAkyAnAM siddhAntaH pratipAditaH || 78||
viShNuH shivaH shivo viShNuriti j~nAnaM prashiShyate |
etajj~nAnayuto j~nAni nAnyathA j~nAnamiShyate || 79||
harirharo harashchApi harirastIti bhAvayan |
dharmArthakAmamokShANAmadhikArI bhavennaraH || 80||
hariM haraM bhinnarUpaM bhAvayatyadhamo naraH |
sa varNasa~Nkaro nUnaM vij~neyo bhAvitAtmabhiH || 81||
hara shambho hare viShNo shambho hara hare hara |
iti nityaM japan janturjIvanmukto hi jAyate || 82||
na hariM cha haraM chApi bhedabuddhyA vilokayet |
yadIchChedAtmanaH kShemaM buddhimAn kushalo naraH || 83||
hare hara dayAlo mAM pAhi pAhi kR^ipAM kuru |
iti sa~njapanAdeva muktiH prANau pratiShThitA || 84||
hariM haraM dvidhA bhinnaM vastutastvekarUpakam |
praNamAmi sadA bhaktyA rakShatAM tau maheshvarau || 85||
idaM hariharastotraM sUktaM paramadurlabham |
dharmArthakAmamokShANAM dAyakaM divyamuttamam || 86||
shivakeshavayoraikyapratipAdakamIDitam |
paTheyuH kR^itinaH shAntA dAntA mokShAbhilAShiNaH || 87||
etasya paThanAtsarvAH siddhayo vashagAstathA |
devayorviShNushivayorbhaktirbhavati bhUtidA || 88||
dharmArthI labhate dharmamarthArthI chArthamashnute |
kAmArthI labhate kAmaM mokShArthI mokShamashnute || 89||
durgame ghorasa~NgrAme kAnane vadhabandhane |
kArAgAre.asya paThanAjjAyate tatkShaNaM sukhI || 90||
vede yathA sAmavedo vedAnto darshane yathA |
smR^itau manusmR^itiryadvat varNeShu brAhmaNo yathA || 91||
yathA.a.ashrameShu sannyAso yathA deveShu vAsavaH |
yathA.ashvatthaH pAdapeShu yathA ga~NgA nadIShu cha || 92||
purANeShu yathA shreShThaM mahAbhAratamuchyate |
yathA sarveShu lokeShu vaikuNThaH paramottamaH || 93||
yathA tIrtheShu sarveShu prayAgaH shreShTha IritaH |
yathA purIShu sarvAsu varA vArANasI matA || 94||
yathA dAneShu sarveShu chAnnadAnaM mahattamam |
yathA sarveShu dharmeShu chAhiMsA paramA smR^itA || 95||
yathA sarveShu saukhyeShu bhojanaM prAhuruttamam |
tathA stotreShu sarveShu stotrametatparAtparam || 96||
anyAni yAni stotrANi tAni sarvANi nishchitam |
asya stotrasya no yAnti ShoDashImapi satkalAm || 97||
bhUtapretapishAchAdyA bAlavR^iddhagrahAshcha ye |
te sarve nAshamAyAnti stotrasyAsya prabhAvataH || 98||
yatrAsya pATho bhavati stotrasya mahato dhuvam |
tatra sAkShAtsadA lakShmIrvasatyeva na saMshayaH || 99||
asya stotrasya pAThena vishveshau shivakeshavau |
sarvAnmanorathAnpuMsAM pUrayetAM na saMshayaH || 100||
puNyaM puNyaM mahatpuNyaM stotrametaddhi durlabham |
bho bho mumukShavaH sarve yUyaM paThata sarvadA || 101||

ityachyutAshramasvAmivirachitaM shrIhariharAdvaitastotraM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}