% Text title            : mRitasanjIvana stotram
% File name             : mrtyusanjiivana.itx
% Category              : kavacha, shiva, stotra, gaNapati-muni
% Location              : doc\_shiva
% Author                : vasiShThamunI
% Transliterated by     : Subramanian Ganesh sgesh at hotmail.com
% Proofread by          : Subramanian Ganesh sgesh at hotmail.com NA
% Latest update         : March 15, 2001, January 20, 2009
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. mRitasanjIvana stotram  ..}##
\itxtitle{.. mR^itasa~njIvanastotram ..}##\endtitles ##
evamArAdhya gaurIshaM devaM mR^ityu~njayeshvaram |
mR^itasa~njIvanaM nAmnA kavachaM prajapetsadA || 1||
sArAtsArataraM puNyaM guhyAdguhyataraM shubham |
mahAdevasya kavachaM mR^itasa~njIvanAbhidham || 2|| ##var ## nAmakam
samAhitamanA bhUtvA shR^iNuShva kavachaM shubham |
shR^itvaitaddivya kavachaM rahasyaM kuru sarvadA || 3||
varAbhayakaro yajvA sarvadevaniShevitaH |
mR^ityu~njayo mahAdevaH prAchyAM mAM pAtu sarvadA || 4||
dadhAnaH shaktimabhayAM trimukhaM ShaDbhujaH prabhuH |
sadAshivo.agnirUpI mAmAgneyyAM pAtu sarvadA || 5||
aShTAdashabhujopeto daNDAbhayakaro vibhuH |
yamarUpI mahAdevo dakShiNasyAM sadA.avatu || 6||
khaDgAbhayakaro dhIro rakShogaNaniShevitaH |
rakShorUpI mahesho mAM nairR^ityAM sarvadA.avatu || 7||
pAshAbhayabhujaH sarvaratnAkaraniShevitaH |
varUNAtmA mahAdevaH pashchime mAM sadA.avatu || 8||
gadAbhayakaraH prANanAyakaH sarvadAgatiH |
vAyavyAM mArutAtmA mAM sha~NkaraH pAtu sarvadA || 9||
sha~NkhAbhayakarastho mAM nAyakaH parameshvaraH |
sarvAtmAntaradigbhAge pAtu mAM sha~NkaraH prabhuH || 10||
shUlAbhayakaraH sarvavidyAnamadhinAyakaH |
IshAnAtmA tathaishAnyAM pAtu mAM parameshvaraH || 11||
UrdhvabhAge brahmarUpI vishvAtmA.adhaH sadA.avatu |
shiro me sha~NkaraH pAtu lalATaM chandrashekharaH || 12||
bhrUmadhyaM sarvalokeshastrinetro lochane.avatu |
bhrUyugmaM girishaH pAtu karNau pAtu maheshvaraH || 13||
nAsikAM me mahAdeva oShThau pAtu vR^iShadhvajaH |
jihvAM me dakShiNAmUrtirdantAnme girisho.avatu || 14||
mR^ituy~njayo mukhaM pAtu kaNThaM me nAgabhUShaNaH |
pinAkI matkarau pAtu trishUlI hR^idayaM mama || 15||
pa~nchavaktraH stanau pAtu udaraM jagadIshvaraH |
nAbhiM pAtu virUpAkShaH pArshvau me pArvatIpatiH || 16||
kaTidvayaM girIsho me pR^iShThaM me pramathAdhipaH |
guhyaM maheshvaraH pAtu mamorU pAtu bhairavaH || 17||
jAnunI me jagaddhartA ja~Nghe me jagadambikA |
pAdau me satataM pAtu lokavandyaH sadAshivaH || 18||
girishaH pAtu me bhAryAM bhavaH pAtu sutAnmama |
mR^ityu~njayo mamAyuShyaM chittaM me gaNanAyakaH || 19||
sarvA~NgaM me sadA pAtu kAlakAlaH sadAshivaH |
etatte kavachaM puNyaM devatAnAM cha durlabham || 20||
mR^itasa~njIvanaM nAmnA mahAdevena kIrtitam |
sahasrAvartanaM chAsya purashcharaNamIritam || 21||
yaH paThechChR^iNuyAnnityaM shrAvayetsusamAhitaH |
sa kAlamR^ityuM nirjitya sadAyuShyaM samashnute || 22||
hastena vA yadA spR^iShTvA mR^itaM sa~njIvayatyasau |
Adhayo vyAdhayastasya na bhavanti kadAchana || 23||
kAlamR^ityumapi prAptamasau jayati sarvadA |
aNimAdiguNaishvaryaM labhate mAnavottamaH || 24||
yuddhArambhe paThitvedamaShTAviMshativArakam |
yuddhamadhye sthitaH shatruH sadyaH sarvairna dR^ishyate || 25||
na brahmAdIni chAstrANi kShayaM kurvanti tasya vai |
vijayaM labhate devayuddhamadhye.api sarvadA || 26||
prAtarutthAya satataM yaH paThetkavachaM shubham |
akShayyaM labhate saukhyamiha loke paratra cha || 27||
sarvavyAdhivinirmR^iktaH sarvarogavivarjitaH |
ajarAmaraNo bhUtvA sadA ShoDashavArShikaH || 28||
vicharatyakhilA.NlokAnprApya bhogAMshcha durlabhAn |
tasmAdidaM mahAgopyaM kavachaM samudAhR^itam || 29||
mR^itasa~njIvanaM nAmnA devatairapi durlabham || 30||##Only one line##

|| iti shrIvasiShThapraNitaM mR^itasa~njIvana stotraM sampUrNam ||
##
Encoded by Subramanian Ganesh

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}