% Text title : Kailaseshvarapradoshapujavarnanam 3 % File name : kailAseshvarapradoShapUjAvarNanam3.itx % Category : shiva, shivarahasya, pUjA % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | mAheshvarAkhyaH prathamAMshaH | adhyAyaH 13 - kailAseshvarapradoShapUjAvarNanam | 33-107|| % Latest update : December 17, 2023 % Send corrections to : sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Kailaseshvarapradoshapujavarnanam 3 ..}## \itxtitle{.. kailAseshvarapradoShapUjAvarNanam 3 ..}##\endtitles ## (devyAprati IshvaraprotktaM kailAseshvarapradoShapUjAkathanam 3) IshvaraH \- kumbhairambhodharAchChachChavijitadhavalaiH pUritaiH kShIravArddhau parvodyachChashisannibhaissphaTikajaiH koTyAvadhIsa~NkhyayA | tatkShIrottamamaNDasArasubhagaissi~nchAmi li~Nge mama kailAseshvaranAmake janijarArogApahe sha~Nkari || 33|| AnItaM mama tatpayombudhibhavaM vIrairgaNendreshshive sadvR^ittAmaladhArayA janimume tuShTaH pradoSheShvaham | kaShTAni prasabhaM hArAmi sukR^itAM rAshindishAmi kShaNA\- tsi~nchanli~NgasupUjakAya girije tasmAdahaM pUjaye || 34|| daddhyambhonidhisambhavairnibiDitaM tatkhaNDamaNDaM dadhi prodyaDDiNDimamaNDalAbhamagaje datvA svali~Ngottame | godohaprathite pradoShasamaye sandAritAghaughake kAryaM pUjanametadeva samaye sarvaissurairapyaham || 35|| talli~NgaM paripUjayAmi vasudhAdhR^igdhuryamaulau nisha\- ~nchottu~NgAmalaratnakumbhavilasatprAjyAjyadhArAdibhiH | svAjyAmbhodhisamAhR^itairmama gaNaissa~NkhyAtigaM taddhR^itaM\- tatrAjyAmalagandhasArasubhagA gandhIkR^itAstAdishaH || 36|| si~nchAmi prabhasaM sugoghR^itaghanaiH kailAsali~NgaM mama madhvambhodhisamAhR^itairmaNighaTairmAdhvIkasAraM madhu | garbhodyanmaNisArakAntisubhagairgomedakAchChaprabhai\- ssi~nchAmyadrivarAtmaje sumadhurAdhAreyagarbhaM madhu || 37|| dhArAkAramadIyali~Ngashirasi harSheNa pashyAmbike shailoddAmashikhAnibhAshshikharitAduttu~NgasAropamAH | prAleyAchalamaulisArasubhagAshchApANDurAshsharkarA datvA tanmama li~NgamaulivilasachchandrAMshudhArA samam || 38|| harShAplAvihR^idantaraH pratidinaM hR^iShyAmi pashyAdrije kulpAstatra manoramAdritanaye nArelanIlodbhavAH | tAbhissambhR^itasaddhaTAdivitatairlakShaiH pravAhAkulA talli~NgAsekanIraiH pravahati madhujA devaga~Ngeti nAmnA || 39|| sarve viShNupitAmahendravaruNAshchAnandabhaktyA vR^itA\- stIrthaM tIrthaparamparaikaphaladaM j~nAtvAnubhUyApi te | sevante satataM nitAntamagaje jetuM punassaMsR^itiM\- tu~NgAghaughatara~Ngabha~NgasubhagAstasyAntarAste surAH || 40|| saptaChadAchChaphalashailavaro.adrikanye kLLipto mayA sugurupItatarashcha meroH | tajjaistvagArarahitaishshashikhaNDamaulili~NgArchanasya phalameva janurbhavAni || 41|| uttu~NgasAlasurasAlarasAlasArairniShTaptahemajharisodaragarbhajAtaiH | talli~Ngasechanamume sughaTaiH karomi puMsAmapi pramathanAthapadaM dadAti || 42|| devi strIkuchasannikAshalikuchApAraprabhAgandhaja\- sphArAsAramahArasAdikalashaissaMsechayAmyambike | kailAsAchalali~Ngamaulivilasali~NgaikasadbhUShaNaM li~NgantvetadapAragandhalulitairnIraishcha gandhodakaiH || 43|| ikShusAgaramahormibhirIshe li~Ngamauliriyameva vishiShTA | siktaye ghaTasahasrasudhArA kAritA girisute kamanIyA || 44|| koshaiH kAnanasambhavairmadhujharIsArAtisArassphuTaM niryatpItatarAtikAntinivahairgandhIkR^itAshAmukhaiH | tatkoshAmalarAshibhirgirisute sa~nChannamaishaM shiraH pashyAmi prathitekShaNaH pUkaTite puNye pradoShe mama || 45|| kastUrIghanasAraku~NkumamahApATIrasArairghaTai\- shchandrAsAravilolitAmbughaTitaissatpATalAmoditaiH | shrAntA me gaNapu~NgavAshcha nitarAM puNye pradoShe mama svAdUdAmalanIladhAritaghaTodvAhe paraM shailaje || 46|| sha~NkhAnA~ncha sahasrakairmaNichitairgoshR^i~NgadhArAdibhiH kShIrAjyAdimadhupravAhajaladhipluShTaishcha tailairapi | tadgandhottamapiShTalepanagatashrIchikkaNAgharShaNai\- shshrIpatrairmR^idusArasUkShmatR^iNakairutpa~nchagavyairapi || 47|| sauvarNottamakumbhasambhavamahAdhArAsahastraishshatai\- rarghyai ratnasuvarNakalpitakushAgrAmbUdbhavaistajjalaiH | aShTA~NgArghyakakalpitaissumadhurairgarbhAmbukumbhaishshive saMsichyAkhilamindukundajamahApATIrasatpATalAH || 48|| modotthAmbudasannibhaishcha kalashaistauryatrikodbhAvanai\- rdhUpaishchApi mahAmadhUtthamadhuparkAsArapArairapi | pradoShasamaye mayA sharadudIcharAkAshashi prakAshachayasauhadairvira(ma)lakuDmalairandhasAm || 49|| madIyarajatAchalaprakaTasha~NkibhArAshibhi\- ssudhAkarakalAlasallalitali~NgamaulparpitaiH | vedAshchatvAra ete prathitatamayashasstomadhArAnurAgA\- ssvAdUdAmalanIrasechanavidhau shAkhAshikhAbhiH kramAt || 50|| rudrANAM stavanena mAmapi shive santoShayantassthitA mUrtAste vihitAgrapa~NkajakarA vishvAsabhUtA mama || 51|| ghanarasamR^iganAbhisAradhArAmR^igamadapaTalIpaTIrachandragandhaiH | parivItaM bhujageshasannivItaM prabhayA koTishashA~NkasUryatulyam || 52|| gotrAdhirAjatanaye vinayena pashya sampashyadAtmagatisaukhyadamekabhAsvat | ghumughumitasugandhagandhitAshAmukhamukharaiH parilipya li~Ngametat || 53|| parihR^iShTo nitarAM bhavAmi gauri tridashAlabhyasugandhayakShakardamaiH | maNijAlAtataratnakUlachitraiH paridhAyAmalasvarNasaddukUlaiH || 54|| shivali~NgaM mama shailarAjakanye paripashyAmi sugandhigandhavastraiH | brahmANDagolakamume prabhayA na tulyaM malli~NgagolakavarottamaratnadhArA || 55|| sAvadhUtashashimaulikalAlalAmantadratnamaulyakalane na vidhirna viShNuH | yakShAdhipo.apyagasute.adya vikuNThitAkShaH ke.anye kShamA vada