% Text title            : Kailaseshvaralingapujakathanam
% File name             : kailAseshvaralingapUjAkathanam.itx
% Category              : shiva, shivarahasya, pUjA
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 36 - kailAseshvarapUjAvidhAnakathanam | 1-39||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kailaseshvaralingapujakathanam ..}##
\itxtitle{.. kailAseshvarali~NgapUjAkathanam ..}##\endtitles ##
skanda uvAcha \-
talli~NgajAtAssarve.api bhuvanAni chaturdasha |
talli~NgajAtA devAdyA brahmaviShNuharAdayaH || 1||
talli~Nge saMsthitA lokAssaptadvIpavanAkarAH |
pralaye.api layaM yAnti sarve lokAssuraissaha || 2||
layanAlli~NgamityuktaM lInaM yasmi~njagadrutam |
tasmAlli~NgaM mune proktaM tatkailAseshvarasa~nj~nitaM || 3||
yato vAcho nivartante aprApya manasA saha |
bhUmau tachcha mahAli~NgaM pratiShThApuchChamevatu || 4||
ekaM brahmaiva talli~Ngamali~Ngamapi bhUsurAH |
tadeva jyotiShAM jyotistadvai chetanachetanam || 5||
talli~NgaM satyamAnandamakhaNDaikarasaMsadA |
talli~Ngadarshane vA.api navAggachChati no manaH || 6||
neti neti cha vedAntaistalli~NgaM pratipAdyate |
tadeva brahma tvaM viddhi neha nAnAsti ki~nchana || 7||
R^itaM satyaM paraM brahma tadAtmAmanaso.atigam |
nirindriyaM niShkala~Nkamasa~NgamajaraM hi tat || 8||
prabhuM samastabhUtotthasarvadharmavivarjitam |
AkAshaM tadanAkAshaM sAkAra~ncha nirAkR^iti || 9||
kAraNaM kAraNAnA~ncha brahma talli~Ngamevahi |
nAmarUpAtigaM shAntaM guNAtItaM guNAspadam || 10||
apANipAdamatyachChamAnandaghanamadvayam |
shivasya nirguNaM rUpamadR^ishyamakR^itAtmabhiH || 11||
tadeva vyApakaM bhAti talli~NgantamasaH param |
tanna vedaishcha vedAntairgurubhishshrutibhistadA || 12||
naprApyaM sarvadA sarvairdraShTuM tachchApyathA shritum |
tadeva devadevasya nirguNaM rUpamadbhutam || 13||
nirguNa~nchA.api lokAnAM dR^iShTigocharavatsthitam |
talli~NgaM sarvadA shambhurdevyA pUjayatisvayaM || 14||
bAhyairAbhyantaraishchA.api pUjAbhiH parameshvaraH |
triNetro nIlakaNThashcha chandrArdhakR^itashekharaH || 15||
ahambhAvAdirahito bhAvAbhAvavivarjitaH |
ahaM brahmaivedamiti yaM vadanti narAmarAH || 16||
(ahaM brahmaivedamiti turyAtIto.ajaro.amaraH) || 16||
dhyAnadhyeyAtigo bhUtvA sthitassamahimAtigaH |
evaM sambhAvayandevyA shivaeva hi kevalaH || 17||
tamaH paro mahAdevo devyA saguNanirguNaH |
pUjAM bAhyopachArAdyairmanovAchAmagocharaH || 18||
kalpayatyeva manasA sarvakAleShu sha~NkaraH |
pradoSheShu visheSheNa kailAse chandrashekharaH || 19||
tatpUjAM sAvadhAnena samAhitamanAshshR^iNu |
chaturdehAtigo bhUtvA sarvendriyavivarjitaH || 20||
ahambhAvaM parityajya shivo.ahaM kevalo.advayaH |
vyApyeShu vyApakashchAhaM guNeShu nihatosmyaham || 21||
nAnto nachAdissakalachAhaM vishvaM sadaivahi |
vishvAtItohamajaro.asa~Ngo.asa~NgavivarjitaH || 22||
