% Text title            : Mahakala KakarAdi Ashtottarashatanama Stotram
% File name             : mahAkAlakakArAdyaShTottarashatanAmastotram.itx
% Category              : shiva, aShTottarashatanAma
% Location              : doc\_shiva
% Transliterated by     : NA
% Proofread by          : NA, PSA Easwaran psaeaswaran at gmail.com
% Description/comments  : See corresponding Namavali
% Latest update         : September 28, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Mahakala Kakaradi Ashtottarashatanama Stotram ..}##
\itxtitle{.. shrImahAkAlakakArAdyaShTottarashatanAmastotram ..}##\endtitles ##
kailAsashikhare ramye sukhAsInaM jagadgurum |
praNamya parayA bhaktyA pArvatI paripR^ichChati || 1 ||
shrIpArvatyuvAcha \-
tvattaH shrutaM purA deva bhairavasya mahAtmanaH |
nAmnAmaShTottarashataM kakArAdimabhIShTadam || 2 ||
guhyAdguhyataraM guhyaM sarvAbhIShTArthasAdhakam |
tanme vadasva devesha! yadyahaM tava vallabhA || 3 ||
shrIshivovAcha \-
lakShavArasahasrANi vAritA.asi punaH punaH |
strIsvabhAvAnmahAdevi! punastattvaM tu pR^ichChasi || 4 ||
rahasyAtirahasyaM cha gopyAdgopyaM mahattaram |
tatte vakShyAmi deveshi! snehAttava shuchismite || 5 ||
kUrchayugmaM mahAkAla prasIdeti padadvayam |
lajjAyugmaM vahnijAyA rAjarAjeshvaro mahAn || 6 ||

mantraH \-
\ldq{}hrUM hrUM mahAkAla ! prasIda prasIda hrIM hrIM svAhA |\rdq{}
mantragrahaNamAtreNa bhavetsatyaM mahAkaviH |
gadyapadyamayI vANI ga~NgA nirjharaNI yathA ||

viniyogaH \-
OM asya shrIrAjarAjeshvara shrImahAkAla
kakArAdyaShTottarashatanAmamAlAmantrasya shrIdakShiNAkAlikA R^iShiH,
virAT ChandaH, shrImahAkAlaH devatA, hrUM bIjaM, hrIM shaktiH,
svAhA kIlakaM, sarvArthasAdhane pAThe viniyogaH ||

R^iShyAdinyAsaH \-
shrIdakShiNAkAlikA R^iShaye namaH shirasi | virAT Chandase namaH mukhe |
shrImahAkAla devatAyai namaH hR^idi | hrUM bIjAya namaH guhye |
hrIM shaktaye namaH pAdayoH | svAhA kIlakAya namaH nAbhau |
viniyogAya namaH sarvA~Nge ||

karanyAsaH evaM hR^idayAdinyAsaH \-
OM hrAM a~NguShThAbhyAM namaH, hR^idayAya namaH |
OM hrIM tarjanIbhyAM namaH, shirase svAhA |
OM hrUM madhyamAbhyAM namaH, shikhAyai vaShaT |
OM hraiM anAmikAbhyAM namaH, kavachAya hum |
OM hrauM kaniShThikAbhyAM namaH, netratrayAya vauShaT |
OM hraH karatalakarapR^iShThAbhyAM namaH, astrAya phaT ||

dhyAnam \-
koTi kAlAnalAbhAsaM chaturbhujaM trilochanam |
shmashAnAShTakamadhyasthaM muNDAShTakavibhUShitam ||
pa~nchapretasthitaM devaM trishUlaM DamaruM tathA |
khaDgaM cha kharparaM chaiva vAmadakShiNayogataH ||
vishchataM sundaraM dehaM shmashAnabhasmabhUShitam |
nAnAshavaiH krIDamAnaM kAlikAhR^idayasthitam ||
lAlayantaM ratAsaktaM ghorachumbanatatparam |
gR^idhragomAyusaMyuktaM pheravIgaNasaMyutam ||
jaTApaTala shobhADhyaM sarvashUnyAlayasthitam |
sarvashUnyamuNDabhUShaM prasannavadanaM shivam ||

