% Text title            : Kurukshetranirmanaivam Kurukshetreshvara Mahima Varnanam
% File name             : kurukShetranirmANaivaMkurukShetreshvaramahimavarNanam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 33|| -
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kurukshetranirmanaivam Kurukshetreshvara Mahima Varnanam ..}##
\itxtitle{.. kurukShetranirmANaivaM kurukShetreshvaramahimavarNanam ..}##\endtitles ##
(shivagaurIsaMvAde)
\-\-\-
rAjA (kurusaMvaraNa) \-
jaya pramathamandAra vishvAdhika maheshvara |
jaya vedAntasaMvedya kAmAntaka jagatprabho || 1||
jaya devAdhidevesha prapannaM pAhi mAM shiva |
jaya bhaktajanAdhAra jaya sarvA~Ngasundara || 2||
jaya vaidyottama vyomakeshAshAvasanAvyaya |
jaya bhUtapate shambho karuNAvaruNAlaya || 3||
jayAparNApateshAna svarNavarNAmbarAyata |
jaya vAtAshiparNAshihR^idayAntaraga prabho || 4||
pAhi pAhi mahAdeva rakSha mAM shashishekhara || 5||
\-\-\-
IshvaraH \-
iti rAj~nA tadA devi kuruNA saMstuto.asmyaham |
tasmai datto varo devi puraM bhavatu jA~Ngalam || 6||
vishvakarmA tadevAgAnmayA saMsmArito.ambike |
prA~njaliH ki~NkaromIti sthito matsannidhau tataH || 7||
asya rAj~no yathAkAmaM prAkAraparighAvR^itam
prAsAdamAlAvitataM gopurATTAlatoraNam || 8||
kurukShetreshvarasyAsya garbhAgAraM manoramam |
prAkArairmaNTapaishchaiva vistR^itaM gopurairapi || 9||
dhanadhAnyasusampUrNaM gogajAshvAdisaMvR^itam |
naranArIgaNAkIrNaM vipaNApaNashobhitam || 10||
yantrashastrArgalairyuktaM kurorasya puraM kuru |
ityuktvA vishvakarmANaM kurorvIkShayataH shivaH || 11||
li~Nge.antardhiM yayau devo munestasyApi pashyataH |
tadAj~nayaiva devasya vishvakarmA cha tatra hi || 12||
prAkAraparikhopetaM puramindrapuraM yathA |
patAkAtoraNopetaM nAnAprAsAdasa~Nkulam || 13||
kShaNAdbabhau puraM ramyaM kurostat kurujA~Ngalam |
AlayaM devadevasya kurukShetreshvarasya cha || 14||
sa maNTapaM cha prAkAraM gopurairdikShu shobhitam |
kuruH sa rAjA tatrAsIdviprendreNa shashAsa tat || 15||
taM ga~NgA plAvayAmAsa yamunA parikhAkR^itI |
tatpurastAtsamabhavatkurukShetrasya sattamAH || 16||
hastinAmAtha tatpautrastenApi prathitA purI |
hastinApuramityAkhyAM prApa tatpuramuttamam || 17||
kurukShetraM prayAgaM cha gayAM chaivAvimuktakam |
etatpradhAnaM kShetrANAmutkR^iShTaM prAha sha~NkaraH || 18||
samantapa~nchakaM tIrthaM kurukShetre maheshvari |
rAmeNa pitR^itR^iptyarthaM hradAH pa~nchaiva kalpitAH || 19||
tatra snAtvA naro yastu pitR^Ina santarpayedyadi |
kurukShetragataM vAri pitaraH prArthayatni hi || 20||
tatra shrAddhAni deyAni sarvaiH parvaNi parvaNi |
amAviShuvasa~NkrAntau rAhugraste divAkare || 21||
some chAtha vyatIpAte kurukShetragato naraH |
santarpya tArayedeva svapitR^In nAtra saMshayaH || 22||
kurukShetreshvaraM bhaktyA prApya tattIrthavAribhiH |
bilvapatraiH samabhyarchya nivedyAtha supAyasam || 23||
upoShito narastatra shatavarShatapaHphalam |
prApnoti manujo gauri gayApiNDAchChatAdhikam || 24||
kurukShetragatA ga~NgA snAtA pItA mahAghahR^it |
darshanAchchaiva tasyAstu mukto bhavati pApataH || 25||
kiM punaH snAnadAnArchAshivadarshanataH shive |
devAH stuvanti mAM tatra brahmAdyA munisattamAH || 26||
tatstutiM shrR^iNu deveshi mattaH pApApahAriNIm |
\-\-\-
brahmAdayaH \-
vAsIkR^itAnandavana prasIda
shambho tvamAnandaghano.a{}tyudAraH | (kAshIkR^itAnandavana)
surAvanaH saMstutapAkashAsanaH
supAvano vipranato hutAshanaH || 27||
sanAtana natAvana tripuradakShasantrAsana
sudhAshanagaNAvana stutasuveda pa~nchAnana |
garAshana hutAshanapravalanetra kAlAdana
mahAghabhayanAshana smarasharAdidhArAshana || 28|| (hutAshanabhAlAnana)

