% Text title            : Jyotirlingadishivakshetravarnanam
% File name             : jyotirlingAdishivakShetravarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 20 - kShetravarNanam | 16-51||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Jyotirlingadishivakshetravarnanam ..}##
\itxtitle{.. jyotirli~NgAdishivakShetravarNanam ..}##\endtitles ##
(IshvaradevI saMvAde)
santuShTA bhava shailanandini shive nAtaH paraM vidyate
malli~NgArchanamevasAdhanaparaM muktipradaM shAshvatam |
kiM yaj~nairakhilavratAdicharaNaiH kiM dAnasa~Nghairjapai\-
retatkiM vitanoti muktiriti yA sAdhIrhi duHkhAtmanAm || 16||
udyadbAladivAkarendusadR^ishaiH kailAsashR^i~NgAgragaiH
mANikyAmalahIrakaishcha kalitaissaudhAgrashR^i~Ngaishshive |
tattallokanivAsibhissuragaNaissa~njAtavismApakaiH
nAnAsUryashashA~NkasambhavamahAkAntyAdhikaM shobhate || 17||
kailAsAchalamAnupAdashikhare satyAdhike merugA
lokAlokina eva tatra vihitA dikpAla~NghAshshive |
brahmAviShNumaheshvarAmaravarAssaptarShayo.amIgrahAH
shchauttAnAtmaja eSha bhAnti nitarAM tArAgaNA rAshayaH || 18||
te meruM parito bhramanti girije pashyAdhunA santataM
tattadgopuramadhyabhAgavilasattauryatrikANAM svanaiH |
tattatkAlashivArchaneShu kalitairbherIjasha~NkhAravaiH
kailAso.apyayamIshvareshvari mahAsannAdanAdAntaraH || 19||
meghAnAM shatakairapi pramudito ghoShaikamUShAmukhaH ||
vasudhAdharakandarAntarasthAradakhaNDadviradAH kishorasihmAH |
svakakAdharakesarairnagendraiH parinindati vidIptamityume.adya || 20||
raviratha turagotthahreShaghoShaM parishR^iNvanti ime hayArisa~NghAH |
vinatAnanakarNashR^i~NganetrAstaTidutthAkhilasmaraikarAvAH || 21||
kharakhuraparighaTTanothadhUlyAjaladanibhaM ravimambike.adyapashya |
ravirapi svatanUjamukhyavAhairgirisaMsthairabhijAtalajjayeva || 22||
prasabhaM meghagaNaM vishIrya hastairvijito.asmIti dishaM prayAti yAmIm |
madAlayo.ayaM kaladhautashailastadagrato bhAti suvarNashailaH || 23||
tadUrdhvamaulisthitalokajAlaM vilokayAtho vihitannagasya me || 24||
brahmApyeSha sR^ijatyajasramakhilaM lokaM hariH pAtyayaM
rudrassaMharate.anishaM suravarairdikpAlasa~Nghaishshive |
satyasthovidhireSha viShNubhavanaM vaikuNThamAlokayA\-
pIshAnasya purIyamadrivaraje chendrasya chaiShA purI || 25||
eShA saMyaminI purI suvihitA kShIrodadheH pArato
ga~NgaiShA saritAM varA trijagatAM pApApahA me purI |
li~NgAla~NkR^itakoTikArbudanibhA vArANasIjyA shive
vishveshAkhyamaheshali~NgavaragaM devyannapUrNA tvayA || 26||
surAsurA yatra vasanti muktaye vasantyaniShTaM parihAya matsaram |
yato na muktaM hi mayAvimuktaM vadanti vedA api tatprabhAvam || 27||
ga~NgAdvAramidaM pitustava mahAmaulau cha kedArakaM
chaiShA sA vatapATalInagaragAyasyAssutA mAnasAH |
ga~NgAsUryatanUjayoshcha vihitassa~Ngo.atra muktyai nR^iNAM
snAtAnAM~ncha sadA saritpativareNAli~NgitA jAhnavI || 28||
ga~NgAsAgarasa~Ngamo.atra girije someshvaro.ayaM sadA
sevyAnAM saphalaM karoti cha manassantApapApApaham || 29||
eShaprayAgassakalApagAshrayo ga~NgApi yatrAmbujamitrajAyutA |
tatrAplutAnAM divi devi vAso visarjitA~NgA yadi teShu muktiH || 30||
sA brahmaNo vediranantapuNyadA gayA pitR^INAM pramude bhavAni |
pashyAdya tatraiva padaM madIyaM suradvijAnAntu tathaiva vaiShNavam || 31||
tannaimiShaM puNyatamaM maharShibhissamAkulAM tAM badarIM vilokaya |
sachitrakUTassurasa~NghasaMvR^itassaptaiva puryo.atra vimuktihetavaH || 32||
etaddvAdashali~Ngasa~Nghamagaje tattatpurIShR^i sthitaM
cho~NkAro ghusR^iNeshvaro.ayamagaje shrIkAmanAtho.ambike
asau mahAkAlavaro mahesho nAgeshvaro veNuvanaikasaMshrayaH || 33||
