% Text title : Japyesha Ashtaprasa Shatakam % File name : japyeshAShTaprAsashatakam.itx % Category : shiva, shataka % Location : doc\_shiva % Author : veNkaTasubbakavi % Proofread by : Sivakumar Thyagarajan Iyer % Description/comments : 31 in Stotrasamuchchaya 1, Edited by Pandit K. Parameshwara Aithal % Latest update : March 30, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Japyesha Ashtaprasa Shatakam ..}## \itxtitle{.. japyeshAShTaprAsashatakam ..}##\endtitles ## shrIkAlIsha lasatkaTAkShagaladasto kA nukampAjharI\- sekAsheShavimR^iShTasarvavinamallokAgha vishvAdhipa | rAkAbjAnana yogisatkR^itiparIpAkAyutArkojjvalA\- lokAsmaddhR^idayAmbuje vasa chiraM he kAmitArthaprada || 1|| ekAkI svayamIshvaro jagati yo.anekAtmanA rAjate pAkAripramukhaiH sadaiva nikhilairnAkAlayairarchitaH | lokAta~NkaharaH prabhurbhavanadInaukAyitA~NghridvayaHM shokApohanamAdarAt sa tanutAM me kAmavairI shivaH || 2|| yaM kAlAbhidhashailakhaNDanavidhau Ta~NkAyitA~Nghri haraM ka~NkAlAbharaNaM niShevya gatahR^itpa~NkA bhR^ishaM yoginaH | sha~NkAmaM pratipedire vinatahR^itpa~NkApanododyataM taM kAmadviShamantarAnyamadhunA kaM kAtaro naumyaham || 3|| kiM kAryaM patitaughapAlanakalAsha~NkAkulairnijarai\- ryaM kAruNyanidhiM sameti vigatAha~NkAramR^iNyAvaliH | a~NkAsInagirIndrajAstanataTAla~NkArakastUrikA\- pa~NkAla~NkR^itavakShasaM pashupatiM taM kAlakaNThaM bhaje || 4|| sa~NketaM nikhilA ivetya suguNA yaM kelibhUmiM natA\- ta~NkelAdharavajrama~Nghrimagaman pa~NkeruhashrImuSham | ka~NkeliprasavaprabhaM praNamatAM taM kevalaM pAlane sha~Nke sandhR^itarAgamIshvara tavAhaM keshavAdyarchita || 5|| (##Variation ## la~Nkesho.astuvadIshvaraM shrutigaNairya kevalaM sarvadA\- na~NkendUjjvalamastakaM varaguNAH sa~Nketametyeva te | svaM kelIbhavanaM yamApura khilAstaM keshavArAdhitaM pa~NkeShu bhramatAmavantamiha hR^itparu bhAvaye || 5||) tvAM kairIshamatarpayaM sucharitairdhUkaiH samaH sarvato bhIkaiH sArdhamaTan vR^ithAnayamaho hA kaitavADhyairjanim | he kailAsapate karomyapi tathA shlokainutiM kevalai\- rekaishvaryanidhe bhR^ishaM mama namovAkaishcha hR^iShTo bhava || 6|| eko.apyadya kR^ito mayA nahi vR^iSho hA ko.api devo.architaH kAkolaM haratastavAchyutanuta shlokottamaprastutau | mUko.asmyaj~natayAhamitthamabhavaM kAkodarAla~NkR^ite mA kopaM kuru maddhR^idabjamukulaM vyakochayAtyAdarAt || 7|| chakrAstrAdidurUhanaijamahiman chakrAyitendIvareT chakrAptAkhilaloka nAtha vinama~nchakrAvanaikavata | shakrAbhIShTada sAmba mAM bhavamahAchakrAjjavAduddhara prakrAmanti yato vimohanakR^ite vakrA hi kAmAdayaH || 8|| lekhAdhIshamukheShTadAdya himaruglekhAttamaule nama\- drekhAkShyutpalachandrikAyitalasanmaikhAbha shambho vibho | rekhAbjAnvitamuktidA~NghriyugalIlekhArdhavAhadyusa\- chChAkhAvadgaNa bhUri me virachayarkChAkhAdigeya shriyam || 9|| shikhyAkAsharavInduvAyujalabhUmakhyAtmanA yaH prabhu\- vikhyAto bhagavAn vibhAti sumanomukhyAdibhiH sevitaH | sa~NkhyAnanditabhR^ityakinnarapaterduHkhyArtihaM pa~Nkaja\- prakhyAbhaM pratipadya tasya charaNaM sukhyAshvahaM syAM kadA || 10|| rAgAha~NkR^itimukhyashatrushamano yo.agAdhinAthAtmajA\- yogAtisphurada~Ngako munivarairyogAdibhiH sevyate | yAgAdyaishcha sadA sabhaktikamalaM nAgAjinAchChAdano nAgAdhIshavibhUShaNo bhavabhayatyAgAya