% Text title            : Krama Stotram by Abhinavagupta
% File name             : kramastotram.itx
% Category              : shiva, abhinavagupta
% Location              : doc\_shiva
% Author                : Abhinavagupta
% Transliterated by     : Ruma Dewan
% Proofread by          : Ruma Dewan
% Description-comments  : from Abhinavastotravali
% Latest update         : December 23, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Krama Stotram ..}##
\itxtitle{.. kramastotram ..}##\endtitles ##
ayaM duHkhavrAtavrataparigame pAraNavidhi\-
     rmahAsaukhyAsAraprasaraNarase durdinamidam |
yadanyanyakkR^ityA viShamavishikhaploShaNaguro\-
     rvibhoH stotre shAshvatpratiphalati cheto gatabhayam || 1||
vimR^ishya svAtmAnaM vimR^ishati punaH stutyacharitaM
     tathA stotA stotre prakaTayati bhedaikaviShaye |
vimR^iShTashcha svAtmA nikhilaviShayaj~nAnasamaye
     taditthaM tvatstotre.ahamiha satataM yatnarahitaH || 2||
anAmR^iShTaH svAtmA na hi bhavati bhAvapramitibhAk
     anAmR^iShTaH svAtmetyapi hi na vinA.a.amarshanavidheH |
shivashchAsau svAtmA sphuradakhilabhAvaikasarasa\-
     stato.ahaM tvatstotre pravaNahR^idayo nityasukhitaH || 3||
vichitrairjAtyAdibhramaNaparipATIparikarai\-
     ravAptaM sArvaj~naM hR^idaya yadayatnena bhavatA |
tadantastvadvodhaprasarasaraNIbhUtamahasi
     sphuTaM vAchi prApya prakaTaya vibhoH stotramadhunA || 4||
vidhunvAno bandhAbhimatabhavamArgasthitimimAM
     rasIkR^ityAnantastutihutavahaploShitabhidAm |
vichitrasvasphArasphuritamahimArambharabhasAt
     piban bhAvAnetAn varada madamatto.asmi sukhitaH || 5||
bhavaprAjyaishvaryaprathitabahushakterbhagavato
     vichitraM chAritraM hR^idayamadhishete yadi tataH |
kathaM stotraM kuryAdatha cha kurute tena sahasA
     shivaikAtmyaprAptau shivanatirupAyaH prathamakaH || 6||
jvaladrUpaM bhAsvatpachanamatha dAhaM prakaTanaM
     vimuchyAnyadvahneH kimapi ghaTate naiva hi vapuH |
stuve saMvidrashmIn yadi nijanijAMstena sa nuto
     bhavennAnyaH kashchid bhavati parameshasya vibhavaH || 7||
vichitrArambhatve galitaniyame yaH kila rasaH
     parichChedAbhAvAt paramaparipUrNatvamasamam |
svayaM bhAsAM yogaH sakalabhavabhAvaikamayatA
     viruddhairdharmaughaiH parachitiranarghochitaguNA || 8||
itIdR^ikShai rUpairvarada vividhaM te kila vapu\-
     rvibhAti svAMshe.asmin jagati gatabhedaM bhagavataH |
tadevaitatstotuM hR^idayamatha gIrbAhyakaraNa\-
     prabandhAshcha syurme satatamaparityaktarabhasaH || 9||
tavaivaikasyAntaH sphuritamahaso bodhajaladhe\- (tavaikaikasyAntaH)
     rvichitrormivrAtaprasaraNaraso yaH svarasataH |
ta evAmI sR^iShTisthitilayamayasphUrjitaruchAM
     shashA~NkArkAgnInAM yugapadudayApAyavibhavAH || 10||
atashchitrAchitrakramataditarAdisthitijuSho
     vibhoH shaktiH shashvad vrajati na vibhedaM kathamapi |
tadetasyAM bhUmAvakulamiti te yatkila padaM
     tadekAgrIbhUyAnmama hR^idayabhUrbhairava vibho || 11||
amuShmAt sampUrNAt vata rasamahollAsasarasA\-
     nnijAM shaktiM bhedaM gamayasi nijechChAprasarataH |
anarghaM svAtantryaM tava tadidamatyadbhutamayIM
     bhavachChaktiM stunvan vigalitabhayo.ahaM shivamayaH || 12||
idantAvadrUpaM tava bhagavataH shaktisarasaM
     kramAbhAvAdeva prasabhavigalatkAlakalanam |
manaHshaktyA vAchApyatha karaNachakrairbahiratho
     ghaTAdyaistadrUpaM yugapadadhitiShTheyamanisham || 13||
kramollAsaM tasyAM bhuvi virachayan bhedakalanAM
     svashaktInAM deva prathayasi sadA svAtmani tataH | (devaH)
kriyAj~nAnechChAkhyAM sthitilayamahAsR^iShTivibhavAM
     trirUpAM bhUyAsaM samadhishayituM vyagrahR^idayaH || 14|| (trirUpA)

