% Text title            : Mrityunjayastotram 3
% File name             : mRRityunjayastotram3.itx
% Category              : shiva, stotra
% Location              : doc\_shiva
% Author                : Traditional
% Transliterated by     : Ganesh Kandu kanduganesh at gmail.com
% Proofread by          : Ganesh Kandu kanduganesh at gmail.com, NA
% Latest update         : October 14, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Mrityunjayastotram 3 ..}##
\itxtitle{.. shrImR^ityu~njayastotram 3 ..}##\endtitles ##
OM namo mR^ityu~njayAya |
nandikeshvara uvAcha \-
kailAsasyottare shR^i~Nge shuddhasphaTikasannibhe |
tamoguNavihIne tu jarAmR^ityuvivarjite || 1||
sarvArtha sampadAdhAre sarvaj~nAnakR^itAlaye |
kR^itA~njalI puTo brahmA ghyAnAsInaM sadAshivam || 2||
paprachCha praNato bhUtvA jAnubhyAmavani~NgataH |
sarvArthasampadAdhAra brahmA lokapitAmahaH || 3||
brahmovAcha \-
kenopAyena devesha chirAyurlomasho.abhavat |
tanme brUhi maheshAna lokAnAM hitakAmyayA || 4||
shrIsadAshiva uvAcha \-
shR^iNu brahman pravakShyAmi chirAyurmunisattamaH |
sa~njAtaH karmaNA yena vyAdhimR^ityuvivarjitaH || 5||
tasminnekArNave ghore salilaughapariplute |
kR^itAntabhayanAshAya stuto mR^ityu~njayaH shivaH || 6||
tasya sa~NkIrtanAnnityaM munirmR^ityuvivarjitaH |
tameva kIrtayan brahman mR^ityu jetuM na saMshayaH || 7||
lomasha uvAcha \-
devAdhideva devesha sarvaprANa bhR^itAMvara |
prANinAmasi nAthastvaM mR^ityu~njaya namo.astu te || 8||
dehinAM jIvabhUto.asi jIvo jIvasya kAraNam |
jagatAM rakShakastvaM vai mR^ityu~njaya namo.astu te || 9||
hemAdrishikharAkAre sudhAvIchimanohara |
puNDarIkaparaM jyotirmutyu~njaya namo.astu te || 10||
dhyAnAdhAra mahAj~nAna sarvaj~nAnaikakAraNa |
paritrAtAsi lokAnAM mR^ityu~njaya namo.astu te || 11||
nihatA yena kAlena sadevAsuramAnuShAH |
gandharvApsarasashchaiva siddhavidyAdharAstathA || 12||
sAdhyAshcha vasavo rudrAstathAshvinisutAvubhau |
marutashcha disho nAgAHsthAvarA ja~NgamAstathA || 13||
jitaH so.api tvayA dhyAyan mR^ityu~njaya namo.astu te || 14||
ye dhyAyanti parAM mUrtiM pUjayantyamarAdayaH |
na te mR^ityuvashaM yAnti mR^ityu~njaya namo.astu te || 15||
tvamo~NkAro.asi vedAnAM devAnAM cha sadAshivaH |
AdhArashaktiH shaktInAM mR^ityu~njaya namo.astu te || 16||
sthAvare ja~Ngame vApi yAvattiShThati dehagaH |
jIvatyapatyaloko.ayaM mR^ityu~njaya namo.astu te || 17||
somasUryAgnimadhyasthavyomavyApin sadAshiva |
kAlatrayamahAkAla mR^ityu~njaya namo.astu te || 18||
prabuddhe chAprabuddhe cha tvameva sR^ijase jagat |
sR^iShTirUpeNa devesha mR^ityu~njaya namo.astu te || 19||
vyomni tvaM vyomarUpo.asi tejaH sarvatra tejasi |
j~nAninAM j~nAnarUpo.asi mR^ityu~njaya namo.astu te || 20||
jagajjIvo jagatprANaH sraShTA tvaM jagataH prabhuH |
kAraNaM sarvatIrthAnAM mR^ityu~njaya namo.astu te || 21||
netA tvamindriyANAM cha sarvaj~nAnaprabodhakaH |
sA.nkhyayogashcha haMsashcha mR^ityu~njaya namo.astu te || 22||
rUpAtItaH sarUpashcha piNDasthapadameva cha |
chaturyugakalAdhAra mR^ityu~njaya namo.astu te || 23||
rechake vahnirUpo.asi somarUpo.asi pUrake |
kumbhake shivarUpo.asi mR^ityu~njaya namo.astu te || 24||
kShaya~Nkaro.asi pApAnAM puNyAnAmapi vardhanam |
hetustvaM shreyasAM nityaM mR^ityu~njaya namo.astu te || 25||
sarvamAyAkalAtIta sarvendriya parAvara |
sarvendriyakalAdhIsha mR^ityu~njaya namo.astu te || 26||
rUpaM gandho rasaH sparshaH shabdaH saMskAra eva cha |
tvattaH prakAsha eteShAM mR^ityu~njaya namo.astu te || 27||
chaturvidhAnAM sR^iShTInAM hetustvaM kAraNeshvara |
bhAvAbhAvaparichChinna mR^ityu~njaya namo.astu te || 28||
tvameko niShkalo loke sakalambhuvanatraye |
atisUkShmAtirUpastvaM mR^ityu~njaya namo.astu te || 29||
tvaM prabodhastvamAdhAra tvadbIjaM bhuvanatrayam |
satvaM rajastamastvaM hi mR^ityu~njaya namo.astu te || 30||
tvaM somastvaM dineshashcha tvamAtmA prakR^iteH paraH |
aShTatriMshatvakalAnAtha mR^ityu~njaya namo.astu te || 31||
sarvendriyANAmAdhAraH sarvabhUtaguNAshrayaH |
sarvaj~nAnamayAnanta mR^ityu~njaya namo.astu te || 32||
tvamAtmA sarvabhUtAnAM guNAnAM tvamadhIshvaraH |
sarvAnandamayAdhAra mR^ityu~njaya namo.astu te || 33||
tvaM yaj~naH sarvayaj~nAnAM tvaM buddhirboghalakShaNA |
shabdabrahmastvamo~NkAro mR^ityu~njaya namo.astu te || 34||
shrIsadAshiva uvAcha \-
evaM sa~NkIrtayedyastu shuchistadgatamAnasaH |
bhaktyA shR^iNoti yo brahman na sa mR^ityuvasho bhavet || 35||
na cha mR^ityubhayaM tasya prAptakAlaM cha la~Nghayet |
apamR^ityubhayaM tasya praNashyati na saMshayaH || 36||
vyAdhayo nopapadyante nopasargabhayaM bhavet |
pratyAsannAntare kAle shataikAvartane kR^ite || 37||
mR^ityurna jAyate tasya rogAn mu~nchati nishchitam |
pa~nchamyAM vA dashamyAM vA paurNamAsyAmathApi vA || 38||
shatamAvartayedyastu shatavarShaM sa jIvati |
tejasvI balasampanno labhate shriyamuttamAm || 39||
trividhaM nAshayetpApaM mano\-vAk\-kAyasambhavam |
abhichArANi karmANi karmANyAtharvaNAni cha |
kShIyante nAtra sandeho duHsvapnashcha vinashyati || 40||
idaM rahasyaM paramaM devadevasya shUlinaH |
duHsvapnanAshanaM puNyaM sarvavighnavinAshanam || 41||

iti shrIshivabrahmasaMvAde shrImR^ityu~njayastotraM sampUrNam |
##

Encoded and proofread by Ganesh Kandu kanduganesh at gmail.com, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}