sa syAnmama || 11|| i~NgAlIkR^itasarvalokamadakR^ichChR^i~NgArayoniM budhA bha~NgAyAghakulasya yanti munidra~NgAttanATyAdaram | pi~NgAbaddhajaTAbharaM mama manaH sa~NgAhate bhUmibhR^i\- chChR^i~NgAgAramagAtmajAshritavarotsa~NgAbhirAmaM shivam || 12|| yaM gAyanti budhA vimuktaviShayAsa~NgA jaTAntodbhava\- ga~NgAnIrajarA jilolavinadA~NgAli~NkAram | tu~NgAlepayutAdrijAkuchapariShva~NgAbhirAma rasaM shR^i~NgAraikaniketanaM tamiha bhAvya~NgApanuttyai bhaje || 13|| yogIshaiH paratattvamityavirataM yo gIyate prAktanA vAgIShTe.api na varNituM yamatulaM bhogIshabhUShojjvalam | bho gIrvANakulairvibhAvitapadA vAgIshamukhyaistvayA drAgIsha smaraNIya eSha bhavarugbhAgIdR^isho.ahaM vibho || 14|| prAgyAmAparatiM manastu viShaye rAgyAshu tanme.adhunA yogyAma~Nghrisusa~NgatiM tava bhajed bhogyA cha muktiryathA | yogyAvedyapadAdvijAvaratapobhAgyAdya kR^itvA tathA drAg yAch~nAM mama pUrayAkhilamahArogyArtividhvaMsana || 15|| ugrA rijahat sadAkRitakavAgagrAdhigamyaM hRidA \- pyagrAhyaM vibudhairhatArtajanatArug rAjate yat padam | ugra.tyadbhutavishvasarjanaguNodagrAshu mohAdayo nigrAhyA mama chittamohanakR^itivyagrA hi tena tvayA || 16|| shlAghA kA kuruShe dayAM yadi vibho vaighAnasAnAM parA\- moghAyAtmavatAM satAM bhava sharanmeghAbha vishveshvara | me.aghAni tvamapohya vAmacharaNavyAghAtadhUtAntakA\- moghAmIsha nutiM vidhehi kR^ipayA moghArtividhvaMsanAm || 17|| AchArairvidhichoditairasulabhaM prAchAmalakShyaM cha yaM vAchAmeti vaTadrumUlanilayaM tvAchAryamR^ipyAvaliH | AchAmatyatulaM yada~NghribhajanaM nIchArivargaM kShaNA\- ddhe chAmIkarashailachApa bhavasa~NkochAya me tvaM bhava || 18|| ichChAkAryajagatkR^itisthitilaya svachChAmbuvAhachChaTA \- sachChAyA~Nga vibho kapardakuharaprachChAditAmra paga | pR^ichChAmIshvara mA kuru tvamiha bho yachChAdrijAtAprabho yachChAnto.anubhavatyalaM munigaNastachChAshvataM me sukham || 19|| hR^ichChAkhAmR^iga niShphale bhavavane tuchChATasi tvaM vR^ithA prachChAyaM parirabdhapInakuchasadguchChADhyagaurIlatam | sachChajharIrakalabhyamiShTaphaladaM sachChAkhinaM sAdaraM gachChAdyaM girishaM shivAkhyamatulaM machChAsanAt satvaram || 20|| yo jAyA~NgaruchA vichitritalasattejA vibhAti ghusa\- dvAjAdyAnata sarvakAmyadapadAmbhojAdya sa tvaM vibho | bho jAtAdaramIsha dehi kR^ipayAvyAjAmajasraM jaga\- dvIjAtIva tavA~NghribhaktimatulAM rAjArdhachUDeshvara || 21|| sa~njAtapraNayaM sadaiva taruNIpu~njAntare mUDha he kiM jAlmATasi durbinIta hR^idaya tvaM jAgarUkaM bhR^isham | yaM jAnanti sukhaikahetumamarAH ka~njAkShamukhyAH paraM taM jAnIhi parAyaNaM pashupatiM ka~njArdhachUDojjvalam || 22|| praj~nAvadbhiratIva tattvamatulaM jij~nAsubhiryaH sadA yaj~nAdyaiH parisevyate sukR^itibhirvij~nAnarUpaH shivaH | aj~nAnAntratamaH kadambatapanAvaj~nAtakAlAdarAt sajj~nAnaM tvamumesha dehi nitarAmaj~nAya mahyaM vibho || 23|| khATAdhIshamukhairniShevita suraishcheTAyamAnaistrayI\- ghoTAdhyUDha mahIrathottama jaTAjUTA sthitAApaga | kITa.dyAkhilajanturakShaka vibho kUTAyitorvIdhareT\- kUTAdyeshvara deva pAlitanamatkUTAshu mAM pAlaya || 24|| cheTIbhUta chaturmukhAdidiviShatkoTIshiraHprollasa\- tkoTIrojjvaladivyaratnakulabhAghATIvirAjatpadam | pATIrAdilasachChivAkuchataTIkoTIvilIDhorasaM shATIbhUtamR^igAjinaM munimanaHpeTIdhanaM bhAvaye || 