% Text title            : Kashyi Papashantyartham Shiva Prarthana
% File name             : kAshyipApashAntyArthaMshivaprArthanA.itx
% Category              : shiva, shivarahasya, tIrthakShetra
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 12 | 361-376||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kashyi Papashantyartham Shiva Prarthana ..}##
\itxtitle{.. kAshyi pApashAntyArthaM shivaprArthanA ..}##\endtitles ##
\- shivapArvatIsaMvAde \-
sarvapuNyaharA shambho tatpApaM shAntimeShyatu |
kadAchinna kR^itaM daivAchChaivavaryasya vandanam || 361||
kadAchidudakaM pItamakR^itvA bhasmadhAraNam |
pramAdena mahAdeva tatpApaM shAntimeShyatu || 362||
kadAchichChivali~Ngasya nirNejanajalaM shubham |
na pItaM pArvatInAtha tatpApaM shAntimeShyatu || 363||
kadAchidbilvapatreNa bhramAdeva hi sarvathA |
li~NgaM nAbhyarchitaM shambho tatpApaM shAntimeShyatu || 365||
j~nAnavApIjale ramye bhrameNaiva kadAchana |
na snAnaM kR^itamIshAna tatpApaM shAntimeShyatu || 365||
kadachinna kR^itaM shambho daNDapANyarchanaM mayA |
nArchito DhuNDhipAlo.api tatpApaM shAntimeShyatu || 366||
vIreshvaro bhrameNaiva kadAchinnArchito mayA |
sarvArthataH kR^ipAsindho tatpApaM shAntimeShyatu || 367||
shrImatpashupatIsho.api pashupAshavimochakaH |
kadAchinnArchitaH shambho tatpApaM shAntimeShyatu || 368||
shrIkAlabhairavaH shAstA bhramaiNaiva kadAchana |
nArAdhito sahAdevastatpApaM shAntimeShyatu || 369||
prachaNDavighnasaMhartA vakratuNDeshvaro mayA |
kadAchinnArchitaH shambho tatpApaM shAntimeShyatu || 370||
shivaga~NgAjalasnAnaM kadAchinna kR^itaM mayA |
alasena virUpAkSha tatpApaM shAntimeShyatu || 371||
o~NkArAkhyaM mahAli~NgaM bhrAntenaiva kadAchana |
mayA nAbhyarchitaM shambho tatpApaM shAntimeShyatu || 372||
kedAreshvaramArAdhyamanArAdhyaiva saMsthitam |
mayAkadAchidvishvesha tatpApaM shAntimeShyatu || 373||
\- \-
evamuchchArya sakalAnaparAdhAnyathAkramam |
tataH snAtvA j~nAnavApyAM punaH sampUjya mAM tataH || 374||
vIreshvarAdisthAneShu gatvA sampUjya sAdaram |
punarabhyarchanaM kAryaM mayi bhaktipuraH saram || 375||
tato maunena niyamAtkR^itA~njalipuTairnaraiH |
daNDapANiM praNamyaiva gantavyaM muktimaNTapAt || 376||

|| iti shivarahasyAntargate kAshyi pApashAntyArthaM shivaprArthanA sampUrNA ||

\- || shrIshivarahasyam | ugrAkhyaH saptamAMshaH | adhyAyaH 12 | 361\-376||
##
- .. shrIshivarahasyam . ugrAkhyaH saptamAMshaH . adhyAyaH 12 . 361-376..

Notes:
Prayer seeking pacification of inadvertent trespasses that one may have committed while in Kāśī ##kAshI##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}