% Text title            : Kashyam Pitrikarmopadesham
% File name             : kAshyAMpitRRikarmopadesham.itx
% Category              : shiva, upadesha, advice, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 12 | 194-228||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kashyam Pitrikarmopadesham ..}##
\itxtitle{.. kAshyAM pitR^ikarmopadesham ..}##\endtitles ##
\- shivapArvatIsaMvAde \-
snAnaM kAryaM prayatnena j~nAnavApIjale shubhe |
AmadravyeNa vidhivachChrAddhaM kartavyamAdarAt || 194||
hiraNyenAthavA shrAddhaM kuryAttaddina eva hi |
havyashyAmAkanIvArayavachUrNAdibhiH kramAt || 195||
piNDadAnaM yathAshAstraM kartavyaM niyamena cha |
pituH piNDatrayaM deyaM mAturapyAdarAttathA || 196||
anyeShAM tu yathA yogyammekaikaM syAdyathAkramam |
tataH kR^iShNatilaiH shuddhaiH kR^itvA tu pitR^itarpaNam || 197||
j~nAnavApIM samabhyarchya j~nAneshaM cha samarchayet |
vinAyakAn DhuNDhirAjaM samabhyarchya tataH param || 198||
muktimaNDapamAsAdya dhyAtvA mAmajamavyayam |
nandikeshaM samabhyarchya dvArapAlAnapi kramAt || 199||
tato matpUjanaM kAryaM svashaktyA cha yathAvidhi |
tato vIreshakuNDAdau snAnaM kR^itvA yathAkramam || 200||
shrAddhaM piNDapradAnAdi kartavyaM vidhipUrvakam |
shrAddhAvashiShTAn dvitrAnvA bhakShayitvA tilAMstataH || 201||
kuryAjjAgaraNaM samya~NnirAhAreNa sAdaram |
tatastu pashchime yAme pa~nchakroshAdbahirvrajet || 202||
kR^itvA shauchAdikaM tatra yathAshAstraM yathAvidhi |
tataH kAshyAM samAgamya snAtvA tIrthodake shubhe || 203||
sandhyAdinityayAtrAntaM karma kR^itvA yathAkramam |
shaivAndvijavarAn shreShThAnAhUya shivavigrahAn || 204||
teShAmAmantraNaM deyaM yathAshAstraM yathAkramam |
tataH snAtvAM vidhAnena shrAddhaM kArya prayatnataH || 205||
svAdvannaiH shivabhaktAste bhojanIyA yathAvidhi |
shaivaM bhoktAramutkR^iShTaM nikaTasthamanuttamam || 206||
tyaktvA yaH kurute shrAddhaM tadvyarthaM nAtra saMshayaH |
aShTa dikShvaShTatIrthAni j~nAnavApyAM vasanti cha || 207||
teShu snAnaM yathAshAstraM kartavyaM prItipUrvakam |
aShTadikShvapiM kartavyamekaikatra yathAkramam || 208||
pa~nchadhA shrAddhamanaghairannaishchApi yathAvidhi |
pUrvadigbhAgamArambhya savyenaiva yathAkramam || 209||
snAnAdi kartavyamapramAdena sarvathA |
veda gaurI j~nAna dharmaM mokSha puNya karANi cha || 210||
pitR^ikAryANi tIrthAni j~neyAnyaShTau shubhAni me |
chatvAriMshadyathAshAstraM j~nAnavApItaTe shubhe || 211||
shrAddhAni niyamenaiva kartavyAni na saMshayaH |
eteShu cha samApteShu tadanantaramAdarAt || 212||
pa~ncha shrAddhAni kAryANi vidhivanmuktimaNTape |
ekaikaM shrAddhamekaikadine kAryaM yathAkramam || 213||
nai kasmin divase.anekaM karma shrAddhaM vidhIyate |
shrAddhAnyevaM vidhAyaiva j~nAnavApItaTe shubhe || 214||
maNikarNitaTe kuryAttataH shrAddhaM yathAvidhi |
vIreshakuNDanikaTe tataH kAryaM prayatnataH || 215||
tata pashupatIshasya kuNDaprAnte manohare |
kAlakuNDataTe kAryaM tadanantaramAdarAt || 216||
shivaga~NgAtaTe kAryaM tataH samyagyathAvidhi |
kArkoTakasyApi kuNDe taTaprAnte manohare || 217||
tataH pishAchatIrthe.api kartavyaM vidhipUrvakama |
o~NkArakuNDaprAnte.api kartavyaM tadanantaram || 218||
tataH pilippapilAkuNDe kartavyaM vidhipUrvam |
haMsatIrthataTe kAryaM tadanantaramAdarAt || 219||
shakrakuNDeshakuNDe.api tatra kAryaM prayatnataH |
tataH kedArakuNDe.api kartavyaM vidhipUrvakam || 220||
arkakuNDe tataH kAryaM chandrakUpe tataH param |
tataH siddheshakuNDe.api durgAkuNDe tataH param || 221||
kAmAkShIkuNDanikaTe tataH kartavyamAdarAt |
sArdhAMShTakoTili~NgAni kuNDAnyapi varAnane || 222||
shrImadantargR^ihe ramye santi divyAni bhUrishaH |
antargehAdbahirdevi li~Ngasa~NkhyA na vidyate || 223||
kuNDAnAmapi divyAnAM sa~NkhyA nAstyeva sarvathA |
teShu sarvatra kartavyaM shrAddhaM yadyapi sarvathA || 224||
tathApi shaktihInaistu shrAddhaM kArya kvachitkvachit |
uktasthaleShu kartavyamavashyaM pitR^itatparaiH || 225||
shrAddhamannena vimale yathAshAstraM yathAkramam |
uktasthaleShu sarvatra pa~nchavAraM yathAkramam || 226||
shrAddhaM kartavyamannena sarvathaivApramAdataH |
ashaktaistu trivAraM vA shrAddhaM kartavyamAdarAt || 227||
dvivAramadhamenApi kartavyaM nAtra saMshayaH |
shrAddhAnyevaM yathAshAstraM kR^itvA tadanu sAdaram || 228||

|| iti shivarahasyAntargate kAshyAM pitR^ikarmopadeshaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 12 | 194\-228||
##
- .. shrIshivarahasyam . ugrAkhyaH saptamAMshaH . adhyAyaH 12 . 194-228..

Notes:
Śiva ##shiva## details to Pārvatī ##pArvatI## about the TīrthaKṣetra ## tIrthakShetra## in Kaśī ##kAshI##, where one can perform Pitṛkarma ##pitR^ikarma##. Some Śloka-s are collated here for this webpage.
Kaśī ##kAshI## harbors several TīrthaKṣetra ## tIrthakShetra## that are outlined in ŚivaRahasyam saptāṃśaḥ ##shivarahasyaM saptAMshaH##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}