% Text title            : Mrityunjaya Pushpanjali
% File name             : mRRityunjayapuShpAnjaliH.itx
% Category              : shiva, vAsudevanElayath
% Location              : doc\_shiva
% Description/comments  : From Bhaktitarangini by Prof. P.C. Vasudevan Elayath
% Latest update         : August 28, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mrityunjaya Pushpanjali ..}##
\itxtitle{.. mR^ityu~njayapuShpA~njaliH ..}##\endtitles ##
             khaNDaH 1
shashishakalA~nchitaku~nchitapi~NgajaTAtaDidujvalamUrdhatalaM
      bhAlavilochanama~njanama~njulanIlagalaM shitashUladharam |
phaNigaNabhUShaNamAkalaye tava bhImamidaM shivama~NgamahaM
      shvetavanAlaya, kAlavimardana, bhaktajanArdana, vishvapate || 1||
             khaNDaH 2
pa~nchAkSharavarNamAlAstotram |
o~NkArashuktipuTamuktAmaNiM shivamaha~NkArabha~njanakaraM
      hyI~NkAratatvalalilatArdhe bhajAmi hR^idi sa~NkAshamAnavapuSham |
tvA~NkAlakhaNDana, bhuja~NgendramaNDana, vR^iShA~NkAtmakaM shikhishikhA\-
      sa~NkAshapi~NgalajaTAjuTasa~NgatashashA~NkAbhirAmashirasam || 1||
naktandivaM bhayadavintAturaM samanuraktaM durantaviShaye
      riktaM guNaiH sujanakAmyairmano mama tu tiktaM cha pAtakashataiH |
vyaktaM bhavatyupaharAmi; prasIda kuru bhaktaM viShashana, vibho,
      muktaM bhayAdbhavatu satkarmanirvahaNashaktaM cha jIvitamidam || 2||
matryaM bhavacharaNapAthojasevinamamatryaM karo.api bhagavan;
      satyaM mamAstu ratiretadbhavadbhajanakR^ityaM vidhAtumuchitam |
atyantapAvananilopAntavAsapara, mR^ityu~njayAkhilapate,
      shrutyantagocharamahAtatvarUpa, mayi nityaM prasIdatu bhavAn || 3||
shi~njAnapAdakaTakAnandanR^ittarataka~njAbhirAmacharaNaM
      tva~njAhyavIdhavalamAlAsamullasanasa~njAtashobhamukuTam |
bha~njAnamantakana~NgAntakaM sukR^itapu~njAbhigamyamamalaM
      sa~njalpitastutiviri~njAdisevyamihara~njadrasaM hR^idi bhaje || 4||
vAtAshanAkalitabhUShAgaNaM bhasitapUtA~NgarAgamahitaM
      shItaMshubhAskarahutAshAkShamullasitabhUtAvalIparigatam |
he tANDavagapriya, chidAnandarUpa, paribhUtAntakaM tava vapu\-
      rbhItAbhayapradamupAse; prasIda mayi jAtAnukampamanisham || 5||
yatra prabho, paramabhakto mR^ikaNDamuniputrastavA~NghribhajanA\-
      datrastabhAvamiha lebhe yamAdapi paritrAsitAkhilajanAt |
tatra svadhAmani parakoDanAmani charitraprashastimahite
      kShetre vibhAsi jagatAM bhAgyarAshiratimAtraM, prasida bhagavan! || 6||
mahAdeva, svAmin, madhurakaruNAdivyajaladhe,
      parakoDAvAsa,prakaTitanijaishvaryamahiman |
stavairebhirvilvaistava charaNayorarchanamahaM
      karomi tvaM bhaktyA kalitamidama~NgIkuru vibho! || 7||
ihAnekairmantrairbahubhirapi tantrairniyamitaM
      bhavatpUjAhomAdikamahamashakto rachayitum |
juhomi brahmAgnau tvayi haviridaM mAnasamayaM
      gR^ihANa tvaM mR^ityu~njaya, varada, pUrNAhutimimAm || 8||
bhavAraNye ghore viShayarasanavyolapachayaiH
      samAchChanne kUpe niratishayaduHkhe nipatitam |
pashuM krandantaM mAM karuNakaruNaM, pAhi kR^ipayA
      svadharmAnuShThAnaM khalu samuchitaM te pashupate! || 9||
iha shvetAraNye bhuvanavidite sarvamahite
      mahAsiddhikShetre sakaruNa, bhavantaM bhayaharam |
samabhyachrya preShThAM gatimasulabhAM prApa sukR^itI
      munirmArkaNDeyastava hi mahimA.ayaM vijayate || 10||
paraM brahma svechChAkalitashivali~NgAtmakavapuH
      pratiShThAM kShetre.asmin svayamupagataM bhAsi bhagavan |
ihAbhedaM viShNostava cha dadR^ishuH kAlanidhane
      mahe bhaktottaMsA muditamanaso vismayavashAH || 11||
dhR^itadvaitaM rUpaM punaraparametattava nilA\-
      sarittIre.adUre parilasati nAvAkhyanilaye |
yadambhodAnIlaM karakalitasha~NkhArivilasad
      gadApadmaM padmAsukR^itanilayaM ma~njuhasitam || 12||
lasaddvaitAdvaitaM paramashiva, shambho, tava vapuH
      parAnandAkAraM manasi mama nirbhAtu satatam |
yato.ahaM bhayAsaM vigalitabhavakleshanivahaH
      svadharmAnuShThAnaistava virachayan sevanavidhim || 13||
parAshaktiH sUkShmA bhavati paramaM tattvamiha vai
      vadattyotaprotaM jagaditi cha vaij~nAnikavarAH |
prabho, tvalsAnnidhyAdiyamapi parispandakushalA
      hradhiShThAnaM mukhyaM tvamasi jagataste natiriyam || 14||
bhavanniShThaM chitte bhavatu bhagavan, vAgapi bhavat\-
      stutau saktA nityaM, vapurapi bhavatsevanaratam |
vikAso.ayaM bhaktermadhuramadhuniShyandasubhagaH
      parapremAkAra, prasaratu mamAtmanyanudinam || 15||
pravR^iddhAyAM bharatau bhavati hR^idayaM nirmalataraM
      samastaM karma tvachcharaNavarivasyA.api cha bhavet |
tato jAnIyAM tvAM niratishayachaitanyavapuShaM
      parabrahmAbhikhyaM shivamakhilalokaikapitaram || 16||
akhaNDe brahmANDe nirupamachidAnandavapuShaM
      svayA shaktyA sAkaM kR^itanaTanalIlAvilasitam |
tathA sUkShmAtmAnaM sthitamaNuShu sUkShmeShu bhagavan,
      bhavantaM saMvIkShya pratikalamupeyAM hR^idi mudam || 17||
naTesha, tvattAlaprasarasubhagaM jIvitamidaM
      prabho, jIvanmuktiH khalu nigaditA shAstrasaraNau |
pade.asminnuttu~Nge girisha, girishR^i~Nge pashurayaM
      vihartuM shaktaH syAdyadi bhavati bhaktaH pashupate! || 18||
parakroDAvAsin, paramashiva, mR^ityu~njaya, mano\-
bhavArAte, bhaktapriya, girisutA.ali~Ngitatano,
vipannistAraM me pradisha bhagavan, mAM kuru bhavat\-
pAdAmbhoje bhaktaM; na khalu na khalu prAthryamaparam || 19||

iti shrIvAsudevan elayathena virachitA mR^ityu~njayapuShpA~njaliH samAptA |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}