काशीस्तुतिः
धन्यासिकाशी शिवधन्यकाशी
गायन्तिमर्त्या सुखदाऽसि काशी ।
तवैव क्रोड़ए वसतोहि जीवाः
कालात् सुभीता नभवन्ति काशी ॥ १॥
धन्यासि काशी सुखशान्ति राशी
घोरान्धकारे घनज्योति राशी ।
जीवान् स्वज्ञानेनप्रकाशदाऽसि
धन्याऽसि काशी शिववासदाऽसि ॥ २॥
काश्यां मरण मात्रेण जीवानां श्रीसदाशिवः ।
ददाति तारकं मन्त्रं तेन जीवोविमुच्यते ॥ ३॥
मरणासन्न जीवानां दक्षिणे कर्णगोलके ।
ददाति विमलं ज्ञानं निर्वाण पददायकम् ॥ ४॥
अस्मिन्क्षेत्रे मृताजीवा मुक्ताएव न संशयः ।
इतिशास्त्र प्रमाणानि प्रवदन्तिमनीषिणः ॥ ५॥
जटा विशाला नयना विशालाः
फणीन्द्रमाला परमा विशाला ।
अगाधगाम्भीर्य विमुक्तिशालां
कालस्य कालं प्रणमामि शम्भुम् ॥ ६॥
इति श्री स्वामी उमेश्वरानन्दतीर्थविरचितं काशीषटकं सम्पूर्णम् ।
Proofread by Paresh Panditrao