% Text title            : Kashyam Kalabhairavaprakatyaprasangavarnanam
% File name             : kAshyAMkAlabhairavaprAkaTyaprasangavarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 11 | 201-261||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kashyam Kalabhairavaprakatyaprasangavarnanam ..}##
\itxtitle{.. kAshyAM kAlabhairavaprAkaTyaprasa~NgavarNanam ..}##\endtitles ##
\- shivapArvatIsaMvAde \-
brahmovAcha \-
ahamevAkhilaiH pUjyaH pUjyo mama na sarvathA |
kiM shUlI mama sampUjyaH pUjyo.ahaM shUlino dhruvam || 201||
vedAH sR^iShTA mayA sarve sR^iShTA lokA mayA purA |
madanyaH sarjako loke nAsti pUjyo.api sarvathA || 202||
bhrAntA yUyaM na sandehaH shUlipUjAparAyaNAH |
pUjA mamaiva vihitA vedAstatra tu sAkShiNaH || 203||
pralapannevamevAnyadvishrAnto.asau tadA vidhiH |
tasthau tato mahAviShNurarghyapANirupAgataH || 204||
tato.abhiShichya mAM viShNuH kShIrAjyAdibhirAdarAt |
chakAra pUjAM vividhAM bilvapatrAdibhirmudA || 205||
dhUpadIpAMshcha naivedyaM kShIrAjyadadhimishritam |
datvA dadau punardIpAna punaH puShpA~njaliM dadau || 206||
pradakShiNanamaskArAn chakAra tadanantaram |
tataH pashchAkSharaM shaivaM jajApa sa janArdanaH || 207||
tatastaM dhyAnanirataM vidhirdR^iShTvA hariM tadA |
uvAcha vachanaM bhrAntaH krodhamutpAdanhareH || 208||
asampUjyaiva pUjArhaM mAmayaM viShNuruddhataH |
shUlipUjAM karotyatra bhrAnto.ayaM nAtra saMshayaH || 209||
ityudIritamAkarNya vachanaM tadvidherhariH |
pUjAM samApya tadanu jagAda vachanaM tadA || 210||
viShNuruvAcha \-
hA hA durbhAga durbuddhe kimetraM vaktumarhasi |
kathaM bhrAnto.adya jAto.asi shubhaM nAdya tu dR^ishyate || 211||
sarvadevottamaH sAmbaH sha~Nkaro bhaktavatsalaH |
sarveShAmapi sampUjyaH tasya pUjyo na dR^ishyate || 212||
tasyaiva pUjAvihitA sarvavedeShu sarvathA |
tatpUjayaiva samprApto mokSho mokShapradaH shivaH || 213||
shivapUjA mayA pUrvaM bahudhaiva kR^itA muhuH |
ahaM shivaprasAdena pAlayAmyakhilaM jagat || 214||
ityuktavantaM taM viShNuM bhrAnto.asIti jagAda saH |
matto.anyo na hi sampUjyaH pUjyo.ahaM nAtra saMshayaH || 215||
bhrAntAH sarve kathaM jAtAH pUjyaM mAM sarvasAdhanaiH |
na pUjayanti durvuttA mAmmityevaM vadasthitaH ||  216||
tadA kleshAnvito viShNuH sha~NkaraM lokasha~Nkaram |
tuShTAva vividhaiH stotrairuvAchedaM vachastadA || 217||
shambho prasIda devesha kleshAndUrIkuruShva me |
ashaivaM saMharasvainamadharmasya pravartakam || 218||
adharmavR^ittyA sarve.api yAsyanti narakaM dhruvam |
kR^ipAlurasi devesha vidhimenaM praNAshaya || 219||
ashaivo.ayaM durAchAraH sthApanIyo na sarvathA |
ashaivashikShA kartavyA devesha tripurAntaka || 220||
nochedadharmavR^iddhistu bhaviShyati na saMshayaH |
adharmavR^iddhyA devAnAM duHkhavR^iddhirbhaviShyati || 221||
