% Text title : Mrityunjaya Sahasranama Stotram % File name : mRityunjayasahasra.itx % Category : sahasranAma, shiva, stotra % Location : doc\_shiva % Author : Traditional % Transliterated by : Ravin Bhalekar ravibhalekar at hotmail.com % Proofread by : Ravin Bhalekar, PSA Easwaran % Description-comments : rudrayAmale tantre devIrahasye. See corresponsing sahasranAmAvaliH % Latest update : February 24, 2021 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Mrityunjaya Sahasranama Stotram ..}## \itxtitle{.. mR^ityu~njayasahasranAmastotram ..}##\endtitles ## shrIgaNeshAya namaH | shrIbhairava uvAcha | adhunA shR^iNu deveshi sahasrAkhyastavottamam | mahAmR^ityu~njayasyAsya sArAt sArottamottamam || asya shrImahAmR^ityu~njasahasranAmastotra mantrasya, bhairava R^iShiH, uShNik ChandaH, shrImahAmR^ityu~njayo devatA, OM bIjaM, juM shaktiH, saH kIlakaM, puruShArthasiddhaye sahasranAma pAThe viniyogaH | dhyAnam \- udyachchandrasamAnadIptimamR^itAnandaikahetuM shivaM OM juM saH bhuvanaikasR^iShTipra(vi)layodbhUtyekarakShAkaram | shrImattAradashArNamaNDitatanuM tryakShaM dvibAhuM paraM shrImR^ityu~njayamIDyavikramaguNaiH pUrNaM hR^idabje bhaje || atha stotram \- OM juM saH hauM mahAdevo mantraj~no mAnadAyakaH | (mantresho mantranAyakaH) mAnI manoramA~Ngashcha manasvI mAnavardhanaH || 1|| mAyAkartA mallarUpo mallamArAntako muniH | maheshvaro mahAmAnyo mantrI mantrijanapriyaH || 2|| mAruto marutAM shreShTho mAsikaH pakShiko.amR^itaH | mAta~Ngako mattachitto mattachinmattabhAvanaH || 3|| mAnaveShTaprado meSho menakApativallabhaH | mAnakAyo madhusteyI mArayukto jitendriyaH || 4|| jayo vijayado jetA jayesho jayavallabhaH | DAmaresho virUpAkSho vishvabhoktA vibhAvasuH || 5|| vishvesho vishvanAthashcha vishvasUrvishvanAyakaH | (vishvatAtashcha) vinetA vinayI vAdI vAntado vAkprado vaTuH || 6|| sthUlaH sUkShmo.achalo lolo lolajihvaH karAlakaH | (sUkShmashchalo) virAdheyo virAgIno vilAsI lAsyalAlasaH || 7|| lolAkSho loladhIrdharmI dhanado dhanadArchitaH | dhanI dhyeyo.apyadhyeyashcha dharmyo dharmamayodayaH || 8|| dayAvAn devajanako devasevyo dayApatiH | DulichakShurdarIvAso dambhI devamayAtmakaH || 9|| kurUpaH kIrtidaH kAntaH klIbo.aklIbAtmakaH kujaH | budho vidyAmayaH kAmI kAmakAlAndhakAntakaH || 10|| jIvo jIvapradaH shukraH shuddhaH sharmaprado.anaghaH | shanaishcharo vegagatirvAchAlo rAhuravyayaH || 11|| ketuH kArApatiH kAlaH sUryo.amitaparAkramaH | chandro rudrapatiH bhAsvAn bhAgyado bhargarUpabhR^it || 12|| krUro dhUrto viyogI cha sa~NgI ga~NgAdharo gajaH | gajAnanapriyo gIto gAnI snAnArchanapriyaH || 13|| paramaH pIvarA~Ngashcha pArvatIvallabho mahAn | parAtmako virADdhaumyaH vAnaro.amitakarmakR^it || 14|| chidAnandI