% Text title : Maheshvara Stutih % File name : maheshvarastutiH.itx % Category : shiva % Location : doc\_shiva % Transliterated by : Ruma Dewan % Proofread by : Ruma Dewan % Description/comments : Lingapurana || pUrvabhAgaH | adhyAyaH 21| 2\-91|| % Latest update : March 27, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Maheshvara Stutih ..}## \itxtitle{.. maheshvarastutiH ..}##\endtitles ## (sUta uvAcha brahmANamagrataH kR^itvA tataH sa garuDadhvajaH | atItaishcha bhaviShyaishcha vartamAnaistathaiva cha || 1|| nAmabhishChAndasaishchaiva idaM stotramudIrayet |) shrIviShNuruvAcha | namastubhyaM bhagavate suvratAnantatejase || 2|| namaH kShetrAdhipataye bIjine shUline namaH | sumeNDhrAyArchyameNDhrAya daNDine rUkSharetase || 3|| namo jyeShThAya shreShThAya pUrvAya prathamAya cha | namo mAnyAya pUjyAya sadyojAtAya vai namaH || 4|| gahvarAya ghaTeshAya vyomachIrAmbarAya cha | namaste hyasmadAdInAM bhUtAnAM prabhave namaH || 5|| vedAnAM prabhave chaiva smR^itInAM prabhave namaH | prabhave karmadAnAnAM dravyANAM prabhave namaH || 6|| namo yogasya prabhave sA~Nkhyasya prabhave namaH | namo dhruvanibaddhAnAmR^iShINAM prabhave namaH || 7|| R^ikShANAM prabhave tubhyaM grahANAM prabhave namaH | vaidyutAshanimeghAnAM garjitaprabhave namaH || 8|| mahodadhInAM prabhave dvIpAnAM prabhave namaH | adrINAM prabhave chaiva varShANAM prabhave namaH || 9|| namo nadInAM prabhave nadAnAM prabhave namaH | mahauShadhInAM prabhave vR^ikShANAM prabhave namaH || 10|| dharmavR^ikShAya dharmAya sthitInAM prabhave namaH | prabhave cha parArdhasya parasya prabhave namaH || 11|| namo rasAnAM prabhave ratnAnAM prabhave namaH | kShaNAnAM prabhave chaiva lavAnAM prabhave namaH || 12|| ahorAtrArdhamAsAnAM mAsAnAM prabhave namaH | R^itUnAM prabhave tubhyaM sa~NkhyAyAH prabhave namaH || 13|| prabhave chAparArdhasya parArdhaprabhave namaH | namaH purANaprabhave sargANAM prabhave namaH || 14|| manvantarANAM prabhave yogasya prabhave namaH | chaturvidhasya sargasya prabhave.anantachakShuShe || 15|| kalpodayanibandhAnAM vArtAnAM prabhave namaH | namo vishvasya prabhave brahmAdhipataye namaH || 16|| vidyAnAM prabhave chaiva vidyAdhipataye namaH | namo vratAdhipataye vratAnAM prabhave namaH || 17|| mantrANAM prabhave tubhyaM mantrAdhipataye namaH | pitR^INAM pataye chaiva pashUnAM pataye namaH || 18|| vAgvR^iShAya namastubhyaM purANavR^iShabhAya cha | namaH pashUnAM pataye govR^iShendradhvajAya cha || 19|| prajApatInAM pataye siddhInAM pataye namaH | daityadAnavasa~NghAnAM rakShasAM pataye namaH || 20|| gandharvANAM cha pataye yakShANAM pataye namaH | garuDoragasarpANAM pakShiNAM pataye namaH || 21|| sarvaguhyapishAchAnAM guhyAdhipataye namaH | gokarNAya cha goptre cha sha~NkukarNAya vai namaH || 22|| varAhAyAprameyAya R^ikShAya virajAya cha | namo surANAM pataye gaNAnAM pataye namaH || 23|| ambhasAM pataye chaiva ojasAM pataye namaH | namo.astu lakShmIpataye shrIpAya kShitipAya cha || 24|| balAbalasamUhAya akShobhyakShobhaNAya cha | dIptashR^i~NgaikashR^i~NgAya vR^iShabhAya kakudmine || 25|| namaH sthairyAya vapuShe tejasAnuvratAya cha | atItAya bhaviShyAya vartamAnAya vai namaH || 26|| suvarchase cha vIryAya shUrAya hyajitAya cha | varadAya vareNyAya puruShAya mahAtmane || 27|| namo bhUtAya bhavyAya mahate prabhavAya cha | janAya cha namastubhyaM tapase varadAya cha || 28|| aNave mahate chaiva namaH sarvagatAya cha | namo bandhAya