% Text title            : Mahadeva Stuti by Kuleshvara Pandya
% File name             : mahAdevastutiHkuleshvarapANDya.itx
% Category              : shiva, stuti
% Location              : doc\_shiva
% Proofread by          : Rajesh Thyagarajan
% Description/comments  : Minakshi stutimanjari and Halasya Mahatmyam edited by by SV Radhakrishna Sastri 
% Latest update         : May 20, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mahadeva Stuti by Kuleshvara Pandya ..}##
\itxtitle{.. kuleshvarapANDyakR^itA mahAdevastutiH ..}##\endtitles ##
kuleshvaraH\-
mahAnIpAraNyAntarakanakapadmAkarataTI
      mahendrAnItAShTadvipadhR^itavimAnodavasitam |
mahAlIlAbhUtiprakaTitavishiShTAtmavibhavaM
      mahAdevaM vande madhurashapharAkShIsahacharam || 1||
mahAmAta~NgAsR^igdharavasanamadrIndratanayA\-
      mahAbhAgyaM mattAndhakakaraTikaNThIravavaram |
mahAbhogIndrodyatphaNamaNigaNAla~NkR^itatanuM
      mahAdevaM vande madhura shapharAkShIsahacharam || 2||
mahAdugdhAmbhodhau mathana java sambhUtamasitaM
      mahAhAlaM kaNThe sakalabhayabha~NgAya dadhatam |
mahAkAruNyAbdhiM madhumathanadR^igdUracharaNaM
      mahAdevaM vande madhura shapharAkShIsahacharam || 3||
namannAlIkAmbujabhavashunAsIramakuTI\-
      lasanmANikyAMshusphuradaruNapAdAbjayugalam |
amandAnandAbdhiM harinayanapadmArchitapadaM
      mahAdevaM vande madhura shapharAkShIsahacharam || 4||
samIrAhArendrA~NgadamakhilalokaikajanakaM
      samIrAhArAtmapravaNajanahR^itpadmanilayam |
sumInAkShIvaktrAmbujataruNasUryaM sumanasaM
      mahAdevaM vande madhurashapharAkShI sahacharam || 5||
natAghaudhAraNyAnalamanilabhu~NnAthavalayaM
      sudhAMshorardhAshaM shirasi dadhataM jahnusutayA |
vadAnyAnAmAdyaM varavibudhavandyaM varaguNaM
      mahAdevaM vande madhura shapharAkShIsahacharam || 6||
dashAsyAha~NkAradrumakulishitA~NguShThanakharaM
      nishAnAthashrIjinnijavadanabimbaM niravadhim |
vishAlAkShaM vishvaprabhavabharaNApAyakaraNaM
      mahAdevaM vande madhura shapharAkShIsahacharam || 7||
anAkAraM hArIkR^itabhujagarAjaM puraharaM
      sanAthaM sharvANyA sarasiruhapatrAyatadR^isham |
dinArambhAdityAyutashatanibhAnandavapuShaM
      mahAdevaM vande madhurashapharAkShI sahacharam || 8||
umApInottu~NgastanataTalasatku~Nkumarajas\-
      samAhArAtyantAruNavipuladorantaratalam |
ramAvANIndrANIrativirachitArAdhanavidhiM
      mahAdevaM vande madhura shapharAkShIsahacharam || 9||
dharApAthassvAhAsahacharajagatprANashashabhR^it
      surAdhvAharnAthAdhvarakarasharIraM shashidharam |
surAhArAsvAdAtishayinijavAchaM sukhakaraM
      mahAdevaM vande madhurashapharAkShI sahacharam || 10||
dharApIThaM dhArAdharakalashamAkAshavapuShaM
      dharAbhR^iddordaNDaM tapanashashivaishvAnaradR^isham |
virAjannakShatraprasavamudarIbhUtajaladhiM
      mahAdevaM vande madhurashapharAkShIsahacharam || 11||
suparNAkA~NkAmbhojAsanadR^igatidUrA~NghrishirasaM
      suparNAhArasraksuraviTapi shAkhAyatabhujam |
aparNApAdAbjAtichalita chandrArddhamakuTaM
      mahAdevaM vande madhura shapharAkShIsahacharam || 12||
makhArAtiM mandasmitamadhurabimbAdharalasan\-
      mukhAmbhojaM mugdhAmR^itakiraNachUDAmaNidharam |
nakhAkR^iShTebhatvakparivR^itasharIraM pashupatiM
      mahAdevaM vande madhura shapharAkShIsahacharam || 13||
sahasrAbjaikone nijanayanamuddhR^itya yajate
      sahasrAkhyApUrtyai sarasijadR^ishe yena kR^ipayA |
sahasrAraM dattaM tapananiyutAbhaM rathapadaM
      mahAdevaM vande madhura shapharAkShIsahacharam || 14||
rathAvanyAmnAyAshvamajarathakAraM raNapaTuM
      rathA~NgAdityenduM rathapadadharAsraM rathivaram |
rathAdhAreShvAsaM rathadharaguNaM ramyaphaladaM
      mahAdevaM vande madhura shapharAkShIsahacharam || 15||
dharAkarShApAsta prachurabhujakaNDUyanajala\-
      ndharAhAryadvaidhIkaraNahR^ita lokatrayabhayam |
smarAkArAhArAkalanapaTuphAlAnalakaNaM
      mahAdevaM vande madhurashapharAkShIsahacharam || 16||
agastyaH\-
idaM sundaranAthasya stotraM bhaktyA paThanti ye |
shriyA paramayA yuktAH shivamante bhajanti te || 17||
sundareshvaramIshAnaM sumInAkShIsunAyakam |
kuleshvaramahIpAla iti stotrairatoShayat || 18||
atha vAchA.asharIriNyA sha~NkarassundareshvaraH |
stotrapriyaH priyAdAha bhUpatiM purataH sthitam || 19||

iti kuleshapANDyakR^itA stutiH samAptA |
shrIskAnde mahApurANe agastyasaMhitAyAM
hAlAsyamAhAtmye adhyAyaH \-62 \-lIlA \-56 shlokAni 48\-63
(shivalIlArNavataH) 

##
Proofread by Rajesh Thyagarajan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}