samAnahR^idA nirIkShya || 56|| yaddarshanena samaduHkhavirAmaNaM syAdyadratnavaryanichayairmukuTAtishobham | pUritAkhilajanAjanikAmaM vAmadevamiha pashya sukAmam || 57|| phaNAmaNi sahasrakairvidhR^itavaktramuktAphalaiH prabhAtatasabhAvalI maNigaNAttakAntyA yutam | tripuNDraniTilollasattilakitAchChasaddhIrakaM prapashya girikanyake vimalamaulili~NgaM mama || 58|| sahasramukhasatphaNipravaramaulimANikyasa\- ddyutIvijitakAntito mama svabhogasaMveShTitaiH | phaNAChavikR^itAmbaraChavijitAyasachChatrakaM shive shirasi me sadA dadhati li~Ngamolau mama || 59|| vishveshvarAkhyavarali~NgasamAnamAnamAnandasaukhyadamidaM mama supriyeyat | hantuM samagrajanapAtakarAshimeva sarvArtharAshidamidaM paripUjayAmi || 60|| nAnAmaNidyutisarAvalibhUShitantanmalli~Ngameva kamalAchChadR^ishA prapashya | puNye pradoShasamaye muditastvayA.ahaM talli~Ngamadhyabhavane mahimAsthito.aham || 61|| vikasitasitapadmaratnaka~njamAlAnavanIlotpalajaissahasramAlikAbhiH | madhubandhuragandhadivyagandhaissitamandArajaraktamAlikAbhiH || 62|| dinAntasamayollasanmadhuragandhajAtIsarai\- rvasantakalikAsphuranmadhuragandhamallIsaraiH | vikuNThitamidaM mama prakaTasomadhAmaprabhA\- samutthamagakanyake vimaladroNamAlAyutam || 63|| kadambavananIpajasphuradapAramAlAbharai\- rvilolavarapIThagaM prakaTamaulili~NgaM shive | prapashya nayanA~nchalairvikachama~njarIkaprabhaiH pradoShasamaye.ambike nayanajanmanastatphalam || 64|| tadbilvaratnakamalairamalairbhavAni punnAganAganavachampakadUrvayApi | nIlotpalairdamanakaiH karavIrajAtidroNArkakAshajavakaiH kanakaissamarchya || 65|| satpuNDarIkavakulairdhavakarNikAramAlUrakundakusumairatiharShato.aham | rAjIvAmalamallikAsumasarasphArotthagandhAndhakai\- rlolambervikasatsumotthamadhupaiH pashyAmbike pUjitam | etalli~NgavaraM pradoShasamaye bilvIdalottaMsakaM dhuttUreNa hi shobhate.adya nitarAM maulisthachandrAdhikam || 66|| agarutarujAtadhUpadhUmairbahulAmodavikAsidiksamUhaiH | marudAkulalambitorudhArAvikasatsvargapathAH prachArajAlaiH || 67|| suvarNamaNibhAjane shishunabhodyadambhojinI\- priyAMshuchayasa~NkramiprakaTadAkShyaratnAMshubhiH | manorathapathAtigairmama suli~NgamAlAyitai\- ssupANDarashashiprabhairhimatuShArakundaprabhaiH || 68|| suchandravarakhaNDakairvirachitorudIpAvalI\- sugoghR^itasuvartikojvalasudIpajAlairapi | gR^ihA~NkaNatamastatipravidadAraddatyAdarai\- rakhaNDataramaNDanaiH prathitapadmahaMsopamaiH || 69|| sutArakagaNAvalIlalitamuktajAlaprabhai\- rvilokaya girIndraje mama sumaulibhAsa~NkaraiH | nAnAbhakShyamahAdrigandhasurasAshchamoditAstAdisha\- ssukhAgannajarAshibhishcha ghR^itajaissUpapravAhaishshive || 70|| shAkaishshailanibhairmadhupramathitaiH kShIrAdidadhyodanaiH