eShA sharmadanarmadAtrakalitA li~Ngaikasa~NghAvR^itA
shoNo.ayaM saritAM patiM pravahate li~Ngaikasa~NghanashrayaH |
puNyA bAhunadI supuShkaramidaM puNyaM prabhAsaM tvidaM
malli~NgAmalapAtakaM girivarAjjAte.amaraM kaNTakam || 34||
shrIrudro.amarakoTireSha vihitaH piNDArakaM matpriya\-
~nchaitatkShetravaraM kuruprabhavajaM vindhyo hyayaM shailaje |
eSha shrIshailamaulirbhavajanitamahApApasa~NghaikahantA\-
chaiShAtryambakashailajA suvihitA godAvarI nimnagA || 35||
kR^iShNA chApi saridvarAbdhiniratA li~NgAvR^itA puNyadA || 36||
tatprAntasaMstho ghaTajo munIsho mayA purA preShita eva vindhyahR^it |
pashchAdathAmbhonidhitIrasa~NgataM gokarNametanmama li~Ngamambike || 37||
arundhadeSho.amaramArgamambike prajAtaroShaH kanakAchalena |
vindhyo.apyayaM shailavarastvadAshrayAtpuNyaM pratiShThAnapuraM supuNyadam || 38||
kolAsureNAtra samIhitA purI tapasyatA tasya vadhAttvayA jitA |
eSho.aruNAdriH prathitaprabhAvo vR^iddhAdrirapyeva mameShTavAsaH || 39||
goparvatashchAtra vibhAti shailaH kA~nchI jagatkA~nchitali~NgasaMyutA |
tvadAshrayAtkAntatamA cha saiva tvadarchanArthaM hariNA cha sevitA || 40||
sheShAchalastveSha sutAshrayo mama taduttare bhAti maheshi pashya |
kailAsa eSho.abhimato hi dakShiNassahyAchalo hyeSha yato marudvR^idhA || 41||
sahyApagAtIragali~NgamaNDalaM mahAprabhAvaM kila shailakanye |
kaverakanyAtaTali~Ngasa~NghaM shrIkaNTharatnAdikamAtR^ibhUtam || 42||
tajjambuli~Nga~ncha haristato.api pa~nchApageshAkhyamaho bhavAni |
kumbheshvaraM li~NgamidaM manoj~naM tadarjuna~nchApi mayUrali~Ngam || 43||
shveteshvaraM tatprathitaM vimuktidaM taduttare yadvirajaM vishokam |
hR^itpuNDarIkaM vimalaM mamAshrayaM yatraiva me nartanamambike tvayA || 44||
sadaiva dR^iShTaM prathite pradoShe kShArAmbudhestIragataM supuNyadam |
vedAkhyasatkAnanamabjasa~nj~naM li~NgAvR^itaM tatkamalAlayAkhyam || 45||
shrIsundaraM viShNupura~ncha devi tato.api taddvIpagagandhamAdane |
nagottame li~NgavaraM mamAmbike || 46||
hariH purA bhArgavajena shapto bhAryAviyukto.apyahanatsarAvaNam |
tenaiva tatpUjitamambike.adya pashyAdhunA setuvaraM supuNyam || 47||
tatpashchime puNyatamaM mamAmbike hAlAsyasa~nj~naM varaveNusa~nj~nam |
tatraiva tAmrAchalasa~Ngato.abdhistattIrasaMsthAnyapi devi pashya || 48||
li~NgAni tu~NgAni manoharANi mahendrashailo malayashcha shailaH |
etAni te kShetravarANi devi dR^iShTAni cha shrotravaraishshrutAni || 49||
pApAdrimaulerbhidurANi pashya kShetrekShaNenApi vimuktapApAH || 50||
kShetrANA~ncha patissadaiva kathito vedeShu pashyAdarA\-
dArAtsarvajagadgato.api viduShAM duShTAtmanAM shailaje |
kaShTAnyapyasamIkShya yo.atra vihitaH kShetreShu vA sAdara\-
stasmai tAM vitarAmi muktimagaje rudrAkShabhasmAdare || 51||

|| iti shivarahasyAntargate mAheshvarAkhye jyotirli~NgAdishivakShetravarNanam ||

\- || shrIshivarahasyam | mAheshvarAkhyaH prathamAMshaH | adhyAyaH 20 \- kShetravarNanam | 16\-51||
##
- .. shrIshivarahasyam . mAheshvarAkhyaH prathamAMshaH . adhyAyaH 20 - kShetravarNanam . 16-51..

Notes:
In addition to continuation about description about Mount Kailāsa ##kailAsa shaila##, Śiva ##shiva ## outlines to Devī ##devI ## about several Śivakṣetra ##shivakShetra ## - including the Jyotirliṅga ##jyotirli~Nga##.
Śivarahasyam Aṃśaḥ-1 (Māheśvarākhya) ##shivarahasyam aMshaH\-1 (mAheshvarAkhya) ## has several descriptions about Mount Kailāsa ##kailAsa shaila ## and Śiva ##shiva##. Selected verses from some of the chapters are presented here.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}