% Text title            : Kurukshetra Mahatmyam
% File name             : kurukShetramahAtmyam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 32|| -
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kurukshetra Mahatmyam ..}##
\itxtitle{.. kurukShetramahAtmyam ..}##\endtitles ##
(shivagaurIsaMvAde)
devI \-
kurukShetraM gatA ga~NgA utkR^iShTeti tvayoditam |
kurukShetrasya mAhAtmyaM vada sarvasurottama || 1||
\-\-\-
sUtaH \-
itthaM devyA mahAdevaH pR^iShTo vachanamabravIt |
shrR^iNu devi kurukShetramahimAM matkR^ipAbalAt || 2||
kurusaMvaraNo nAma rAjA.abhUt somavaMshajaH |
sa rAjyaM prApya medhAvI vane.asmin pAvane mama || 3||
nAnAdrumashatopetaM phalapuShpavirAjitam |
AshramaM taM dvijairyuktaM prashAntaM harimedhasaH || 4||
prashAntavairairmunibhirmR^igairanyonyavatsalaiH |
tadvanaM sa nR^ipo gatvA dadarsha harimedhasaH || 5||
dR^iShTvA munivaraM rAjA praNataH pAdayostadA |
niShasAda taduddiShTe viShTare nR^ipasattamaH || 6||
taM pUjayitvA rAjAnaM harimedhA munistadA |
prAha taM vinayopetaM rAjAnaM prA~njaliM sthitam || 7||
somAnvayasudhAsindhoshchandrastvamasi pArthiva |
ekAkI vipine ghore kathaM mAM samupAgataH || 8||
svasainyavarjito rAjA gajavAjisamAkulaH |
tadA muniM sa vinayAtprAha rAjA kR^itA~njaliH || 9||
rAjA \-
mR^igayAvyapadeshena bhavantaM draShTumAgataH |
dR^iShTvA tAM munishArdUla dhanyo.asmyadya kR^ipAM kuru || 10||
nivAso mama dhanyo hi deshaH kashchidvidhIyatAm |
pashavyashcha sadoShadhyaH prabhUtasalilo mahAn || 11||
mAnyastvaM munishArdUla dhyAtvA divyena chakShuShA |
itthaM saMvaraNaproktaM vachaH shrutvA tadA R^iShiH || 12||
rAjAnaM sa tadA prAha vinayAnatakandharam |
muniH \-
shrR^iNu vR^ittaM purAshcharyaM rAjanmattaH pravartitam |
taptavAnasmi sumahattapo dIrghaM purA nR^ipa || 13||
etasminneva vipine sadA munijanAvR^ite |
bhasmoddhUlitasarvA~Ngo rudrasUktajapAdaraH || 14||
rudrAkShamAlAbharaNo rudrali~NgArchakaH sadA |
pa~nchAkSharaparo nityaM nivasAmi R^itUnbahUn || 15||
pa~nchAgnimadhyanirataH pa~nchAsyadhyAnatatparaH |
tapoyuktaM sadA mAM hi vedavedyo maheshvaraH || 16||
prAdurAsIdvR^iShArUDhaH sAmbikashcha trilochanaH |
gaNavR^indaiH parivR^ito nAnAla~NkArabhUShitaH || 17||
praNamya tatpadadvandvaM bhaktyA tamahamastuvam ||
\-\-\-
harimedhAH \-
shambho mattebhakumbhasthagita mahAvR^ittarambhAbhANa
      dagdhApasmAra shikShAkShapitakaluShapAdAkShapAdAdivandya |
dvandvAtItAvyayesha shrutishikharagatAkAshakoshAshrayesha
      dhIrA dhR^ityA . . . karAgratolanamiShAdAndolitaste giriH || 18||
      bhItAM bAhutalena kaNThamilanAjjAtakrudhaM tvAM shivaM |
tvatpAdAgranigharShanimnagirirANmR^ilasthitaiH svaiH karaiH |
      devaM stauti tadArtanAdavivasho vedaistadA rAvaNaH || 19||
saMrAjaM tvAmadhvarANAM maheshaM hotAraM tvA satyajayaM rodasyoH |
vibhrAjaM tvAM devamIshAnato.asmi tAmraM shambhuM vishvamIshAnamAdyam || 20||
\-\-\-
iti matstotrajAtena tuShTaH kaShTaharaH shivaH |
prAha mAM praNato devo nIlakaNTho maheshvaraH || 21||
IshvaraH \-
shrR^iNu viprAnayA stutyA bhaktyA tuShTo.asmi sAmprataM |
li~Nge.asmin saMvasAmyadya tvayA bilvAdipUjite || 22||
kurujA~Ngalametachcha puNyaM kShetraM bhaviShyati |
kurukShetreshvarashchAhaM li~Nge nityaM vasAmyaham || 23||
ga~NgApi parito deva kShetraM samplAvayiShyati |
kurukShetrakR^itaM puNyaM mahachchaiva bhaviShyati || 24||
somavaMshe kururnAma bhaviShyati nR^ipAtmajaH |
