% Text title            : Kashisthitajnanavapirakshaka Dandapanitihasakathanam
% File name             : kAshIsthitajnAnavApIrakShakadaNDapANItihAsakathanam.itx
% Category              : shiva, raksha, shivarahasya, tIrthakShetra
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 8 | vAvRittashlokAH ||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kashisthitajnanavapirakshaka Dandapanitihasakathanam ..}##
\itxtitle{.. kAshIsthitaj~nAnavApIrakShaka daNDapANItihAsakathanam ..}##\endtitles ##
\- shivapArvatIsaMvAde \-
shrIpArvatyuvAcha \-
shivAnandamayAnanta j~nAnavApItaTe shubhe |
kena puNyaprabhAveNa daNDapANiH sthiraM sthitaH || 1||
purAchIrNaM kimetena tapashcharyA kathaM kR^itA |
kutra sthitaM purA.anena tatsarvaM vadasha~Nkara || 2||
shrIshiva uvAcha \-
harikeshavanaM nAma kAshyAmekaM varAnane |
shIghrasiddhikaraM ramyaM vilAsAshrayamasti me || 3||
bilvamandArapunnAga pUgalodhradrumAvR^itam |
drAkShArasAlarudrAkShakovidAra vanAshrayam || 4||
kharjUranArikelAmra karavIrairvirAjitam |
jambIrahemakadalItAlasAlasamAvR^itam || 5||
AmrAtakArjunAshvatthaketakItarusaMvR^itam |
nAnAvidhalatAkIrNaM nAnAdruma virAjitama || 6||
nAnAvidhalatAku~njama~njulaM nayanapriyama |
vasantapramukhAnekai R^itubhiH saMshritaM sadA || 7||
nAnAvidhAnekapuShpasa~NkulaM sarvadA shubham |
nAnAvidhaphalAkIrNaM dhvani(ghana)ChAyamaghApaham || 8||
etAdR^ishe vane ramye hemarAjIvirAjitam |
ratnasopAna sambandhaM saraH samabhavatpriye || 9||
chaladvimala kallolakulasa~NkulitaM sadA |
parAgapUrNaM paritaH saraH suravarArchitam || 10||
tatprAntadeshesaritaM (deshaM paritaH) shaivAH shivaparAyaNAH |
bhasmoddhUlitasarvA~NgAstripuNDrA~NkitamastakAH || 11||
rudrAkShamAlAbharaNAH shivanAmAmR^itotsukAH |
shivaikadevA vimalAH shivAchAraratAH sadA || 12||
shivaikasharaNAH shuddhAshcha pa~nchAkSharaparAyaNAH |
niShkalmaShA nirAta~NkA nivasanti shivArchakAH || 13||
shivArAdhanasaMsaktAH shaivashAstravishAradAH |
pa~nchAgnimadhye satataM kAshImaraNakA~NkShayA || 14||
tapaH kurvanti satatamanantA vijitendriyAH |
jIrNaparNAshanAH kechitkechidambukaNAshanAH || 15||
kechidbatAshanAH kechinnirAhArAH shivapriyAH |
shuddhAntaH karaNAH shuddhAH shivatattvaikachintakAH || 16||
tatraiva vimale sthAne daNDapANirayaM shubhe |
pa~nchavatsarako bAlastapashchakre dR^iDhavrataH || 17||
purA himAlaye ramye nAnAdhAtuvirAjite |
tapastaptamanenaiva mahaddhorataraM mudA || 18||
sa koTiyugaparyantaM pa~nchAgnyantaragaH sadA |
rudrAdhyAyajapAsaktaH shivali~NgaikapUjakaH || 19||
nimIlitAkSho niyato niHsa~NgaH shivachintakaH |
ekenaivA~NghriNA sthitvA chakre ghorataraM tapaH || 20||
sarvottamaM vedavedyaM sarvAdhAraM jagatprabhum |
dhyAyanneva mahAdevaM gaurIramaNamavyayam || 21||
tadghoratapasA bhAtA bhUtAH sarve divAnisham |
natvA kR^itA~njalipuTAstiShTantinatakandharAH || 22||
li~NgapUjArataM dR^iShTvA taravaH puShpasa~NkulA |
kampitAstaravaH sarve svataeva namanti te || 23||
prajvalantyagnayo nityaM svataH kamalalochane |
tapaH prabhAvabhItAste jvalitA iva sarvadA || 24||
evaM bahuvidhaM ghoraM tapaH kR^itvA sthitaM mudA |
li~NgArchana ratenetthaM bAlakenaiva tena hi || 25||
tataH kadAchinnandIshamAruhya varavarNini |
mayA gataM tatastena mahyaM pUjA kR^itA shubhA || 26||
bahudhAchakR^itaM stotraM kR^itAcha natayo mudA |
varo.api yAchitastena shive bhaktirdR^iDhAstviti || 27||
datto varo mayA tasmai satataM sAdaraM punaH |
tapashchakAra vimalo maunavrataparAyaNaH || 28||
bahukAlaM tapastaptaM tapaH paramapi priye |
tataH punarmayA tatra gataM tenArchitaM priye || 29||
tadA mayA sa pR^iShTo.abhUttapasvI vijitendriyaH |
shivaikasharaNaH shuddhaH pa~nchAkSharaparAyaNaH || 30||
tapo ghorataraM nityaM kimarthaM kriyate tvayA |
kiM tavAbhIpsitaM taddhi dAsye vR^iNu varaM param || 31||
iti pR^iShTastataH so.api vavre varamanuttamam |
kAshIprAptirmama shrImannAstIti prItamAnasaH || 32||
shrutvA taduktaM vachanaM vivichya cha punaH punaH |
