% Text title            : Mahakala Kshetra Mahima or Mahakalarchana Varnanam
% File name             : mahAkAlakShetramahimAathavAmahAkAlArchanavarNanam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 4| 8-49||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mahakala Kshetra Mahima or Mahakalarchana Varnanam ..}##
\itxtitle{.. mahAkAlakShetramahimA athavA mahAkAlArchanavarNanam ..}##\endtitles ##
mahAkAlamidaM kShetraM mahendrapriyakR^ittamam |
bhUmaNDale.asya sadR^ishaM kShetramanyanna vidyate || 1||
vidyotate yathA bhAnurnabho~NkaNa (~NgaNa) pathi sthitaH |
tathA bhUmaNDalagatakShetreShvetad virAjate || 2||
mahAkAla mahAkAla mahAkAleti yo vadet |
sudUre.api gato martyo mahAkAlAntike sthitaH || 3||
li~NgaM ma~NgaladaM puNyaM mahAma~NgalayArchitam |
architaM brahmaviShNvAdyairmahAkAlagaNArchitam || 4||
dR^iShTaM shrutaM vA satataM spR^iShTamaMhovinAshakam |
ayaM me hasta ityAdimantrasparsho vishiShyate || 5||
chaitryAM mAghyAM tathAShADhyAM paurNamyAM yastu pUjayet |
sa vimukto mahApApAnmuktimante vrajeta cha || 6||
yastu chandanaN~Nkena li~Ngametadvilepayet |
karpUragarukastUrImishrairvA yakShakardamaiH || 7||
tAlavR^intairvIjayitvA.agniShTomaphalabhAgyavet |
bilvapatraishcha padmaishcha kalhAraishchampakaistathA || 8||
pUjayitvA mahAli~NgaM mahAkAlasya shUlinaH |
sadyo muchyeta pApaishcha gANapatyaM labhennaraH || 9||
atropoShya mahAdevaM dR^iShTvA sAyaM haviShyabhuk |
brahmahatyAdibhiH pApairmuchyate nAtra saMshayaH || 10||
kShiprAnadyudake snAtvA santarpya pitR^idevatAH |
bhojayitvA dvijAn shaivAn bhakShyabhojyairanekashaH || 11||
koTibhojyaphalaM tasya kShetre.asmin shaivasattama |
datvAtha taNDulaM dhAnyaM tilAn mudgAnstathADhakAn || 12||
kShIraM dadhi ghR^itaM kShaudraM sharkarAM vA phalAni cha |
datvA shivAya sa bhavenniShpApo nAtra saMshayaH || 13||
rambhApanasajambIranArikelekShusArakam |
sumodeta sa vai martyo meghamukta ivoDurAT || 14||
buddhipUrvakR^itaiH pApaistatkShaNAdeva muchyate |
kApilenAtha payasA yo.abhiShi~nchenmaheshvaram || 15||
sa punaH stanyapayasA svodaraM nAbhiShi~nchati |
ghR^itena dIpAn prajvAlya kArtike tu visheShataH || 16||
somavAre trayodashyAM pradoShe parvaNordvayoH |
sa~NkrAntau cha vyatIpAte ayane grahaNe tathA || 17||
dR^iShTvA deva mahAkAlaM pUjya mukto bhavennaraH |
shatarudriyamantraishcha yo.abhiShi~nchenmaheshvaram || 18||
dhArApAtraistathA shR^i~NgaiH sha~NkhaishchaivAtha pANDaraiH |
sahasradhArAkalashaiH shatadhArAdikairapi || 19||
shatadhAraM sahasradhAraM mantrairyastabhiShi~nchayet |
shodhitairvAsitairnIraiH dhArayA vR^ittasUkShmayA || 20||
dhArAM shivashirolagnAmavichChinnAM prakalpayet |
santatiM pashuputrAMshcha avichChinnaM labhet saH || 21||
sudurlabhataraM j~nAnaM labhate nAtra saMshayaH |
itthaM shaivena saMvAdaM kR^itvA brahmAdayaH surAH || 22||
