% Text title : Matribhuta Shatakam % File name : mAtRRibhUtashatakam.itx % Category : shiva, shrIdhara-venkaTesha, shataka % Location : doc\_shiva % Author : Sri Sridhara Venkatesa % Proofread by : Aruna Narayanan % Description-comments : shrIdharastutimaNimAlA dvitIyo bhAgaH stutimaNimAlA % Latest update : November 20, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Matribhuta Shatakam ..}## \itxtitle{.. mAtR^ibhUtashatakam ..}##\endtitles ## shreyAMsi yaM sakR^idanusmaratAM janAnA\- mAvirbhavanti sumahAntyanapAyavanti | taM tvAmananyasharaNashsharaNaM bhajAmi shrImAtR^ibhUta shiva pAlaya mAM namaste || 1|| Ananda sachchidamalAtmani sha~Nkare tvayyantarniShIdati bhavantamaho vihAya | bhrAmyAmi mohavivasho bhavashokakhinnaH shrImAtR^ibhUta shiva pAlaya mAM namaste || 2|| maddAsasUnurayamityanukampanIye mayyarbhake samadhiropya vR^ithA.aparAdhAn | yuktaM kimevamadhigantumudAsikAM te shrImAtR^ibhUta shiva pAlaya mAM namaste || 3|| saushIlyaghasmaradhanasmayanaShTasa.nj~nAn aj~no viShIdati yadeSha vR^ithAnudhAvan | tatpashyatastava dayA na kathaM dayALo shrImAtR^ibhUta shiva pAlaya mAM namaste || 4|| bhaktiM tvayi shritavatAM vada kaH prahINaH sA vA tavAhamiti kiM na sakR^itprapattiH | kiM tadvatAmanavitAsi kuto.asmyupekShyaH shrImAtR^ibhUta shiva pAlaya mAM namaste || 5|| dAsastavAhamiti yassakR^idapyupaiti rakShyaH sa eSha iti te vidhR^itavratasya | rakSho.ahamasmyatha kiyAnaphalo vilambaH shrImAtR^ibhUta shiva pAlaya mAM namaste || 6|| Aj~nApayeH kathamaye tava garbhavAsaM duHkhApavargiNi girIsha samAshrayeyam | AstAM sahasramapi nAnuguNaM tvidaM te shrImAtR^ibhUta shiva pAlaya mAM namaste || 7|| sarvaj~na sha~NkaramaheshadayALu shabdAH kiM pAribhAShikatayopagatA bhavantam | vij~nApite vilapite.api kimityudAsse shrImAtR^ibhUta shiva pAlaya mAM namaste || 8|| hInaissadAdhikR^itikairapi dhR^iShyamANe sAvaj~namevamapade mayi dR^ishyamAne | nedaM kShaNaM kShaNamupekShaNamAshrayethAH shrImAtR^ibhUta shiva pAlaya mAM namaste || 9|| AlasyadurviShayasaktyapalApanidrA\- padmAmadAdhigadanIchasamAgamAdIn | vighnAn dhunIhi ghaTaya tvayi me.abhilAShaM shrImAtR^ibhUta shiva pAlaya mAM namaste || 10|| kvAsAvananyasulabhA bhavadIyatA me bhUyiShThaniShThura vipadviShamA kva vR^ittiH | etanna kiM tava yashobharabha~NgabhItaM shrImAtR^ibhUta shiva pAlaya mAM namaste || 11|| samphullachampakalasannavamallikAdi\- hR^idyopachAra ruchiraM bhavadarchanaM me | pANyostara~Ngaya nirantaramantarAtman shrImAtR^ibhUta shiva pAlaya mAM namaste || 12|| dAraissutaishshubhatamairdraviNaiH prashAntaiH svargApavargaphalasiddhibhirabhyupetAH | nandanti te karuNayA kimasAdhyamasyAH shrImAtR^ibhUta