% Text title            : Kapilaprachandadiprokta Shivarchanamahima
% File name             : kapilaprachaNDAdiproktAshivArchanamahimA.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 40 | vAvRittashlokAH ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kapilaprachandadiprokta Shivarchanamahima ..}##
\itxtitle{.. kapilaprachaNDAdiproktA shivArchanamahimA ..}##\endtitles ##
kapilaH \-
(indire)sharaNaM yAhi sha~NkaraM lokasha~Nkaram |
sa sarvama~NgalAkAnto ma~NgalAni prayachChati || 42||
sa sarvama~NgalAkAraH sarvama~NgaladAyakaH |
ma~NgalAnAM sa janako.apyama~Ngalaharo haraH || 43||
ama~Ngalahare sati tripurakAnanadhvaMsake
prachaNDatarapAvake madanamardake saMsmR^ite |
ama~Ngalasaridvarapralaya eva tAvadbhavet
samudratanaye sadA shubhanadIsamUhodaye || 44||
na ko.api jAnAti shivaprabhAvamato na tasya smaraNe pravR^ittaH |
ato vinAsho bhavatIti manye sadA mahAdevaparA~NmukhAnAm || 45||
kenApi dR^iShTaM na mahesharUpaM shubhapravAhAtmakamaprameyam |
smR^ite shive chetasi ma~NgalAni pade pade shobhanadAni nityam || 46||
prachaNDaH \-
kailAsavAsI bhagavAnekastiShThati sha~NkaraH |
tatpUjakAnAmasmAkaM bhayaM sambhAvitaM cha na || 71||
pUjayasva mahAdevaM li~NgarUpiNamavyayam |
apArairupachAraistaM bhayaM santyaja santyaja || 72||
yadA mohena nAsmAkaM shive bhaktirbhaviShyati |
tadA bhayaM bhavatyeva duHkhadhArA pade pade || 73||
yena smR^ito mahAdevaH saMsArAt sa vimuchyate |
bhayAnAM tatra kA vArtA bhayalesho.api vA katham || 74||
krUraH \-
mR^ityu~njayAbhyarchanena jayaH khalu pade pade |
ato jayArthaM yatnena yajenmR^ityu~njayaM prabhum || 125||
lakShmIH \-
punaH punaridaM j~nAtaM sha~NkarArAdhanaM vinA |
sukhaM neti visheSheNa j~nAtamatra na saMshayaH || 139||
sarvaj~nena j~nAyate dharmatatvaM yogAbhyAsAt sha~NkarArAdhanena |
etatsarvaM nishchayenAshu tAvat vaktavyaM me yena duHkhApahAraH || 142||
na jAne na jAne na jAne na jAne shivAnyaM na jAne na jAne na jAne |
shivArAdhanenaiva saukhyapravR^iddhiH shivArAdhanenaiva sampatpravR^iddhiH || 323||
surAH
yatsAmarthyamapAravedanikarairna j~nAyate sarvathA
yatpAdAmbujapUjayA jaDamatirvAgIshvarIvallabhaH |
syAllakShmIramaNaH shachIpatirapi svAdinduragnistathA
bhAnushcheti tamIshvaraM girisutAkAntaM bhaje santatam || 382||
yaM bhaktAmarabhUruhaM surakulArAdhyaM cha siddhArchitaM
gandharvAdisamarthitaM cha paramaM prAhustamekaM shivam |
dhyAtvA chittamanantapAtakakulApArATavIkoTarA\-
pArAgniM sukharUpametya satataM tachchintanAbhyuddhR^itam || 383||
taM vande muhurAdareNa girijAvakShojakAshmIrajApAra\-
shrIrasara~njitaM pravilasatkastUrikAchitritam |
tatpATIrarasAbhirUShitamapi vyAptaM dukUlottamaiH
hArApAravirAjamAnavapuShaM joShaM pradoSheShvapi || 384||
yali~NgAdabhavat samastamasakR^idbhUmaNDalaM kuNDalI
yatkarNottamakuNDalaM maNigaNashrImaNDalAla~NkR^itam |
taM hArottamamAnasAmbujavasaM shrIkarNikAshritaM
shrIkAntArchitapAdukaM bhaja manaH shailAtmajAkAmukam || 385||

|| iti shivarahasyAntargate kapilaprachaNDAdiproktA shivArchanamahimA sampUrNA ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 40| vAvR^ittashlokAH ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 40. vAvRRittashlokAH ..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}