% Text title            : Kashikshetramahatmyam
% File name             : kAshIkShetramAhAtmyam.itx
% Category              : shiva, shivarahasya, tIrthakShetra
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 3 | 7-101||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kashikshetramahatmyam ..}##
\itxtitle{.. kAshIkShetramAhAtmyam ..}##\endtitles ##
\- shivagaurIsaMvAde \-
pa~nchakroshAtmakaM ramyaM kAshIkShetramanuttamam |
tattu jyotirmayaM li~Nga vedavedyaM purAtanam || 7||
sahasrakanakadvArapariveShTitamunnatam |
vajrasa~NghaTTitashreShThasahasrAvaraNAnvitam || 8||
atyUrdhvalokagashreShTharatnagopurarAjitam |
nAnAvidhasudhAsaudhashR^i~NgakAntivirAjitam || 9||
tadgopurAgrabhAgeShu vimaleShu kadAchana |
na bhAti bhAnusa~nchArachashchalAkShi varAnane || 10||
tadgopureShu vimalAshchandrasyApi na rashmayaH |
navagrahagaNasyApi kAntiranyasya vA ChaviH || 11||
pratyuptaitadgopurasya ChavipratihataprabhAH |
niShprabhA eva tiShThanti sarve sUryAdayaH shive || 12||
kAshIgopurashR^i~NgANi ramyANyatyunnatAni cha |
dR^iShTvA sumeruruchcho.api lajjito bhavati dhruvam || 13||
amUlyAnargharatnaugharachitaM shR^i~Ngamunnatam |
sarvAn lokAnatItyaiva yAti pashya varAnane || 14||
etatpurovartishR^i~NgamUle bhAnuvidhugrahAH |
tiShThanti niShprabhA nityaM shR^i~NgaprabhahataprabhAH || 15||
kathamuchchataro bhAti puNyastambha ivAmalaH |
IdR^ishAnyeva shR^i~NgANi santi kAshyAmanekadhA || 16||
kAshIgopurashR^i~NgANAmagrabhAgadidR^ikShayA |
purA pUrvaM mayA devi kadAchidgatamAdarAt || 17||
vR^iSheshapramukhAH sarve dhI(.apI)shvarapramathAdhipAH |
tataH sarve.anivedyaiva parAvR^ittAH shubhAnane || 18||
vR^iSheshvarAdhirUDhena mayaiva gatamagrataH |
gamane kati vA mAsA yAtAH sa~NkhyA na sA kR^itA || 19||
tataH paraM vAmamekaM shR^i~NgAgraM ratnara~njitam |
gachChadUrdhvaM mayA spR^iShTaM (dR^iShTaM) tatkareNa dhR^itaM tataH || 20||
dhR^itamapyativegena gatamUrdhvaM tadantike |
mamAshcharyamabhUchChIghraM gamanaM tasya pashyataH || 21||
vAyorapi tathAvego na dR^iShTo.api kadAchana |
tachChR^i~NgAgraM dR^ishyamAnamadR^ishyamabhavatkShaNAt || 22||
tadAnImeva taddR^iShTvA vR^iShesho vismayaM gataH |
mahadAshcharyasampannaH tataH paramahaM shubhe || 23||
samAgato.asmi kailAsamAruhya vR^iShabhAdhipam |
harmyagopurashR^i~NgANi parasparajigIShayA || 24||
gachChantyatyantavegena sadA ratnamayAni hi |
aShTadikShu gaNAdhIshAH shUlamudgarapANayaH || 25||
asa~NkhyAtAH sadA devi vasantyamitavikramAH |
sahasrArbudabhUteshAH shitashUlakarAH sadA || 26||
nivasanti pratidvAri tIkShNAkShA vivR^itAnanAH |
shaktisa~NghAshcha bahavaH pratidvAri varAnane || 27||
jvaladvahninibhAH santi bhairavAH svabalonnatAH |
raviraktAkShagandharvaH kashchidadbhutavikramaH || 28||
kAshIdakShiNadigbhAge durdharShastiShThati priye |