nIlalohita bhavAnta purAnta tAtabhUta jagatAM mama mAtaH |
pUShadantahananAdikarAnta duHkhitAvana sadA savadhUka || 29||
\-\-\-
IshvaraH \-
itthaM brahmadayo devi mAM stuvanti tadAmbike |
kurukShetreshvaraM dR^iShTvA yaH snAtvA tatpurAmbhasi || 30||
ga~NgAyAM tridinaM devi sarvapApaiH pramuchyate |
purA devAsuraiH sAkaM (?) yuyudhuH shakrapUrvakAH || 31||
vAhanaishcha gajairashvai rathArbhaTagaNAravaiH |
mR^ida~Ngasha~NkhajArAvairdundubhInAM cha nisvanaiH || 32||
namuchipramukhA daityA valAdyAH sumahAbalAH |
bhusuNThIshastradhArAbhirmusalairlaguDaistathA || 33||
dhanurbhiH sharavarShaishcha samavarShanparasparam |
ekadvitrishatairghoraiH sharaiste chichChidustadA || 34||
parasparaM devadaityA anyonyaM samaroddhatAH |
parAjitAstadA daityA devaiH santADitA bhR^isham || 35||
mamanthushcha punardevAnsamArAdhya tadA shive |
evaM punaH punaryuddhaM svargArthamabhavachChive || 36||
kurukShetragatA bhUmiryuddhabhUmirmaheshvari |
dvAparAnte cha bhavitA nR^ipANAM vigraho mahAn || 37||
kAnInAntAnpuraskR^itya viShNurbhAraM bhuvaH shive |
hariShyati mayAj~naptaH kR^iShNo nAmnA bhaviShyati || 38||
kurunAmnA.atha sa~nj~nAtamidaM kShetravaraM priye |
matprasAdAtpurA prApya kurukShetreshamarchayat || 39||
tatra santi mahAsiddhA ga~NgA cha sariduttamA |
nivasanti kurukShetre shivatuShTiprade shive || 40||
samantapa~nchakaM tIrthaM pitR^itR^iptipradAyakam |
purA bhArgavarAmeNa kShetramutpAditaM shive || 41||
kShetrottharudhiraiH pUrNAn hR^idAn pa~ncha prakalpayet |
tattIratIrthe yaH piNDaM pitR^ibhyo dAsyati priye || 42||
tarpayettaddhradotthAbhiradbhiH prINAti vai pitR^In |
tasya syuH pitarastR^iptA yAvadAbhUtasamplavam || 43||
tatraikAM gAM daridrAya datvA goshatapuNyabhAk |
alpaM tatraiva yaddattaM tanmahAjjAyate priye || 44||
pitR^itR^iptipradaM tIrthaM purA rAmeNa vai kR^itam |
atraiva taddhradAH pa~ncha snAtvA pitR^igaNAMstathA || 45||
shrAddhaiH samprINayanputraH putratvaM tasya sid.hdhyati |
atraiva gAdhAM gAyanti pitaraH ShutriNastathA || 46||
api naH svakule bhUyAdyo gayAyAM cha piNDadaH |
kurukShetre sa vai putraH hrade rAmakR^ite hi naH || 47||
dR^iShTvA mAM chaiva puNyAtmA kurukShetreshvaraM shive |
dhanyo bhavati pUtAtmA satyaM satyaM na saMshayaH || 48||
itthaM kurukShetragataM mahimAnaM tavoditam |
shrutvaiva sarvapApebhyo mukto bhavati nAnyathA || 49||
tasmAt kurukShetraparAyaNAnAM tatraiva vAso mama bhaktidAyakaH |
labheta vai puNyayuto maheshvari tapaHsthalaM tanmunibhiH prashastam || 50||

|| iti shivarahasyAntargate shivagaurIsaMvAde kurukShetranirmANaivaM kurukShetreshvaramahimavarNanaM sampUrNam ||

\- || shrIshivarahasyam | bhargAkhyaH pa~nchamAMshaH | adhyAyaH 33|| \-
##
- .. shrIshivarahasyam . bhargAkhyaH panchamAMshaH . adhyAyaH 33.. -
Notes:
Shiva appears to King Kurusamvarana (aforementioned in Chapter 32) who has been praying to Him at a Shivalinga in the Kuru Forest near the southern course of Ganga, where he was meant to build a temple. Shiva directs Vishwakarma to build a temple around the Shivalinga that would henceforth be known as Kurukshetreshwara - the Shiva Kshetra being known as Kurushetra. That, Vishnu will be born as Krishna in Dwapara Yuga, and Kurukshetra will be a yuddha-bhumi; is declared by Shiva to Devi. Shiva also highlights the merits of worshipping at Kurukshetreshwara, and the optimal time periods for performing Pitrikarma in Kurukshetra.

The shloka numbers have been maintained per the source text.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}