sa yadA tvAM samAgatya paripR^ichChatyanAmayam || 25||
tasmai maduktisarvasvaM brUhi tvaM vadatAM vara |
sa chAtra nagaraM shreShThaM rAjA vistArayiShyati || 26||
prAkAraparikhopetaM nAnAsaudhavirAjitam |
shastrAstrayantrashobhADhyaM chAturvarNyajanAshrayam || 27||
vipaNApaNasandhAnachatvaraM vanashobhitam |
mama li~NgAlayaM puNyaM saprakAraM sagopuram || 28||
nAnAmaNTapashobhADhyaM kurukShetreshvarasya me |
nAnAvAhanashobhADhyaM mahArathavairrayutam || 29||
kArayiShyati bhUpAlastatra kAlaH pratIkShyatAm |
muniH \-
kAlapratIkShA hi mayA shivAj~nAparipAlakaH |
nivasAmi mahAbAho kShetre.asminkurujA~Ngale || 30||
li~Ngametanmaheshasya bhUribilvaiH samarchayan |
munibhiH shAmbhavairebhirbhavanmArgapratIkShakaH || 31||
li~NgaM ma~NgaladaM prapashya vasudhAdhIshAdya kaShTApahaM
      dR^iShTaM janmajarAdirogajanitAmR^ityAdi (?) duHkhotkaram |
hantyevApadamuttamaM shivajanaiH sampUjitaM kaShTahR^it
      tuShTastvayyakhilAghahArakaharotkR^iShTAM vimuktiM tvayi || 32||
dAsyatyeva sadA hi bhAgyamatulaM juShTaM sa vai sha~NkaraH |
itaH paraM bhavAn rAjA kAryasyAsya parAyaNam || 33||
itthaM munivachovIchIjAtAnandakutUhalaH |
kurustamAha vinayAddharimedhaM dvijottamam || 34||
rAjA \-
kathaM jA~Ngalametaddhi mama vAsAya kalpate |
nAnAmR^igagaNAkIrNaM nAnAshArdUlasevitam || 35||
suramyaM chatvaropetaM nagaraM munisattama |
kathametadbhavedbhadramupAyashchAtra kathyatAm || 36||
sa munistaM kuruM prAha devavAkyaM munistadA |
muniH \-
tapasA sAdhayet sarvaM shivAddevottamottamAt |
ityuktvA taM nR^ipaM vipro dIkShayitvA vidhAnataH || 37||
prAha pa~nchAkSharaM mantraM rAjAnaM bhasmabhUShaNam |
jajApa shatarudrIyaM kurukShetreshamarchayan || 38||
bilvapatraistathA puNyairdhUpairdIpairmanoharaiH |
naivedyaiH pAyasApUpaiH sadannaiH kalpayannR^ipaH || 39||
tannaivedyaiH shAmbhavAnAM bhojanAni tadA vyadhAt |
pradakShiNanamaskAraiH stotraishcha vividhairapi || 40||
      praNamya devaM tuShTAva sa nR^ipo muninA saha |
stutinutavibudhAdyapAdapAdaM damitAnekasuradruhorupAdam |
      yamimAnasapadmalIlapAdaM bhaja kAlAnalabhItidograpAdam || 41||
viShamAkShamalukSha(?)baddhivIkShaM vidhiviShNvAdyamarAdivR^indavIkSham |
raNadakShaM jagato{}.akhilaikabhakShaM bhaja dakShAdhvaranAshane sudakSham || 42||
vIkShAshikShitamanmathaM suragaNAdhyakShaM mahokShA~Ngagam |
kukShisthAkhilalokajAlamumayA dhyAyenmR^igAkShikShayam || 43||
sUtaH \-
itthaM sa rAjA vividhastutibhiH saparyayA pUjya maheshali~Ngam |
stuvanmunInAM purato dadarsha gauryA vR^iShaskandhagataM tadA mAm || 44||

|| iti shivarahasyAntargate shivagaurIsaMvAde kurukShetramahAtmyam ||

\- || shrIshivarahasyam | bhargAkhyaH pa~nchamAMshaH | adhyAyaH 32|| \-
##
- .. shrIshivarahasyam . bhargAkhyaH panchamAMshaH . adhyAyaH 32.. -
Notes:
Shiva appears to Muni Harimedhas who is worshipping in the dense forest near the southern course of Ganga, and tells him that King Kurusamvarana will come through whom a temple will be built at that place that would come to be known ad Kurukshetra. Shiva mentions that He will reside in Kurukshetra Shiva Kshetra as Kurukshetreshwara, and explains the merit of His worship in the kshetra. King Kurusamvarana arrives in the Kuru Forest and meets Muni Harimedhas, and worships the Shiva Linga as directed by him.

The shloka numbers have been maintained per the source text.

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}