varo dattomayA devi tatsantoShArthamuttamam || 33||
ito janma sahasrAnte kAshI samprApyate tvayA |
evameva mahadghoraM kariShyati(si) tapo yadi || 34||
tataH kAshyAM svadharmeNa sthitvA niyatamAnasaH |
tatra ghorataraM bhUyaH kariShyati(si) tapo.anagha || 35||
iti datto varastasmai tadanu pratijanmani |
jAtismaraM(raH) tapo ghoraM bhUyo bhUyashchakAra saH || 36||
tataH kAshImAM prApya tapashchakre sa bAlakaH |
vighnaiH saMvighnito.apyatra bhaktyA bhR^ishamanuttamam || 37||
tenaiva lajjitAH sarve munayo brahmavAdinaH |
AshcharyaM munayashchakrurdR^iShTvA bAlakamuttamam || 38||
dR^iDhavrataM shivarataM nimIlitavilochanam |
taM dR^iShTvA munayaH sarveM praNamanti punaH punaH || 39||
asthimAtrAvashiShTA~Nga li~NgAbhyarchanatatparam |
dR^iShTvaiva bhUtAH sarve.api namantyanudinaM muhuH || 40||
kR^itA~njalipuTA devA nivasanti praNamyatam |
siddhagandharva yakShAdyAH pUjayanti muhurmuhuH || 41||
vighnAnanekAn saMhR^itya li~NgapUjanatatparaH |
tapastIvrataraM chakre harikesha vane shubhe || 42||
evaM nivasatastasya punaH prItyA gataM mayA |
tataH samAgataM dR^iShTvA mAmastauShI sa tu bAlakaH || 43||
stutvaivaM bahudhA bAlaH praNamya cha muhurmuhuH |
kR^itA~njalipuTo bhUtvA tasthau santuShTamAnasaH || 74||
tasyAsthimAtrAvashiShTama~NgaM spR^iShTaM mayA tataH |
gANApatyamapi prItyA dattaM tasmai manorame || 75||
j~nAnavApIrakShaNArthaM tattaTe sthApito mayA |
varo.anyo.api mayA dattaH santuShTena tataH param || 76||
tvatkR^itaM stotramamalaM yaH paThetsatataM shuchiH |
kAshIvAso.anishaM tasya bhavatIti varAnane || 77||
tadAprabhR^iti tattIre daNDaM kA~nchanamudvahan |
tiShThatyatyantansatuShTaH pUrNabhadrasutaH shishuH || 78||
tenaiva tADyate lokaH shivadveShakaraH sadA |
brahmAdayo.api taM pUrvamarchayantyadhunA shubhe || 79||
kAshIviyogaM tanute sa eva kupitaH sadA |
munInAM mAnavAnAM cha devAnAmapi shikShakaH || 80||
daNDapANikR^ipA yasmin na bhaviShyati sarvathA |
sa vihAya tadA kAshIM yAti deshAntaraM prati || 81||
pUjanIyaH prayatnena daNDapANirmama priyaH |
kAshIvAsaratairnityamapramattairyathochitam || 82||
daNDapANiprasAdena snAnaM bhavati dhImatAm |
j~nAnavApIjale ramye sarvapApApanodane || 83||
shivapriyo daNDapANiH pUrNabhadrasuto.anaghaH |
yakSheshaH karuNAsindhurdhUtapApo gaNeshvaraH || 84||
etannAmAShTakenaiva pratyahaM shivatatparaiH |
pUjanIyaH prayatnena kAshIvAsibhirAdarAt || 85||
daNDapANiprasAdArthaM kAshIvAsaratairnaraiH |
bhojanIyastrayodashyAM shaivaH kShIrAdisAdhanaiH || 86||
namanti munayassarve pUjayanti cha taM dvijAH |
tasyaivAnugrahAtsarve kAshyAM tiShThantyanAkulAH || 87||
ayaM yakShakulotpanno bAlo.api madanugrahAt |
sAmarthyamIdR^ishaM prApya tiShThatyatibalAnvitaH || 88||
pUrvapUrvabhaveShvevamanenograM tapaH kR^itam |
mAmuddishyAnishaM samyaktatphalaM jAtamIdR^isham || 89||
yaH kashchidasti subhage madbhakto matparAyaNaH |
sa sarvavandyaH shreShTha bhaviShyati na saMshayaH || 90||
idaM matvaivaM munayI devA yakShA narottamAH |
li~NgarUpiNamekaM mAmarchayanti dR^iDhavratAH || 91||
dhR^itatripuNDrAjitamAnasArthA manuShyadevarShicharA nirohAH |
mAmekamIshaM sharaNaM prapannAstiShThanti li~NgArchana saktachittAH || 92||

|| iti shivarahasyAntargate kAshIsthitaj~nAnavApIrakShakaH daNDapANItihAsakathanaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 8 | vAvR^ittashlokAH ||
##
- .. shrIshivarahasyam . ugrAkhyaH saptamAMshaH . adhyAyaH 8 . vAvRRittashlokAH ..

Notes:
Śiva ##shiva## narrates to Pārvatī ##pArvatI##; about how the Yakṣa ##yakSha## named Harikeṣa ##harikesha##, with intense devotion and penance appeased Him and was granted the boon to guard Jñānavāpī ##j~nAnavApI## at Kāśī ##kAshI## as Daṇḍapāṇi ##daNDapANi##.
Kaśī ##kAshI## harbors several ŚivaTīrthaKṣetra ##shivatIrthakShetra## that are outlined in ŚivaRahasyam saptāṃśaḥ ##shivarahasyaM saptAMshaH##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}