prAleyAchalasannibhaissuguDakairnaiveditaishsha~Nkari | nArikelalikuchaissukapitthairmAtuli~NgakadalIsurasAlaiH || 71|| kharjUrairbadarIsugandhajarasaiDimbanAra~NgakaiH ka~NkolAmalakaissurAdanaphalai rAjAdanairjAtikaiH | naivedyekShujakANDakairgirivarAjjAte mude me bhave\- ttAmbUlaiH khadirairlava~NgamukharairjAtIphalailAyutaiH || 72|| muktAchUrNasupUrNapUgamadhuraiH karpUrasaMvAsitai\- rutphullAmalanAgavallijadalaiH prodyadgirIndraprabhaiH | naivedyaM parikalpayAmi girije tasminpradoShe hyahaM vINAnikvaNama~njuma~njulasudhAdhArAsamairgAyanaiH || 73|| mannAmAmR^itamIshvareshvari mudA rudrANibhiH kalpitaM shambho sha~Nkara dhUrjaTe triNayana kAlAndhakAre hara | pAhIsha pramathAdhinAtha mahimanli~NgAkR^ite pAhino ratnaiH kalpitamaddaladhvaniyutaishsha~NkhotthanAdaishshive || 74|| prodyatkAhalanisvanairmadhuritaM tanmaDDuDiNDIravaiH || 75|| dundubhyAghAtanAdairmama gaNavaragAsyorunishvAsarAgai\- rveNUrandhraniShevaNA~NgulibhavaistAlaishcha sajjhallaraiH | tuShTo.ahaM prathite pradoShasamaye talli~NgasekAdaro nAnyatki~nchidavediShaM trijagatAM vyApAramapyadrije || 76|| ra~Nge tu~Ngatara~Ngabha~NgachapalairnR^ityairmahAmaddalai\- rvINAveNuninAdasAmyalayato nR^ityanti li~NgAgrataH | rudrANIgaNakoTayo.atra subhage ma~njIrashi~njasvanai\- shshambho sha~Nkara sAmba pAhi shiva nastUrNaM prasAda~Nkuru || 77|| ityevaM subhagA vilAsamadhurA hAvaishcha bhAvairapi chotkrAntAvR^itaratnakAntivilasatpUrNendusAmyAnanA | kumbhodyatkarikumbhasannibhakuchAH kA~nchIjhaNannisvanA\- stAlotthAhatipAdapadmajaravaiH kurvanti vidyuddhvanim || 78|| gaNeshakarabhAsvatA vividhalokasAmrAjyadhu\- gviviktakR^italA~nChanaishshashisuvR^ittamuktAtataiH | mahoDugaNamauktikaprakaTatArapa~NktItatai\- rgirIndratanaye dhR^itAnyamitaChatrakoTyo gaNaiH || 79|| paraTAramaNotthakAmitA~NgotthitapakShAhananAbhachAmaraughaiH | gaNabR^indairakhilaishcha sevyamAnaM mama li~NgAlayadhUnanaishshive.adya || 80|| pravAlamayadaNDinA malayashailabhUmAruta\- supotataravAyunA nagavarAripANIjuShA | jayena chamarImR^igaprachalavAlaguchChAtmanA sukhI jitamume tadA mama suli~NgamatyAdarAt || 81|| dhR^itaiH pramadapANibhirvanakalApipuchChochchayaiH kR^itairvyajanakoTibhirharitachandrakoTyaMshubhiH | madIyamaNimaNDapaM harimaNIbhirAkalpita\- mivAdya girije tadA prathitabhAbhirAdIpitam || 82|| pramathaprakarordhvahastasaMsthairmaNivaryairvividhaissarAgralambaiH | bilasannavaratnaguchChasachChairdhuvadIshAnavarAgragAH patAkAH || 83|| li~NgaprakramaNairahaM sa iti talli~NgapraNAmAdara\- ssvAtmAnaM parichintayAmi girije.apyAnandadhArAvR^itaH | pra(vR^i)tyutthAkhilalokajAlamakhilaM matto na bhinaM kvachi\- tki~nchichApi shive mamaiva manasassa~NkalpajAlaM jagat || 84|| mayyevAgasute layaM prayAti nikhila~nchaiko.advayo.ahaM sadA nAneti prasabhaM vadanti nigamA vAchAM manodUragam | anyAnanda samaM (anyAnandamume) madIyamamalaM jAnanti no yogino no vedA yatayassurAsuragaNA viShpAdayo.apyabjajAH || 85|| j~nAnaM j~neyamidaM jagadgatamume j~nAtA na ki~nchitsthiti\- rbhUmAhaM sukhadhAmako hi mahatAM hrasvo na chANussthiraH | svAtmAnandamume mamAlpakamidaM li~Nge.apyali~Ngo.asmyahaM chA(A)kAshAdividUragasthitilayotpattiShvasa~Ngo.asmyaham || 86|| ityevaM paramArthatastribhuvane tiShThAmi vishvAtigo gopyammaddhR^idayaM girIndratanaye tubhyammayA darshitam | ityuktvA parameshvarastrijagatAM nAtho.api vishvAkR^iti\- rdR^iShTvA li~NgamapArabilvakusumaissampUjitaM mastake || 87|| dR^iShTvA tAmagajAM nanartaparamAnandaprasAdaikabhUH kailAsAchalamaulimaNDapavare talli~NgasAnnidhyake | aNDakhaNDanamahAghanaghoShashchaNDatANDavalaladvidhimuNDaH | kuNDalIshakR^itakuNDalagaNDastaNDumaDDaninadotthalayA~NghriH || 88|| nandibhR^i~NgikR^itaDiNDimanAdairmaNDito hi shivayA sa hi ra~NgaH | DhuNDhirAjakR^itasha~NkhaninAdaistuNDaShaTkakR^itatUryaninAdaiH || 89|| jaTAchChaTavigharShitAH paripatanti tArAgaNA vamanti rudhirammukhairbhuvananAganAgA nagAH | jagannaTanasambhramAdbhavati helayAndolitaM harIndravidhayassurA munijanAssakampA~NgakAH || 90|| aShTAvaktrasugItasAmamurajochchaNDaprachaNDollasa\- DDiNDImadhvanimaDDumaddalamahAsAmAShTadaMShTrAravaiH | bhrAjatpadmajamuNDaShaNDajamahAmAlAlasadvakShasaM lIlAchAlitahastaka~NkaNamahAnAgordhvamaulIlasat || 91|| ratnAplAvitakAntira~njitadR^ishaM nR^ityantamaikShachChivA chodyadbhAnumarIchisannibhajaTAsAmrAjyapaTTAyitA | lolannIlasuratnapa~Nkajalasadga~NgAtara~NgotthitA pArAvArasudhAghanotthanaTanATopA phaNIma~njulam || 92|| AnamrAkhilalokajAlamumayA sadratnara~NgAntare nR^ityantaM dadR^ishussarudragaNapAH kailAsamaulisthitam | jhala~njhalitaka~NkaNaM padavalatkvaNannUpuraM kiNIkiNitasadhvaniM sphaTikaratnasanmekhalam || 93|| ghuNa~NghuNakR^itAravaM padagaratnama~njIrakaM chaTachchaTaravotthitaprapadapadmaghoShaM shivam || 94|| tauryatrikotthitamahAravajAtaghoShalokatrayodgatasurAsurakinnareDyam | mandasmitAkhilavimohanaveShabhUShaM rAjachChashA~NkamahasA dhavalIkR^itAsham || 95|| taM nIlalohitamumA jagadAdihetuM nR^ityantamiShTadamupaiti cha tuShTacha(va)kram | aShTAkR^itiM nikhilakaShTaharaM pradoShe.apashyachChivA sakaruNArasasAradR^iShTyA || 96|| tAM vIkShyAgasutAM smayanniva mahAdevassakailAsabhU\- kailAseshvarapUjayA sarasayA kaShTAni sa~njahivAn | lokAnAM gaNapAtmanAmatha umAM prAha prasannAnanaH pashyAmbeti vadantsadAshivatarormugdhenduchUDashshivaH || 97|| Ishvara uvAcha \- kailAseshvarali~NgametadamalaM muktipradaM