% Text title            : Narmadalinga or Banalinga Mahima Varnanam by Sadashiva
% File name             : nArmadalingabANalingamahimavarNanamsadAshivaproktam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 10||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Narmadalinga or Banalinga Mahima Varnanam by Sadashiva ..}##
\itxtitle{.. sadAshivaproktaM nArmadali~Nga athavA bANali~Nga mahimavarNanam ..}##\endtitles ##
devI \-
trilokItilaka svAmintilakasvAmisupriya |
o~NkArakuNDali~NgAnAM bANali~NgatvatA katham || 1||
vaktumarhasi devesha lokAnAM hitakAmyayA |
tadA devyA vachaH shrutvA santuShTaH prAha sha~NkaraH || 2||
sUtaH \-
utphullanIlotpalanIlasundarImumAM tadAli~Ngaya mudA sadAshivaH |
babhANa bANottamasatkathAM dvijAH sarvArthadAtrIM sakalAghahantrIm || 3||
sadAshivaH  \-
shrR^iNu devi mahAbhAge kathAmetAM manoramAm |
ga~NgAyA narmadAyAshcha vivAdaH sumahAnabhUt || 4||
tatsarvaM vistareNaiva tvayi sarvaM prakIrtitam |
avimukte vasAmIti nityaM sAnnidhyade mayA || 5||
ga~NAyai cha varo datto narmadAyai maheshvari |
sikatA yAH shilAH sarvAH tAni li~NgAni nimnage || 6||
tvadantargatamevAdya kuNDamo~NkArasa~nj~nitam |
ga~NgAyAM vishvanAthAkhyali~NgAkR^itirahaM sthitaH || 7||
tvattIre narmade li~Ngamo~NkAraM parameshvaram |
talli~NgarUpaH satataM nivasAmi taTe tava || 8||
draShTR^iNAM sarvapApAni nAshayAmi na saMshayaH |
amaraiH pUjitaM yasmAdamareshvaramuchyate || 9||
tvaM li~NgamaNDalAkrAntA bhaviShyasi saridvare |
o~NkAre cha bhR^igukShetre narmadAvarasa~Ngame || 10||
sarvatra sulabhA revA triShu sthAneShu durlabhA |
tvalli~NgaM sarvabhAvena pUjitaM sarvakAmadam || 11||
iti tasyai varo datto narmadAyai manorame |
tAni li~NgAni sarvANi bANasampUjitAni hi || 12||
darshanAtsparshanAdgauri puNyadAni na saMshayaH |
nArmade ye mahAli~Nge nIraM vA patramekakam || 13||
dadyAt sa mukto bhavati trinetrapriyakR^ittamaH |
na samprokShaNasaMskAro na pratiShThA hi pArvati || 14||
nAvAhanaM na pUjAdividhiH syAttatra sha~Nkari |
sapIThaM muktapIThaM vA narmadAli~Ngamarchayet || 15||
spR^iShTAspR^iShTaM na tasyAsti nityaM sAnnidhyadaM mama |
talli~Nge mama bhaktaishcha yaddattaM lIlathA.api cha || 16||
bilvapatraM tathA nIraM phalaM vA kandameva vA |
gR^ihNAmi shirasA tachcha tasmai muktiM dadAmyam || 17||
vimarsho na cha kartavyo nArmade parameshvari |
anyAni sarvali~NgAni pratiShThAprokShaNAdibhiH || 18||
saMskR^itAni visheSheNa pUjyAnIti matiH shive |
mR^illi~NgAddhAtuli~NgAni ratnajAni maheshvari || 19||
sphATikAdIni puNyAni chandrakAntodbhavAni cha |
sthAvarANi cha sarvANi ja~NgamAni visheShataH || 20||
mahApAradaklR^iptAni li~NgAnyatyuttamAni cha |
tebhyo vishiShTametaddhi nArmadaM sharmadaM mama || 21||
nArmadaM li~Ngamabhyarchya sthAvarArchAphalaM labhet |
yastu pashyati puNyAtmA sthAvaraM li~Ngamaishvaram || 22||
nityaM cha niyamopetaH pApaiH sarvaiH pramuchyate |
sa nArmadaM mahAli~NgaM dR^iShTvA tatphalamApnuyAt || 23||
pUjite nArmade li~Nge sarvali~NgArchanAphalam |
prApnuyAnniyataM gauri satyametanmayochyate || 24||
shAvAchauche sUtake.api bANali~NgaM samarchayet |
nityaM li~NgArchanaphalaM yasmin klR^iptaM tadApnuyAt || 25||
nAtaH parataraM li~NgaM prashastaM parameshvari |
asminsampUjite dR^iShTe mahApApakShayo bhavet || 26||
yadgR^ihe bANali~NgaM syAt shivakShetraM hi tatsmR^itam |
tatraiva maraNAjjanturapi kITapipIlikam || 27||
malloke nivaseddevi punarAvR^ittidurlabham |
bANali~NgaM na yasyAsti gR^ihe bilvadalArchitam || 28||
na tadgehe jalaM grAhyamannaM vA vaidikottamaiH |
yadgR^ihe bANali~NgArchA sa muniH sa cha paNDitaH || 29||
teneShTAH sakalA yaj~nA vedAdhItAshcha tena vai |
tenorvareyaM dattA syAt sashailavanakAnanA || 30||

|| iti shivarahasyAntargate sadAshivaproktaM nArmadali~Nga athavA bANali~Nga mahimavarNanaM sampUrNam ||

\- || shrIshivarahasyam | bhargAkhyaH pa~nchamAMshaH | adhyAyaH 10||
##
- .. shrIshivarahasyam . bhargAkhyaH panchamAMshaH . adhyAyaH 10..
Notes:
Sadashiva describes to Devi, the glory and merits of worshipping Narmada-Linga (found in the riverbed of Narmada) that are also known as Banalinga (being named after the Asura Bana who worshipped these lingas). Sadashiva describes the location of Omkareshwara and Amreshwara lingas; and further iterates that the home where Banalinga is worshipped is equivalent to a Shiva Kshetra.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}