% Text title            : kAmeshvarastotram
% File name             : kAmeshvarastotram.itx
% Category              : shiva, sachchidAnanda-shivAbhinava-nRisiMhabhAratI
% Location              : doc\_shiva
% Author                : sachchidAnanda-shivAbhinava-nRisiMhabhAratI
% Proofread by          : PSA Easwaran
% Description-comments  : Brihatstotraratnakara 1 newer, Narayana Ram Acharya, Nirnayasagar, stotrasankhyA 225
% Latest update         : March 25, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIkAmeshvarastotram ..}##
\itxtitle{.. shrIkAmeshvarastotram ..}##\endtitles ##
shrIgaNeshAya namaH ||
kakArarUpAya karAttapAshasR^iNIkShupuShpAya kaleshvarAya |
kAkodarasragvilasadgalAya kAmeshvarAyAstu nateH sahasram || 1||
kanatsuvarNAbhajaTAdharAya sanatkumArAdisunIDitAya |
namatkalAdAnadhurandharAya kAmeshvarAyAstu nateH sahasram || 2||
karAmbujAtamradimAvadhUtapravAlagarvAya dayAmayAya |
dAridryadAvAmR^itavR^iShTaye te kAmeshvarAyAstu nateH sahasram || 3||
kalyANashaileShudhaye.ahirAjaguNAya lakShmIdhavasAyakAya |
pR^ithvIrathAyAgamasaindhavAya kAmeshvarAyAstu nateH sahasram || 4||
kalyAya balyAsharasa~Nghabhede tulyA na santyeva hi yasya loke |
shalyApahartrai vinatasya tasmai kAmeshvarAyAstu nateH sahasram || 5||
kAntAya shailAdhipateH sutAyAH dhaTodbhavAtreyamukhArchitAya |
aghaughavidhvaMsanapaNDitAya kAmeshvarAyAstu nateH sahasram || 6||
kAmAraye kA~NkShitadAya shIghraM trAtre surANAM nikhilAdbhayAchcha |
chalatphaNIndrashritakandharAya kAmeshvarAyAstu nateH sahasram || 7||
kAlAntakAya praNatArtihantre tulAvihInAsyasaroruhAya |
nijA~NgasaundaryajitA~NgajAya kAmeshvarAyAstu nateH sahasram || 8||
kailAsavAsAdaramAnasAya kaivalyadAya praNatavrajasya |
padAmbujAnamrasureshvarAya kAmeshvarAyAstu nateH sahasram || 9||
hatAriShaTkairanubhUyamAnanijasvarUpAya nirAmayAya |
nirAkR^itAnekavidhAmayAya kAmeshvarAyAstu nateH sahasram || 10||
hatAsurAya praNateShTadAya prabhAvinirdhUtajapAsumAya |
prakarShadAya praNamajjanAnAM kAmeshvarAyAstu nateH sahasram || 11||
harAya tArAdhipashekharAya tamAlasa~NkAshagalojjvalAya |
tApatrayAmbhonidhivADavAya kAmeshvarAyAstu nateH sahasram || 12||
hR^idyAni padyAni viniHsaranti mukhAmbujAdyatpadapUjakAnAm |
vinA prayatnaM kamapIha tasmai kAmeshvarAyAstu nateH sahasram || 13||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitaM shrIkAmeshvarastotraM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}