vyApako.ahaM sadA pUrNo guNajAlavivarjitaH |
nIrUpo vishvabhUtAtmA dehadharmavivarjitaH || 23||
AkAsho vyApakashshIryashshIrNeShvahamavasthitaH |
satyaM j~nAno.ahamAnando bodhabodhakavarjitaH || 24||
mayyeva sakalaM jAtaM mayi sarvaM pratiShThitam |
mayi sarvaM layaM yAti tadbrahmAdvayamasmyaham || 25||
ityevaM bhAvayandhIro bAhye li~NgaM samarchayet |
dhR^itabhasmatripuNDrA~Nko rudrAkShavarabhUShaNaH || 26||
pa~nchAsyadhyAnanirataH pa~nchAkSharaparAyaNaH |
prA~Nmukhoda~NmukhovA.api sthitashchelakushAsane || 27||
dhyAtvA svahR^itpadmasaMsthaM shuddhasphaTikasannibham |
prasannAsyaM triNayanaM tripuNDraparishobhitam || 28||
chandrArdhamukuTaM devaM nIlagrIvamumApatim |
AvAhayedbAhyayali~Nge sphATike bANadhAtuje || 29||
mR^illi~Nge sikatAyA~ncha pUjayetsthAvare.api cha |
pa~nchAmR^itaiH pa~nchagavyairnIradhArAdibhishshivam || 30||
pa~nchabrahmaiH pAvamAnai rudrairvedasamudbhavaiH |
abhiShichya prayatnena sAmabhishcha maheshvaram || 31||
vastrairAveShTya talli~NgaM gandhalepena lepayet |
akShatAbhistathA ratnagolakairbhUShayechChivam || 32||
bilvapatraishcha kahlAraishchampakaiH karavIrakaiH |
puShpairAraNyakaishchaiva tathAnyaishcha sugandhibhiH || 33||
dhUpaishcha dIpairnaivedyaistAmbUlairmaNidIpakaiH |
nIrAjanaishChatramukhyaishchAmarairvyajanairapi || 34||
praNAmastotrapaThanaiH pradakShiNasunartanaiH |
punaH pradakShiNaishchaiva pa~nchAkSharajapaistathA || 35||
hR^itpadme sanniveshyeshaM pUjodvAsanamArabhet |
evaM pUjAvidhAnena pUjayetparameshvaram || 36||
ekakAlaM dvikAlaM vA trikAlaM yo.archayennaraH |
sa eva labhate j~nAnamAbhyantaravarArchanaiH || 37||
kailAseshvarali~NgametadamalaM svargApavargapradaM
tannaivAkhilavedajAlatilakairj~nAtuM na tatpAryate |
IshenApi gajAnanena cha mayA devyA gaNendrairapi
viShNubrahmaharAmarairmunigaNaistantraistathaivAgamaiH || 38||
talleshAyutaleshaleshamahimA koTyaMshakoTyaMshakaM
vaktuM shrotumathekShituM tribhuvane nAstIti manye dvija || 39||

|| iti shivarahasyAntargate mAheshvarAkhye kailAseshvarali~NgapUjAkathanam ||

\- || shrIshivarahasyam | mAheshvarAkhyaH prathamAMshaH | adhyAyaH 36 \- kailAseshvarapUjAvidhAnakathanam | 1\-39||
##
- .. shrIshivarahasyam . mAheshvarAkhyaH prathamAMshaH . adhyAyaH 36 - kailAseshvarapUjAvidhAnakathanam . 1-39..

Notes:
Skanda ##skanda ## describes about the Saguṇa ##saguNa ## and Nirguṇa ##nirguNa ## aspects of Śiva ##shiva##; and details about the Bāhyābhyantara pūjā ##bAhyAbhyantara pUjA ## (External and Internal worship) process of Kailāseśvaraliṅga ##kailAseshvarali~Nga##.
Śivarahasyam Aṃśaḥ-1 (Māheśvarākhya) ##shivarahasyam aMshaH\-1 (mAheshvarAkhya) ## has several descriptions about Mount Kailāsa ##kailAsa shaila ## and Śiva ##shiva##. Selected verses from some of the chapters are presented here.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}