dhatordhvamuShTirunmattaH shUladantakarAyudhaH || 29||
prajvalladvahnisa~NkAshaH sUryamaNDalasannibhaH |
tadbhR^ityAstAdR^ishA vIrA balamAnavijR^imbhitAH || 30||
raktavastrA raktakAyAH shatruraktaikajIvanAH |
unmattabhairavo nAma kashchidasti mahAbalaH || 31||
tasyAmeva dishi shreShThaH koTiyojanamunnataH |
mandarAchalasa~NkAsho mahAkAyo bhayAnakaH || 32||
koTikoTigaNAdhIshasa~NkAshA~NgulivikramaH |
shvetordhvadIrgharadanaH pi~NgalAkShishiroruhaH || 33||
sita(shita)vajranibhAnantakararomA madoddhataH |
krUrAkShipAtamAtreNa nihatyArikulAn bahUn || 34||
pAtAle bhuvi nAke vA tattulyo naiva dR^ishyate |
tatkrUradR^iShTipAtena bhasma sa~njAyate giriH || 35||
tatkrUradR^iShTyA pR^ithivI kampamAneva tiShThati |
kShIrAbdhirekadA pUrva pItastena tataH param || 36||
mahAbhujo mahAkAyI(yaH) krUradR^iShTiralolupaH |
sarve samudrAH saritaH pItAstenaiva lIlayA || 37||
shailendrAH pUrvametena bhakShitA bahavo mudA |
kadAchidUrdhvaM pR^ithivI nIyate pR^ithubAhunA || 38||
ChatrIkR^itA tadA saiva tena shailavanAnvitA |
bahukAlaM prayatnena suragandharvavIkShitaH || 39||
chakravadbhrAmayAmAsa nakhAgre sanniveshya cha |
anenaivAtimattena lokA vyatyAsitAH purA || 40||
tataH sa kR^ipayA lokAn yathApUrvaM chakAra cha |
indrAdilokapAlAshcha kR^itA~njalipuTAssadA || 41||
saMsevante bhayagrastAH kampamAnAstamAdarAt |
tapasA samyagArAdhya tameva tadanugrahAt || 42||
kAshIpraveshamichChanti svargalokanivAsinaH |
anivedya gataHpUrvaM tameva chaturAnanaH || 43||
kAshyAM tataH krUradR^iShTirlIlayA chaturAnanam |
shIghra niShkrAmayAmAsa pralayAntaM sa bhairavaH || 44||
kAshIpravesho naivAsya tadAprabhR^iti sarvathA |
duHkhitaH sa vidhistena vikR^ito vanamAyayau || 45||
pralapan vanamAshritya sarasvatyA sa tiShThati |
idAnIM vidhiratyantaM kAshIdarshanalAlasaH || 46||
tameva tapasA samyagArAdhayati sAdaram |
tasya kAshIpraveshArthamAj~nAM dAsyatyasaMshayam || 47||
ayametAdR^isho devi kAshIpAlanatatparaH |
ito.api prabalAHsanti kAshIsaMrakShaNakShamAH || 48||
teShAM tejo balaM vIryaM shauryamaudAryamutkaTam |
vaktuM na shakyate devi sahasravadanairapi || 49||
kAshIsaMrakShakA vIrAH yAvantaH santi tAvatAm |
prasAdena vinA kAshI praveShTuM naitra shakyate || 50||
bhinnaprakR^itigAH krUrAH kAshIsaMrakShakAH sadA |
anantA durmadAHsarve parasparajigIMShavaH || 51||
analpArAdhanaprItA bahusevAbhilAShiNaH |
ChidrAnveShaNalolAkShAH pakShapAtavivarjitAH || 52||
tatprasAdAya yatno.api kartuM naiva hi shakyate |
tatprasAdasvarUpaM tu phalaM kenopalakShyate || 53||
anantajanmabhiH kleshAH kena kAryAH prayatnataH |
kena vA tatprasAdo.api prAptavyaH kleshasAdhitaH || 54||
kena sUchyagramAruhya tapaH kartavyamAdarAt |
kenopavAsAH kartavyAH kAshIprAptyai nirantaram || 55||
kena sandIpya pa~nchAgnijvAlA sahyAtidussahA |
kena parNAshanaM kAryaM kAshIprAptyai nirantaram || 56||