chArurUpo gAruDo garuDapriyaH | nandIshvaro nayo nAgo nAgAla~NkAramaNDitaH || 15|| nAgahAro mahAnAgo godharo gopatistapaH | trilochanastrilokeshastrimUrtistripurAntakaH || 16|| tridhAmayo lokamayo lokaikavyasanApahaH | vyasanI toShitaH shambhustridhArUpastrivarNabhAk || 17|| trijyotistripurInAthastridhAshAntastridhAgatiH | tridhAguNI vishvakartA vishvabhartA adhipUruShaH || 18|| (tripUruShaH) umesho vAsukirvIro vainateyo vichArakR^it | vivekAkSho vishAlAkSho.avidhirvidhiranuttamaH || 19|| vidyAnidhiH sarojAkSho niHsmaraH smaranAshanaH | smR^itimAn smR^itidaH smArto brahmA brahmavidAM varaH || 20|| brAhmavratI brahmachArI chaturashchaturAnanaH | chalAchalo.achalagatirvegI vIrAdhipo varaH || 21|| sarvavAsaH sarvagatiH sarvamAnyaH sanAtanaH | sarvavyApI sarvarUpaH sAgarashcha sameshvaraH || 22|| samanetraH samadyutiH samakAyaH sarovaraH | sarasvAn satyavAk satyaH satyarUpaH sudhIH sukhI || 23|| svarAT satyaH satyamatI rudro raudravapurvasuH | vasumAn vasudhAnAtho vasurUpo vasupradaH || 24|| IshAnaH sarvadevAnAmIshAnaH sarvabodhinAm | Isho.avasheSho.avayavI sheShashAyI shriyaH patiH || 25|| indrashchandrAvataMsI cha charAcharajagatsthitiH | sthiraH sthANuraNuH pInaH pInavakShAH parAtparaH || 26|| pInarUpo jaTAdhArI jaTAjUTasamAkulaH | pashurUpaH pashupatiH pashuj~nAnI payonidhiH || 27|| vedyo vaidyo vedamayo vidhij~no vidhimAn mR^iDaH | shUlI shubha~NkaraH shobhyaH shubhakartA shachIpatiH || 28|| shashA~NkadhavalaH svAmI vajrI sha~NkhI gadAdharaH | chaturbhujashchAShTabhujaH sahasrabhujamaNDitaH || 29|| sruvahasto dIrghakesho dIrgho dambhavivarjitaH | devo mahodadhirdivyo divyakIrtirdivAkaraH || 30|| ugrarUpa ugrapatirugravakShAstapomayaH | tapasvI jaTilastApI tApahA tApavarjitaH || 31|| havirharo hayapatirhayado harimaNDitaH | harivAhI mahaujasko nityo nityAtmako.analaH || 32|| sammAnI saMsR^itirhArI sargI sannidhiranvayaH | vidyAdharo vimAnI cha vaimAnikavarapradaH || 33|| vAchaspatirvasAsAro vAmAchArI balandharaH | vAgbhavo vAsavo vAyurvAsanAbIjamaNDitaH || 34|| vAsI kolashR^itirdakSho dakShayaj~navinAshanaH | dAkSho daurbhAgyahA daityamardano bhogavardhanaH || 35|| bhogI rogaharo heyo hArI harivibhUShaNaH | bahurUpo bahumatirbahuvitto vichakShaNaH || 36|| nR^ittakR^ichchittasantoSho nR^ittagItavishAradaH | sharadvarNavibhUShADhyo galadagdho.aghanAshanaH || 37|| nAgI nAgamayo.ananto.anantarUpaH pinAkabhR^it | naTano hATakeshAno varIyAMshcha vivarNabhR^it || 38|| jhA~NkArI Ta~Nkahastashcha pAshI shAr~NgI shashiprabhaH | sahasrarUpo samaguH sAdhUnAmabhayapradaH || 39|| sAdhusevyaH sAdhugatiH sevAphalaprado vibhuH | sumahA madyapo matto mattamUrtiH sumantakaH || 40|| kIlI lIlAkaro lAntaH bhavabandhaikamochanaH | rochiShNurviShNurachyuta amUrto nUtano navaH || 41|| nyagrodharUpo bhayado bhayahA.abhItidhAraNaH | dharaNIdharasevyashcha dharAdharasutApatiH || 42|| dharAdharo.andhakaripurvij~nAnI mohavarjitaH | sthANukesho jaTI grAmyo grAmArAmo ramApriyaH || 43|| priyakR^it priyarUpashcha viprayogI pratApanaH | prabhAkaraH prabhAdIpto manyumAnavanIshvaraH || 44|| tIkShNabAhustIkShNakarastIkShNAMshustIkShNalochanaH | tIkShNachittastrayIrUpastrayImUrtistrayItanuH || 45|| havirbhughaviShAM jyotirhAlAhalo halIpatiH | haviShmallochano hAlAmayo haritarUpabhR^it || 46|| mradimA.a.amramayo vR^ikSho hutAsho hutabhugguNI | guNaj~no garuDo gAnatatparo vikramI kramI || 47|| krameshvaraH kramakaraH kramikR^it klAntamAnasaH | mahAtejA mahAmAro mohito mohavallabhaH || 48|| manasvI tridasho bAlo bAlApatiraghApahaH | bAlyo ripuharo hAryo gavirgavimato.aguNaH || 49|| saguNo vittarADvIryo virochano vibhAvasuH | mAlAmayo mAdhavashcha vikartano.avikatthanaH || 50|| mAnakR^inmuktido.atulyo mukhyaH shatrubhaya~NkaraH | hiraNyaretAH subhagaH satInAthaH sirApatiH || 51|| meDhrI mainAkabhaginIpatiruttamarUpabhR^it | Adityo ditijeshAno ditiputrakShaya~NkaraH || 52|| vasudevo mahAbhAgyo vishvAvasurvasupriyaH | samudro.amitatejAshcha khagendro vishikhI shikhI || 53|| garutmAn vajrahastashcha paulomInAtha IshvaraH | yaj~napeyo vAjapeyaH shatakratuH shatAnanaH || 54|| pratiShThastIvravisrambhI gambhIro bhAvavardhanaH | gAyiShTho madhurAlApo madhumattashcha mAdhavaH || 55|| mAyAtmA bhoginAM trAtA nAkinAmiShTadAyakaH | nAkendro janako janyaH stambhano rambhanAshanaH || 56|| sha~Nkara Ishvara IshaH sharvarIpatishekharaH | li~NgAdhyakShaH surAdhyakSho vedAdhyakSho vichArakaH || 57|| bhargo.anarghyo nareshAno naravAhanasevitaH | chaturo bhavitA bhAvI bhAvado bhavabhItihA || 58|| bhUtesho mahito rAmo virAmo rAtrivallabhaH | ma~Ngalo dharaNIputro dhanyo buddhivivardhanaH || 59|| jayI jIveshvaro jAro jATharo jahnutApanaH | jahnukanyAdharaH kalpo vatsaro mAsarUpadhR^it || 60|| R^iturR^ibhusutAdhyakSho vihArI vihagAdhipaH | shuklAmbaro nIlakaNThaH shuklo bhR^igusuto bhagaH || 61|| shAntaH shivaprado.abhedyo.abhedakR^ichChAntakR^it patiH | nAtho dAnto bhikShurUpI dAtR^ishreShTho vishAmpatiH || 62|| kumAraH krodhanaH krodhI virodhI vigrahI rasaH | nIrasaH sarasaH siddho vR^iShaNI vR^iShaghAtanaH || 63|| pa~nchAsyaH ShaNmukhashchaiva vimukhaH sumukhIpriyaH | durmukho durjayo duHkhI sukhI sukhavilAsadaH || 64|| pAtrI pautrI pavitrashcha bhUtAtmA pUtanAntakaH | akSharaM paramaM tattvaM balavAn balaghAtanaH || 65|| bhallI bhaulirbhavAbhAvo bhAvAbhAvavimochanaH | nArAyaNo muktakesho digdevo dharmanAyakaH || 66|| kArAmokShaprado.ajeyo mahA~NgaH