atha stotram |
OM kUM kUM kUM kUM shabdarataH krUM krUM krUM krUM parAyaNaH |
kavikaNThasthitaH kai hrIM hrUM kaM kaM kavi pUrNadaH || 1 ||
kapAlakajjalasamaH kajjalapriyatoShaNaH |
kapAlamAlA.a.abharaNaH kapAlakarabhUShaNaH || 2 ||
kapAlapAtrasantuShTaH kapAlArghyaparAyaNaH |
kadambapuShpasampUjyaH kadambapuShpahomadaH || 3 ||
kulapriyaH kuladharaH kulAdhAraH kuleshvaraH |
kaulavratadharaH karma kAmakelipriyaH kratuH || 4 ||
kalaha hrI.nmantravarNaH kalaha hrI.nsvarUpiNaH |
ka~NkAlabhairavo devaH ka~NkAlabhairaveshvaraH || 5 ||
kAdambarIpAnarataH tathA kAdambarIkalaH |
karAlabhairavAnandaH karAlabhairaveshvaraH || 6 ||
karAlaH kalanAdhAraH kapardIshavarapradaH |
karavIrapriyaprANaH karavIraprapUjanaH || 7 ||
kalAdhAraH kAlakaNThaH kUTasthaH koTarAshrayaH |
karuNaH karuNAvAsaH kautukIkAlikApatiH || 8 ||
kaThinaH komalaH karNaH kR^ittivAsakalevaraH |
kalAnidhiH kIrtinAthaH kAmena hR^idaya~NgamaH || 9 ||
kR^iShNaH kAshIpatiH kaulaH kulachUDAmaNiH kulaH |
kAlA~njanasamAkAraH kAlA~njananivAsanaH || 10 ||
kaupInadhArI kaivartaH kR^itavIryaH kapidhvajaH |
kAmarUpaH kAmagatiH kAmayogaparAyaNaH || 11 ||
kAmasammardanarataH kAmagR^ihanivAsanaH |
kAlikAramaNaH kAlinAyakaH kAlikApriyaH || 12 ||
kAlIshaH kAlikAkAntaH kalpadrumalatAmataH |
kulaTAlApamadhyasthaH kulaTAsa~NgatoShitaH || 13 ||
kulaTAchumbanodyuktaH kulaTAkuchamardanaH |
keralAchAranipuNaH keralendragR^ihasthitaH || 14 ||
kastUrItilakAnandaH kastUrItilakapriyaH |
kastUrIhomasantuShTaH kastUrItarpaNodyataH || 15 ||
kastUrImArjanodyuktaH kastUrIkuNDamajjanaH |
kAminIpuShpanilayaH kAminIpuShpabhUShaNaH || 16 ||
kAminIkuNDasaMlagnaH kAminIkuNDamadhyagaH |
kAminImAnasArAdhyaH kAminImAnatoShitaH || 17 ||
kAmama~njIraraNitaH kAmadevapriyAturaH |
karpUrAmodaruchiraH karpUrAmodadhAraNaH || 18 ||
karpUramAlA.a.abharaNaH kUrparArNavamadhyagaH |
krakasaH krakasArAdhyaH kalApapuShparUpakaH || 19 ||
kushalaH kushalAkarNI kukkurAsa~NgatoShitaH |
kukkurAlayamadhyasthaH kAshmIrakaravIrabhR^it || 20 ||
kUTasthaH krUradR^iShTishcha keshavAsaktamAnasaH |
kumbhInasavibhUShADhyaH kumbhInasavadhodyataH || 21 ||
phalashrutiH \-
nAmnAmaShTottarashataM stutvA mahAkAladevam |
kakArAdi jagadvandyaM gopanIyaM prayatnataH || 1 ||
ya idaM paThate prAptaH trisandhyaM vA paThennaraH |
vA~nChitaM samavApnoti nAtra kAryA vichAraNA || 2 ||
labhate hyachalAM lakShmIM devAnAmapi durlabhAm |
pUjAkAle japAnte cha paThanIyaM visheShataH || 3 ||
yaH paThetsAdhakAdhIshaH kAlIrUpo hi varShataH |
paThedvA pAThayedvApi shR^iNoti shrAvayedapi || 4 ||
vAchakaM toShayedvApi sa bhaved bhairavI tanuH |
pashchimAbhimukhaM li~NgaM vR^iShashUnyaM shivAlayam || 5 ||
tatra sthitvA paThennAmnAM sarvakAmAptaye shive |
bhaumavAre nishIthe cha aShTamyAM vA nishAmukhe || 6 ||
mAShabhaktabaliM ChAgaM kR^isarAnnaM cha pAyasam |
madyaM mInaM shoNitaM cha dugdhaM mudrAguDArdrakam || 7 ||
baliM datvA paThettatra kuberAdadhiko bhavet |
purashcharaNametasya sahasrAvR^ittiruchyate || 8 ||
mahAkAlasamo bhUtvA yaH paThennishi nirbhayaH |
sarvaM hastagataM bhUyAnnAtra kAryA vichAraNA || 9 ||
muktakesho dishAvAsaH tAmbUlapUritAnanaH |
kujavAre madhyarAtrau homaM kR^itvA shmashAnake || 10 ||
pR^ithvIshAkarShaNaM kR^itvA mAtra kAryA vichAraNA |
brahmANDagole deveshi! yA kAchijjagatItale || 11 ||
samastA siddhayo devi! vAchakasya kare sthitA |
bhasmAbhimantritaM kR^itvAgrahaste cha vilepayet || 12 ||
bhasma saMlepanAddevi! sarvagrahavinAshanam |
vandhyA putrapradaM devi! nAtra kAryA vichAraNA || 13 ||
gopanIyaM gopanIyaM gopanIyaM prayatnataH |
svayoniriva goptavyaM na deyaM yasya kasyachit || 14 ||

iti shrImahAkAlakakArAdyaShTottarashatanAmastotraM sampUrNam |

##
Proofread by NA, PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}