% Text title            : kAshIvishvanAthastotram
% File name             : kAshIvishvanAthastotram.itx
% Category              : shiva, shankarAchArya
% Location              : doc\_shiva
% Author                : Shamkaracharya
% Transliterated by     : Nat Natarajan nat.natarajan at gmail.com
% Proofread by          : Nat Natarajan nat.natarajan at gmail.com, NA
% Source                : stutisanchayaH
% Latest update         : June 13, 2010
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIkAshIvishvanAthastotram ..}##
\itxtitle{.. shrIkAshIvishvanAthastotram ..}##\endtitles ##

kaNThe yasya lasatkarAlagaralaM ga~NgAjalaM mastake
vAmA~Nge girirAjarAjatanayA jAyA bhavAnI satI |
nandiskandagaNAdhirAjasahitA shrIvishvanAthaprabhuH
kAshImandirasaMsthito.akhilagururdeyAtsadA ma~Ngalam || 1||
yo devairasurairmunIndratanayairgandharvayakShoragai\-
rnAgairbhUtalavAsibhirdvijavaraiH saMsevitaH siddhaye |
yA ga~NgottaravAhinI parisare tIrtherasa~NkhyairvR^itA
sA kAshI tripurArirAjanagarI deyAtsadA ma~Ngalam || 2||
tIrthAnAM pravarA manorathakarI saMsArapArAparA\-
nandA nandigaNeshvarairupahitA devairasheShaiH stutA |
yA shambhormaNikuNDalaikakaNikA viShNostapodIrghikA
seyaM shrImaNikarNikA bhagavatI deyAtsadA ma~Ngalam || 3||
eShA dharmapatAkinI taTaruhAsevAvasannAkinI
pashyanpAtakinI bhagIrathatapaHsAphalyadevAkinI |
premArUDhapatAkinI girisutA sA kekarAsvAkinI
kAshyAmuttaravAhinI suranadI deyAtsadA ma~Ngalam || 4||
vighnAvAsanivAsakAraNamahAgaNDasthalAlambitaH
sindUrAruNapu~njachandrakiraNaprachChAdinAgachChaviH |
shrIvishveshvaravallabho girijayA sAnandakAnanditaH
smerAsyastava DhuNDhirAjamudito deyAtsadA ma~Ngalam ||| 5|| |
kedAraH kalasheshvaraH pashupatirdharmeshvaro madhyamo
jyeShThesho pashupashcha kandukashivo vighneshvaro jambukaH |
chandresho hyamR^iteshvaro bhR^igushivaH shrIvR^iddhakAleshvaro
madhyesho maNikarNikeshvarashivo deyAtsadA ma~Ngalam || 6||
gokarNastvatha bhArabhUtanudanuH shrIchitragupteshvaro
yakSheshastilaparNasa~Ngamashivo shaileshvaraH kashyapaH |
nAgesho.agnishivo nidhIshvarashivo.agastIshvarastAraka\-
j~nAnesho.api pitAmaheshvarashivo deyAtsadA ma~Ngalam || 7||
brahmANDaM sakalaM manoShitarasai ratnaiH payobhirharaM
khelaiH pUrayate kuTumbanilayAn shambhorvilAsapradA |
nAnAdivyalatAvibhUShitavapuH kAshIpurAdhIshvarI
shrIvishveshvarasundarI bhagavatI deyAtsadA ma~Ngalam || 8||
yA devI mahiShAsurapramathanI yA chaNDamuNDApahA
yA shumbhAsuraraktabIjadamanI shakrAdibhiH saMstutA |
yA shUlAsidhanuHsharAbhayakarA durgAdisandakShiNA\-
mAshrityAshritavighnashaMsamayatu deyAtsadA ma~Ngalam || 9||
AdyA shrIrvikaTA tatastu virajA shrIma~NgalA pArvatI
vikhyAtA kamalA vishAlanayanA jyeShThA vishiShTAnanA |
kAmAkShI cha haripriyA bhagavatI shrIghaNTaghaNTAdikA
mauryA ShaShTisahasramAtR^isahitA deyAtsadA ma~Ngalam || 10||
Adau pa~nchanadaM prayAgamaparaM kedArakuNDaM kuru\-
kShetraM mAnasakaM saro.amR^itajalaM shAvasya tIrthaM param |