mokShAya svargAya narakAya cha || 29|| namo bhavAya devAya ijyAya yAjakAya cha | pratyudIrNAya dIptAya tattvAyAtiguNAya cha || 30|| namaH pAshAya shastrAya namastvAbharaNAya cha | hutAya upahUtAya prahutaprAshitAya cha || 31|| namo.astviShTAya pUrtAya agniShTomadvijAya cha | sadasyAya namashchaiva dakShiNAvabhR^ithAya cha || 32|| ahiMsAyApralobhAya pashumantrauShadhAya cha | namaH puShTipradAnAya sushIlAya sushIline || 33|| atItAya bhaviShyAya vartamAnAya te namaH | suvarchase cha vIryAya shUrAya hyajitAya cha || 34|| varadAya vareNyAya puruShAya mahAtmane | namo bhUtAya bhavyAya mahate chAbhayAya cha || 35|| jarAsiddha namastubhyamayase varadAya cha | adhare mahate chaiva namaH sastupatAya cha || 36|| namashchendriyapatrANAM lelihAnAya sragviNe | vishvAya vishvarUpAya vishvataH shirase namaH || 37|| sarvataH pANipAdAya rudrAyApratimAya cha | namo havyAya kavyAya havyavAhAya vai namaH || 38|| namaH siddhAya medhyAya iShTAyejyAparAya cha | suvIrAya sughorAya akShobhyakShobhaNAya cha || 39|| suprajAya sumedhAya dIptAya bhAskarAya cha | namo buddhAya shuddhAya vistR^itAya matAya cha || 40|| namaH sthUlAya sUkShmAya dR^ishyAdR^ishyAya sarvashaH | varShate jvalate chaiva vAyave shishirAya cha || 41|| namaste vakrakeshAya UruvakShaHshikhAya cha | namo namaH suvarNAya tapanIyanibhAya cha || 42|| virUpAkShAya li~NgAya pi~NgalAya mahaujase | vR^iShTighnAya namashchaiva namaH saumyekShaNAya cha || 43|| namo dhUmrAya shvetAya kR^iShNAya lohitAya cha | pishitAya pisha~NgAya pItAya cha niSha~NgiNe || 44|| namaste savisheShAya nirvisheShAya vai namaH | nama IjyAya pUjyAya upajIvyAya vai namaH || 45|| namaH kShemyAya vR^iddhAya vatsalAya namonamaH | namo bhUtAya satyAya satyAsatyAya vai namaH || 46|| namo vai padmavarNAya mR^ityughnAya cha mR^ityave | namo gaurAya shyAmAya kadrave lohitAya cha || 47|| mahAsandhyAbhravarNAya chArudIptAya dIkShiNe | namaH kamalahastAya digvAsAya kapardine || 48|| apramANAya sarvAya avyayAyAmarAya cha | namo rUpAya gandhAya shAshvatAyAkShatAya cha || 49|| purastAdbR^iMhate chaiva vibhrAntAya kR^itAya cha | durgamAya maheshAya krodhAya kapilAya cha || 50|| tarkyAtarkyasharIrAya baline raMhasAya cha | sikatyAya pravAhyAya sthitAya prasR^itAya cha || 51|| sumedhase kulAlAya namaste shashikhaNDine | chitrAya chitraveShAya chitravarNAya medhase || 52|| chekitAnAya tuShTAya namaste nihitAya cha | namaH kShAntAya dAntAya vajrasaMhananAya cha || 53|| rakShoghnAya viShaghnAya shitikaNThordhvamanyave || lelihAya kR^itAntAya tigmAyudhadharAya cha || 54|| pramodAya sammodAya yativedyAya te namaH | anAmayAya sarvAya mahAkAlAya vai namaH || 55|| praNavapraNaveshAya bhaganetrAntakAya cha | mR^igavyAdhAya dakShAya dakShayaj~nAntakAya cha || 56|| sarvabhUtAtmabhUtAya sarveshAtishayAya cha | puraghnAya sushastrAya dhanvine.atha parashvadhe || 57|| pUShadantavinAshAya bhaganetrAntakAya cha | kAmadAya variShThAya kAmA~NgadahanAya cha || 58|| ra~Nge karAlavakrAya nAgendravadanAya cha | daityAnAmantakeshAya daityAkrandakarAya cha || 59|| himaghnAya cha tIkShNAya ArdracharmadharAya cha | shmashAnaratinityAya namo.astUlmukadhAriNe || 60|| namaste prANapAlAya muNDamAlAdharAya cha | prahINashokairvividhairbhUtaiH parivR^itAya cha || 61|| naranArIsharIrAya devyAH priyakarAya cha | jaTine muNDine chaiva vyAlayaj~nopavItine || 62|| namo.astu nR^ityashIlAya upanR^ityapriyAya cha | manyave gItashIlAya