% Text title            : Shivaproktam Kshetrapujanam
% File name             : kShetrapUjanamshivaproktaM.itx
% Category              : shiva, shivarahasya, pUjA
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 56 - devakRitakShetrapUjanam | 34-50||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaproktam Kshetrapujanam ..}##
\itxtitle{.. shivaproktaM kShetrapUjanam ..}##\endtitles ##
himAlayanagottame himasudhAmamaulisphura\-
ddhimAdrivarakanyakAjaTilakAntikAntaM prabhum |
payodhisutayA hariH payasijAtapuShpArchanai\-
rninAya divasAnume varasura~NgakedAragaH || 34||
o~NkAraM samavApya bhAratipatissannarmadAtIragaM
puShpairbilvadalArchanaishshrutigatairmantraisstuvanmAmume |
tatyAjAkhilapAtakaM hR^idi gataM chAj~nAnamapyantata \-
ssR^iShTiM praShTutayA svakIyavadanaistuShTAva chAShTAkR^itim || 35||
rudro.avimuktapadavImavimuktametatsamprApya li~NganilayaM varaga~NgayApi |
vishveshvaraM tribhuvaneshvaramIpsitAraM tvAmambikAmagasutAM suvishAlanetrAm || 36||
abhyarchya puShpanikaraiH payaso rasaishcha nIraishcha sechya varabilvadalaissamarchya |
lebhe.apyalabhyamapi vedashiraH pratItaM j~nAnaM tadA suvimalaM nagarAjakanye || 37||
indro.apyathAmarasukaNThakametadeva devaM maheshvaramume varabilvapatraiH |
sampUjya tachChrutigataM vimalaM madIyaM j~nAnaM sadoditamakhaNDamavApya tuShTaH || 38||
yamo.api varashailake vimalagandhamAdrau shivaM
samarchya nijapAtakaishshrutigati~ncha lebhe shive |
vimuktahR^idayastadA tridalabilvapatraishshive
sa eva sukhasampadAM pravaradakShiNAshAdhipaH || 39||
shrIshailanAyakamume prathite pradoShe shrIdaM dhanAdhipatirarchya vimuktapApaH |
j~nAnaM cha yakShapatirakShamamApa vIkShya pakShAshrayeNa vimalaM salabhetsumokSham || 40||
tAvashvinau cha karahaTTapuraM tadApya nAgeshamarchya vividhairlabhatAM supuShpaiH |
mokShaM tathaiva bhiShajAmadhipau tathA tau vedaM tathAyuShamume samavApatustau || 41||
vAyuH kAmadavaidyanAthavipinAdhIshaM samabhyarchya mAM
bilvaiH komalapuShpanIrajalavaissampApya mokShaM drutam |
agniH puShkaramIshvaraM tribhuvanAdhyakShaM samabhyarchya vai
sarva.nbhakShasamudbhavaM prathitamapyaMhovimukto.ambike || 42||
gokarNa samavApya te hi marutaH pUjyeshvaraM mAM shive
bilvaiH komalapallavaishcha vasavo dityAstavaistuShTuvuH |
shrImattryambakamapyagasute te dvAdashArkA hi mAM
homairhutvA maheshi rudrAstvabhipUjya tridalaishcha bilvapatraiH || 43||
pariNatahimadhAmamaNDalo.api shambhuM hR^idayAmbhojasupuNDarIkavAsam |
goparvate samabhipUjya tathaiva shambhuM mArtANDako.api girije samavApa muktim || 44||
kA~nchIM kA~nchitaditkaTAM diviShadastvekAmramUle haraM
kAmAkShImapi bhogabhogyanikaraissampUjya muktiM gatAH |
anyechApi grahAstathaiva munayo devAsurA mAnavA
gandharvoragayakSharAkShasagaNA muktAssamabhyarchya mAm || 45||
shrIkaNThe tR^iNasha~Nkare suvihite ratnAdrimaulisthite
shrImAtR^iprabhave girIndratanaye shrIkAlahastIgirau |
jambUli~NgakaverajAtaTayuge japye tathA kumbhake
puNye shrIdhavalArjune vidhipuhe shrIvedakAbje pure || 46||
puNye shvetavane mayUravipine ChAyAvane sha~Nkari
sampUjya tridasheshvaraM girijayA muktiM parAM te yayuH || 47||
hAlAsyanAyakamume varashAlivATInAthaM cha kAntimatikAshapurAyatAkShIm |
devA~NganA samabhipUjya halIsalAsyairnR^ityanti hemasarasImavagAhya mAM tvAm || 48||
mArkaNDeyaghaTodbhavau ghaTaharaM sampUjya mR^ityuM kShaNA\-
dyojigye bhuvaneshvari tribhuvane matpAdashUlAhatam |
skandassvAmigirau samarchya gaNapastaddakShiNAvartake
mAmArAdhya gaNAshcha bhUsuragaNAstatratyali~NgeShu mAm || 49||
kShiprAtIraniketane mayi sadA nAmnA mahAkAlaje
samprApyArchya gaNatvamApa sukR^itairmukto.apyabhUnmadgaNaH |
bhR^i~NgI nandikachaNDikau balisutaH paulastyahuNDAdayo
mAmArAddhaya sadaiva tuShTuvurume tanme samAkarNaya || 50||

|| iti shivarahasyAntargate mAheshvarAkhye shivaproktaM kShetrapUjanam ||

\- || shrIshivarahasyam | mAheshvarAkhyaH prathamAMshaH | adhyAyaH 56 \- devakR^itakShetrapUjanam | 34\-50||
##
- .. shrIshivarahasyam . mAheshvarAkhyaH prathamAMshaH . adhyAyaH 56 - devakRRitakShetrapUjanam . 34-50..

Notes:
Śiva ##shiva ## outlines to Devī ##devI##, the various Śivakṣetra ##shivakShetra ## where Pūjā Archanā ##pUjA archanA ## are conducted unto Him.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}