% Text title            : Kailasavarnanam 3
% File name             : kailAsavarNanam3.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 23 - kailAsavarNane skandakRitastutiH | 1-33||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kailasavarnanam 3 ..}##
\itxtitle{.. kailAsavarNanam 3 ..}##\endtitles ##
(kailAsashaile skandagopuravarNanam 3)

skandaH \-
shR^iNudhvaM brahmaviShNvAdyA jaigIShavya gaNottamAH |
tatrAntare.asti prAkAro gomedamaNikalpitaH || 1||
gomedagopurashchaiva chaturdikShu virAjitaH |
chaturdikShu gopurANi lakShamAnena sattamAH || 2||
vedikApaTTikAbhishcha toraNAla~NkR^itAni hi |
rAjatkumbhapatAkAgrairvR^iShabhaistanmaNiprabhaiH || 3||
rudrAvatArarachitairgavAkShaissphATikairapi |
kumudairvyAlipIThaishcha daivagoShTha yutAnyapi || 4||
maNDapAvalisa~NkLLiptaissahasrAyutasho gaNaiH |
maNikA~nchanachitraishcha muktAvitatatoraNaiH || 5||
sarobhissAgarAkArai ratnasopAnamaNDitaiH |
tatprAntamaNDapavaraissahasrastambhashobhitaiH || 6||
saromadhyamaNibhrAjanmaNTapairuchChitairapi |
tatrAntare tu prAkAre gopurAntaradakShiNe || 7||
tatra matsadanaM divyaM nAnAratnachitaM shubham |
lakShastambhayutaM saudhaM navaratnAgrashR^i~Ngakam || 8||
tatsAlabha~njikAniryadranakAntivibhAsitam |
(tamasstomatiraskArItikAntivibhAsitam |)
tetaH pa~nchAdaMshumadbhirmaNibhiH kR^itashekharaM || 9||
gavAkShitaM vichitraishcha navaratnaprabhAdhikam |
harinmaNikR^itaishchaiva mayUravarakukkuTaiH || 10||
shobhitairmaNTapAgraishcha varaprAsAdatoraNaiH |
prAkAraissundaratarairgopurAvalibhAsuraiH || 11||
maNidvArakavATaishcha shAtakumbhashalAkakaiH |
dhUpAmodayutApAraramyoddAmasugandhitam || 12||
maNidIpaprabhAbhAsira~njitAkhiladiktaTam |
tatra divyasumAmodi vanaM chaitrarathAdhikam || 13||
maNyAlavAlakalitaratnaveditviShAtatam |
nAnAdevadrumApAravallIguchChavirAjitam || 14||
kaumAranAma tatrAsti sarashchotphullapa~Nkajam |
maNisopAnapAlIbhistatprAntamaNimaNDapaiH || 15||
krIDAmR^igaishshukaishchApi maNipa~njarashArikaiH |
tatra tatsaudhamadhyasthaM mama saudhavarAshrayam || 16||
sihmAsanaM ratnakLLiptaM pa~nchayojanavistR^itam |
tatrAhaM sevito vIrairnavalakShairudAyudhaiH || 17||
sihmasaMhananairvIraiH kaumArairudyadAyudhaiH |
mattadvipakarAkArabAhubhishshaktisaMyutaiH || 18||
vIrabAhuprabhR^itibhiH puShpavastrA~NgalepanaiH |
ChatrachAmarahastaishchApyAse.ahaM sevitastadA || 19||
mahArhavasanopeto navaratnavibhUShaNaH |
ShaDvaktramukuTodbhAsi ratnakuNDalakA~NgadaH || 20||
ratnA~NgulIyavilasattalA~NgulipadAmbujaH |
maNimANikyama~njIraraNannUpuramekhalaH || 21||
devavalyA senayA chApIndrAdyairapi sevitaH |
ShaDbhishcha vadanairdevaM stuvandvAdashalochanaiH || 22||
pashyanli~NgaM (pashya.Nli~NgaM) hi kailAse kaumAreshvaramIshvaram |
hIrasAramahAdhArAprakAre dakShiNe sthitaH || 23||
tannIlagopurottu~NganIladhArAtatA dishaH |
rudrAvatArakrIDAditalashobhaikabhAsuram || 24||
rAjallalAmavR^iShabhaM shambhoH kailAsagopuram |
pa~nchalakShapramANena kalpitaM vistarAyatam || 25||
dakShiNe gopuraprAnte shambhoH prAkAramadhyame |
tatkaumArapuraM me.adya nAnAsaudhavirAjitaM || 26||
kaumArairmadgaNashreShThairmayA cha paripAlitam |
tatra matpuramadhyasthaM kaumAreshasya gopuram || 27||
navaratnaprabhAbhAsvatprAkArATTAlasundaram |
garbhAgAramahAkAntidhagaddhagitadi~Nmukham || 28||
maNikumbhodyatashikhAvalIDhagaganA~NkaNam |
mameShTali~Ngantatraiva devadevasya shUlinaH || 29||
trikAlaM tatra talli~NgaM pUjayAmi gaNairvR^itaH |
dhUpaidImpaishcha naivedyaiH pa~nchAmR^itaniShechanaiH || 30||
vINAveNamR^ida~NgAdisha~NkhakAhalanisvanaiH |
madhuroddAmagItaishcha kaumArINA~ncha nartanaiH || 31||
hAvabhAvamanohAritauryatrikamanoharaiH |
ShaDvaktrabhAlakalita tripuNDratilakojvalaH || 32||
bhasmarudrAkShavalayasarAvalivibhUShitaH |
ShaDaktrapa~NkajasyandisudhAsamamahArasaiH || 33||

|| iti shivarahasyAntargate mAheshvarAkhye kailAsashaile skandagopuravarNanam ||

\- || shrIshivarahasyam | mAheshvarAkhyaH prathamAMshaH | adhyAyaH 23 \- kailAsavarNane skandakR^itastutiH | 1\-33||
##
- .. shrIshivarahasyam . mAheshvarAkhyaH prathamAMshaH . adhyAyaH 23 - kailAsavarNane skandakRRitastutiH . 1-33..

Notes:
Skanda ##skanda ## describes to Jaigīṣavya ##jaigIShavya##, about His residence towards the Southern region of Mount Kailāsa ##kailAsa shaila##, that has predominance of Hessonite - viz. Gomedamaṇi ##gomedamaNi##; and mentions about the Kaumāreśvaramīśvaraṃ Śivaliṅga ##kaumAreshvaramIshvaraM shivali~Nga ## that He worships there.
Śivarahasyam Aṃśaḥ-1 (Māheśvarākhya) ##shivarahasyam aMshaH\-1 (mAheshvarAkhya) ## has several descriptions about Mount Kailāsa ##kailAsa shaila ## and Śiva ##shiva##. Selected verses from some of the chapters are presented here.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}