% Text title            : kAmeshvarakavacham
% File name             : kAmeshvarakavacham.itx
% Category              : shiva, kavacha
% Location              : doc\_shiva
% Transliterated by     : PSA Easwaran
% Proofread by          : PSA Easwaran
% Description/comments  : vishvasAratantra
% Latest update         : January 10, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Kameshvara Kavacham ..}##
\itxtitle{.. shrIkAmeshvarakavacham ..}##\endtitles ##
OM shrIgurave shivAyoM namaH |
shrIdevyai sadAsuphaladAyinyai namaH |
shrIdevyuvAcha \-
bhagavan karuNAmbhodhe shAstrAmbhonidhipAraga |
dAsI paramabhaktAsmi varaM dAtumihArhasi || 1||
shrIbhairava uvAcha \-
kathayasva maheshAni kamito varamichChasi |
yatki~nchinmanasIShTaM syAttaddAtuM te kShamo.asmyaham || 2||
shrIdevyuvAcha \-
kAmeshvarasya devesha kavachaM devadurlabham |
shIghraM me dayayA brUhi yadyahaM preyasI tava || 3||
shrIbhairavauvAcha \-
shR^iNuShva parameshAni kavachaM manmukhoditam |
mahAkAmeshvarasyAsya na deyaM paramAdbhutam || 4||
yaM dhR^itvA yaM paThitvA cha yaM shrutvA kavachottamam |
trailokyAdhipatirbhUtvA sukhito.asmi maheshvari || 5||
tadevaM varNayiShyAmi tava prItyA varAnane |
rahasyaM paramaM tattvaM na dAtavyaM durAtmane || 6||
asyashrIkAmeshvarakavachamantrasya shrIdakShiNAmUrti R^iShiH |
pa~Nkti ChandaH | shrIkAmeshvaro devatA |
shrIM bIjaM, hrIM shaktiH, klIM kIlakam |
chaturvargaphalaprAptyarthaM kavachapAThe viniyogaH |
atha dhyAnam |
udyachchandrasamAnadIptimamR^itAnandaikahetuM paraM
chidrUpaM bhuvanaikasR^iShTipralayodbhUtaikarakShAparam |
koTI chandragalatsudhAdbhutatanuM hArAdibhUShojjvalaM
shulaM khaDgavarau tathAbhayakaraM kAmeshvaraM bhAvaye ||
ai.N kaM kAmeshvaraH pAtu klIM shivo me lalATakam |
sauM me karNau cha kAmeshaH tAraM me lochanadvayam || 1||
shrIM gaM DauM me mahAkAlo hrIM nAsAM chandrachUDakaH |
haM me oShTau tripureshaH saM me dantau cha bhairavaH || 2||
kShaM me jihvAM pAtu devo mahAkAmeshvaraH paraH |
sammohanaM sadA pAtu mahAvaTukabhairavaH || 3||
yaM me skandhau sadA pAtu mahAmR^ityu~njayastathA |
UM me bhujau sadA pAtu shrIM devastripurAntakaH || 4||
saM me hastau trilokeshaH haM nakhAn pAtu sundaraH |
kShaM dakShaH pAtu shAmesho maM kukShiM kR^ittikA varaH || 5||
laM pArshvau pAtu me bAlA vaM nAbhiM brahmabhUShakaH |
raM vastiM pAtu me devo yaM pR^iShThaM viShNurUpakaH || 6||
UM shishnaM pAtu vishveshaH amR^iteshvarabhairavaH |
yaM meDhre pAtu me rudro raM guhyaM guhyakeshvaraH || 7||
laM kaTiM pAta me nityaM shivaH paramakAraNaH |
vaM UrU tripurAdhyakShaH laM jAnU devapAlakaH || 8||
maM ja~Nghe pAtu mahimA yaM gulphau sUryarUpakaH |
shrIM jaTharaM haraH pAtu hrIM manoharasundaraH || 9||
OM buddhiM pAtu me rudraH sauH rasaM dakShajApatiH |
klIM raktaM pAtu me devo UrdhvaM cha vahnirUpadhR^ik || 10||
aiM sauM saM guhyakaH pAtu meruH pashupatistathA |
asthiM me girijAnAtho majjAM me nIlakaNThakaH || 11||
shukraM bhUteshvaraH pAtu mUrdhAnaM sha~Nkaro.avatu |
pAdau shrIM sundarIshAno devaH kAlAntakaH prabhuH || 12||
pAdAdishiraHparyantamaghoraH pAtu sarvadA |
shirasaH pAdaparyantaM sadyojAto mamAvatu || 13||
prauDharUpaH sadA pAtu svAhA me sakalaM vapuH |
kAmeshvaraH prabhAte.avyAnmadhyAhne kAlabhairavaH || 14||
sAyaM pAtu kuleshAno nishIthe niShkaleshvaraH |
ardharAtre vAmadevo nishAnte sumahodayaH || 15||
sarvadA sarvataH pAtu aiM klIM sauM bIjarUpadhR^ik |
pUrve mAmasitA~Ngo.avyAt dakShiNe rurubhairavaH || 16||
pashchime pAtu chaNDesho hyuttare krodhabhairavaH |
aishAnyAM pAtu chonmattaH kapAleshastathAgnike || 17||
nairR^ityAM bhIShaNaH pAtu vAyau saMhArako.avatu |
UrdhvaM me kAlarudrashcha pAtAle parameshvaraH || 18||
madhye sadAshivaH pAtu trikUTeshaH sadAvatu |