matsyodaryatha daNDakhANDasalilaM mandAkinI jambukaM
ghaNTAkarNasamudrakUpasahito deyAtsadA ma~Ngalam || 11||
revAkuNDajalaM sarasvatijalaM durvAsakuNDaM tato
lakShmItIrthalavA~Nkushasya salilaM kandarpakuNDaM tathA |
durgAkuNDamasIjalaM hanumataH kuNDapratAporjitaH
praj~nAnapramukhAni vaH pratidinaM deyAtsadA ma~Ngalam || 12||
AdyaH kUpavarastu kAladamanaH shrIvR^iddhakUpo.aparo
vikhyAtastu parAsharastu viditaH kUpaH saro mAnasaH |
jaigIShavyamuneH shashA~NkanR^ipateH kUpastu dharmodbhavaH
khyAtaH saptasamudrakUpasahito deyAtsadA ma~Ngalam || 13||
lakShyInAyakabindumAdhavaharirlakShmInR^isiMhastato
govindastvatha gopikApriyatamaH shrInAradaH keshavaH |
ga~NgAkeshavavAmanAkhyatadanu shveto hariH keshavaH
prahlAdAdisamastakeshavagaNo deyAtsadA ma~Ngalam || 14||
lolArko vimalArkamAyukharaviH saMvartasaMj~no ravi\-
rvikhyAto drupaduHkhakholkamaruNaH proktottarArko raviH |
ga~NgArkastvatha vR^iddhavR^iddhivibudhA kAshIpurIsaMsthitAH
sUryA dvAdashasaMj~nakAH pratidinaM deyAtsadA ma~Ngalam || 15||
Adyo DhuNDhivinAyako gaNapatishchintAmaNiH siddhidaH
senAvighnapatistu vaktravadanaH shrIpAshapANiH prabhuH |
AshApakShavinAyakApraShakaro modAdikaH ShaDguNo
lolArkAdivinAyakAH pratidinaM deyAtsadA ma~Ngalam || 16|||
herambo nalakUbaro gaNapatiH shrIbhImachaNDIgaNo
vikhyAto maNikarNikAgaNapatiH shrIsiddhido vighnapaH |
muNDashchaNDamukhashcha kaShTaharaNaH shrIdaNDahasto gaNaH
shrIdurgAkhyagaNAdhipaH pratidinaM deyAtsadA ma~Ngalam || 17||
Adyo bhairavabhIShaNastadaparaH shrIkAlarAjaH kramA\-
chChrIsaMhArakabhairavastvatha rurushchonmattako bhairavaH |
krodhashchaNDakapAlabhairavavaraH shrIbhUtanAthAdayo
hyaShTau bhairavamUrtayaH pratidinaM deyAtsadA ma~Ngalam || 18||
AdhAto.ambikayA saha trinayanaH sArdhaM gaNairnanditAM
kAshImAshu vishan haraH prathamato vArShadhvaje.avasthitaH |
AyAtA dasha dhenavaH sukapilA divyaiH payobhirharaM
khyAtaM tadvR^iShabhadhvajena kapilaM deyAtsadA ma~Ngalam || 19||
AnandAkhyavanaM hi champakavanaM shrInaimiShaM khANDavaM
puNyaM chaitrarathaM tvashAkavipinaM rambhAvanaM pAvanam |
durgAraNyamatho.api kairavavanaM vR^indAvanaM pAvanaM
vikhyAtAni vanAni vaH pratidinaM deyAtsadA ma~Ngalam || 20||
alikuladalanIlaH kAladaMShTrAkarAlaH
sajalajaladanIlo vyAlayaj~nopavItaH |
abhayavaradahasto DAmaroddAmanAdaH
sakaladuritabhakSho ma~NgalaM vo dadAtu || 21||
ardhA~Nge vikaTA girIndratanayA gaurI satI sundarI
sarvA~Nge vilasadvibhUtidhavalo kAlo vishAlekShaNaH |
vIreshaH sahanandibhR^i~NgisahitaH shrIvishvanAthaH prabhuH
kAshImandirasaMsthito.akhilagururdeyAtsadA ma~Ngalam || 22||
yaH prAtaH prayataH prasannamanasA premapramodAkulaH
khyAtaM tatra vishiShTapAdabhuvaneshendrAdibhiryatstutam |
prAtaH prA~NmukhamAsanottamagato brUyAchChR^iNotyAdarAt
kAshIvAsamukhAnyavApya satataM prIte shive dhUrjaTi || 23||

iti shrImachCha~NkarAchAryavirachitaM kAshIvishvanAthastotram ||

##
Encoded and proofread by Nat Natarajan nat.natarajan at gmail.com, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}