25|| duShTA yastu puro dadAha jagato.aniShThApanuttyai paraM tuShTA yaM kR^itino bhajanti girijAShTiA~NgakaM yanmude | iShTAdyaM vR^iShamAcharanti satataM shiShTA bhR^ishaM yatra sA dR^iShTA bhAti dayAlutA vitanutAmiShTArthasiddhiM sa me || 26|| sraShTAbhUt karuNAM prapadya jagadutkR^iShTAdyataH padmabhUH puShTA yena dayAbdhinA trijagatI hR^iShTA paraM rAjate | naShTAj~nAnahR^idantairairmunivarairjuShTA~Nghripadmo bhava\- kliShTAntaHkaraNasya me sa tanutAt kaShTApanodaM shivaH || 27|| shuNDAlAsyaShaDAsyanandaka namatShaNDA khilainastama\- shchaNDAMsho maNikuNDaladyutilasadguNDAnukampAmbudhe | tuNDAbjATadumAkaTAkShamadhupAkhaNDAtmarUpoDurAT\- khaNDAla~NkR^itamastakAbhayadadordaNDAva mAmAdarAt || 28|| soDhAraM nikhilAgasAM shrutishirogUDhArthamAhurbudhA voDhAraM jagatAM cha yaM munimanolIDhA~Nghripadmadvayam | UDhA yena nagAtmajA natarujAgADhAndhakArAruNo mUDhAyAshu sa me prayachChatu dhiyaM prauDhAmatIveshvaraH || 29|| kShoNAvAvirabhUddhana~njayaparitrANAya bhillAtmanA bANAdyarchitapadvayo vasati yaH prANAtmanA jantuShu | sthANAveva mamAnvahaM cha ramatAmeNAshritAtyullasa\- tpANAvAnatakhedatUlakamahAprANAyitA~Nghrau manaH || 30|| kShoNI yasya ratho.abhavat purajaye vANIpatiH sArathi \- stUNIro jaladhirharasya sumanaHshreNIShTakarturvibhoH | kShoNIghro.api sharAsanaM suranadI veNI virAjajaTa bANIbhUtahariM tamIDitumalaM vANI madIyA katham || 31|| puNyAtmohyapadaM jaganmadakarITsR^iNyAyitechChaM bhavA\- raNyAgniM latru yatsmitArchiShi puraistR^iNyAyitaM taM bhavam | puNyAlyuttamabhUShaNapravilasanmaNyADhyagAtraM sudhA\- ghR^iNyApIDamupAsmahe hR^idi sadAgaNyAtulaprAbhavam || 32|| pAtA yo yamumApa yena ravibhUrAtADi yasmai tapo\- jAtAni prabhave.arpayanti sukR^ititrAtA hi yasmAt prajAH | jAtA yasya harasya sArathivaro dhAtA sa yasmin bhR^ishaM khyAtA sarvadayAlutA sa bhagavAn dAtA sukhasyAstu naH || 33|| shvetAbhravrajagarvabha~njanaruchirbhUtAdhipaH saMsR^ite\- rbhItAnAmabhaya~NkaraH suragaNairgItApadAnAvaliH | chAtAshAdhipabhUShaNojjvalatanurjAtAdaraM lokasaM\- trAtA vR^ittimimAM vyapohatu parAM me tAmasImIshvaraH || 34|| pUtAntaHkaraNArchitasya makuTAnItAntarikShApagA\- shItAMshoH parirabdhabhUmidhararADjAtA~NgabhAsvattanoH | AtAmrAbhivisArikAntinikarakrItAmbujaM tasya mAM vItAMhobrajamIshvarasya tanutAd dhR^itAntakaM padvayam || 35|| yantAraM jagatAM budhAH pashupatiM santApavidhvaMsinaM santAnAyitapAdamiShTabharaNe.anantAdisaMsevitam | hantAraM cha purAM nagAdhipabhuvo rantAramAhurvibhuM taM tAvat satataM bhavAkhyajaladheH santAraNArthaM bhaje || 36|| dAntA yaM hi vibhAvayanti nitarAM shAntA mahAyoginaH svAntAbje shivamAdareNa cha sadA chAntArtakhedaM param | kAntAshliShTakalevaro bhavamahAkAntArasa~nchAriNaM shAntAta~NkamimaM tanotu bhagavAn mAM tAdR^ishaH sha~NkaraH || 37|| bhrAntAnAM bhavakAnane.asi sharaNaM kShAntAnatAgAH ? samA\- krAntAnekavidhaprapa~nchaduritadhvAntArka shambho tataH | tvAM tApatrayabha~njanaM paramahaM shrAntAvanaM rohiNI\- kAntApIDamahaM shritaH shiva bhavAnmAM tArayAshu prabho || 38|| tyaktAha~NkR^itayo.api yaM munivarAH shaktA na vettuM vibhuM vyaktAvyaktamanantamAdyamagajAyuktArdhagAtraM shivam | muktA yatkaruNAkaTAkShalaharIsiktA bhR^ishaM yatpadA \- saktAntaHkaraNA budhAstamanishaM bhaktAnukampaM bhaje || 39|| dR^iptA yena puro.alpahAsashuchinA taptAH kShaNAdeva bhI \- rluptA nAkanivAsinAM trijagatI guptA dayAmbhodhinA | saptAbaddhasurApagaH pashupatiH saptAshvanakShatrarAT\- saptArchirnayano javAdavatu naH kL^itArtalokAvanaH || 40|| mastAropitachandra mohabalato grastAtmachetAH paraM dustAyeM bhavasAgare pashupate.adhastAnnimagnaM dR^iDham | trastAvalyabhayapradAnavidadhaddhastAshu chottArya mAM dhvastAta~NkamimaM vidhAya kutukaM vistArayAryApate || 41|| kR^ityAkR^ityavivekashUnyahR^idayo.agatyA bhavAbdhau bhraman matyA tvAM nahi pArayAmyachalayA satyAhamArA ghitum | natyA kevalayA bhajAmyagavarApatyAdhipa tvaM samu\- ddhR^ityArtaM karuNAkarAshu shiva mAmatyAhitAt pAlaya || 42|| nityAnandamayaH sadaiva munisantatyA viri~nchAdima\- stutyAtmIyapadAmbujo hR^idi mahAnatyAdarAnmR^igyate | shrutyAmreDitavaibhavAya vibhave satyAtmane santataM bhR^ityAta~NkamahAndhakAranivahAdityAya tasmai namaH || 43|| daityAripramukhArchite munimano vettyAdarAdiShTade yAtyAmR^iShTavinamrasaMsR^itimahAbhItyAdike yatpade | bhAtyAnandamayashcha yaH pashupatiH kAtyAyanIsho.a~njaso\- petyApadyanukampayA sa bhagavAn prItyA cha mAM rakShatu || 44|| vR^itrAripramukhA bhajanti nikhilAH satrAtibhaktyA sadA satrAsA girishaM mR^ikaNDumunirATputrArtihaM yaM param | yatrAtIva manAMsi bhAnti kR^itinAM chitrAtmakR^itye pare hR^ittrAsAd bhavajAd dayAbdhiriha mAM sa trAyatAmIshvaraH || 45|| netrAgnikShapitA~Ngajo jayati yo netrAyitAsho jaga\- nnetrA yena hatAH puraH shatajagannetrAtitejasvinA | dhAtrAdyairvinayAt sadaiva kalitastotrAya vishvAtmane gotrAdhIshvarakanyakAshritalasaddvAtrAya tasmai namaH || 46|| yaM trAtAramudAharanti sumahAmantrArthalakShyaM budhA\- stantrANAmapi sampravartakamalaM yantrAvalInAmapi | hantrA yena purAM kR^itAH suragaNAH santrAsahInAH paraM nantrArtikShapaNena tena jagatAM yantrA sanAtho.asmyaham || 47|| vitteshAdisuhR^ijanAya nitarAM dattepsitArtha prabho kR^itteShTAvalisaMsR^itidrumatate mattebhacharmAmbara | yatte.agastyamukhA bhajanti hR^idi yaddhatte sarojadyutiM chitte me sphuratu prakAmamanishaM tatte shivA~Nghridvayam || 48|| shrutvA sadgurubhAShitaM hR^idi paraM dhR^itvA tadatyAdarA\- ddhitvAj~nAnaparamparAmarigaNAn jitvAshu kAmAdimAn | bhittvA chAshu hR^idabjakoshamanishaM tattvAtmakaM tatra yat tattvAdyaM vibhu vastu sAmbamatulaM dhR^itvA sukhI syAM kadA || 49|| hatvA mohamadAdidurjayamahAsattvAn bhavAraNyagAn gatvA chAshu girIshamAdyamatulaM natvA muhuH sha~Nkaram | kR^itvA mUrdhni dR^iDhA~njaliM savinayaM stutvA purastasya tu sthitvAhaM sukhatastR^iNAya vibudhAn kR^itvA kadA syAM kR^itI || 50|| yaH sthANurbhagavAn nirantarasukhAvasthAnamindrAdimAn svasthAnAshu rarakSha chAndhakamukhAn prasthApya yAmyaM puram | duHsthAnAdviShayAnnivR^itya tarasA hR^it sthApayitvA natA\- vasthAjAlaharasya tasya charaNe svasthA bhavAmaH kadA || 51|| yo dAtA sakalashriyAM pratidinaM pAdAbjamAseduShAM shrIdAnandavivardhanastrijagatIkhedApahaH sha~NkaraH | vedArthapratipAdya kL^iptavinatAmodAdya saMsAraru~N\- nodAyesha bhava prabho mama hR^idAhrAdAya sa tvaM kShaNAt || 52|| mandAkinyadhivAsabhAsurajaTaM vR^indArakAnItasa\- nmandArAdisumasravanmadhurasasyandArdrapAdAmbujam | dAsAyitaviShTapaM parachidAnandAtmakaM yoginAM vR^indAnandanamIshvaraM