% Text title            : Mahakala Kavacham
% File name             : mahAkAlakavacham.itx
% Category              : shiva, kavacha
% Location              : doc\_shiva
% Transliterated by     : Sivakumar Thyagarajan Iyer shivakumar24 at  gmail.com
% Proofread by          : Sivakumar Thyagarajan Iyer, PSA Easwaran
% Description/comments  : Rudrayamala
% Latest update         : December 26, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Mahakala Kavacham ..}##
\itxtitle{.. shrI mahAkAlakavacham ..}##\endtitles ##
OM shrIgaNeshAya namaH |
shrIbhairava uvAcha
atha vakShyAmi deveshi kavacham mantragarbhakam |
mUlamantrasvarUpaM cha vishvama~NgalakAbhidham || 1||
sarvasampatpradaM chaiva mahAkAlasya pArvati |
guhyAtiguhyaparamaM mUlavidyAmayaM dhruvam || 2||
paramArthapradaM nityaM bhogamokShaikakAraNam |
mahAbhayaharaM devi mahaishvaryapradaM shive || 3||
kavachasyAsya deveshi R^iShirbhairava IritaH|
anuShTupChanda ityuktaM mahAkAlashcha devatA || 4||
kUrchabIjaM parAshaktistAraM kIlakamIritam |
dharmArthakAmamokShArthe viniyogaH prakIrtitaH|| 5||
atha dhyAnam |
shyAmavarNaM mahAkAyaM mahAkAlaM trilochanam |
nIlakaNThaM svatejaskaM netratrayavibhUShitam || 6||
khaTvA~NgacharmadharaM devaM varadAbhayapANikam |
shUlahastaM cha khaTvA~NgadhAriNaM mantranAyakam || 7||
pinAkahastaM deveshaM tomaraM bibhrataM vibhum |
prAtaH paThetsahasraM vai bhairavaM tu sadA smaret |
evaM vidhena dhyAnena manasA chintayedvibhum || 8||
atha kavacham |
OM hraM shiraH pAtu me kAlaH lalATe hrIM sadA mama |
hraM kArakaM pratIchyAM me bIjadvayasvarUpiNI || 1||
hrIM pAtu lochanadvandvaM mukhaM hrImbIjarUpiNi |
hrIM kArakaM kaNThadeshe hrIM pAtu skandhayormama || 2||
mahAkAlaH sadA pAtu bhujau savye nasau mama |
hrI~NkAraM hR^IdayaM pAtu hraM me.avyAdudaraM sadA || 3||
hrIM nAbhiM pAtu satataM devI hrI~NkArarUpiNI |
avyAnme li~NgadeshaM cha hrIM rakShedguhyadeshake || 4||
kUrchayugmaM pAtu pAdau svAhA pAdatalaM mama |
shrIShoDashAkSharaH pAtu sarvA~Nge mama sarvadA || 5||
antarvahnishcha mAM pAtu devadattashcha bhairavaH|
nagali~NgAmR^itaprItaH sarvasandhiShu rakShatu || 6||
mahogro mAM sadA pAtu mamendriyasamUhakam |
shivo mamendriyArtheShu rakShayeddakShiNeShvapi || 7||
mahAkAlaH pashchime.avyAddakShiNe devadattakaH|
bhagali~NgAmR^itaM prIto bhagali~NgasvarUpakaH|| 8||
udIchyAmUrdhvagaH pAtu pUrve samhArabhairavaH|
digambaraH shmashAnasthaH pAtu dikShu vidikShu cha || 9||
phalashrutiH |
shatalakShaM prajapto.api tasya mantraM na sidhyati |
sa shAstraj~nAnamApnoti so.achirAnmR^ityumApnuyAt || 10||
mantreNa mriyate yogI rakShayet kavachaM tataH |
trisandhyaM paThanAdasya kavachasya tu pArvati || 11||
siddhayo.aShTau kare tasya mahesha iva chAparaH |
rUpeNa smaratulyeShTo  kAminInAM priyo bhavet || 12||
tasmAdetatsukavachaM na deyaM yasyakasyachit |
bhaktiyuktAya shAntAya dAnashIlAya dhImate || 13||
yo dadAti sushiShyebhyo vashye tasya jagadbhavet |
guhyAdguhyataraM guhyaM mahArudreNa bhAShitam || 14||
ravau bhUrje likhedvarma svayambhUH kusumastrajA |
ku~NkumenAShTagandhena raktena nijaretasA ||| 15||
dhArayanmUrdhni vA bAhau prApnuyAtparamAM gatim |
dhanakAmo labhedvittaM putrakAmo labhetprajAm || 16||
sarvAn ripUn raNe jitvA kalyANI gR^ihamAvishet |
yasya kaNThagataM tasya karasthAH sarvasiddhayaH|| 17||
shrIvishvakavachaM nAma kavachaM na prakAshayet |
rahasyAtirahasyaM cha gopanIyaM svayonivat || 18||

iti shrIrudrayAmale tantre vishvama~NgalaM nAma mahAkAlakavachaM sampUrNam |

##
Encoded by Sivakumar Thyagarajan Iyer shivakumar24 at  gmail.com
Proofread by Sivakumar Thyagarajan Iyer, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}