shiva pAlaya mAM namaste || 13|| kAlaM kiyantamaghadanturamantara~NgaM tvachchintanaM tanitumakShamamIkShase tvam | tvadbhaktaye spR^ihayatashshiva me dayasva shrImAtR^ibhUta shiva pAlaya mAM namaste || 14|| vittasmayAndha gR^ihakAnana samprachAra dhaureyabhAvamavadhUya kadA mada~NghrI | stAM tvatpradakShiNavidhau karuNAvashAtte shrImAtR^ibhUta shiva pAlaya mAM namaste || 15|| syAttvatpadaM vidaLadambujasaurabhashrI\- vishrAmasImabhiruda~nchitavAkprapa~nchaiH | stotrairvibho mama kadA nu sadAnubandhi shrImAtR^ibhUta shiva pAlaya mAM namaste || 16|| pAdau pradakShiNavidhau bhavadarchaneShu pANI staveShu phaNitIrapi me.antarAtman | dhyAnemanashcha viniyu~NkShva dayasvama~NkShu shrImAtR^ibhUta shiva pAlaya mAM namaste || 17|| mUDho.apaTurbhavadupashrayaNakrameShu rUDhopatApavitatirvipadAM kadambaiH | sImA tR^iShAmahamato.asmi tavAnukampyaH shrImAtR^ibhUta shiva pAlaya mAM namaste || 18|| ambeyamapratihatapratipattishaktiH sarvaj~natA cha bhavato bhuvane nirUDhA | bhUtishcha vAM niravadhistanayastu so.ahaM shrImAtR^ibhUta shiva pAlaya mAM namaste || 19|| putrAdayo na sukhayanti hi bhAvabhedAt sopAdhikapraNayasambhramibhiH kimetaiH | mAtA pitA cha nirupAdhikR^ipAnidhistvaM shrImAtR^ibhUta shiva pAlaya mAM namaste || 20|| udgadgadasvanagalaM galadambunetraM romA~nchaka~nchukitama~nchitagharmabindu | tvannAmani shravaNagAmini kalpayA~NgaM shrImAtR^ibhUta shiva pAlaya mAM namaste || 21|| durlabhyadurvipariNatyasukhAnubandhi\- viplAviteShu viShayeShu vR^ithA nipAtya | mAM khedayanna kathamudvahase.anukampAM shrImAtR^ibhUta shiva pAlaya mAM namaste || 22|| kandarpakoTishatasundaramindurekhAchUDaM darasmitaparisphuradAnanendum | kAntaM nagendrasutayA kalaye bhavantaM shrImAtR^ibhUta shiva pAlaya mAM namaste || 23|| sR^iShTau sthitAvapi laye.asti tava prabhutvaM duHkhe tu me dvitayagocharameva dR^ishyam | vya~NktuM tadantaviShayaM tava ko viLambaH shrImAtR^ibhUta shiva pAlaya mAM namaste || 24|| mandasmitairdishi dishi sphuradinduchUDaiH gaurIsakhaiH sphaTikagaura manoharA~NgaiH | tvadvigrahaiH kabalayAvirataM mano me shrImAtR^ibhUta shiva pAlaya mAM namaste || 25|| premAtirekashishirAM tvadapA~NgadhArAM AnandasindhuvalamAnatara~NgarekhAm | sa~nchArayanmayi sahAmbikayA dayethAH shrImAtR^ibhUta shiva pAlaya mAM namaste || 26|| bhrUki~NkarAstava viri~nchapurandarAdyAH kastvAM virotsyati nirotsyati kiM mamainaH | dainyaM tato na balavat kimu dInabandho shrImAtR^ibhUta shiva pAlaya mAM namaste || 27|| anveti sha~Nkara na yaM karuNA~Nkuraste kastaM vilokayatu jalpatu ko dhinotu | keyaM vibho vimukhatA mayi ki~Nkare.asmin shrImAtR^ibhUta shiva pAlaya mAM namaste | bhAntaM