sAmagAyanaH | tatsa~Ngamo nAmakArI chArI smaraniShUdanaH || 67|| kR^iShNaH kR^iShNAmbaraH stutyastArAvarNastrapAkulaH | trapAvAn durgatitrAtA durgamo durgaghAtanaH || 68|| mahApAdo vipAdashcha vipadAM nAshako naraH | mahAbAhurmahorasko mahAnandapradAyakaH || 69|| mahAnetro mahAdAtA nAnAshAstravichakShaNaH | mahAmUrdhA mahAdanto mahAkarNo mahoragaH || 70|| mahAchakShurmahAnAso mahAgrIvo digAlayaH | digvAsA ditijeshAno muNDI muNDAkShasUtradhR^it || 71|| shmashAnanilayo.arAgI mahAkaTiranUtanaH | purANapuruSho.apAraH paramAtmA mahAkaraH || 72|| mahAlasyo mahAkesho mahoShTho mohano virAT | mahAmukho mahAja~Ngho maNDalI kuNDalI naTaH || 73|| asapatnaH patrakaraH pAtrahastashcha pATavaH | lAlasaH sAlasaH sAlaH kalpavR^ikShashcha kampitaH || 74|| kampahA kalpanAhArI mahAketuH kaThorakaH | analaH pavanaH pAThaH pIThasthaH pITharUpakaH || 75|| pATInaH kulishI pIno merudhAmA mahAguNI | mahAtUNIrasaMyukto devadAnavadarpahA || 76|| atharvashIrShaH somyAsyaH R^iksahasrAmitekShaNaH | yajuHsAmamukho guhyo yajurvedavichakShaNaH || 77|| yAj~niko yaj~narUpashcha yaj~naj~no dharaNIpatiH | (yaj~naghno) ja~NgamI bha~Ngado bhAShAdakSho.abhigamadarshanaH || 78|| agamyaH sugamaH kharvaH kheTI khaTvAnano nayaH | (kheTAnano) amoghArthaH sindhupatiH saindhavaH sAnumadhyagaH || 79|| pratApI prajayI prAtarmadhyAhnasAyamadhvaraH | trikAlaj~naH sugaNakaH puShkarasthaH paropakR^it || 80|| upakartApahartA cha ghR^iNI raNajayapradaH | dharmI charmAmbarashchArurUpashchAruvishoShaNaH || 81|| nakta~ncharaHkAlavashI vashI vashivaro.avashaH | vashyo vashyakaro bhasmashAyI bhasmavilepanaH || 82|| bhasmA~NgI malinA~Ngashcha mAlAmaNDitamUrdhajaH | gaNakAryaH kulAchAraH sarvAchAraH sakhA samaH || 83|| sukuro gotrabhidgoptA bhImarUpo bhayAnakaH | (makaro) aruNashchaikachintyashcha trisha~NkuH sha~NkudhAraNaH || 84|| AshramI brAhmaNo vajrI kShatriyaH kAryahetukaH | vaishyaH shUdraH kapotasthaH tvaShTA tuShTo ruShAkulaH || 85|| rogI rogApahaH shUraH kapilaH kapinAyakaH | pinAkI chAShTamUrtishcha kShitimAn dhR^itimAMstathA || 86|| jalamUrtirvAyumUrtirhutAshaH somamUrtimAn | sUryadevo yajamAna AkAshaH parameshvaraH || 87|| bhavahA bhavamUrtishcha bhUtAtmA bhUtabhAvanaH | bhavaH sharvastathA rudraH pashunAthashcha sha~NkaraH || 88|| girijo girijAnAtho girIndrashcha maheshvaraH | girIshaH khaNDahastashcha mahAnugro gaNeshvaraH || 89|| bhImaH kapardI bhItij~naH khaNDapashchaNDavikramaH | khaDgabhR^it khaNDaparashuH kR^ittivAsA viShApahaH || 90|| ka~NkAlaH kalanAkAraH shrIkaNTho nIlalohitaH | gaNeshvaro guNI nandI dharmarAjo durantakaH || 91|| bhR^i~NgIriTiH rasAsAro dayAlU rUpamaNDitaH | amR^itaH kAlarudrashcha kAlAgniH shashishekharaH || 92|| sadyojAtaH