parA sR^iShTirlInA hutavahamayI yAtra vilasat\- (vilaset)
     parollAsaunmukhyaM vrajati shashisaMsparshasubhagA |
hutAshendusphArobhayavibhavabhAg bhairavavibho
     taveyaM sR^iShTyAkhyA mama manasi nityaM vilasatAt || 15||
visR^iShTe bhAvAMshe bahiratishayAsvAdavirase
     yadA tatraiva tvaM bhajasi rabhasAd raktimayatAm |
tadA raktA devI tava sakalabhAveShu nanu mAM
     kriyAdraktApAnakramaghaTitagoShThIgataghR^iNam || 16||
bahirvR^ittiM hAtuM chitibhuvamudArAM nivasituM
     yadA bhAvAbhedaM prathayasi vinaShTormichapalaH |
sthiternAshaM devI kalayati tadA sA tava vibho
     sthiteH sAMsArikyAH kalayatu vinAshaM mama sadA || 17||
jagatsaMhAreNa prashamayitukAmaH svarabhasAt
     svasha~NkAta~NkAkhyaM vidhimatha niShedhaM prathayasi |
imaM sR^iShTvetthaM tvaM punarapi cha sha~NkAM vidalayan (yamaM sR^iShTvetthaM)
     mahAdevI seyaM mama bhavabhayaM sandalayatAm || 18||
vilIne sha~Nkaughe sapadi paripUrNe cha vibhave
     gate lokAchAre galitavibhave shAstraniyame |
anantaM bhogyaughaM grasitumabhito lampaTarasA
     vibho saMsArAkhyA mama hR^idi bhidAMshaM praharatu || 19||
taditthaM devIbhiH sapadi dalite bhedavibhave
     vikalpaprANAsau pravilasati mAtR^isthitiralam |
ataH saMsArAMshaM nijahR^idi vimR^ishya sthitimayI
     prasannA syAnmR^ityupralayakaraNI me bhagavatI || 20||
taditthaM te tisro nijavibhavavisphAraNavashA\-
     davAptAH ShaTchakraM kramakR^itapadaM shaktaya imAH |
kramAdunmeSheNa pravidadhati chitrAM bhuvi dashA\-
     mimAbhyo devIbhyaH pravaNahR^idayaH syAM gatabhayaH || 21||
imAM rundhe bhUmiM bhavabhayabhidAta~NkakaraNIM
     imAM bodhaikAntadrutirasamayIM chApi vidadhe |
taditthaM sambodhadrutimatha vilupyAshubhatatI\-
     ryatheShTaM chAchAraM bhajati lasatAt sA mama hR^idi || 22||
kriyAbud.hdhyakShAdeH parimitapade mAnapadavI\-
     mavAptasya sphAraM nijanijaruchA saMharati yA |
iyaM mArtaNDasya sthitipadayujaH sAramakhilaM
     haThAdAkarShantI kR^iShatu mama bhedaM bhavabhayAt || 23||
samagrAmakShAlIM kramavirahitAmAtmani muhu\-
     rniveshyAnantAntarbahalitamahArashminivahA |
parA divyAnandaM kalayitumudArAdaravatI
     prasannA me bhUyAt hR^idayapadavIM bhUShayatu cha || 24||
pramANe saMlIne shivapadalasadvaibhavavashA\-
     chCharIraM prANAdirmitakR^itakamAtR^isthitimayaH |
yadA kAlopAdhiH pralayapadamAsAdayati te
     tadA devI yAsau lasati mama sA stAchChivamayI || 25||
prakAshAkhyA saMvit kramavirahitA shUnyapadato
     bahirlInAtyantaM prasarati samAchChAdakatayA |
tato.apyantaHsAre galitarabhasAdakramatayA
     mahAkAlI seyaM mama kalayatAM kAlamakhilam || 26||
tato devyAM yasyAM paramaparipUrNasthitijuShi
     kramaM vichChidyAshu sthitimatirasAtsaMvidadhati |
pramANaM mAtAraM mitimatha samagraM jagadidaM (mitamatha)
     sthitAM kroDIkR^itya shrayati mama chittaM chitimimAm || 27||
anargalasvAtmamaye maheshe tiShThanti yasmin vibhushaktayastAH |
taM shaktimantaM praNamAmi devaM manthAnasa.nj~naM jagadekasAram || 28||
itthaM svashaktikiraNaughanutiprabandhAn (bandhAt)
     AkarNya deva yadi me vrajasi prasAdam |
tenAshu sarvajanatAM nijashAsanAMshu\-
     saMshAntitAkhilatamaHpaTalAM vidheyAH || 29||
ShaTShaShThinAmake varShe navamyAmasite.ahani |
mayA.abhinavaguptena mArgashIrShe stutaH shivaH || 30||

|| iti shrIabhinavaguptapAdAchAryakR^itaM kramastotraM sampUrNam ||

##
Encoded and proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}