dashadikShu sadA pAtu mahAkAmeshvaro.avatu || 19||
vismAritaM cha yatsthAnaM yatsthAnaM nAmavararjitam |
tatsarvaM pAtu me devastripuraHpatirIshvaraH || 20||
gR^ihe sharvaH sadA pAtu bahiH pAyAdvR^iShadhvajaH |
pathi tripurasundaryaH pAtu sarvatra sarvadA || 21||
raNe rAjakule durge durbhikShe shatrusaMsadi |
dyUte mArIbhaye rAShTre viplave vAdinAM kule || 22||
kAmeshvaraH sadA pAtu bhayasthAne cha sarvadA |
ityetatkavachaM guhyaM triShu lokeShu durlabham || 23||
mUlamantramayaM divyaM trilokIsAramuttamam |
adAtavyamabhaktAya kavachaM guhyamIshvari || 24||
adR^iShTavyamashrotavyaM dIkShAhInAya mantriNe |
paradIkShAya shiShyAya putrAya sharajanmane || 25||
na dAtavyaM na shrotavyamityAj~nAM mAmakIM shR^iNu |
paraM shrImahimAnaM cha shR^iNu chAsya suvarmaNaH || 26||
adIkShito yadA mantrI vidyAM gR^idhnuH paThedidam |
sushikShita iti j~neyo mAntrikaH sAdhakottamaH || 27||
gurupUjAM vidhAyAsya vidhivatprapaThettataH |
kavachaM triHsakR^idvApi yAvajj~nAnaM cha vA punaH || 28||
etachChatArthamAvartya trailokyavijayI bhavet |
yaH paThenmanasAntastu rAtrau brAhme muhUrtake || 29||
pUjAkAle nishIthe tu tasya hastasya siddhayaH |
duHsvapne bandhane ghore kAntAre sAgare bhaye || 30||
rajaHsattvatamorUpavarma kAmeshvarasya tu |
kA~NkShante manasA yadyattattatprApnoti sAdhakaH || 31||
mahAkavirbhavenmAsAtsarvasiddhIshvaro bhavet |
ku~Nkumena likhitvA vai bhUrjatvachi ravau dine || 32||
prAtaHkAle shubharkShe cha svarNasthaM dhArayedyadi |
shikhAyAM dakShiNe bAhau kaNThe vA dhArayedbudhaH |
yadyadiShTaM bhavettattatsAdhako labhate.achirAt || 33||
yadgR^ihe vartate varma shrIkAmeshvaradaivatam |
vidyAkIrtirdhanArogyaM lakShmIrvR^iddhirna saMshayaH || 34||
vinA baliM na saMrakShyaM kavachaM sAdhakattamaiH |
chedrakShyaM tatsutAn dArAnnAyurbhakShati yoginI || 35||
baliM datvA paThedvarma dhArayenmUrdhni sAdhakaH |
putravAn dhanavAn shrImAn nAnAvidyAnidhirbhavet |
iha bhogAn samashnAti paratra muktibhAgbhavet || 36||
brahmAstrAdIni shastrANi tadgAtrasparshanAttataH |
nAshamAyAti sarvatra kavachasyAsya dhAraNAt || 37||
mR^itavatsA vAmabAhau kavachasyAsya dhAraNAt |
bahvapatyA jIvavatsA bhavatyeva na saMshayaH || 38||
raNeShTatvAcharedyuddhaM hatvA shatrUn jayaM labhet |
jayaM kR^itvA gR^ihaM devi sa prAshyati sukhI naraH || 39||
mahAbhaye mahAghore mahAmArIbhaye tathA |
durbhikShe shatrusa~NgrAme paThetkavachamAdarAt |
sarvaM tatprashamaM yAti kAmeshvaraprasAdataH || 40||
kavachasyAsya deveshi varNituM naiva shakyate |
mahimAnaM mahAdevi jihvAkoTishatairapi || 41||
idaM kavachamaj~nAtvA yo japeta manuM shive |
saptalakShaprajaptApi tasya vidyA na sid.hdhyati || 42||
adAtavyamidaM varma mantragarbhaM rahasyakam |
avaktavyaM mahApuNyaM sarvasArasvatapradam || 43||
adIkShitAya no dadyAt kuchailAya durAtmane |
na deyaM parashiShyebhyo.abhaktebhyo.api visheShataH || 44||
shiShyebhyo bhaktiyuktebhyaH pradeyaM bhAvanAvashAt |
iti shrIdevadeveshi varma kAmeshvarasya tu |
guhyaM gopyatamaM gopyaM kathitaM tava bhaktitaH || 45||
ityeSha paTalo devi paramAdbhutakAraNaH |
kathito devadeveshi tava bhaktivashAnmayA || 46||
na vaktavyo na dAtavyo dIkShAhInAya pArvati |
yathAvadgopanIyo.asau sid.hdhyaShTakaphalo mataH || 47||
yAvatkAlaM bhavedguptastAvattu phaladAyakaH |
na chedgupto bhaveddevi siddhihAnirbhaveddhruvam || 48||
rahasyodghATanAyAsmAnmahimA hIyatAnmanoH |
tasmAtsarvatra goptavyaH sAyakaiH paTalottamaH |
yatheShTakAmadashcheha paratra mokShadaH priye || 49||

iti shrIvishvasAratantre pArvatIparameshvarasaMvAde
              shrIkAmeshvarakavachaM sampUrNam ||

##
Encoded from handwritten manuscript and proofread by
PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}