svarNamu~njamekhalI durnimittahR^it | duHsvapnahR^it prasahano guNinAdapratiShThitaH || 93|| shuklastrishuklaH sampannaH shuchirbhUtaniShevitaH | yaj~narUpo yaj~namukho yajamAneShTadaH shuchiH || 94|| dhR^itimAn matimAn dakSho dakShayaj~navighAtakaH | nAgahArI bhasmadhArI bhUtibhUShitavigrahaH || 95|| kapAlI kuNDalI bhargaH bhaktArtibha~njano vibhuH | vR^iShadhvajo vR^iShArUDho dharmavR^iShavivardhakaH || 96|| mahAbalaH sarvatIrthaH sarvalakShaNalakShitaH | sahasrabAhuH sarvA~NgaH sharaNyaH sarvalokakR^it || 97|| pavitrastrikakunmantraH kaniShThaH kR^iShNapi~NgalaH | brahmadaNDavinirmAtA shataghnIpAshashaktimAn || 98|| padmagarbho mahAgarbho brahmagarbho jalodbhavaH | devAsuravinirmAtA devAsuraparAyaNaH || 99|| devAsuragururdevo devAsuranamaskR^itaH | guhapriyo gaNasevyaH pavitraH sarvapAvanaH || 100|| lalATAkSho vishvadevo damanaH shvetapi~NgalaH | vimuktirmuktitejasko bhaktAnAM paramA gatiH || 101|| devAtidevo devarShirdevAsuravarapradaH | kailAsagirivAsI cha himavadgirisaMshrayaH || 102|| nAthapUjyaH siddhanR^ityo navanAthasamarchitaH | kapardI kalpakR^idrudraH sumanA dharmavatsalaH || 103|| vR^iShAkapiH kalpakartA niyatAtmA nirAkulaH | nIlakaNTho dhanAdhyakSho nAthaH pramathanAyakaH || 104|| anAdirantarahito bhUtido bhUtivigrahaH | senAkalpo mahAkalpo yogo yugakaro hariH || 105|| yugarUpo mahArUpo mahAgIto mahAguNaH | visargo li~NgarUpashcha pavitraH pApanAshanaH || 106|| IDyo maheshvaraH shambhurdevasiMho nararShabhaH | vibudho.agravaraH sUkShmaH sarvadevastapomayaH || 107|| suyuktaH shobhano vajrI devAnAM prabhavo.avyayaH | guhaH kAnto nijasargaH pavitraH sarvapAvanaH || 108|| shR^i~NgI shR^i~Ngapriyo babhrU rAjarAjo nirAmayaH | devAsuragaNAdhyakSho niyamendriyavardhanaH || 109|| tripurAntaka shrIkaNThastrinetraH pa~nchavaktrakaH | (IshAnastrinetraH) kAlahR^it kevalAtmA cha R^igyajuHsAmavedavAn || 110|| IshAnaH sarvabhUtAnAmIshvaraH sarvarakShasAm | brahmaNo.adhipatirbrahma brahmaNo.adhipatistathA || 111|| brahmA shivaH sadAnandI sadAnandaH sadAshivaH | meShasvarUpashchArva~Ngo gAyatrIrUpadhAraNaH || 112|| aghorebhyo.atha ghorebhyo ghoraghoratarAya cha | sarvataH sarvasarvebhyo namaste rudrarUpiNe || 113|| vAmadevastathA jyeShThaH shreShThaH kAlakarAlakaH | mahAkAlo bhairavesho veshI kalavikAraNaH || 114|| balavikAraNo bAlo balapramathanastathA | sarvabhUtAdidamano devadevo manonmanaH || 115|| sadyojAtaM prapadyAmi sadyojAtAya vai namaH | bhave bhave nAtibhave bhavasva mAM bhavodbhava || 116|| bhAvano bhavano bhAvyo balakArI paraM padam | paraH shivaH paro dhyeyaH paraM j~nAnaM parAtparaH || 117|| parAvaraH palAshI cha mAMsAshI vaiShNavottamaH | OM aiM hrIM shrIM hsauH devo OM shrIM hauM