% Text title            : Maheshvaranityasarvajneti Vyakhyanam
% File name             : maheshvaranityasarvajnetivyAkhyAnam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 3 - jaigIShavyasurasaMvAdaH | 1-56||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Maheshvaranityasarvajneti Vyakhyanam ..}##
\itxtitle{.. maheshvaranityasarvaj~neti vyAkhyAnam ..}##\endtitles ##
jaigIShavyaH \-
shR^iNudhvaM brahmaviShNavAdyAH ( shakraviShNavAjAH)
yanmAnasyamahaitukam (yanmAnasamahetukam) |
nityaM sarvaj~natA tasya devadevasya shUlinaH || 1||
yo vedAntaika (vedAnaika) saMvedyo yaM dhyAyanti mumukShavaH |
yasya niHshvAsapavanA vedAshchatvAra eva hi || 2||
yo brahmaviShNurudrANAM janakaH parameshvaraH |
sUryasya janitA vahneshchandrashakrAnilAtmanAm || 3||
na tasya kAraNaM shambhoH sa sarvasyApi kAraNam |
yaH samArAdhyate vipraiH bhinnabhinna(makhairmantra)kriyadibhiH || 4||
yastvagnIShomajaM sarvaM jagatpAti sanAtanaH |
asa~NgaH sarvabhUteShu nirvikAro vikAriShu || 5||
yaM sUkShmabudhyA pashyanti svahR^idA vItarAgiNaH |
yo dhyAnena japairyaj~naistapasA(.a)nAshakena cha || 6||
sa vetti vedyAnakShANi manovAchAmagocharaH |
yasmAdbhUtAni jAyante yena jIvanti tAnyapi || 7||
yatra lInAni kalpyante (kalpAnte) sa ekaH parameshvaraH |
yastvapANirnira~NghrishchApyachakShushchApyathAshravAH || 8||
(yastvapANirana~Nghrishcha achakShushchApyathAshravAH) || 8||
so.antike sa hi dUrasthaH sa bAhyAbhyantara.api cha |
sasatyaM j~nAnamAnando guNairhInashchanirguNaH || 9||
sa svatantrashcha (su)pUrNashcha tena pUrNamidaM jagat |
sa nityashchetanAnAM cha patInAM patirIshvaraH || 10||
yastvekaH sR^ijatIshAnaH charAcharamidaM jagat |
yathorNanAbhistantUnvai sR^ijate grasate.api cha || 11||
yasya rUpAparij~nAnAddehamAtmeti manyate |
yasya rUpAparij~nAnAnmana Atmeti manyate || 12||
yasya rUpAparij~nAnAtkhAnichAtmeti manyate |
yasya rUpAparij~nAnAdbhUtAnyAtmeti manyate || 13||
yasya rUpAparij~nAnAtsarvamAtmeti manyate |
yasyAkAshashsharIraM hi chAkAsho naiva vettitam || 14||
yasya bhUmissvarUpaM hi taM bhUmirnaiva vetti hi |
yo manashchakShurAdInAM niyantA parameshvara || 15||
yasya bhAsA jagadbhAti sashakrAnalavAyavaH |
bhItyAbhAnti cha vAntyeva chetanAnAM sachetanaH || 16||
yasya mAyAvilasitaM jagatsthAvaraja~Ngamam |
sa mAyIparameshAnastenAvasyamidaM jagat || 17||
yo.asharIro hyali~Ngashcha yamibhiH paridR^ishyate |
yasya vij~nAnamAtreNa sarvaM vij~nAtameva hi || 18||
j~nAnamAtmA tvahaM brahma (mahadbrahmA) j~nAnaM shAntiranuttamA |
sa ekaH paramAtmA hi neha nAnAsti ki~nchana || 19||
sa eko j~nAnavAnIsha IshanIbhissa Ishate |
eka eva mahArudraH puruSho vishvatomukhaH || 20||
tamekaM jAnatAtmAnaM tyaktavAnyattadidaM jagat |
yajj~nAnAddhR^idayagranthibhedanaM jAyate nR^iNAm || 21||
yasyaikatvaM hi vij~nAya shokaM tarati mAnavaH |
sa eva jyotiShAM jyotiH sa eva tapasAntapaH || 22||
sa ekassarvabhUteShu bahudhA bhAti mAyayA |
yo jAgratasvanaturyAbhirgUDho(rguhA)tmA na prakAshate || 23||
yo dR^ishyassUkShmayA budhyA (buddhyA) tatprasAdena kevalam |
tapasA veditavyassa (veditavyashcha) nAnyathA karmakoTibhiH || 24||
yo vedAdau svaraH prokto vedAnteShu pratiShThitaH |
sa IshAno.adhividyAnAM pAradR^ishvA sanAtanaH || 25||
yo bhUtasa~Nghesupte.api jAgartIsho maheshvaraH |
yasmAtprANo mano jaj~ne sa hi nAtyeti ki~nchana || 26||
yo jyotirjyotiShAM devo vishvAtmA vishvato mukhaH |
yo bhUmimatyatiShThachcha yasmAdbrahmANi jaj~nire || 27||
yato brahmeshaviShNvindrAH saha devaishcha jaj~nire |
yo brahma brahmavichchApi (brahmA viShNurudrau) chAtra brahmA samashnute || 28||
eSha brahmaiSha viShNushcha eSha devo virAjate |
