% Text title            : Shri Markandeyeshvaresha Stava 02 29
% File name             : mArkaNDeyeshvareshastavaH.itx
% Category              : shiva
% Location              : doc\_shiva
% Proofread by          : Aruna Narayanan
% Description/comments  : From stotrArNavaH 02-29
% Latest update         : July 25, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Markandeyeshvaresha Stava ..}##
\itxtitle{.. shrImArkaNDeyeshvareshastavaH ..}##\endtitles ##
sarveShAM daivatAnAM sakalasukhaphalaprAptaye pUjakAnAM
      kAryAdhIsho gaNesho nagavaratanayAnandacheShTAbhirAmaH |
yasya shrIsheshvarasya prathitaguNagaNAla~NkR^itasyAtmajastaM
      mArkaNDeyeshvareshaM pashupatimanishaM pArvatIshaM bhaje.aham || 1||
vaikuNThAdhIshamAyAmayasukhagavadhUrUpasandarshanAdyo
      mohAtsambhrAntamAna(myamANa)ssahagamanakalAchAturIyuktachittaH |
tanmAyAstrIsharIre vaTukamajanayadbhAsate yaH shivastaM
      mArkaNDeyeshvareshaM pashupatimanishaM pArvatIshaM bhaje.aham || 2||
yasyA~Nge(gniH)phAlabhAge sulalitanayanaM savyabhAge bhavAnI
      haste brahmottamA~NgaM sagaralasugale brahmashIrShAlimAlA |
a~Nge.ana~NgA~NgabhUtiH padakamalayuge viShNunetrAmbujAtaM
      mArkaNDeyeshvareshaM pashupatimanishaM pArvatIshaM bhaje.aham || 3||
yasya shrImaulibhUShA kumudahitakalAbhAsamAnottamA~Nge
      vidyutpu~njAbhakAnte vilasitasujaTAmaNDale vyomaga~NgA |
kaNThe vajrAsinIlopalanibhagaralaM bhAsate yaH shivastaM
      mArkaNDeyeshvareshaM pashupatimanishaM pArvatIshaM bhaje.aham || 4||
hastAbje bhAsamAnairnishitamukhayutaiH shUlamukhyAyudhaiH saM\-
      dIptA~NgaH sarvashatrUn khararaNasamaye nirjayan yo balADhyaH |
mArtANDAgnIndunetratrayayutasumukhaiH pa~nchabhiH saMyutastaM
      mArkaNDeyeshvareshaM pashupatimanishaM pArvatIshaM bhaje.aham || 5||
shAntaM chandrAyutAbhaM shashiyutamakuTaM padmavaktraM trinetraM
      bhAsvatkeyUrahArA~NgadakaTakamukhAsheShabhUShAbhirAmam |
gaurIga~NgAsametaM pramathagaNayutaM skandavighneshasevyaM
      mArkaNDeyeshvareshaM pashupatimanishaM pArvatIshaM bhaje.aham || 6||
mArkaNDeyarShivaryaH shamanabhaTabhayAdyasya pAdAravinda\-
      dvandvaM saMshritya bhaktyA shiva bhava sharaNaM te namaH pAlayeti |
uktvA mR^ityuM vi(cha)jitvA chiramatulasukhaM prAptavAMstaM yamAriM
      mArkaNDeyeshvareshaM pashupatimanishaM pArvatIshaM bhaje.aham || 7||
sarvairdevAsurendraiH pramathitakalashAmbhodhimadhye phaNIndra\-
      syAsyAnIke suroShAdvigalitagaralaM rudranetrAgnitulyam |
lokAnIkAvanArthaM kabalitasumatiryo maheshaH shivastaM (kavalayatisumatiryo)
      mArkaNDeyeshvareshaM pashupatimanishaM pArvatIshaM bhaje.aham || 8||
brahmAdyairlokapAlaiH praNamitacharaNAH prArthanAkR^iShTachitta\-
      stAn kAruNyena vIkShya tripuraditisutAnekabANena dagdhum |
sarvopAyaiH samarthaH sasuraripupurIdAhako yaH shivastaM
      mArkaNDeyeshvareshaM pashupatimanishaM pArvatIshaM bhaje.aham || 9||
nandIshAnandanATyapriyamakhilakalAkovidaM sarvavidyA\-
      sAmrAjyAnandapIThasthitaparamashivaM sundaraM mandahAsam |
ChandoguhyArthatattvAtmakamabhayamajAnandakandaM mukundaM
      mArkaNDeyeshvareshaM pashupatimanishaM pArvatIshaM bhaje.aham || 10||
mArkaNDeyeshvarasya stavamidamaghatUlAdrivaishvAnarAbhaM
      nityaM yo bhaktiyuktaH paThati sa puruShaH pApasa~NghAdvimuktaH |
sadbhUmau sarvabhogairanavaratasukhaM prAptavAn (prApnuyAt) sarvadevaiH |
      sanmAnyaH shlAghanIyaH sa bhavati bhagavAn shrIguroH satprasAdAt || 11||

|| iti shrImArkaNDeyeshvareshastavaH sampUrNaH ||

##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}