shubhakaraM vandAmahe sAdaram || 53|| yaM dIvyannijakAntisantatijharIbandIkR^itArkaprabhaM nandIshArchitamAmananti paramasyandIti cha brahma sat | taM dInAvanatatparaM hR^idi bhajannindIvareTChekharaM mandIbhUtabhavAmayashcha paramAnandI kadA syAmaham || 54|| yaM devaM munayo bhajanti matahR^itsandehamatyAdarAt kundendusphaTikaprabhaM praNipatadvR^indepsitArthapradam | taM devyAshritavAmabhAgamadhunAhaM devarAjArchitaM vande bhaktaDhayAparaM pashupatiM mandetara shreyase || 55|| yadyArtaM viShaye bhramantamiha satpadyAmalavvvA sadA\- vidyAkrAntamupekShase.akhilajagaddhadyAdrijAnAtha mAm | adyAnyaM kamupaimi deva sharaNaM madyAchanAM kastrayI\- vidyAgochara pUrayed bada viyannadyAttamaule vibho || 56|| hR^idrAjyAd bhagavan mamArinivahAn kShudrAnavAryAn paraM ChidrAnveShaNatatparAnatikhalAn rudrAshu kAmAdimAn | vidrAvyesha vidhAya te.a~NghrijalaruNmudrAmihAryApate bhadrAkAra chiraM girIsha vasa chidbhadrAsanAdhiShThitaH || 57|| yo dhAtrIdharavaryakUTavilasatsaudhAghivAsI vibhu\- vendhA nIrajalochanaH shiva iti trevA budhairuchyate | AdhAreNa surAstu yena jagatAM bAdhAvihInAH sadA mevAmAshu sa me karotu parachidvodhAnukUlAM shivaH || 58|| ruddhAH prAktanakarmaNAdya viShaye baddhAdarA mAyayA viddhAH saMsR^itisambhramajjanimatAmuddhArake tvatpade | siddhAdipraNute prapadya shubhade shuddhAtmalabhye shiva shraddhAbhaktiyutA bhavema bhagavan siddhAbhilAShA kadA || 59|| kiM dhAvasyabhito.api mAnasa vachaH sandhArya me chittabhU\- gandhAnekapakesariNyayi kR^ipAsindhAvatIvAdarAt | tvaM dhAtR^ipramukhArchite vasa bhavAdhyanyAshritArtichChaTA\- rundhAne chiramIshvare girisutAbandhAvudAre sukham || 60|| buddhayA nirmalayA munIndra niva hairadhyAtmavidyAparai\- ryad.hdhyApannabhayApahaM\-bahutapaH sid.hdhyAptaye sAdaram | adhyAsyA~N~NghriyugaM manasyavirataM nidhyAyate te vibho vidhyAdyarchita sAmba me kuru manastad.hdhyAnasaktaM sadA || 61|| yenApAli purA mR^ikaNDatanayaH kInAshadarpachChidA yo nAlIkabhavAdikL^iptasuyashogAnAnuraktaH shivaH | nAnAta~NkanidAnasaMsR^itisrjA dUnAnimAn naH prabho kA nAma tvamupekShase yadiha te dInAnukampaprathA || 62|| yo nAgAbharaNaH prapannajanamuddAnAnuraktaH paraM yenAsarji mahAtmanA jagadidaM nAnAvidhaM pAlyate | sUnAstrasmayabha~njanena bhavaru~NmlAnArtividhvaMsinA shrInAthAkShisarojapUjitapadA tenAnukampyo.asmyaham || 63|| snAnArAdhanahomadarpaNajapadhyAnAdisatkarmabhi\- hInnAyArthatR^iShATate tata ito mAnAdikaM mu~nchate | bho nAryAshritagAtra mochitanatAlyenA vibho tvaM paraM senAnIpriya suprasIda bhagavan j~nAnAdishUnyAya me || 64|| anyA bhUtapatestu yA divi cha vAvanyAmanokAsthitA janyAta~Nkavila~NghanA na khalu tA manyAmahe devatAH | dhanyA yatpadasevakA bhavamahAvanyAdavaM yaM vidu\- rmunyArAdhitapavayaM tamagarATknyAshritA~NgaM bhaje || 65|| kApAlIyaMvibhUShaNaM natamahAtApApahA~Nghridvaya\- vyApAraM parameshvaraM munivarairdvaipAyanAdyairnR^itam | tApApohanatatparaM trijagatAM chApAyitAdri kR^ipA\- kUpAraM praNamAmi santatamahaM shrIpArvatIvallabham || 66|| yo.apAstAnatalokabhIrjayati yatkopAkulAlIkadR^ig\- dIpArchiShyavasho bhR^ishaM shalabhatAmApAravindAshugaH | shApAstrArchitasattvamIshvarajagadrUpAdya mAyAmahA\- kUpAdAshu dayAmbudhe pashupate bho pAlayoddhR^itya mAm || 67|| kalpAntojjvalabhIShmapAvaka