eSha bhUtapatirdava(vo)) eSha seturvidhAraNaH || 29||
ekameva mahAdevamindramitradibhissuraiH |
nAmarUpaguNaishchaiva mAyayA manyate janaH || 30||
idaM jagatpurA sR^iShTvA tasminprAvishadIshvaraH |
vyAkurvannAmarUpe tu vyavahArIva bhAsate || 31||
puruShoyaHparassUkShmobhoktAbhojya~nchayassadA |
yo.akhilo vishvanetA cha yasmAnnAnyatparAyaNam || 32||
asharIro.avyayAtmAyashchAshIrNo(yaH asharIrI)hyavinAshakaH |
yomAyayA sharIrasthastadvIryairnai(rNai)valipyate || 33||
bhogIva bhAsate devo hyannapAnAdibhogabhAk |
yashcha sarvendriyAtItassarveShAmapi bhAsakaH || 34||
yo.avyaktovyaktatAmetya jagatpuShNAti lIlayA |
yo.avidyayAsaMsarati vidyAcha pramuchyate || 35||
yo(.a)nAdhAro.akhilAdhArassvemahimnipratiShThitaH |
yaMshR^iNvanto(.a)pi vedAntairguhyaM muhyanti yatayassurAH || 36||
yastvenaMvR^iNu(Na)te devAstasyaivAtmAprakAshate |
ya AtmA sarvabhUtastho jaDAnAM viduShAmapi || 37||
yo jagajjanmamaraNairashIryo nahi shIryate |
yohyAgatairduHkhasa~NghaiH sukhairvA spR^ishyate na hi || 38||
yasminj~nAte.akhilaM j~nAtaM na ki~nchidavashiShyate |
yamavij~nAyavishveshaM duHkhAntannAdhigachChati || 39||
yo(.a)sa~NgaHpuruShonityassthANuvannishchalo.aguNaH |
yo na jIvashshivashchApi chA(a)nyopAdhivivarjitaH || 40||
pa~nchakoshAtigohyAtmA sadAnandaghanassukham |
eko.advayastR^itIyashcha (eko.advitIyashcha) na vai sa devo bahudhA vibhuH || 41||
yo(.a)ntike sa hi dUrasthastenAvAsyamidaM surAH |
sa bhUmA paramAnanda ArtameThajjagatsurAH || 42||
tajjaM tallaM cha tadanaM jagadetatprakAshate |
yastamaHpArago nityaM manovAchAmagocharaH || 43||
yasyaiva shaktirvividhA svabhAvAjj~nAnadA surAH |
sa eSha paramAnandassadasatpakShavarjitaH || 44||
li~NgahInassadA.asa~Ngoyo vedAntaikagocharaH |
dR^ishyate tvagnyayA budhyA sUkShamayA sUkShadarshibhiH || 45||
muktaye dehi(ha) sa~NghAnAM sulabho vyaktatAM gataH |
triNetro nIlakaNThashchomAdehArdhavigrahaH || 46||
krIDatepramathAdhIsho herambaskandaputravAn |
sarvAvAso.api bhagavAnkailAsAchalamAsthitaH || 47||
yasya li~NgArchanenaiva trailokyashrIravApyate |
yasya prasAdAdviShNutvaM tvayA prApataM sudarshanam || 48||
brahmaNassR^iShTisAmarthyamindrasyApyarinigrahaH |
devarAjyaM bhogabhogyaM sarvamaishAdanugrahAt || 49||
na tatra sUryodevesho bhAti chandro na chAnalaH |
bhItyAbhAnticha sarve.apiso.antarApuruShoharaH || 50||
hiraNyabAhurIshAno hiraNyapatirIshvaraH |
karmadivAssarva eva brahmaviShNumaheshvarAH || 51||
yasyAj~nAvartinassarve sarveShA~NkAraNaM shivaH |
brahmaNashchashirashChinnaM devadevena lIlayA || 52||
indrasyAsyabhujastambho yenAkAri dayAlunA |
yasya bhaktasya shApena dashajanmAni te hare || 53||
saukaraM nArasihmaM te rUpaM saMshikShitaM harAt |
sarvaM jAnAmiteviShNo brahmanshakragatavyathAH || 54||
yUyaM hi prashavo.aj~nAnajR^imbhitAH pashupassahi |
gachChantvadya yathAkAmaM mAdR^ikShenAstidhR^iShTa(ShR^i)tA || 55||
bhavanto devatAssarve tvahaMsharvapadAshrayaH | 56(1)

|| iti shivarahasyAntargate mAheshvarAkhye maheshvaranityasarvaj~netivyAkhyAnam ||

\- || shrIshivarahasyam | mAheshvarAkhyaH prathamAMshaH | adhyAyaH 3 \- jaigIShavyasurasaMvAdaH | 1\-56||
##
- .. shrIshivarahasyam . mAheshvarAkhyaH prathamAMshaH . adhyAyaH 3 - jaigIShavyasurasaMvAdaH . 1-56..

Notes:
Jaigīṣavya ##jaigIShavya##, on being requested by Viśṇu ##viShNu##, Indra ##indra ## et al Deva-s ##devAH## ; discourses about the Oneness and Supremacy of Maheśvara ##maheshvara##.
Shloka numbering differs amongst the referenced source texts on account of missing shlokas in one of them.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}