bhavantamanaghaM maNibhUShaNaughaiH bhAntyomayA vimalavidrumapATalA~NgyA | shR^i~NgAritA~NkamupayAmi shashA~NkagauraM shrImAtR^ibhUta shiva pAlaya mAM namaste || 29|| mandasmitaiH karuNayA shishiraiH kaTAkShaiH premAtirekamadhurairapi chAbhilApaiH | AnandayiShyasi kadA nu sahAmbayA tvaM shrImAtR^ibhUta shiva pAlaya mAM namaste || 30|| gopAyiteti kuladaivatamityajasraM visrambhato.arpitabharaM tvayi dInabandho | mAmIkShase na kR^ipayA yadi kiM karomi shrImAtR^ibhUta shiva pAlaya mAM namaste || 31|| ekaM sakR^idyadalaso na purA.abhajaM tvAM nAnAdurIshasatatAshrayadurvipAkaH | tasyai na so.ayamadhunA.atidhunAti chetaH shrImAtR^ibhUta shiva pAlaya mAM namaste || 32|| eShA sugandhichikurA jananI pitA tvaM kA te sute mayi vibho karuNA prahANiH | ki~nchApi sA na khalu sArdrahR^ido jananyAH shrImAtR^ibhUta shiva pAlaya mAM namaste || 33|| tvatsaMvidA tarati shokamiti shrutInAM bhAvo bhavonnatividhAyi tavAbhidhAnam | shokApahaM tadahamIsha samAshrayAmi shrImAtR^ibhUta shiva pAlaya mAM namaste || 34|| tvannAmakIrtanamaghApahamAshayena shaMsan purANanikaro na kilArthavAdaH | tatsaMshrayo.ahamakR^ipAspadamasmi kiM te shrImAtR^ibhUta shiva pAlaya mAM namaste || 35|| karmAnurodhi phalamityavagamyamAne hyenohR^itau shubhavidhau cha paTIyasaste | karmeti kaM prati tu va~nchanachAturIyaM shrImAtR^ibhUta shiva pAlaya mAM namaste || 36|| utsa~NgasImani sugandhikachAM niShaNNAM ullAsayan kuchataTInakharAvamarshaiH | AbhAsi sha~Nkara nirantaramantara~Nge shrImAtR^ibhUta shiva pAlaya mAM namaste || 37|| mandetarairakhilamAntaramandhakAraM mANikyabhUShaNamahormibhiraMshujAlaiH | dhunvanvapustava vibhAsaya mAnase me shrImAtR^ibhUta shiva pAlaya mAM namaste || 38|| antarvasadbhavadudArapadAravinda sandarshanAya mama tatpratirodhakaM drAk | aMhaH kavATapaTalaM vighaTayya deva shrImAtR^ibhUta shiva pAlaya mAM namaste || 39|| cheto mama tvadanuchintanabaddhatR^iShNaM muShNanti tachcha viShayA muhuredhitArthAH | vighnAn jahi tvayi vijR^imbhaya bhaktiyogaM shrImAtR^ibhUta shiva pAlaya mAM namaste || 40|| dR^ikkUNitena jagataH khalu sR^iShTireShA tenaiva te.avanalayau bhuvane nirUDhau | tenaiva saMhara mamAghatatiM dayALo shrImAtR^ibhUta shiva pAlaya mAM namaste || 41|| a~NgaM shirIShamR^idulaM paruShairmamAshma\- prAyairvachobhirabhipIDitamIDanArthe | yattAvakaM tamaparAdhamimaM sahasva shrImAtR^ibhUta shiva pAlaya mAM namaste || 42|| mandasmitairbhrukuTibhirmadhuraiH kaTAkShaiH vAmabhruvAM navanavaishcha vapurvilAsaiH | tvAM no.abhajaM taraLitastadidaM sahasva shrImAtR^ibhUta shiva pAlaya mAM namaste || 43|| mandasmitaM madanasundaraminduchUDaM utsa~NgavisphuradumorasijaspR^ishaM tvAm | dhyAyanvasAni divasAni nayan kadA vA shrImAtR^ibhUta shiva pAlaya mAM namaste || 44|| pATIrasAralaharIM tuhinAMshudhArAM saudhAkarImapi jharImavamanyamAnaH | tvachchintanaprabhavanirvR^itibhiH kadA syAM shrImAtR^ibhUta shiva pAlaya mAM namaste || 45|| tvAmasmyasAvajamupAsitumakShamo.ahaM mohAndhayA bata dhiyA na yadetadenaH | hAryA tvayaiva kR^ipayA mama durdasheyaM shrImAtR^ibhUta shiva pAlaya mAM namaste || 46|| vittArjanasya sakalaH kimasAvanehA neha sthiteH phalamaho bhavato dhanehA | itthaM durIshvaragirAM padamasmi dInaH shrImAtR^ibhUta shiva pAlaya mAM namaste || 47|| sAMsArikAnavadhikhedaparamparAsU\- nmajjannimajjadiva sIdati mAnasaM me | AshvAsayAshu kR^ipayA na kimIkShase tvaM shrImAtR^ibhUta shiva pAlaya mAM namaste || 48|| lakShmIpatistava padAbharaNe sa shete bhikShATanena vada kaM prativipralambhaH | jAnAmyahaM na kimasheShajagatpatiM tvAM shrImAtR^ibhUta shiva pAlaya mAM namaste || 49|| saMsR^ityudanvati vitanvati duHkhamoha\- grAhairvyathAmahaha me dR^iDhamajjanena | tvaM krIDasIti sadR^ishaM tava kiM dayALo shrImAtR^ibhUta shiva pAlaya mAM namaste || 50|| mAtrA sugandhikachayA bhavatA cha pitrA yuktaH prasUjanakahIna ivAvasIdan | asmIti vAM jagadadhIshvarayorayuktaM shrImAtR^ibhUta shiva pAlaya mAM namaste || 51|| mauDhyAdapATavabharAdapi pUjanaM te nAhaM tanomi tadahaM vyathito bhavAmi | vighnAnapAsya vitara tvadupAsanAM me shrImAtR^ibhUta shiva pAlaya mAM namaste || 52|| tvadvandanaM nanu jagattrayavandyatAyai tvatpUjanaM tu bhuvanatrayapUjyatAye | puNyochchayena tadidaM bhavadIyatA me shrImAtR^ibhUta shiva pAlaya mAM namaste || 53|| alpaM mahachcha sakalaM phalamarpaNIyaM deva tvayaiva khalu tatkimapIhamAnaH | tvAmAshrayAmyagatiko vada kiM tavAgaH shrImAtR^ibhUta shiva pAlaya mAM namaste || 54|| kandarpadarpaharasundararUpadheye mandasmite bhuvanama~NgaLanAmadheye | khedApahe bhavati khelaya mAnasaM me shrImAtR^ibhUta shiva pAlaya mAM namaste || 55|| sUryodaye timirajAlamivArtijAlaM dhAvanna kiM mama vibho yadi dR^ikpathesyAH | kiM me tathA na dayase.anuchito viLambaH shrImAtR^ibhUta shiva pAlaya mAM namaste || 56|| tvaM trAyase yadi nivArayituM kShamaH ko labhyaM kimasti tava mayyavasIdatIttham | kiM hIyate madavane tava kiM viLambaiH shrImAtR^ibhUta shiva pAlaya mAM namaste || 57|| chandropalAmalabhavatkamanIyamUrti\- sampUjanaM sudR^iDhabhaktyanaghopachAraiH | Ihe sadA rachayituM ghaTayAshu tanme shrImAtR^ibhUta shiva pAlaya mAM namaste || 58|| saMsArasindhusamuditvarakhedamoda\- vIchIparibhramaparishramanodanaM me | Akalpaya tvadabhirAdhanaharShabhUtaM shrImAtR^ibhUta shiva pAlaya mAM namaste || 59|| bhaktispR^isho bhavati tasya na sharma