shikhAkarUpAtitIvra\- prabhAnalpAvAryaviShAgnishoShaNayashojarupAkakaNThadyute | kalpAdyasmayahR^itpadAya girirATtalpAya bhasmojjvalA\- kalpAyAkhilalokaharShakarasa~NkalpAya tubhyaM namaH || 68|| AbhAtyadrisutApriyo natamanaH kShobhApanododyato yo bhAratyaghipAdigeyasumahAlobhArtharakShAprathaH | AbhA yasya parAM ruchaM prahasati prAbhAkarImamburu\- nAbhArAdhyapadAmbujo bhavatu me lAbhAya sa shreyasAm || 69|| DambhAha~NkR^itivarjitAtmasulabhaM yaM bhArgavIshasvabhU\- jambhAryAdisurA bhajanti munayo.ahambhAvahInAH param | taM bhAvyudbhavahAnaye shrutishiraHsambhAvyamAryAparI\- rambhAtisphurada~NgakaM hR^idi sadAhaM bhAvaye sha~Nkaram || 70|| kumbhIndrAjinadhAriNaM mR^igadharaM kumbhIbhavArAdhitaM kumbhIpAkanivAsa hetvaghaharaM kumbhInasAla~NkR^itim | gambhIrorubhavAbdhivADavamalaM yaM bhImamAhurbudhA\- staM bhItaughabhyApahaM hR^idi je stambhIkR^itakShveDakam || 71|| kiM bhogairnayase vR^ithaiva divasAn rambhorubhirba~nchita tvaM bhogIshashayArchitaM nigamavAmgumbhohyamAnaM param | ambhojAsanabhAvyamAnamatulaM dambholibhR^idvanditaM shambhora~NghrisaroruhaM bhaja manaH shaM bho bhajasva drutam || 72|| shubhrA yasya ruchirvibhorapahasatyabhrAvalIM shAradIM bibhrANaM kathayanti yaM bhavavane vibhra/myataH prANinaH | shvabhrAdAshu bhavAbhidhAdavatu mAmabhrApagAvIchikA\- vibhrANmauliragAtmajArdhatanubhAvibhrAjamAnaH shivaH || 73|| kAmApUraNatatparaM praNamatAM bhImArtihaM yaM nageD\- dhAmAnaM sphaTikendusha~NkhavilasaddhAmAnamAhurbudhAH | hemAdrIshasharAsanaH sa bhagavAn rAmAshritAtyullasad\- bAmA~NgaH karuNApayodhiranishaM mAmAshu pAyAchChivaH || 74|| kAmAdismayabha~njanAnatajanakShemAvahAdya prabho somAryesha kR^ipAkara shrutishiraHsImA yitA~N~Nghrayambuja | tvAmAhurbhavarogapIDitajanastomArtividhvaMsinaM mAmArtaM tvamupekShase pashupate somArdhamaule katham || 79|| yaH smAryo yamupAsate munigaNA bhasmAshu yenA~NgakaM tat smAraM kR^itamAmananti vibudhA yasmA alaM no paraH | yasmAdyasya tulApi nAsti bhuvanAdasmAnna yasmin bhidA tasmAdastu nirantaraM pashupaterasmAkamIshAt sukham || 76|| yo mInadhvajabha~njano.akhilajagatsvAmI mahAyogihR^id\- gAmI dInajanaugharakShaNaparaH sAmInduchUDo vibhuH | shyAmIbhUtashirogharaM tamanishaM tvAmIsha niHshreyasaM kAmI sha~NkaramAdareNa shirasA naumIpsitArthapradam || 77|| geyA yasya mahAtmanaH shrutigirAmeyA guNA yogibhi\- rmAyAmuktahR^idambujaiH sukR^itibhirj~neyA yadIyAkR^itiH | jAyArdhA~NgasamanvitapravilasatkAyArdhabhAgo bhavA\- pAyAdAshu sa mAmanAthamatulaH pAyAdajasraM shivaH || 78|| varyA yaM hi vibhAvayanti yaminAM paryAptabhAgyA mano\- daryAmAdarato.avila~NghitavachomaryAdamiShTArthadam | niryAte shamituM viShe sumanasAM dhuryAvirAsAshu yaH kuryAdadvisutApriyaH sa bhR^ishamaishvaryANi mahyaM shivaH || 79|| AryAnAtha dayAsamudra bhagavan nAryApta mAyAtamaH\- sUryAsmAkamiyaM prabho girisha vAg dhAryA tvayA chetasi | kAryAsmAsu dayA nitAntamarayo vAryA hi kAmAdayo dAryA deva bhavAmbudheH pashupate tAryA vayaM satvaram || 80|| ArAmaM 2 patitAvanatvayashasaM dArAshritA~NgaM dayA\- sArApAstanatA rtyavagrahabhayaM hArAyitAsthyAvalim | ArAdhyaM munisattamairhadi sharaddhArAdhara shreNikA \- gaurAbhaM satataM vibhuM shrutinadIpArAyitA~Nghri bhaje || 81|| chorA me sumano.apahR^itya cha mahAsArA