ityuktvA praNato viShNuH sa R^iShiH saMs(sarShisa~NghaH) stuvaMstadA |
prasIdesha prasIdesha prasIdeti vadanmuhuH || 222||
tadograrUpAdana~NghAnmattaH shrIkAlabhairavaH |
AvirAsIttadA lokAnbhIShayannakhilAnapi || 223||
vyApyAyaM saptapAtAlAnanantacharaNaiH svayama |
bhUrbhuvaH suvarAdIMshcha shiro.abhivyApya saMsthitaH || 224||
disho dashavyAptahastairanantairvivR^itAnanaH |
anantasUryapratimaH kAlAnalasamaprabhaH || 225||
nAnAshastrAvR^itAkAro nAnAgandhAnulepanaH |
nAnAmAlAvR^ito nAnAratnAbharaNasaMvR^itaH || 226||
antarUpakUpeShu vahannagnikaNAnbahUn |
niHshvAsapavanairagniM visR^ijan raktalochanaH || 227||
akANDapralayAgnInAM samUhamiva saMsthitaH |
dR^iShTvA taM vismitAH sarve devAH sa R^iShipu~NgavAH || 228||
chachAlAvanirudvignA chelushcha kulaparvatAH |
sheShashchakampe sakalaiH phaNibhishcha samAvR^itaH || 229||
tanniHshvAsamahAvAyurutpAtapavano.abhavat |
tatkarAghAtamAtreNa petururvyAM cha tArakAH || 230||
pApata mUrchChito viShNustaM dR^iShTvA bhImavikramam |
peturmunivarAssarve devAshchendrapurogamAH || 231||
kShubdhAH samudrAH sarve.api kShIrAbdhipramukhAstadA |
udvelAshcha babhUvuste mahAkallolasa~NkulAH || 232||
tatastu bhairavo lokAn bhIShayannakhilAnapi |
praNamya mAmuvAchedaM vachanaM vinayAnvitaH || 233||
bhairava uvAcha \-
shambho kiM karavANyadya kAryaM te kimupasthitam |
shoShaNIyAH sumudrAH kiM kShaNenaivAdya lIlayA || 234||
kiM vA kulAchalAH sarve bhakShaNIyAstvadAj~nayA |
nasmIbhUtAshcha kartavyA devAH sarve kimIshvara || 235||
kiM bhasmasAdupaitvIsha sashailavanakAnanA |
pR^ithivI sanadI vA mAmAj~nApayatu sha~Nkara || 236||
mA vilambaM kuruShvesha kiM vilambena sha~Nkara |
tvatprasAdena sarveShAM nAshakashcha bhavAmyaham || 237||
mayogratararUpeNa tUShNIM sthAtuM na shakyate |
devottama mahAdeva harAj~nApaya mAM vibhum || 238||
evamukto bhairaveNa praNatashcha muhurmuhuH |
tadA brahmashirashChedaM kuruShvetyuktavAnaham || 239||
tato vidhiM bhairavastaM dR^iShTvA prasphuritAdharaH |
nakhAgreNaiva chichCheda shirAMsi cha papAta saH || 240||
tatastasya vidheshchChinnaM prathamaM tu shirastadA |
jagAma nAganilayaM pralapansatvaraM shive || 241||
tadA tasya shiro dR^iShTvA brahmaNaH phaNirAT tadA |
vismito muktimetasya shirashChedasya kAraNam || 242||
idaM brahmashiro nUnaM mayA tu parichIyate |
brahmaNo na shivAdanyaH shAstA deveShu vidyate || 243||
prAyasho devadevasya mahAdevasya pUjanam |
na kR^itaM brahmaNA tasmAchChivena nihato vidhiH || 244||
prAyasho brahmaNA shambhordhikkAro vA kR^ito dhruvam |
nandikeshasya vA.anyasya shivabhaktasya vA dhruvam || 245||
shivaM vA shivabhaktaM vA nandikeshaM shivapriyam |
yo dhikkaroti tasyeyaM gatirbhavati sarvathA || 246||