tena trANavratAshrutiShu vA na sakR^it prapannaH | kasmAt karoShi karuNAM na mayi prapanne shrImAtR^ibhUta shiva pAlaya mAM namaste || 60|| yanmAM na pAlayasi tattvadapATavAdvA yadvA madIyaduritAdvada nAtha nAdyaH | sarveshvaro nanu bhavAnata eva nAntyaH shrImAtR^ibhUta shiva pAlaya mAM namaste || 61|| vishvAdhinetari vipannajanAvanasthe nAthe sati tvayi na yanmama khedabha~NgaH | tatte yashoharamato vinivedayAmi shrImAtR^ibhUta shiva pAlaya mAM namaste || 62|| asyodyatassamuparoddhumanAtmanInaM satyaM bhavAnaghaphalArtyanubhAvanAsu | neshastu soDhumiyadasmyahamArtabandhau shrImAtR^ibhUta shiva pAlaya mAM namaste || 63|| AmajjataH pratipadaM vipadamburAshau dR^iptaM mama shvasitumapyanadhIshvarasya | kiM pashyatastava dayA na kiyAn viLambaH shrImAtR^ibhUta shiva pAlaya mAM namaste || 64|| svardhenavo na kati no kati kalpavR^ikShAH bhrUvashyatAM na kati yAntyapare.apyudArAH | bhaktispR^ishAM tvayi bhaje tamahaM bhavantaM shrImAtR^ibhUta shiva pAlaya mAM namaste || 65|| enAmupaplavabharairjaTilAmavasthAM prAptaM hi mAM parihasanti nitAntamanye | tva~nchenna pashyasi dayArdradR^ishA gatiH kA shrImAtR^ibhUta shiva pAlaya mAM namaste || 66|| shrIshashsharaH kanakabhUmisharashsharAso vAsastu rUpyashikharI dhanadassakhA te | tvAmAshritasya mama kinna dhunoShi dainyaM shrImAtR^ibhUta shiva pAlaya mAM namaste || 67|| atya~NkurArNamukhakhedamahArNave.asmin magnasya sha~Nkara mamottaraNaM prakalpya | tvadpUjanaM ghaTaya sa~NkShapitAntarAyaM shrImAtR^ibhUta shiva pAlaya mAM namaste || 68|| loke.ativartitumalaM tava shAsanaM kaH padmAsano bhavatu padmavilochano vA | taddurlipiM vidhikR^itAmapi me vilumpa shrImAtR^ibhUta shiva pAlaya mAM namaste || 69|| nissAratAmapi vidanviShayeShvamIShu nissImasaktirahameShu hi gADhamUDhaH | rakShyastvayaiva karuNAnidhinA prasahya shrImAtR^ibhUta shiva pAlaya mAM namaste || 70|| ma~nche tara~NgitamaNitviShi puShpakalR^ipte mandasmitaM saha kadA.ambikayA bhavantam | pashyAmi pashchimatanUpahitopabarhaM shrImAtR^ibhUta shiva pAlaya mAM namaste || 71|| mayyAtmanInavimukhe malinasvabhAve nirvedasAgaranimajjanaviplave.asmin | kasmAd bhavasyakaruNaH karuNAnidhe tvaM shrImAtR^ibhUta shiva pAlaya mAM namaste || 72|| rudrAkShabhR^idbhasitabhUShaNadhanyamUrtiH bhAvaM vahan pramuditaM bhavadekatAnam | kAlaM kShipeyamiti sAdhaya kAmanAM me shrImAtR^ibhUta shiva pAlaya mAM namaste || 73|| tvaM chidghano.asyahamasau jaDimaikasImA duHkhAkaraH punarahaM sukhashevadhistvam | yuktA na te sthitiriyaM tava garbhavAse shrImAtR^ibhUta shiva pAlaya mAM namaste || 74|| khedaM hariShyasi kadA shishiraiH kaTAkShaiH modaM kariShyasi kadA mR^idubhirvachobhiH | ityutsuko.asmi karuNAM kuru ki~Nkare.asmin shrImAtR^ibhUta shiva pAlaya mAM namaste || 75|| pAti prasahya na kimarbhakamAtmanInaM saMyojakairgurujanaH smara taM kramaM tvam | bhaktiM balAdbhavati kalpaya me dayALo shrImAtR^ibhUta shiva pAlaya mAM namaste || 76|| so.ahaM na ki~nchidapi sAdhu karomi pApaH tu~NgaM padaM tvabhilaShAmi tadapyalajjaH | tvaddAtR^itAsadayatAgarimAvamarshI shrImAtR^ibhUta shiva pAlaya mAM namaste || 77|| shakto na kashchidapi shAsanamantarA te kassevyatAM tvaditaraH kimitaH phalaM vA | svAminnupaimi sharaNaM karaNaistribhistvAM shrImAtR^ibhUta shiva pAlaya mAM namaste || 78|| mR^ityu~njayo.asi kamalApativallabho.asi tanmR^ityudainyavipadorapadaM tvadIyam | tvAmAshritasya mama kiM sadR^ishI dasheyaM shrImAtR^ibhUta shiva pAlaya mAM namaste || 79|| kiM jAmitA na bhavato mama duHkhadhArA\- nirmAturasmR^itipadaM kimupAMshuyAjaH | kasmAtprabho kimapi sharma na kiM vidhatse shrImAtR^ibhUta shiva pAlaya mAM namaste || 80|| kvAhaM kva chonnatapadaspR^ihayALuteya\- mAtmaiva mAmapahasatyadhunA tathApi | tvatsaMshraye sati kimasti durApamIsha shrImAtR^ibhUta shiva pAlaya mAM namaste || 81|| kasyAgrataH prakaTayAniradAnakANDe kaM harShayANi nutibhiH kamupAshrayANi | moghaH shrameShu nipateyamato dayethAH shrImAtR^ibhUta shiva pAlaya mAM namaste || 82|| kiM vidyayA kimu dhanena kimAtmajairvA kiM jAyayA kimitaraistvayi chenna chetaH | Anandashevadhimatastvayi dehi bhaktiM shrImAtR^ibhUta shiva pAlaya mAM namaste || 83|| dAso.asmi dainyavivashastvayi sarvaloka\- sAmrAjyasampadamakampitamashnuvAne | yattanna te samuchitaM vimR^isha prasIda shrImAtR^ibhUta shiva pAlaya mAM namaste || 84|| tvAmAshritastvaditarAshrayadainyabha~NgaM a~NgIkaromi jagadIsha kathaM kathaM vA | tvAM nAyashaH spR^ishatu tattyaja mayyupekShAM shrImAtR^ibhUta shiva pAlaya mAM namaste || 85|| shrAntaM vapurduradhipAshrayadhAvanAnme shrAntaM vacho duradhipastutidhoraNIbhiH | krAntaM mano duradhipAshrayachintayaiva shrImAtR^ibhUta shiva pAlaya mAM namaste || 86|| hemasphurattanutara~NgitakAntidhArA\- samplAvyamAnamaNibhUShaNadivyabhAsam | manye bhavantamumayA maNihemapIThe shrImAtR^ibhUta shiva pAlaya mAM namaste || 87|| svAnandabindulava samplavamAnasarva\- brahmANDamaNDalamakhaNDitavaibhavaM tvAm | kastoShayettadapi tuShya paribhramairme shrImAtR^ibhUta shiva pAlaya mAM namaste || 88|| kAruNyanirbharasudhArasashItalAbhiH kAle kadA tava kaTAkShaparamparAbhiH | kaShTAM dashAmupajahAni dR^iDhopagUDhaH shrImAtR^ibhUta shiva pAlaya mAM namaste || 89|| bhaktAbhibhUtyasahano bhavasi pratIto bhakto.asmyahaM tvadabhidhAgrahaNaprasaktaH | tasyAsya te mayi kR^ipA na kathaM viShaNNe shrImAtR^ibhUta