shAshvata\- ~nchApAtAlanimagnamUlamasakR^itsampUjitaM tanmayA | tasyordhvAmalamaulirapyagasute jAnanti naivAgamA devAdyairmunibhistvayApi cha mayA ko vAsti tatpUjakaH || 98|| pUjApUjakapUjyashabdarahitaM tatkevalo.ahaM shivaH talli~NgaM varadaM sadAshivamayaM machChailarAje shive | (talli~NgaM cha sadA chakAsti(girije)machChailavarye.ambike |) taddarshanArthaM munayassurAsurAstapyanti chAdyApi jagatyaviplavAH (harAjaviShNavaH) || 99|| devyuvAcha \- tvayApi na j~nAyata ityaho me sAshcharyamuktaM hi tvayA sadAshiva | tavApi tatkiM kR^itali~NgapUjayA rahasyametanmama tadvada prabho || 100|| ityuktaM girijAmanoharavachashshrutvA mahasyAmbikAM lokaM sraShTumathAtti pAti sutarAntatpAlakashsha~NkaraH | vAchA chandanashItayA sukhakarashshItAMshudhArI shivaH prAhotphullamanoharAbjavadano devIM tadA bhUtapaH || 101|| Ishvara uvAcha \- nakarmaNA naiva samAdhibhirjapaistapasyayA vA vividhaishcha yaj~naiH | vrataishcha dAnairniyamairmameshvari prApnoti kimmatpadapUjanaM vinA || 102|| tasmAdahaM li~NgavaraM sadA mudA sampUjayAmIShTadameva lokAn | saMshikShituM kAryamidaM vimuktyai sarvArthada~ncheti matammude mama || 103|| dhyAyAmi tadvedashiro.adhigamyamo~NkAragamyaM paramArthatatvam | satyaM shivaM j~nAnasukhaM subodhannirdvandvamadvaitamanantarUpam || 104|| ekaM sthiraM shAshvatamavyayaM tatprAksR^iShTito vishvamidanna yatra | saMvIkShitaM tatpunarudbabhUva tadeva jAye hR^idi bhAvayAmi || 105|| yasmAtparannAparamasti ki~nchit yasmAgarIyo (yasmAdaNIyaH) na hi ki~nchidasti | yenaiva pUrNaM paridR^ishyamAnaM vishvantadevAdya vibhAvayAmi || 106|| ityuktvA girijAM mahAshivataroddhyAyanbhavassthANuva\- nnirvyApAratara~NgasAgara ivApya(tya)kShubdha(kShudra)gAtrashshivaH | devIchApi mumoda harShabharitA(.a.a)nandA~NgakAste gaNAH chetthaM tasya (ityestasya) supUjanaM munivarAssatyaM vadAmi sphuTam || 107|| || iti shivarahasyAntargate mAheshvarAkhye kailAseshvarapradoShapUjAvarNane devyAprati IshvaraprotktaM kailAseshvarapradoShapUjAkathanam || \- || shrIshivarahasyam | mAheshvarAkhyaH prathamAMshaH | adhyAyaH 13 \- kailAseshvarapradoShapUjAvarNanam | 33\-107|| ## - .. shrIshivarahasyam . mAheshvarAkhyaH prathamAMshaH . adhyAyaH 13 - kailAseshvarapradoShapUjAvarNanam . 33-107.. Notes: Śiva ##shiva ## details to devI; the process and merits of Kailāśeśvaraliṅga Pradoṣa Pūjā ##kailAsheshvarali~Nga pradoSha pUjA##. Śivarahasyam Aṃśaḥ-1 (Māheśvarākhya) ##shivarahasyam aMshaH\-1 (mAheshvarAkhya) ## has several descriptions about Mount Kailāsa ##kailAsa shaila ## and Śiva ##shiva##. Selected verses from some of the chapters are presented here.## ## Encoded and proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}