kena mR^iShTAnnapAnAdi tyaktvA niHspR^ihamAdarAt |
svalpaM vAtAshanaM kAryaM kAshIprAptyai nirantaram || 57||
kenA.a.agalaM jale sthitvA himakAle durAsade |
pa~nchAkSharajapaH kAryaMH kAshIprAptyai nirantaram || 58||
kenAdhomukhamAsAdya dhUmaH peyo.atiduHsahaH |
kenendriyajayaH kAryaH kAshIprAptyai nirantaram || 59||
kena srakchandanashreShThavanitAkanakAdayaH |
aviShAdaM kathaM tyAjyAH kAshIprAptyai nirantaram || 60||
kena muktAvalI tyAjyA nAnAratnavirAjitA |
rudrAkShadhAraNaM kAryaM kAshIprAptyai nirantaram || 61||
kena nAnAvidhAH saudhAstyAjyAH shR^i~NgavirAjitAH |
araNye vasatiH kAryA kAshIprAptyai nirantaram || 62||
kena tyaktvA paTuspaShTadR^iDhanArIkuchAsanam |
kushAsanaM parigrAhyaM kAshIprAptyai nirantaram || 63||
kena kAntAsamAkrAntAM shayyAM tyaktvA manoramAm |
bhasmashayyA parigrAhyA kAshIprAptyai nirantaram || 64||
kasyachidbharipuNyena bahujanmArjitena hi |
maheshAnugrahe jAte kAshIprAptirbhaMviShyati || 65||
nirantaraM kR^itA bhaktiH yena mayyanapAyinI |
tena kAshIpuraM prApyaM nAnyena shubhadarshane || 66||
yasya bhaktirdR^iDhA nityaM mayyevAvyabhichAriNI |
tasyaiva kAshI sulabhA nAnyasya varavarNini || 67||
yasya li~NgArchane prItiryasya rudrajape matiH |
tasyaiva kAshI sulabhA sa eva mama sammataH || 68||
shivakShetrATanaM yena bahudhA kR^itamAdarAt |
tenaiva kAshI samprApyA nAnyena kamalAnane || 69||
shivapUjaiva satataM kR^itA yena bhaviShyati |
tenaiva kAshI samprApyA nAnyena kamalAnane || 70||
tripuNDradhAraNaM yena kR^itaM syAdvidhipUrvakam |
tenaivakAshI samprApyA nAnyena kamalAnane || 71||
kR^itaM yena sadA bhaktyA shivakShetrasya mArjanam |
tenaiva kAshI samprApyA nAnyena kamalAnane || 72||
shivapUjArthamanishaM yena bilvArjanaM kR^itam |
tenaiva kAshI samprApyA nAnyena kamalAnane || 73||
shivasthAnAni yenaiva kAritAni kR^itAni cha |
tenaiva kAshI samprApyA nAnyena kamalAnane || 74||
shivabhaktaiH sadA prItiH kR^itA yena bhaviShyati |
tenaiva kAshI samprApyA nAnyena kamalAnane || 75||
yena bilvavanaM ramyaM samyakkR^itamanAmayam |
tenaiva kAshI samprApyA nAnyena kamalAnane || 76||
yena mUrdhni gale karNe rudrAkShAH satataM dhR^itAH |
tenaiva kAshI samprApyA nAnyena kamalAnane || 77||
rudrAbhiShekapAnIyaM yena pItaM sadA mudA |
tenaiva kAshI samprApyA nAnyena kamalAnane || 78||
yena shA~NgaM li~NgadAnaM kR^itaM syAdbhaktipUrvakam |
tenaiva kAshI samprApyA nAnyena kamalAnane || 79||
yena shaivAH shivaprItyai bhojitAH sAdhusAdhanaiH |
tenaiva kAshI samprApyA nAnyena kamalAnane || 80||
yena pArthivali~NgAni pUjitAnyanishaM mudA |
tenaiva kAshI samprApyA nAnyena kamalAnane || 81||
shailAshchUrNayituM shakyA mandarapramukhA dR^iDhAH |
kadAchitkenachitsamyakkAshI prAptuM na shakyate || 82||
sadyaHshoShayituM shakyAH niHsheShamativelagAH |