hi kAmAdayaH krUrA mAM vyathayanti hA bhavamahAkArAgR^ihe shatravaH | mArAre bhavamochaneshvara kiyadvArAnahaM vachmi mA\- mArAdetya kaTAkShanisrutakR^ipApU | shu \-pAhi prabho || 82|| smerAsyaH patitAvanaH shrutishiraHsAra.yitA~NghrayambujaH sUrAbhApahasadruchiH pashupatiryo rAjate shAshvataH | tArAnAthakalAtibhAsvarajaTAbhArAya tasmai chidA\- kAyAkalaye maharShihR^idayarAya tasmai namaH || 83|| vairI yaH shamanasya sajjanamanashdhArI maheshaH kR^ipA\- vArIsho bhagavAn vibhAti sutarAmurIkR^itArtAvanaH | bhUrIShTAni tanotu nityamatulo dUrIkR^itAghatrajo gaurIshaH sakalaprapa~nchabharaNe pArINa AdyaH sa me || 84|| yo.alAvInmadavAraNaM natatamastUlAnalaH sha~NkaraH kAlArirbhavasindhumagnajanatAkolAyitA~N~NghridvayaH | kailAsAchalavAsine trijagatIpAlAya tasmai nama\- jjAlAbhIShTaphalapradA~NghrisumanaHsAlAya kurmo.a~njalim || 85|| helAvAritavishvashoShakamahAhAlAhalogrAnala\- shAlAyAkalaye.a~njaliM shiva mahAkAlAya tubhyaM sadA || 86|| yo lIlAjitamanmatho ghanakR^ipAshAlI vibhugUDhapa\- nmAlI yena riputrajAt suragaNo.apAlIshvareNAdarAt | shUlI mohajuSho vyapohya tarasA shAlInatAM sa shruti\- vyAlIDho nijapavaye vitanutAM me lInamIsho manaH || 87|| prAleya/ chalakanyakAshritatano phAlekShaNAdya trayI\- veleShTArthadadatpadAmbuja harichcheleshvarAtyAdarAt | nIlendIvarabandhukandharavibho bAlendulekhAlasa\- nmaule mAmava tAdR^ishe cha charame kAle dayAmbhonidhe || 88|| kAlo.ayaM kalinAvR^ito.aghanilayaH kAlo bhR^ishaM nirdayo bho lokesha bhavAmbudherasulabhA kUlopalabdhiH param | AlochyetthamatIva me.adya hR^idayaM vyAlolamAstarAM bAlo.ahaM bata kiM karomi tarasA shailodbhaveshAva mAm || 89|| kalyANIramaNastanotu nitarAM kalyANamiShTArthadaH kalyANAchalakArmuko vinatahR^ichChayApaho me vibhuH | kalyAta~NkaharaH sadaiva sutapaHkalyAtmavittApasA\- valyArAdhitapAdapadmayugalo.atulyAtmabhUmeshvaraH || 90|| sevA yasya bhavAdhibhItajanatAjIvAtureno.aTavI\- dAvAgniM yamudAharanti karuNAsvAvAsabhUmiM budhAH | devAdhIshanutAya shashvadasitagra vAya sarvAtmane jIvAnAmabhaya~NkarAya mahate devAya tasmai namaH || 91|| nirvANaikaniketanaM trijagatI sarvArti vidhvaMsakaM gurvAdyairnikhilairyadugracharitaM svarvAsibhirgIyate | durvAro garalAnalo bhagavatA nirvApito yena bhoH sharvAshu tvamumAsahAya nitarAM kurvAdarAnme mudam || 92|| gurvIshAnamahIdharaM bhujabalAdurvIta unmUlayan garvI yena nipIDito dashamukho nirvIryamAkrandayan | kharvIbhUtabhavAdhiretya janatAdavakarAla~NkR^itiM kurvIsha tvamumApate mayi kR^ipAM gurvImananyAshraye || 93|| avyAdiShTaphalapradaH pashupatiH pavyAyudhAdyarchito rakhyAbho bhagavAn jaTAntaralasaddivyApagaH sha~NkaraH | avyAjaM satataM kR^ipAjalanidhirbhavyaM karotyAdarAt avyAtmaprabhavAchitapravilasatsavyAgAtraH sa mAm || 94|| dIvyannAkishiromaNidyutilasatsevyaM yada~NprayambujaM bhAvyaM yogivaraishcha yena tarasAlAvyantakasya smayaH | shrAvyaM yasya vichitrapuNyacharitaM so.avyantavAsI shivo devya~NgArdhalasattanurbhavatu me bhAvya~NgavichChittaye || 95|| AshApUraNatatparasya namatAmAshAdhipatyaM kR^ipA\- leshAdyasya shatakratuprabhR^itayaH shrIshArchitasyAbhavan | IshAnaM praNataughachittajalaruTkoshAbjabandhuM jaga\- tkleshApohanatatparaM bhavamahApAshApahaM taM bhaje || 96|| pUShAbja | gnivilochanAya mahate