श्रीनीलकण्ठस्तवः
नमो भूतनाथं नमो देवदेवं
नमः कालकालं नमो दिव्यतेजः ।
नमः कालभस्मं नमः शान्तशीलं
भजे पार्वतीवल्लभं नीलकण्ठम् ॥ १॥
सदा तीर्थसिद्धं सदा भक्तरक्षं
सदा शैवपूज्यं सदा शुभ्रभस्मम् ।
सदा ध्यानयुक्तं सदा ज्ञानतल्पं
भजे पार्वतीवल्लभं नीलकण्ठम् ॥ २॥
श्मशाने शयानं महास्थानवासं
शरीरं गजानां सदा चर्मवेष्टम् ।
पिशाचा(आदिनाथं)पशूनां प्रतिष्ठं
भजे पार्वतीवल्लभं नीलकण्ठम् ॥ ३॥
फणीनागकुण्ठे(कण्ठं)भुजङ्गाद्यनेकं(ङ्गभूषं)
गले रुण्डमालं महावीरशूरम् ।
कटिव्याघ्रचर्माञ्चिताभस्मलेपं
भजे पार्वतीवल्लभं नीलकण्ठम् ॥ ४॥
शिरश्शुद्धगङ्गं शिवावामभागं
वियद्दीर्घकेशं सदा मां(सहोमं)त्रिनेत्रम् ।
फणीनागकर्णं सदास्भालचन्द्रं
भजे पार्वतीवल्लभं नीलकण्ठम् ॥ ५॥
करे शूलधारं मरा(महा)कष्टनाशं
सुरेशं परेशं महेशं जनेशम् ।
धने चारु ईशं(धनेशस्यमित्रं)ध्वजेशं गिरीशं
भजे पार्वतीवल्लभं नीलकण्ठम् ॥ ६॥
उदासं सुदासं सुकैलासवासं
धरानिर्झरे संस्थितं ह्यादिदेवम् ।
अजं हेमकल्पद्रुमं कल्पसेव्यं
भजे पार्वतीवल्लभं नीलकण्ठम् ॥ ७॥
मुनीनां वरेण्यं गुणं रूपवर्णं (?)
द्विजा सम्पठन्तं (द्विजैः स्तूयमानं)शिवं वेदशास्त्रैः ।
अहो दीनवत्सं कृपालुं शिवं हि(तं)
भजे पार्वतीवल्लभं नीलकण्ठम् ॥ ८॥
सदा भावनाथं सदा सेव्यमानं
सदा भक्तिदेवं सदा पूज्यमानम् ।
महातीर्थवासं सदा सेव्यमेकं
भजे पार्वतीवल्लभं नीलकण्ठम् ॥ ९॥
॥ इति श्रीनीलकण्ठस्तवः सम्पूर्णः ॥
Proofread by Aruna Narayanan