kadAchitkenachitsamyakkAshI prAptuM na shakyate || 83||
kShIrAbdhipramukhAdInAM pAraM kartuM hi shakyate |
kadAchitkenachitsamyakkAshI prAptuM na shakyate || 84||
vyatyAsaH sarvalokAnAM shakyate kartumekadA |
kadAchitkenachitsamyakkAshI prAptuM na shakyate || 85||
induH kandukavatkartuM shakyate bhAnumAnapi |
kadAchitkenachitsamyakkAshI prAptuM na shakyate || 86||
prajvaladvahnimadhye tu shakyate sthAtumanvaham |
kadAchitkenachitsamyakkAshI prAptuM na shakyate || 87||
bahudhA vividhaM dravyaM bahu dAtuM cha shakyate |
kadAchitkenachitsamyakkAshI prAptuM na shakyate || 88||
purA kashchidvijAdhIshaH shivamUrtiriti shrutaH |
sarvavedArthatattvaj~naH sarvashAstravishAradaH || 89||
nItimAn nipuNo mantrI sarvadA shivapUjakaH |
asa~NkhyAtadhanAdhyakShastura~NgagajapAlakaH || 90||
purANashravaNAsaktaH kAshImAhAtmyamuttamam |
shrotrAnandakaraM ramyaM shrushrAvAghaughanAshanam || 91||
tataH sa manmathAkAro navamanmathakanindakaH |
upArjitagajAshvAdidhanadhAnyAdikaM svakam || 92||
rUpalAvaNyasaundaryanavayauvanadarpitAm |
svabhAryAM cha vilokyAtha babhAShe vachanaM mudA || 93||
shrIshivamUrtiruchavAcha \-
api(yi) bhArye vacho yuktaM shR^iNu karNaikabhUShaNam || 94||
kAshIkShetrasya mAhAtmyaM shrutamadya mayA dhunA |
divi vA.anyatra vA leke kAshIsthalasamaM sthalam || 95||
na dR^iShTaM na shrutaM kvApi nAsti cheti kathA shrutA |
bahujanmatapaHsAdhyA kAshIprAptiH kilAmalA || 96||
alabhyA kila sA kAshI viri~nchipramukhairapi |
durdharShAMH prabalA vIrA nAnAshastrAstrapAragAH || 97||
vivR^ittAsyA madonmattAH shrIkAshIpAlakAH kila |
tAdR^ishAnAM prasAdena vinA kAshI shivAtmikA || 98||
na dR^ishyate kilAmartyairmanujairdR^ishyate katham |
vishveshvarAdibhiH (bhidhaM) li~Nga jyotIrUpaM sanAtanam || 99||
vedavedAntasaMvedyamekamastIti saMshrutam |
talli~NgadarshanAtsadyo muchyate kila pAtakaiH || 100||
tadevArAdhyamamalaM matyairdevAsurairapi |
tadvaishveshvaramutkR^iShTamanAdyantamanAmayam || 101||

|| iti shivarahasyAntargate shivagaurIsaMvAde kAshIkShetramAhatmyaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 3 | 7\-101||
##
- .. shrIshivarahasyam . ugrAkhyaH saptamAMshaH . adhyAyaH 3 . 7-101..

Notes:
Śiva ##shiva## describes to Devī ##devI## the splendor and layout of Pañcakrośātmaka Kaśī ##pa~nchakroshAtmaka kAshI##, and mentions the presence of the Eternal (Sanātana ##sanAtana##) Viśveśvara Jyotirliṅga ##vishveshvara jyotirli~Nga## in Kaśī ##kAshI##. He delineates the attributes of those who can attain the fortune of being able to reach and be in Kaśī ##kAshI##; and outlines the merits of being able to do so.
Kaśī ##kAshI## harbors several ŚivaTīrthaKṣetra ##shivatIrthakShetra## that are outlined in ŚivaRahasyam saptāṃśaḥ ##shivarahasyaM saptAMshaH##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}