munibhirgAyate namaH || 63|| kaTa~NkaTAya tigmAya apriyAya priyAya cha | vibhIShaNAya bhIShmAya bhagapramathanAya cha || 64|| siddhasa~NghAnugItAya mahAbhAgAya vai namaH | namo muktATTahAsAya kShveDitAsphoTitAya cha || 65|| nardate kUrdate chaiva namaH pramuditAtmane | namo mR^iDAya shvasate dhAvate.adhiShThite namaH || 66|| dhyAyate jR^imbhate chaiva rudate dravate namaH | valgate krIDate chaiva lambodarasharIriNe || 67|| namo.akR^ityAya kR^ityAya muNDAya kIkaTAya cha | nama unmattadehAya ki~NkiNIkAya vai namaH || 68|| namo vikR^itaveShAya krUrAyAmarShaNAya cha | aprameyAya goptre cha dIptAyAnirguNAya cha || 69|| vAmapriyAya vAmAya chUDAmaNidharAya cha | namastokAya tanave guNairapramitAya cha || 70|| namo guNyAya guhyAya agamyagamanAya cha | lokadhAtrI tviyaM bhUmiH pAdau sajjanasevitau || 71|| sarveShAM siddhiyogAnAmadhiShThAnaM tavodaram | madhye.antarikShaM vistIrNaM tArAgaNavibhUShitam || 72|| svAteH patha ivAbhAti shrImAn hArastavorasi | disho dashabhujAstubhyaM keyUrA~NgadabhUShitAH || 73|| vistIrNapariNAhashcha nIlA~njanachayopamaH | kaNThaste shobhate shrImAn hemasUtravibhUShitaH || 74|| daMShTrAkarAlaM durdharShamanaupamyaM mukhaM tathA | padmamAlAkR^itoShNIShaM shiro dyauH shobhate.adhikam || 75|| dIptiH sUrye vapushchandre sthairyaM shaile.anile balam | auShNyamagnau tathA shaityamapsu shabdo.ambare tathA || 76|| akSharAntaraniShpandAdguNAnetAnvidurbudhAH | japo japyo mahAdevo mahAyogo maheshvaraH || 77|| pureshayo guhAvAsI khecharo rajanIcharaH | taponidhirguhagururnandano nandavardhanaH || 78|| hayashIrShA payodhAtA vidhAtA bhUtabhAvanaH | boddhavyo bodhitA netA durdharSho duShprakampanaH || 79|| bR^ihadratho bhImakarmA bR^ihatkIrtirdhana~njayaH | ghaNTApriyo dhvajI ChatrI pinAkI dhvajinIpatiH || 80|| kavachI pATTishI khaDgI dhanurhastaH paramashvadhI | aghasmaro.anaghaH shUro devarAjo.arimardanaH || 81|| tvAM prasAdya purAsmAbhirdviShanto nihatA yudhi | agniH sadArNavAnambhastvaM pibannapi na tR^ipyase || 82|| krodhAkAraH prasannAtmA kAmadaH kAmagaH priyaH | brahmachArI chAgAdhashcha brahmaNyaH shiShTapUjitaH || 83|| devAnAmakShayaH koshastvayA yaj~naH prakalpitaH | havyaM tavedaM vahati vedoktaM havyavAhanaH | prIte tvayi mahAdeva vayaM prItA bhavAmahe || 84|| bhavAnIsho.anAdimAMstvaM cha sarvalokAnAM tvaM brahmakartAdisargaH | sA~NkhyAH prakR^iteH paramaM tvAM viditvA kShINadhyAnAstvAmamR^ityuM vishanti || 85|| yogAshcha tvAM dhyAyino nityasiddhaM j~nAtvA yogAn santyajante punastAn | ye chApyanye tvAM prasannA vishuddhAH svakarmabhiste divyabhogA bhavanti || 86|| aprasa~Nkhyeyatattvasya yathA vidmaH svashaktitaH | kIrtitaM tava mAhAtmyamapArasya mahAtmanaH || 87|| shivo no bhava sarvatra yo.asi so.asi namo.astu te | sUta uvACha | ya idaM kIrtayedbhaktyA brahmanArAyaNastavam || 88|| shrAvayedvA dvijAn vidhvAn shR^iNuyAdvA samAhitaH | adhvamedhAyutaM kR^itvA yatphalaM tadavApnuyAt || 89|| pApAchAro.api yo martyaH shR^iNuyAchChivasannidhau | japedvApi vinirmukto brahmalokaM sa gachChati || 90|| shrAddhe vA daivike kArye yaj~ne vAvabhR^ithAntike | kIrtayedvA satAM madhye sa yAti brahmaNo.antikam || 91|| iti shrIli~NgamahApurANe pUrvabhAge brahmaviShNustutirnAmaikaviMsho.adhyAyAntargatA shrIviShNukR^itA maheshvarastutiH sampUrNA | || li~NgapurANaM || pUrvabhAgaH | adhyAyaH 21| 2\-91|| ## Encoded and proofread by Ruma Dewan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}