bhairavottamaH || 118|| OM hrAM namaH shivAyeti mantro vaTuvarAyudhaH | OM hrIM sadAshivaH OM hrIM ApaduddhAraNo manuH || 119|| OM hrIM mahAkarAlAsyaH OM hrIM baTukabhairavaH | bhagavAMstryambaka OM hrIM OM hrIM chandrArdhashekharaH || 120|| OM hrIM saM jaTilo dhUmro OM hrIM tripuraghAtakaH | hrAM hrIM hrUM harivAmA~Nga OM hrIM hrUM hrIM trilochanaH || 121|| OM vedarUpo vedaj~na R^igyajuHsAmamUrtimAn | rudro ghoraravo.aghoro OM kShmyUM aghorabhairavaH || 122|| o.njuM saH pIyUShasakto.amR^itAdhyakSho.amR^itAlasaH | OM tryambakaM yajAmahe sugandhiM puShTivardhanam || 123|| urvArukamiva bandhanAnmR^ityormukShIya mA.amR^itAt | OM hauM jUM saH OMbhUrbhuvaH svaH OMjUMsaH mR^ityu~njayaH | (pAtu mAM sarvadevesho mR^ityu~njayaH sadAshivaH || 124||) idaM nAmnAM sahasraM tu rahasyaM paramAdbhutam | sarvasvaM nAkinAM devi jantUnAM bhuvi kA kathA || 125|| tava bhaktyA mayA.a.akhyAtaM triShu lokeShu durlabham | gopyaM sahasranAmedaM sAkShAdamR^itarUpakam || 126|| yaH paThet pAThayedvApi shrAvayechChR^iNuyAt tathA | mR^ityu~njayasya devasya phalaM tasya shive shR^iNu || 127|| lakShmyA kR^iShNo dhiyA jIvo pratApena divAkaraH | tejasA vahnidevastu kavitve chaiva bhArgavaH || 128|| shauryeNa harisa~NkAsho nItyaM druhiNasannibhaH | Ishvaratvena deveshi matsamaH kimataHparam || 129|| yaH paThedardharAtre cha sAdhako dhairyasaMyutaH | paThet sahasranAmedaM siddhimApnoti sAdhakaH || 130|| chatuShpathe chaikali~Nge marudeshe vane.ajane | shmashAne prAntare durge pAThAt siddhirna saMshayaH || 131|| naukAyAM chaurasa~Nghe cha sa~NkaTe prANasa~NkShaye | yatra yatra bhaye prApte viShavahnibhayAdiShu || 132|| paThet sahasranAmAshu muchyate nAtra saMshayaH | bhaumAvasyAM nishIthe cha gatvA pretAlayaM sudhIH || 133|| paThitvA sa bhaveddevi sAkShAdindro.architaH suraiH | shanau darshadine devi nishAyAM saritastaTe || 134|| paThennAmasahasraM vai japedaShTottaraM shatam | sudarshano bhavedAshu mR^ityu~njayaprasAdataH || 135|| digambaro muktakeshaH sAdhako dashadhA paThet | iha loke bhavedrAjA pare muktirbhaviShyati || 136|| idaM rahasyaM paramaM bhaktyA tava mayoditam | mantragarbhaM manumayaM na chAkhyeyaM durAtmane || 137|| no dadyAt parashiShyebhyaH putrebhyo.api visheShataH | rahasyaM mama sarvasvaM gopyaM guptataraM kalau || 138|| ShaNmukhasyApi no vAchyaM gopanIyaM tathAtmanaH | durjanAdrakShaNIyaM cha paThanIyamaharnisham || 139|| shrotavyaM sAdhakamukhAdrakShaNIyaM svaputravat | || iti shrIrudrayAmale tantre shrIdevIrahasye mR^ityu~njayasahasranAmaM sampUrNam || ## Verses 93-109 are not found in some of the books in print Encoded by Ravin Bhalekar Proofread by Ravin Bhalekar, PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}