nAradArdyairmunishreShThaiH sArdhaM gandharvakinnaraiH |
sitabhasmAktatanavo rudrAkShavarabhUShaNAH || 23||
mahAkAlAlayaM devA yayurbilvAdipANayaH |
mahApachitisambhArAn kAmadhenUdhasodbhavaiH || 24||
saphenakShIradhArAbhI rudrasUktairasechayan |
dadhimaNDairghR^itairdivyairmadhunA sitayA.api cha || 25||
nArikelAmrasurasaiH mochAjambIrapAnasaiH |
tattadrasairmahAdevaM vividhairabhyaShechayan || 26||
gandhakarpUrapuShpotthaiH svarNaratnakushodakaiH |
raudrai R^iksAmayajuShAM gaNairAtharvaNairapi || 27||
(svarNaratna jalaistathA, talaistathA)
pa~nchabrahmabhirIshAnaM sugandhiM gandhavAsitaiH |
payobhiramR^itAsvAdaiH pATalyagaruvAsitaiH || 28||
nAnAvAditraninadAn nilimpAH samaghoShayan |
snAlakAle maheshasya jayashabdaishcha puShkalaiH || 29||
snApya vastrairveShTayitvA mR^idukausheyasambhavaiH |
chandanenaiva saMlipya li~NgamApIThamuttamam || 30||
navaratnachitAnekabhUShaNairbhUShayan surAH |
nidhanetyAdibhirmantraiH shrIpatraiH kamalaistathA || 31||
ArchayaMshchampakairarkairmandArakaravIrakaiH |
bakairdroNaishcha dhuttUraiH nIlaraktotpalaistathA || 32||
sahasranAmabhiH puShpairdhUpairdIpairmanoramaiH |
dIpairvidIpayAmAsurmahAkAlashivAlayam || 33||
dhUpairagarujodbhUtaiH ghumugghumitadikataTam |
naivedyairvividhairhR^idyaiH sUpApUpAdirAshibhiH || 34||
kShIrAjyakumbhaiH shatashaH pAyasAnAM ghaTIshataiH |
dadhikhaNDAdibhANDaishcha sharkarApa~Nkapa~NkilaiH || 35||
tAmbUlaparvatairnai kakramukAnAM cha rAshibhiH |
mukhavAsakaraiHranyairmR^iganAbhivirAjitaiH || 36||
lava~NgailAmukharitairjAjIpatraphalairapi |
svachChapuchChayutApAramarIchIkhadiraistathA || 37||
naivedyamAdyaM hR^idaM cha datvA diviShadaH shivam |
nIrAjanaistathA puNyaiH ChatrachAmaradarpaNaiH || 38||
vyajanaiH sanniShevyeshaM nAnAvAdyaravairapi |
rambhAdyapsarasastatra nanR^ituH sha~NkarAgrataH || 39||
jagushcha devagandharvA nAradAdyAshcha gAyanAH |
mahAdeva prasIdeti shrImanmR^ityu~njayeti cha || 40||
sarA~NgaM cha satAlaM cha kalaM gItairatoShayan |
mUrChanAsthAnavinyAsai rudravINAkarAH surAH || 41||
pradakShiNanamaskAraiH stutibhirnartanaistathA |
karatADanapUrvaM te tuShTuvuH parameshvaram || 42||

|| iti shivarahasyAntargate mahAkAlakShetramahimA athavA mahAkAlArchanavarNanaM sampUrNam ||

\- || shrIshivarahasyam | bhargAkhyaH pa~nchamAMshaH | adhyAyaH 4| 8\-49||
##
- .. shrIshivarahasyam . bhargAkhyaH panchamAMshaH . adhyAyaH 4. 8-49..
Notes:
Shiva describes to Gauri; the glory of Mahakala Shiva Kshetra, and the merits of conducting worship of Mahakala especially during certain time periods like Mondays (Somavara), Pradosha of the two Trayodashi-s (Krishna and Shukla), Sankranti-s, Vyatipata (yoga), Ayana, and Eclipses.

The shlokas have been renumbered for readers' convenience.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}