anyathA brahmaNo.akANDe shirashChedaH kathaM bhavet |
nAyaM pralayakAlashcha brahmaviShNvIshanAshakaH || 247||
samayaH pralayasyAstu mAstu vAyaM tathApyaham |
kAshIM prati gamiShyAmi yatra pralayabhIrna me || 248||
mahApralayakAle.api kAshIstho na vinashyati |
tataH kAshImahaM yAsye yatra na pralayodbhavaH || 249||
dagdhA bhavantu brahmAdyA lokA dagdhA bhavantu cha |
yAsye.ahaM sarvathA nityAM kAshIM mAheshvarIM purIm || 250||
ityuktvA phaNirATchChIghraM kAshIM prati samAyayau |
pAhi pAhi mahAdeva pralayAditi saMvadan || 251||
samprApya kAshIM pUtAtmA prahR^iShTahR^idayaH phaNI |
amanyata tadAtmAnaM kR^itArthaM bhAgyasaMshrayam || 252||
dR^iShTvA kAshIM purIM shaivIM shaivamokShapradAyinIm |
sAkShAchChivasvarUpeyaM devAnAmapi durlabhA || 253||
kR^ipA mayi maheshasya sampUrNA tiShThati dhruvam |
yato.atidurlabhA kAshI sulabhA.adya mamAbhavat || 254||
ataH paraM bhayaM nAsti mR^iterapi mama dhruvam |
yataH prAptA mayA kAshI yAM mR^ityurnaiva pashyati || 255||
tataH sa ratnapuShpAdyairvishveshaM mAM sanAtanam |
sampUjya nityayAtrAdi sarvakarma chakAra saH || 256||
Adibhairavamabhyarchya dhUpadIpAdibhistataH |
kR^ittivAseshvaraM draShTuM puShpapANirupAyayau || 257||
shrIkAlabhairavaM dR^iShTvA bhImarUpaM bhayAnakam |
chakampe mUrchChitaH sheShaH papAta pR^ithivItale || 258||
\-\-
mayA chotthApito viShNustataH pUrvaM sa utthitaH |
indrAdayaH sa R^iShayo (?) mayaivotthApitAH shive || 259||
viShNurindraH phaNipatirdevAshchAnye munIshvarAH |
dadR^ishushChinnashirasaM vidhi taM patitaM bhuvi || 260||
\-\-
devA UchuH \-
tato viShNussadevendraH saR^iShiH saphaNistathA (?) |
stotrairanekaiH stutvA cha (tuShTAva) bhImaM shrIkAlabhairavam || 261||

|| iti shivarahasyAntargate kAshyAM kAlabhairavaprAkaTyaprasa~NgavarNanaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 11 | 201\-261||
##
- .. shrIshivarahasyam . ugrAkhyaH saptamAMshaH . adhyAyaH 11 . 201-261..

Notes:
Śiva ##shiva## recounts to Pārvatī ##pArvatI##; the appearance/manifestation of the formidable Kālābhairava ##kAlabhairava## and the subsequent decapitation of Brahmā ##brahmA## who brimmed with arrogance due to his role as The Creator, and had entered Kaśī ##kAshI## questioning Viṣṇu  ##viShNu## as to why He (Viṣṇu  ##viShNu##) was worshiping Śiva ##shiva## - when he (Brahmā ##brahmA##)  as the Creator is the only one worthy of being worshiped. As the terrifying event unfolds and Brahmā ##brahmA## has fallen unconscious; Viṣṇu ##viShNu##, along with Indra ##indra##, Ṛṣi-s ##R^iShiH## Phaṇipati ##phaNipati## (Vāsuki ##vAsuki##) collectively attempt to eulogize, pacify and appease the disgruntled and vexed Kālābhairava ##kAlabhairava##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}