bhUShAyabhANaiH paraM sheShAdyairbhujagAdhipaiH pravilasadveShAya lokAtmane | AshApUrtikarasya yasya namatAmAshAdhipAH satkR^ipA\- leshAdindramukhA nirastanikhilakleshA vidhUtArayaH | dAshAkArabhR^idarjune.aShabharaNe koshAyitA bhraH sa mA\- mIshAnaH praNatau ghachittajalaruTkoshAruNo.avyAt sadA | 96|| \-m | eShA me.astu kR^itA natirnatamanastoShAvahAyAdarAd yoShAratnagirIndrajAvirachitAshleShArdhagAtrAya te || 97|| prAsArtA virasA chamatkR^itipadollAsA dihInA paraM hAsArhA nirala~NkR^itiH pashupate yA sAhitirbhUpatim | AsAdyAshu tadIyachittakamalochChvAsAya sA syAt kathaM bhAsA nirjitasUryakoTiratulo dAsAyamAnaiH surai\- yo.asAvAshritapaTryo bahukR^ipAvAsAyitApA~NgakaH | vyAsAdyairvinutAya klR^iptagaralagrAsAya hemAchale\- so.asAvIshvara kiM vadAdya hR^idayAshvAsAya me tvAM vinA || 98|| vvAsAyAkalaye sadA hR^itanutatrAsAya tasmai namaH || 99|| saMsArAkulachetasAmapi hR^idA puMsAmagamyaM jaga\- ddhiMsAtatparadurmadatripuravidhvaMsAttakIrtismitam | yaM sAdhuvrajamAnasAmbujavanIhaMsAyamAnaM vidu\- AsyAbhAjitachandramA munigaNAshAsyAdbhutAnandakR^i\- llAsyAsaktamanAshcha yo hR^idayabhUshAsyArtarakShAparaH | hAsyApAstapurasya tasya 1tava paddAsyAnuraktaH prabho staM sAmbaM satataM namAmi shirasAhaM sAdaraM sha~Nkaram || 100|| dehAla~NkR^itanAgabhUShaNabharaM vAhAyitaprAktana\- vyAhAraM sadayaM namadbhavamahAmohApahaM sha~Nkaram | IhAmAtravinirmitatribhuvanaM gehAyitAdrIshvaraM nIhArAdrisutApriyaM kR^itasuravyUhAvanaM bhAvaye || 102|| uhaM tvatpadabuddhaye kalayituM so.ahaM kathaM shaknuyAM gAha~NgAhamavAryameva viShaye sAhantamasmanmanaH | hA hantATati kiM karomi vinamagrIhantarIshAna sa\- snehaM tvaM kuru sarvadA mayi kR^ipAM bho haMsavAhArchita || 103|| tALa/bhaikanagAtmajAkuchataTIchoLAyitAla~NkR^iti\- vyALAdhIshaphaNa prabho prashamitakShveLAshu me tvaM naya | shrILAnAthanute bhavavyasanato DoLAyamAnaM mano vyALAnekapamIshabhaktahR^idi bheDALAnake tvatpade || 104|| nALIkAyi ta keshavaH praNamatAM yo.aLIkavidhvaMsakR^i\- nnALIkaprabhavAdimAditibhuvAmALIbhirArAdhitaH | heLIndvagnivilochanaM pashupatiM kALIpatiM saMsR^iti \- vyALIvitrasadAptapAlanakalAkeLIparaM taM bhaje || 105|| yakShAdyAkhilakhecharArchitapade dakShAdhvaradhvaMsine vR^ikShAgA bdhimahIjanAtmakajagadrakShAparAyAdarAt | R^ikShAdhIshakalAdharAya nitarAmukShAdhivAhAya te shikShAtrastayamAya bhUtapataye tryakShAya kurmo.a~njalim || 106|| chIkShAshikShitamInaketumanishaM mokShArthadAnAdhvare dIkShAtatparapavayaM vidhisahasrAkShAdibhirvanditam | dAkShAyaNyadhipArkavahninayanaM dAkShAyaNIvallabhaM prekShAvaddhR^idayAvjabhAvitapadaM sAkShAtkaromIshvaram || 107|| akShobhyograbhavArtapAlanakalAdakSho.anuliptAdrijA\- vakShojadvayamudritapravilasadvakSho.abhirAmaH prabhuH | sa kShoNIghragR^iho mamAshu duritaM prakShodayitvAkhilaM rakShonAthanutamtanotu namatAM hR^itkShobhahArI mudam || 108|| shambho ve~NkaTasubcha eSha bhavarugbhItyetthamatyadbhutA\- sthAna tvatsuguNaughavAridhikaNastotraM paraM tArakam | aShTaprAsayutAShTakAdhikashatashlokairatAnIt prabho svAmiMstvaM parigR^ihya sAdaramidaM rakShAnukampAnidhe || 109|| iti ve~NkaTasubbakavikR^itaM shrIjapyeshAShTaprAsashatakaM sampUrNam | ## Proofread by Sivakumar Thyagarajan Iyer \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}