shiva pAlaya mAM namaste || 90|| dR^ikkeLayastava kR^ipArasashIkarA~NkAH yAstAsu tattadavanapravaNAsu chet syAt | ekA punarmadavanapravaNA kShatiH kA shrImAtR^ibhUta shiva pAlaya mAM namaste || 91|| shreyo ruNaddhi yadi pApagaNastadA tvAM tvannAmakIrtanamaghakShapaNakShamaM me | kinnAsti kiM na dayase mayi hanta khinne shrImAtR^ibhUta shiva pAlaya mAM namaste || 92|| tAtaprasUtanayadAra suhR^idbhirevaM arthopapattivirahAdahahAvasIdan | netuM kShaNaM na nipuNo.asmi tataH prasIda shrImAtR^ibhUta shiva pAlaya mAM namaste || 93|| shrIshailarAjasutayA shishiraiH kaTAkShaiH mAM vIkShyamANamasakR^inmadhurasmitena | sambhAvayanmayi kadA nu dayiShyase tvaM shrImAtR^ibhUta shiva pAlaya mAM namaste || 94|| pAre bhavAkhyajaladherbhagavan kR^ipAkU\- pAre bhavatyavatariShyati me kadA vA | premNA tR^iNIkR^itapadaM sakalaM vitanvan shrImAtR^ibhUta shiva pAlaya mAM namaste || 95|| nirdhUtadustimiramastasamastatattad\- durvAsanaM hR^idayametadaye vitanvan | asmin bhaviShyasi kadA nu sukhaM niShaNNaH shrImAtR^ibhUta shiva pAlaya mAM namaste || 96|| madvarNanaistava kadA.astu manaH prasAdo maddR^ikpathe.astu cha kadA tava divyamUrtiH | matkarNagaM tava vacho.astu kadeti sAshaM shrImAtR^ibhUta shiva pAlaya mAM namaste || 97|| kAle.arkanandana lulAyakaTusvanodya\- tkarNajvarApanayanairbhavadukShajairme | dhvAnAmR^itaiH kimapi sharma vinirmimANaH shrImAtR^ibhUta shiva pAlaya mAM namaste || 98|| yaM te dayA spR^ishati tannayanAntadAsAH brahmAdayo jagati dInajanAspadA sA | dInAgraNIrahamataH punaruktireShA shrImAtR^ibhUta shiva pAlaya mAM namaste || 99|| anyanna me.abhimatamIsha tadarpyatAM vA mA vepsitaM tu tadidaM bhavatA.arpaNIyam | yatsarvadA nibhR^itavR^ittyabhidhAnamitthaM shrImAtR^ibhUta shiva pAlaya mAM namaste || 100|| he sha~Nkara smarahara pramathAdhinAtha mannAtha sAmba shashichU.Da shiva trishUlin | shrIchitsabhesha karuNAkara bhAlanetra shrImAtR^ibhUta shiva pAlaya mAM namaste || 101|| evaM stavaM prapaThatAM upashR^iNvatA~nchA\- rogyAyurachChashivabhakti dhanarddhi vidyAH | dadyAssutAnapi yashashcha vimuktimante shrImAtR^ibhUta shiva pAlaya mAM namaste || 102|| shrImAtR^ibhUta shiva chandanasAndraliptAM sa~NklR^iptahema tilakAM shritapuShpamAlyAm | akShNA.amunA tava tanuM pibato.akShyudanyA syAnme yathAshu phalinIsha tathA dayethAH || 103|| mano me vikrItaM tava charaNasevAM kalayituM kR^ipAmUlyaM labdhaM surabhichikure samprati mayA | na jAne tadduShTaM nivasati cha vA dhAvati cha vA kR^itaM bhUyo bhUyaH karatalayugAsbhAlanamume || 104|| iti shrIshrIdharave~NkaTashAryavirachitaM mAtR^ibhUtashatakaM sampUrNam | ## Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}